Fil19- PAGHAHANDA AT EBALWASYON NG KAGAMITANG PANTURO:

MGA BATAYANG KONSEPTO

o Ang kagamitang pampagtuturo ay nagbibigay ng konkretong pundasyon sa

pagkatuto na nagbubunga ng wastong gawi sa pag- aaral.
o Nakagaganyak ito sa kawilihan ng mga mag- aaral; nagbibigay ito ng mga tunay at
iba’t ibang kalagayan upang mapasigla ang pansariling gawain ng mga mag- aaral.
o Nag- aambag ito ng iba’t ibang karanasan tungo sa pagkakamit ng kasanayan at
pagkakaroon ng patuloy na interes sa pag- aaral.
o Ang guro ang siyang saligan ng kaalaman ng mga mag- aaral. Siya ang humuhubog
sa pagkatao ng mga bata, mula sa pisikal, sosyal, ispiritwal at mental. Inihahanda
niya ang bata sa maraming pagbabagong nagaganap sa kanyang pagkatao.
Kailangan niyang lumaki, lumago, at maging dalubhasa upang maging kapaki-
pakinabang sa mundong kanyang ginagalawan.

A. KATUTURAN
- Ang kagamitang panturo ay anumang karanasan o bagay na ginagamit ng guro
bilang pantulong sa paghahatid ng mga katotohanan, kasanayan, saloobin, palagay,
kaalaman, pag-uanawa at pagpapahalaga ng mga mag- aaral upang maging konkreto,
tunay, dynamic at ganap ang pagkatuto. (Abad, 1996)
- Isa itong tanging gamit sa pagtuturo na nagtataglay ng gabay para sa mag- aaral at
mga guro at tumitiyak sa bawat karagdagang pagkatuto ng nilalaman, teknik ng
paglalahad, pagsasanay at paggamit ng nilalaman ng pagtuturo gamit ang mga teknik
na ito.(Johnson, 1972)
-Ang kagamitang panturo ay espesyal na disenyong pansilid aralang kagamitan na
binubuo ng mga panuto para sa mga guro at mga mag- aaral, at nakasaad ang mga
layon ng pagkatuto; ang paksang dapat na matutunan, mga teknik ng presentasyon ng
aralin, kasanayan at gamit ng paksa/ aralin at mga modal ng pagtuturo gamit ang mga
naturang teknik.(F.C Johnson. RELC, vol.3)Ito ay tumutukoy sa Philippine Clean Air
Act of 1999.
o Ang kagamitang pampagtuturo ay nagbibigay ng konkretong pundasyon sa pagkatuto
na nagbubunga ng wastong gawi sa pag- aaral.
o Nakagaganyak ito sa kawilihan ng mga mag- aaral; nagbibigay ito ng mga tunay at
iba’t ibang kalagayan upang mapasigla ang pansariling gawain ng mga mag- aaral.
o Nag- aambag ito ng iba’t ibang karanasan tungo sa pagkakamit ng kasanayan at
pagkakaroon ng patuloy na interes sa pag- aaral.
o Sinasabing ang atensyon ng mga mag- aaral ang pinakamahalagang salik sa
pagkatuto. Ang guro ay nararapat na magkaroon ng kakayahan na mapanatili ang
kawilihan ng mga mag- aaral sa loob ng panahong siya ay nagtuturo. Kapag Nawala
ang atensyon ng mga mag- aaral sa aralin, Maaaring sabihing walang pagkatutong
naganap. At para makuha ang interes ng mga mag- aaral, ang guro ay dapat gumamit
ng iba’t- ibang kagamitang pampagtuturo.
KAHALAGAHAN NG KAGAMITANG PANTURO

