Seksyon: St. Philip “Makabagong Teknolohiya Kaagapay sa Kaginhawaan sa Buhay Kalsada” Mababawasan ba ang trapiko sa pamamagitan ng pagkakaroon ng ‘traffic light’ sa loob ng siyudad? kailan nga ba ito maipapatupad at maayos kaya ang pagpapatupad nito?—ito ay iilan sa mga katanungan ng mamamayan ng Cotabato City na sadyang patuloy na pumapasok sa kanilang isipan. Kamakailan lamang ay inanunsyo ng pamahalaang lungsod ang planong pagtatayo ng mga ilaw trapiko sa lungsod na siyang pumukaw sa kuryusidad ng mga tao lalo na kung paano, kailan, at ano ang magiging epekto ng proyektong ito kapag naiipatupad na. Ang mga ilaw ng trapiko ay hindi bago at ginagamit na sa maraming lugar noon pa man, ngunit hindi parin nawawala ang mga problema sa trapiko. Samakatuwid, ang pagkakaroon ng mga ilaw trapiko sa lungsod ay hindi nakakasiguro na mawawala ang mga problema sa kalsada, ngunit walang alinlangan na may mga positibong epekto at kahinaan ang pagbabagong ito. Sa kasalukuyan, matagal nang ipinatupad ang mga ilaw trapiko sa iba’t ibang lugar sa mundo, ngunit hindi pa rin nito natatapos ang mabibigat na daing ng mga drayber. Sa kabila nito, kung titignan natin ng may positibong pananaw ang sitwasyon ay maraming positibong epekto ang posibleng maidulot nito. Tulad ng tiyak na bilis na pagbibigay ng tuluy-tuloy na paggalaw ng trapiko, pagbabawas ng kalubhaan at dalas ng iba't ibang uri ng aksidente, pagpapataas ng kapasidad sa paghawak ng trapiko, at marami pang iba. Samakatuwid, ang pagkakaroon ng ilaw trapiko sa loob ng lungsod ay nagdudulot ng kagandahang epekto, lalo na’t habang tumatagal ay lumalaki na rin ang populasyon sa lungsod. Ilaw trapiko ang ang nagsisilbing gabay ng mga motorista kung kaya’t sadyang mahalaga at malaki ang posibilidad na magiging mas maginghawa ang buhay kalsada ng mga motorista kung maipapatupad ng maayos ang pagpapalagay ng ilaw trapiko. Dagdag pa, ang ilaw trapiko ay sadyang may mabubuting epekto, ngunit hindi rin maikakaila na may mga negatibong epekto ito dulot ng iba’t ibang rason. Isa na rito ang mali at hindi maayos na pagpapatupad ng tamang paraan sa mga naipatayong ilaw trapiko, kaya naman, kadalasan ay hindi ito napapakinabangan ng lubos buhat ng hindi pag gana ng mga ito ng wasto. Bukod dito, mayroon ring mga motorista na hindi sumusunod sa ilaw trapiko at malaki ang posibilidad na mabahiran ng korupsyon at hindi patas na pagbibigay ng hustisya. Binubuksan ng mga rasong ito ang possibilidad na magkaroo ng negatibong epekto ang paglalagay ng ilaw trapiko sa lungsod. Samakatuwid, tiyak na magkakarooon ng negatibong epekto ang pagpapanukala ng proyekto kung hindi ito mabibigyang ng tamang regulasyon at pag-iimplementa. Sa pangkalahatang pananaw, hindi rin maipagkakaila na malaki ang porsyentong positibong dulot sa pagpapatayo ng ilaw trapiko. isa na dito ang magkakaroon na ng maayos na daloy ng trapiko at mas maiiwasan ang pagka-disgrasya ng mga motorista sa lugar ng Cotabato City.