Ang press release ay bahagi ng estratehiya upang ipaalam sa publiko ang mahahalagang nangyayari sa organisasyon. Sa pamamagitan nito, naisasapubliko ang bagong pamunuan, bagongprodukto o serbisyo, outreach program, mga pagtitipong inorganisa, at iba pang kabali-balitang pangyayari sa organisasyon. Iba ang balita sa press relese. Kung balita ay obhetibong paglalahad ng mga impormasyong mahalaga sa mga mambabasa, ang press releasenaman ay nagsisilbi sa interes ng organisasyon o ng manunulat nito. Sa ibang salita, masasabing ang press release ay pinaghalong balita at advertising. Karaniwang ipinadadala ang press release sa mga mamamahayag na maglalathala sa mga pahayagan o mag-aanunsiyo sa telebisyon o radio ng mga pangyayaring may kinalaman sa organisasyon. Ginagamit naman ng ilang manunulat ang social media at mga digital platform bilang daluyan ng press release. Kung mahusay ang pagkakasulat, mapadadali na lamang para sa mga mamamahayag ang kanilang trabaho. Kung ganito, mas lalaki ang posibilidad na kunin ang press release at isapubliko. Benepisyo ng Press Release Marami ang nagsasabing sa pamamayagpag sa kasalukuyan ng new media, wala nang silbi ang mga press release. Luma na raw ito at hindi na nababagay sa panahon. Ngunit masasabing nagkakamali ang mga ganitong pananaw. Buhay na buhay pa rin hanggang ngayon ang pagsulat ng dokumentong ito, kahit na sa panahon ng new media. Naksasabay ito sa mga pagbabago sa teknolohiya. Isa sa mga kabutihang naidudulot ng press release sa organisasyon ay ito ang pinakamabilis at pinakamadaling paraan upang makakuha ng libreng publisidad. Kapag naipaalam sa publiko ang mga nangyayari sa isang organisasyon, mas makikilala ang mga produkto at serbisyo nito. Epektibo ang paraang ito lalo na kung ang artikulo ay nagmumungkahi sa mga mambabasa na tangkilikin ang mga produkto o serbisyo. Dahil sa benepisyng dulot ng press release, pinaglalaanan ito ng pondo ng mga kompanya o organisasyon. Ang ilan ay may mga kawaning nagsuusulat ng kanilang press release. Ang malalaking kompanya o organisasyon naman ay humihingi ng serbisyo ng mga advertising agency upang ipakilala ang kanilang mga produkto at serbisyo. Dahil sa mga makabagong teknolohiya sa komunikasyon, particular ang pag- usbong ng social media, mas marami na ang naaabot ng mga press release. Sa katunayan, hindi lamng mga tao sa media at limitadong publiko ang maaaring makabsa nito. Gumagamit na ngayon ng online press release upang maabot ang mga potensiyal na konsyumer sa mundo ng Internet. Pagsulat ng Press Release Sa pagsulat ng press release. Maaring sagutin ang mga sumusunod: Tungkol saan isusulat na press release? Ano ang bago? Sino ang mga tampok sa press release? Sino ang target na mambabasa? Saan at kalian naganap ang ibinalitang pangyayari? Ano ang kahalagahan ng petsa at lugar na ito? Paano idinaos halimbawa, ang isang pagtitipong inorganisa ng kompanya? Bakit isinulat ang press release?Bakit ito mahalaga? Ano ang makukuha ng organisasyon dito? Paano nito maaapektuhan ang target na mambabasa? Paano ang distribusyon ng press release? Tradisyunal ba o online? Ang mga sumusunod ay ilan lamang sa mga gabay sa pagsusulat ng press release 1. Isaisip ang press release bilang kasangkapan sa pagbebenta. Gamitin ito upang itanghal ang anumang inihahain sa publiko at pabanguhin ang pangalan ng kompanya. Ngunit iwasang gawing patalastas o lantarang nagbebenta ng produkto o serbisyo ang press release. 2. Kailangang kabali-balita ang laman ng press release. Upang maiparating ang mensahe sa mga talagang magbabasa nito, kailangan unang kumbinsihin ang mamamahayag na mahalagng ang mensahe ng press relase. 3. Isulat ang press release na para bang isang mamamahayag. Iwasan ang paggamit ng mga salitang hindi mahalaga. Kung mahusay ang pagkakasulat at minimal na lamang ang kailangan sa editing, Malaki ang posibildad na ipalaganap ito ng mga tao sa media. 4. Makatutulong kung maglalagay sa press release ng sipi ng mga taong tampok dito. Gawing silang interesanteng tao. Halimbawa, maaaring ilagay sa dokumento ang nakatatawang sinabi ng CEO sa isang pagtitipon. Gawin itong personal kung kinakailangan. 5. Panatilihin ang magandang relasyon sa mga mamamahayag o iba pang uri ng manunulat na padadalhan ng press release. Kailangan ito upang manatiling positibo ang kanilang tingi sa iyo at sa organisasyon. Huwag na huwag gagawa ng mga bagay o desisyong hindi nila magugustuhan.