Ano ang opinyon mo sa paggamit ng Filipino bilang wikang panturo?
Sa paggamit ba ng wikang Filipino matatamo ng mga mag-aaral ang karunungan?
Ang opinyon ko sa paggamit ng Filipino bilang wikang panturo ay
maaaring mapaunlad at mapabuti nito ang ating wika pati na rin ang edukasyon. Mapapaunlad nito ang ating wika sapagkat ito ay lubos nang magagamit ng mga mag-aaral dahil sa panahon ngayon ay karamihan na ng mga paksa sa pag-aaral ay Ingles na ang ginagamit. Pati na ang edukasyon ay mapapabuti nito dahil maraming mga mag-aaral ngayon ang hirap na maintindihan na ang mga salitang ingles. Madami ding mga mag-aaral ang sa tingin ko ay papayag na Filipino na ang gamitin bilang wikang panturo, dahil unang-una ay ito ang ating sariling wika at ito na ang aming kinagisnan. Madali na ding maiintindihan ng mga mag-aaral ang paksang kanilang tinatalakay sa pag-aaral kung Filipino na ang wikang gagamiting panturo.
Sa paggamit ng wikang Filipino bilang wikang panturo, matataglay natin at mas
mananalaytay sa dugo natin ang pagiging nasyonalismo at tunay na Pilipino. Alam kong hindi ito Madali sa mga kaguruan lalo’t higit sa pagtuturo ng mga agham na nangangailangan ng wikang ingles, magiging isang hamon ito sa ating lahat, at mamumulat ang ating mga pikit na mata sa tunay na kahalagahn ng pagiging makabayan. Hindi ito Madali at hindi din mahirap, ngunit sa pagtutulungan at pagkakaisa nating mga estudyante at mga gurong Filipino makakamit natin ang katagumpayan gamit ang sariling wika natin.