Professional Documents
Culture Documents
De Guzman - Sebastian - Ahlem - Gawain - 01
De Guzman - Sebastian - Ahlem - Gawain - 01
De Guzman - Sebastian - Ahlem - Gawain - 01
BSEDFL 1-1
Bilog ang mundo at maraming mga bagay na dapat nating malaman, maraming
mga kaalaman ang nararapat nating matutuhan at higit sa lahat ay maraming konsepto
at ideya partikular sa wika ang dapat nating maunawaan. Sa dayagram sa ibaba,
mapapansin natin ang labintatlong klasipikasyon ng wika ayon kay Henry Gleason at
ating tuklasin ang kamangha-manghang mga klasipikasyon na ito. Atin ding matutuklasan
ang pinagmulan ng wika sa Pilipinas batay sa mga klasipikasyon na naitala sa dayagram.
2. Ipaliwanag kung saan nagmula ang mga wika sa Pilipinas batay sa klasipikasyon
ni Henry Gleason.
Mula noon hanggang ngayon, ang mga Pilipino, tulad ng lahat ng lahi sa daigdig,
ay nanghihiram ng mga salita mula sa maraming dayuhang lahi. Masasabi nating patuloy
na nagbabago ang mga wika sa mundo dahil lahat tayo ay patuloy sa panghihiram at
paggamit ng mga bagong salita sa ating pangungusap, tayo ay nakikibagay ayon sa
panahong ating kinabibilangan dahil ang wika ay nagbabago sa paglipas ng panahon at
pinagtitibay ng pagkakataon ayon sa paraan ng pagtangkilik at paggamit ng mga tao.
Bagama’t may mga wikang dayuhan na nagkakaroon ng impluwensya sa paglago
ng mga wikang Filipino, ang Pilipinas ay may sariling mga bantayog na wika bago pa man
ito napuntahan ng mga dayuhan. Muli, ang pinagmulan ng iba’t ibang wika sa Pilipinas
ayon sa klasipikasyon ni Henry Gleason ay ang angkan ng Malayo-Polynesian at ito ay
isang mayabong at maunlad na angkan na kung saan pinagtitibay ito sa bawat paglipas
ng panahon.