Para sa Guro
1. Ang kagamitang panturo ay ginagamit sa presentasyon ng mga bagong kaalamang
dapat matutuhan, mabuo at magamit.
2. Ang kagamitang panturo ay para sa pagkatuto ng isang kasanayan, istruktura ng
wika at mga ilang mahihirap na gawain na pagtalakay nito.
3. Ang kagamitang panturo ay ginagamit na patnubay ng guro sa mga metodo,
Teknik at mga bagong anyo/ uri ng pagsasanay sa pagtalakay sa aralin.
4. Ang kagamitang panturo ay nagbibigay ng pagkakataon sa guro na magamit ang
kanyang oras at kasanayang gawing makatotohanan ang mga bagay at araling
ituturo sa loob at labas ng paaralan.
5. Ang kagamitang panturo ay nagbibigay ng de kalidad, maayos at makahulugang
pagtuturo.
6. Nababawasan ang pagiging dominante ng guro sa pagsasalita at pagtalakay ng
mga aralin sa loob ng klasrum.
7. Nababawasan ang pagiging dominante ng guro sa pagsasalita at pagtalakay ng
mga aralin sa loob ng klasrum.
8. Naging makabuluhan at walang naaaksayang panahon, oras at salapi ang guro
dahil sa mga nakahandang kagamitan nito.
9. Nagkakaroon ng tiwala sa pagtalakay ng aralin ang guro sapagkat nagiging gabay
nito ang kanyang mga kagamitan.
10. Nakikilala rin ang mga guro ng kanyang kamag- aral at kapwa guro sa mga
imbensyong kagamitang kanyang inihahanda.

Para sa Mag-aaral
1. Nagkakaroon sila ng pagkakataong gumawa at matutong mag- isa sa loob at labas ng
paaralan.
2. Nagkakaroon sila ng pagkakataong makasunod sa course study at mga hakbang na
maaaring gamitin sa pagsasagot ng mga gawain kahit walang gaanong pamatnubay
ang kanilang guro.
3. Nagbibigay sa mga bata ng konkretong pundasyon sa pagkatuto.
4. Nakagaganyak ito sa kawilihan ng mga mag- aaral upang maging masigla at magaang
ang pag- aaral sa pagkatuto.
5. Nagkakaroon ng tiwala sa sarili ang mga mag- aaral kung may kaalaman at sapat na
paggamit ng mga kagamitan.
6. Naging makatotohanan sa mga talakayan at nagagamit na batayan nila ang kagamitan
sa kanilang talakayan.
7. Nagkakaroon sila ng kasanayang maghambing ng mga bagay na magkakatulad at
magkakaiba.
8. Nakatutulong sa kanilang sariling pagkatuto ng mga karagdagang kaalaman at
karanasan na dapat nilang matutunan.
9. Nakadidiskubre ng isang suliraning maaari nilang malutas nang mag- isa sa tulong ng
kanyang kagamitan.
 10. Higit sa lahat kakaibang karanasan, kasanayan at kaalaman ang hatid ng kagamitang
panturo

MGA NAPAPANAHONG TEKNOLOHIYA AT KAGAMITANG PANTURO NG

WIKA AT PANITIKAN

MGA NAPAPANAHONG LIMBAG AT INIHAHANDA NG GURO

1. Teksbuk- isang masistemang pagsasaayos ng paksang- aralin para sa isang tiyak na

asignatura at antas.
2. Manwal ng guro- Kalipunan ng mga araling nakaayos ayon sa layuninn at mga
mungkahing paraan o istratehiya kung paano ito ituturo sa mga mag- aaral.
3. Silabus- isang balangkas ng mga layunin, paksang aralin na nauukol sa isang
partikular na kurso o asignatura na nakaayos nang sunod- sunod ayon sa
kinabibilangang yunit at inilaan para sa isang markahan o semester.
4. Workbuk- Kinapapalooban ng mga gawaing pagsasanay ng mga mag- aaral kaugnay
na tinatalakay mula sa teksbuk. Maaaring kapalooban ito ng maikling teksto at
maraming gawain at pagsasanay.
5. Kopya ng balangkas (duplicated outlines)- Ito ay dagdag na sipi ng mga
binabalangkas na aralin. Ito ang ginagamit na gabay sa pagpaplano at pagbubuo ng
araling tatalakayin.
6. Hand- awts- sinasaliksik at pinayamang paksa. Madalas inihahanda ng isang
tagapagsalita para sa kanyang tagapakinig. Nababalikang basahin ng guro para sa
ikalilinaw ng paksa.
7. Pamplets/ Suplemental at pinayamang paksa- mga set ng impormasyong mula sa
ibang materyales na idinadagdag sa tinalakay na aralin.
8. Artikulo mula sa magasin/ babasahin- naglalaman ng iba’t- ibang paksa na
napapanahon na magagamit na pantulong sa isang aralin.
9. Pahayagan- naglalaman ng iba’t- ibang ng mga pangyayari sa loob at labas ng ating
bansa. Ginagamit na batayan at pantulong bilang suportang impormasyon na
kauganay sa aralin.
10. Dyornal- isang balangkas na sipi ng kinalabasan na isang pananaliksik. Maaaring
dyornal sa medisina, dyornal sa arkitektura atbp.
11. Indexes- isang materyal na pinagmumulan at pinagkukuhanan ng mga sanggunian.
12. Worksheet at workards- kagamitang pinagsusulatan ng mga impormasyon at
kaalaman upang madaling maisaayos.
13. Modyul- isang kit sa pansariling pagkatuto. Ito ay binubuo ng iba’t- ibang gawaing
pagkatuto na kadalasan ay nasa anyong pamplet/ babasahin. May iba’t- ibang uri ng
modyul: Modyul ng pansariling pagkatuto, modyul ng pagsunod ng panuto, at modyul
sa balangkas ng gawain.
14. Banghay- aralin- ito’y balangkas ng mga layunin, paksang aralin, kagamitan at mga
hakbang na sunod- sunod na isasagawa upang maisakatuparan ang mga layunin o
inaasahang bunga ng isang aralin.
15. Patnubay sa gawaing pangmag- aaral- set ng mga panuto at tanong na
makatutulong sa pagtalakay ng mga bagong aralin.
 16. Pagsusulit- isang kagamitang sumusukat kung gaano ang natutunan ng isang mag-
aaral. Ito ay ginagamit ding pagganyak upang ang mag- aaral ay maging atentibo sa
pagtalakay ng aralin. Natutuklasan din ng isang mag- aaral ang kanyang kakayahan at
kagalingan.
17. Talahanayan ng Ispesipikasyon- sa paghahanda ng guro ng pagsusulit dito makikita
ang lawak ng nilalaman, bilang ng aytem, at uri ng pagsusulit na gagawin.

