Ang Pagsisimula ng mga

Aralin 2
Kabihasnan sa Daigdig
Kondisyong Heograpiko Noong Panahon ng Unang Tao sa Daigdig

Ayon sa heologo, ang daigdig ay nakaranas Ice age o Panahon ng Yelo.

 Ice Age - panahon kung kailan ang katubigan ng daigdig ay nagyeyelo na kung tawagin
ay glacier.
 Fossil - labi ng tao
 Artifact - mga kagamitang gawa ng tao na natuklasan ng mga arkeologo.

Mga Teorya sa Pinagmulan ng Tao

 Teoryang Mitikal at Tradisyunal
- sa teoryang ito, naniniwala ang tao na ang kaniyang mga ninuno ay nilikha ng isang
supernatural na bagay o katauhan para sa isang espesyal na dahilan.

 Mga Teoryang Panrelihiyon

Creationism – ang tawag sa teoryang lahat ng buhay o sangkatauhan ay nilikha ng

iisang supernatural na nilalang. Ang teoryang ito ay salungat sa teoryang Darwinism
na kasalukuyang tanggap ng mga siyentista. Ayon sa mga creationist, ang
ebolusyon ay naganap sa iba’t ibang panahon ngunit sinasabi nilang ito ay naganap
sa gabay ng diyos.

Hinduism – ayon sa teoryang ito, ang mga tao ay bahagi ng kalikasan kung kaya’t
kinakailangang sumunod sa batas ang mga ito. Inihahayag din ng teoryang ito na
ang tao ay hindi pantay-pantay dahil sa magkakaiba nitong taglay na katangian.

Kristiyanismo, Judaism, at Islam – relihiyon na naniniwala na ang tao, kasama ang

lahat ng uri ng
hayop, ay nilikha ng iisang makapangyarihang Diyos.

Mga Teoryang Pang-agham

Ayon kay Charles Darwin, ang ebolusyon ng tao ay naganap sa pamamagitan ng
sumusunod na mga proseso.

 Natural Selection – Inihahayag ng prosesong ito ang tanyag na siping “survival of the
fittest”. Ibig sabihin, mananatiling buhay ang organismong malakas at ang mahinhin ay
tuluyan namang mawawala.
  Mutation – sa prosesong ito, nagaganap ang pagbabago sa estruktura ng genes o punla
dahil sa nahalo na ritong ibang punla na madadala naman sa susunod pang henerasyon
ng organismo o species.
 Isolation at Adaptation – Sa prosesong ito, natutuhan ng organismong nahiwalay sa
natural nitong kapaligiran na maiangkop ang kaniyang sarili sa bagong kapaligirang
kaniyang kinalalagyan.
 Speciation – Sa panahon ng pag-angkop ng bagong organismo sa bago nitong
kapaligiran, nagaganap naman ang unti-unting pagbabago rito mula sa pinakasimpleng
kalagayan patungo sa higit na maayos na kalagayan.

Ebolusyong Pisikal ng Tao

Ebolusyon - tumutukoy sa mahabang proseso ng pagbabago ng tao mula sa pagiging isang
animo unggoy.
Charles Darwin- naglahad sa teoryang ebolusyon.
 Aegyptopithecus (Egyptian ape) – sinasabing pinakamalapit na hominid sa tao. Ito ay
may sukat na 4 na talampakan, at tinatayang kumakain ng prutas, at mayroong 32
ngipin.
 Dryopithecus – mayroong mahahabang ngipin at lumalakad gamit ang apat na paa.
 Kenyapithecus – isa pang uri ng sinaunang unggoy na may malapit na kaugnayan sa
tao. Ito ay nabuhay may 14 na milyong taon na nag nakakaraan at lumalakad gamit ang
apat na paa.
 Australopithecus – tinatayang tunay na ninuno ng sangkatauhan dahil sa taglay nitong
talino. Sila ay bipedal (nakakatayo na sa dalawang paa) at nakatayo na nang matuwid.
 Homo Habilis – “Handy man” ang ibig sabihin ng Homo habilis. Sila ay naninirahan sa
Sub-saharan Africa may 2 hanggang 1.5 milyong taon na ang nakararaan.
 Homo erectus – sinasabing kinakatawan ng tuklas na si “Turkana Boy” at tinaguriang
“Upright Man”
 Homo sapiens – ang tinaguriang transisyon sa pagitan ng homo erectus at
kasalukuyang tao dahil sila ang tinatayang taong nag-iisip.
 Homo sapiens sapiens – kilalang modernong tao na naninirahan sa buong daigdig. Ang
modernong tao ay may higit na maselang buto o skeleton. Mabilog na bungo at hindi na
gaanong nakaalsang kilay, mataas na noo, at higit na patulis na baba.

Ang Pagsisimula ng Kabihasnan ng Daigdig

Sibilisasyon – ay binubuo ng isang pangkat ng tao na nagsasalo o mayroong iisang kultura,

batas, ekonomiya, at tipikal na relihiyon o pananampalataya.

 Panahong Paleolitiko – panahon ng lumang bato na kinakitaan ng pag-unlad ng tao.

Ang isa sa pinakamahalagang katangian ng panahong ito ay ang naganap na
pagbabagong anyo ng tao mula sa pagiging isang mala-bakulaw na nilalang hanggang
sa pagiging isang tunay na tao nang lumaon, ang Homo sapiens.
 Pinakamahalagang tuklas ng panahong paleolitiko ay ang paggamit ng apoy. Ito ay
patunay na natutuhan ng mga Homo erectus na mailuto ang kanilang mga pagkain at
makuhang maligtasan ang hamon ng malamig na klima ng
kapaligiran.

 Panahong Mesolitiko – panahon ng Gitnang Bato. Sa panahong ito, sinimulan na ng

tao ang pagtatanim. Ang mga kababaihan ang nagtatanim habang ang mga kalalakihan
ay abala naman sa pangangaso. Ang mga tao sa panahong ito gumagamit na rin ng
apoy at may kakayahang makipagkomunikasyon.

 Panahong Neolitiko - panahon ng bagong bato. Kuminis na ang mga kagamitang bato
ng mga sinaunang tao sa panahong ito. Pagsasaka at pag-aalaga ng hayop naman ang
pagbabagong naganap sa panahong ito. Dito rin nagsimula ang unang pormal na
sistema ng pamahalaan at sibilisasyon kung saan lumitaw ang mga unang lunsod-
estado.

 Panahon ng Metal – ito ang panahon na kung saan tumigil ang tao sa paggamit ng
kagamitang bato at nagsimulang gumamit ng metal. Ito ang panahon na ginto at tanso
na ang ginagamit ng mga sinaunang tao bilang alahas at pang-adorno. Tanso ang
unang metal na naging kapaki-pakinabang sa tao. Sa kabilang dako ang bakal naman
ang ginamit ng mga sinaunang tao sa paggawa ng nang mas higit na matibay na
kagamitan at armas. Kasabay ng pagtuklas ng mga metal, natuto na ring
makipagkalakalan ang mga tao.