Gurong Nagsasanay :

Gurong Kritiko :

Antas :

Asignatura :

Pamamaraan :

I. Layunin: Naibibigay ang kahulugan at mga katangian ng korido.

II. Paksang Aralin: Pagbibigay ng Kahulugan at mga Katangian ng Korido.

          Sanggunian:    Bukal 7 Serye sa Filipino, nina Susan H. Ramos, et. al; pp. 256 Panggabay na     

                                                                Kurikulum p.97

          Kagamitan: kartolina, kartolina strips, manila paper, pentel pen

          Pagsasanib:    Values Education

          Pagpapahalaga: Napapahalagahan ang mga panitikang Pilipino

III. Pamamaraan:

Gawaing Guro

A. Panimulang Gawain

              a. Pagsasanay

                              Ngayon ay hahatiin ko kayo sa dalawang pangkat. Kinakailangan na ang bawat grupo ay

may siyam na representante. Ang gagawin ninyo ay itapat ang mga salita sa wasto nitong kahulugan.

Handa na ba kayo?

1. Ito ay tumutukoy sa bilang ng pantig ng bawat taludtod na bumubuo s isang saknong.

2. Isang grupo sa loob ng isang tula na may dalawa o maraming linya.

3. Katangian ng tula na hindi angkin ng mga akda sa tuluyan.

4. Tinataglay nito ang mga salita ng tula upang masiyahan at mapukaw ang damdamin ng mambabasa.

5. Tumutukoy ito sa paggamit ng matatalinghagang salita o tayutay.

6. Porma ng tula.

7. Diwa ng tula.
8. Tumutukoy sa nagsasalita sa tula.

9. isang anyo sining o panitikan na naglalayong maipahayag ang damdamin sa malayang pagsulat.

b. Balik Aral

Ano ang tula?

Ano-ano ang mga elemento nito?

II.    Bagong Aralin

            A. Paghahanda

Mayroon akong hawak na bagay. Ano ang tawag sa bagay na ito?

( Tumawag ang guro ng mag-aaral upang pumunta sa harap at hawakan ang bato.)

Ano ang masasabi mo sa bato o ang mga katangian nito?

Tulad din ng bato, ang korido din ay may mga katangian.

Gusto ba ninyong malaman ang katangian nito?

B. Paglalahad

Sa araw na ito, ating bibigyang kahulugan at mga katangian ang korido.

Pamilyar ba sa inyo ang akdang Ibong Adarna?

Ano bang uri ng panitikang Pilipino ang akdang ito?

Basahin natin ang unang aralin ng Ibong Adarna na pinamagatang " Panalangin".

1. Oh, birheng kaibig-ibig

Ina naming nasa langit,

liwanagan yaring isip

nang sa layo'y di malihis.

2. Ako'y isang hamak lamang

Taong lupa ang katawan,

mahina ang kaisipan

at maulap ang pananaw

3. Malimit na makagawa

na hakbang na pasaliwa

ang tumpak kong ninanasa

kung mayari ay pahidwa.

4. Labis yaring pangamba

na lumayag na mag-isa,

baka kung mapalaot na

ang mamangka'y di-makaya.

5. Kaya, Inang matangkakal

ako'y iyong patnubayan,

nang mawasto sa pagbanghay

nitong kakathaing buhay.

6. At sa tanang nariritong

nalilimping maginoo,

kahilinga'y dinggin ninyo

buhay na aawitin ko.

Batay sa inyong binasa, sino ang nanalangin sa Inang nasa langit?

Bakit siya nanalangin?

Ano ang katangian ng taong nanalangin sa tula?

Batay sa tula, ano ang napapansin ninyo sa bawat linya o taludtod?

Ano naman ang napapansin ninyo sa bilang ng linya sa loob ng isang saknong?

May maririnig bang pagtutugma sa dulo ng taludtod?     

Tukuyin ang ilang pares ng salitang magkatugma.

Ang Ibong Adarna ay isang uri ng korido, sa inyong sariling pananaw, ano ang kahulugan ng salitang
korido?

Ano-ano nga ba ng mga katangian ng korido batay sa kung ano ang napapansin sa tula?
C. Pagsasanib

Batay sa binasang aralin ng    akdang Ibong Adarna na pinamagatang " Panalanigin ", no ang masasabi
ninyo sa taong nanalangin sa Inang nasa langit?

May matibay din ba kayong pananampalataya sa Panginoon?

Paano ninyo ito maipapakita?

D. Pagpapahalaga

Masasbi ngang unti-unti nang naglalaho ang panitikang Pilipino, kaya bilang isang mag-aaral at bilang
isang kabataang Pilipino, paano ninyo mapapanatiling buhay ang isang korido o ang mga panitikang
Pilipino gaya ng Ibong Adarna?

Paano ninyo maipapakita ang patuloy na pagtangkilik sa mga panitikang Pilipino?

Bakit kaya dapat nating pahalagahan ang mga panitikang Pilipino ?

E. Paglalahat

Ano ang korido?

Ano-ano ang dalawang katangian ng korido?

F. Paggamit

Ngayon ay hahatiin ko kayo sa tatlong grupo. Bawat grupo ay bibigyan ko ng sipi ng ikalawang aralin ng
Ibong Adarna. Tatawag ako ng tatlong representante bawat grupo upang bumunot ng renolyong papel
na naglalaman ng katanungan at sagutin ang tanong.

Mga Tanong:

1. Bilangin ang sukat ng bawat linya o taludtod. Pare-pareho ba ang sukat ng tula? Ipaliwanag.

2. Pare-pareho ba ng bilang ng taludtod o linya sa loob ng isang saknong? Pumili ng dalawang saknong sa
tula na nagpapakita na    pgkapare-pareho ng bilang ng taludtod sa isang saknong.

IV. Pasusuri

Panuto: Basahin ang unang saknong ng ikatlong aralin ng koridong Ibong Adarna. Ibigay ang kahulugan
ng sakong at mga katangian nito. Sampu ang kabuuang puntos.

Kasayaha'y walang oras

sa palasyo'y may halakhak

ibong laya't walang hirap

ang lahat na ay pangarap.

V. Takdang Aralin

Panuto: Basahin ang sipi ng ikaapat na aralin " Ang Paglalakbay ni Don Pedro". Ibigay ang kahulugan ng
araling ito at ang mga katangian ng bawat saknong. Dalawampu ang kabuuang puntos.

Opo, titser.

1. sukat

2. saknong

3. tugma

4. kariktan

5. talinghaga

6. anyo

7. tono

8. persona

9. tula

Ang tula ay isang anyo ng sining o panitikan na naglalayong maipahayag ang damdamin sa malayang
pagsulat?