II- MGA KAGAMITANG NAMAMASID

1. Chalkboard display- ito ay tradisyunal na kagamitan sa pagtuturo. Ito ay ginagamit

sa pagtatala ng mga mahahalagang impormasyon patungkol sa paksang tinatalakay.
Mga larawan at talang nakaguhit o nakasulat sa isang dark- colored na bagay.
2. Whiteboard o markerboard- Ginagamit sa pagtatala ng mga mahahalagang
ipormasyon patungkol sa paksang tinatalakay. Mga larawan at talagang nakaguhit o
nakasulat sa light- colored na bagay.
3. Mga Larawan- Karaniwang ipinapakita ng guro sa pagtalakay ng aralin upang
magkaroon ng gabay ang mga mag- aaral na ipaliwanag ang nilalaman ng
paksa.Maaaring gamitin ang mga larawan mula sa kalendaryo, dyaryo at magasin
upang lalong maunawaan ang paksang tinatalakay.
4. Ilustrasyon- ginuguhit na manwal/ kamay ang paraan sa pagbubuo ng isang bagay,
tao, lugar, at pangyayari. Nagbibigay ng detalyadong impormasyon. Mga larawan na
naglalaman ng deskriptibong pangyayari patungkol sa isang bagay o kwento.
5. Tsart /Graphic Organizer- Isang grapikal na representasyon ng na kung saan
kumakatawan sa mga datos. Ang datos ay kinakatawan ng mga simbolo tulad ng mga
bar sa bar chart. Mga hiwa sa pie chart. Ginagamit upang pag- ugnayin at ikategorya
ang mga konsepto at pangyayari sa binasa. Tinatawag din itong biswal na larawan.
6. Awtentikong Kagamitan- Makabuluhan at nagbibigay motibasyon sa mga mag-aaral
sa matalinong pagkatuto at nagagawa rin nitong ihayag ang tunay na nilalaman at
istruktura ng lenggwage.Tumutukoy sa pagiging awtentiko ng input data na
gagamiting lunsaran sa paggawa ng kagamitang panturo. Ang mga data ay hango sa
pahayagan, patalastas, magasin, brochure, at billboards.
7. Graps- Flat picture binubuo ng tuldok, guhit o larawan gaya ng circle graphs, bar
graphs, pie graphs, area graphs, at picto graphs.
8. Maps- guhits na flat nagpapakita ng kinaroroonan ng lugar/ pook, bansa at agwat/
layo ng oras.
9. Globes- dito maaaring makita ang eksaktong kinaroroonan ng pook/ lugar, bansa at
pati ang layo at agwat ng oras.
10. Posters- eye catching graphics at sa pamamagitan nito madaling makuha ang
mensahe mula sa nakasaad na larawan o ilustrasyon.
11. Exhibits- mga iba’t- ibang kagamitan na may kaugnayan sa isang gawain bilang
karagdagang kaalaman biswal. Maaaring exhibit ng mga ngiba’t- ibang uri ng sining
na nais ipagmalaki sa publiko, exhibit ng isang produkto atbp.
12. Hook at Loop Display- mga larawan o ilustrasyon at iba pang biswal aids na
isinasabit upang makita ang paksang tinatalakay.
 13. Magnet board display- mga larawan at tala ng impormasyon na idinidikit sa
pamamagitan ng maliliit na magnet holders.
14. Bulletin board display- inilalagay ang mga mahahalagang anunsyo o anawnsment,
programa, tala, at mga larawan. Ginagamit din ito upang maipakita ang mga
natatanging mag- aaral, impormasyon at natatanging isyu hinggil sa mahalagang
paksa.
15. Museum- dito maaaring matagpuan ang mga impormasyong hindi karaniwan o hindi
naranasan. Maaari ring mga bagay na sinauna at lumang barya, gamit, damit, larawan,
bato atbp. Ito ay itinatabi at pinipreserba upang makita ng mga mag- aaral.
16. Flannel board at Felt board- kagamitang yari sa cardboard o kahoy na binabalutan
ng felt na papel na ginagamit sa pagtuturo.

BINABALANGKAS NG KARANASAN SA MGA KAGAMITANG

PAMPAGTUTURO

1. Ispesimen- Ang ispesimen ay maaaring isang maliit na piraso ng tissue o maaaring

ito ay isang buong organ.
2. Realia- ay isang tunay na bagay na ginagamit sa pagbibigay panuto ng guro upang
mas higit na maunawaan ang ibang kultura at paniniwala na hango sa tunay na
kalagayan o pangyayari.
3. Modelo- Panggagaya sa orihinal na kaanyuan.
4. Mock- up- panggagaya ng ilang bahagi lamang at maaari itong matanggal. Working
sample (Magazine) para sa mareview format, lay out o content.

MGA DULA

1. Pagtatanghal- makulay na pagpapakita ng mga mahalagang bahagi ng kasaysayan

2. Pantomina o panggagagad- Pag- arte ng walang salitaan
3. Tableau- Larawang eksina lamang at walang galaw.
4. Saykodrama- Dula na nauukol sa pansarilinglihim o suliranin.
5. Sosyodrama- Umiinog ang paksa sa suliraning panlipunan.
6. Role- playing- Nagbibigay diin sa papel na ginagampanan
7. Sabayang Pagbigkas- Paraan sa pagpapakahulugan at pagpapahalaga sa isang tula.

MGA PAPET

1. Karilyo- Pagpapagalaw ng mga anino ng mga pirasong karton.

2. Istik Papet- Cut- out ng mga bagay na idinidikit sa stick
3. Daliring Papet- Gamit ang daliri sa paggawa ng anumang hugis o anyo.
4. Maryonet- Ginagamitan ng pisi sa pagkontrol ng Maryonet.

MINAMASID

A. Pakitang- turo
B. Eksursyon- nagamit ang limang pandama.
C. Eksibit- Maayos na pagtatanghal ng mga bagay o kaisipan sa isang tanging lugar o
lagayan upang mamasid lamang.
 1. Museo- Lugar na kikitaan ng mga bagay na may kinalaman sa siyensya,
sining, kultura, at iba pa.
2. Bulitin Bord- Kagamitang tanaw na katulad ng pisara at ginagamit bilang
paskilan ng mga bagay.
3. Takbord- Paskilan katulad ng Bulitin ngunit ito ay ginagamitan ng tamtaks at
aspili.
4. Poster- Hal. Bilboard, patalastas,at nakapaskil na anunsyo.
5. Dayorama- Kagamitang tanaw- dinig na yari sa kahon.
6. Mobil o Pabilin- Kagamitang tanaw- dinig na isinasabit kaya ito ay
gumagalaw kapag humahangin.

D. MIDYANG PANG- EDUKASYON

III. Kagamitang naririnig

1. Radyo- mga dula, awitin, debate, balita at komentaryo

2. Teyp rekorder- Lektyur, talumpati, tula, awitin, at iba pang anyo ng panitikan.
3. Cassette- mga awitin

IV. Kagamitang naririnig at namamasid

1. Telebisyon- Balita, debate, telesine, at iba pang paksa na kapupulutan ng aral.

2. Sine- mga pangyayari hinggil sa pag- ibig, pakikipagsapalaran, kabayanihan at ilang
maaaring makita sa lipunan.
3. Prodyektor
4. Larawang di- gumagalaw