Murang sibuyas, itlog, bigas dinudumog sa Kadiwa sa San

Juan
MAYNILA - Dinudumog sa Kadiwa
sa San Juan City ang bigas, itlog
at sibuyas na pawang tumataas
ang presyo sa mga palengke. 
Nasa P40 lang ang kada kilo ng
bigas ng premium na bigas sa
Kadiwa market sa Barangay
Tibagan sa San Juan City,
Kalahati lang yan ng presyo sa
palengke na pumapalo sa P80.
Dahil sa baba ng presyo, bigas ngayon ang unang naubos sa Kadiwa.
Ang itlog naman ay P8 ang kada piraso ng large. Sa palengke ay maliit na
itlog lang ang P8.
Naubos na rin ang pulang sibuyas na P160 ang kada kilo, pero may natitira
pang lasona na P150 ang kilo.
May puting sibuyas pa rin na P170 ang kilo. Galing ng Pangasinan at Bicol
ang mga gulay sa Kadiwa, habang sa Bulacan, Pampanga, at Nueva Ecija
naman ang itlog at mga prutas.
"Ang laking ginhawa kasi presyo ng sibuyas sa palengke, nasa P230-250.
Para makamura kami, pumupunta kami ng Divisoria. Eh malapit ito, ‘yung
time, effort, everything. Dito na lang," ayon sa mamimili na si Nina Teope. 
Regular na ang pag-ikot ng Kadiwa sa iba’t ibang barangay sa San Juan,
dalawa hanggang tatlong beses kada linggo.

Araw ng Poong Nazareno sa Quiapo dinagsa

MAYNILA—Nagsidatingan ang
mga deboto ng Itim na Nazareno
dito sa Quiapo Church ngayong
alas 6 ng umaga ng Enero 27,
2023 para sa Araw ng Poong
Nazareno at misa ngayong huling
Biyernes ng buwan ng Enero.
Ito ay iniaalay din kay Santa
Angela ng Merici na patron saint ng
mga may sakit.
Tanyag ang mga himala ng Itim na
Nazareno, base na sa mga kwento ng mga debotong pinagaling, at tinupad
ng Poon ang kanilang mga personal na panalangin at hiling.
Mahigpit pa din na pinapatupad ang health and safety protocols dito.
Bawal pa din pumasok sa gilid ng simbahan sa Quezon Boulevard dahil
exit lamang ito.
Nananatili naman na entrance o daan papasok ng mga magsisimba ang
Villalobos at Carriedo street. Alas 4 ng umaga nagsimula ang unang misa
at alas 8 naman mamayang gabi ang huli.
 Bayan ng Minalin sa Pampanga, halos wala nang egg
production
MANILA – Halos wala nang naipo-
produce na itlog ang bayan ng
Minalin sa Pampanga, ayon sa
isang grupo ng mga producers
dito.
Ayon kay Minalin Livestock and
Poultry Cooperative Chairwoman
Agnes Yambao, matinding
tinamaan ang kanilang lugar ng
avian influenza (AI).
“Kami po yung sa Minalin ang natamaan ng doon sa AI, na lahat ng poultry
dito po sa Minalin, na-condemn yung mga manok… halos zero po kami dito
sa Minalin. Isa lang ang naka-survive, isang poultry lang,” aniya.
“Wala na po talaga pero nakapag-start na yung isang raiser na para,
subukan nila kung yung AI, hindi na ganoon katindi,” kuwento pa niya.
Sabi ni Yambao, dati ay umaabot sa 2.4 million heads ang produksyon ng
manok ng bayan ng Minalin.
“Tapos doon sa mga karatig, halos nasa 3 million mahigit, dito sa San
Simon, San Luis, sa Candaba.”
Aniya, halos wala na ngayong itlog na napo-produce sa Pampanga. 
“Wala nang itlog talaga masyado sa Pampanga. Mga siguro 2 percent na
lang ang hindi natamaan. So kami nanggagaling sa Tarlac, Batangas,
Bulacan ang itlog namin na ginagamit sa Pampanga.”
Ang kakulangan sa suplay ng itlog ang itinuturing na dahilan ng pagtaas ng
presyo nito sa merkado.

Pinsala sa agrikultura dahil sa sama ng panahon, umakyat na

sa ₱885.1M
Umakyat na sa ₱885,165,517.43 ang
halaga ng pinsala sa sektor ng
agrikultura ngayong Biyernes, Enero 27
dahil sa patuloy na pagsama ng panahon
mula pa noong Enero 2.
Sa pinabagong tala ng National Disaster
Risk Reduction and Management Council
(NDRRMC), tinatayang 39,984.5 na ang
mga magsasakang naperwisyo at
45,520.075 ektarya ng mga pananim na ang nasira dahil sa walang tigil na pag-
ulan dulot ng low pressure areas, northeast monsoon at shearline. 
Samantala, nasa ₱528,050,324.68 naman na ang nasira sa sektor na
imprastraktura.
Ayon din sa tala ng NDRRMC, umakyat na sa 40 indibidwal ang mga nasawi dahil
sa naturang pagsama ng panahon, habang pito ang nawawala at 12 naman ang
nasugatan.
Sa ngayon ay nasa 481,012 na pamilya o 1,964,679 indibidwal ang naapektuhan sa
14 rehiyon ng bansa.
Tinatayang 185 na lugar pa rin naman sa bansa ang patuloy na binabaha dahil sa
walang tigil na pag-ulan.
 Dahil sa mahal na itlog: Presyo ng noodles sa bansa,
posibleng tumaas!
Kinumpirma ng isang kinatawan ng
noodle industry ngayong Sabado,
Enero 28, na maaaring tumaas ang
presyo ng noodles sa bansa dahil sa
pagtaas ng presyo ng itlog. 
Sa panayam ng ABS-CBN Teleradyo,
sinabi ni Mary Joy Delmonte, sales
and marketing manager ng Kands
Corporation, kailangan daw nilang
magtaas ng presyo dahil ang itlog
ay isa sa mga pangunahing
kasangkapan ng noodles na talagang may kamahalan din ngayon.
Ayon kay Delmonte, posibleng nasa 10% to 20% daw ang mangyayaring pagtaas
ng presyo ng kanilang noodles.
Sa kabila nito, hindi naman daw puwedeng gawing biglaan ang pagtaas ng
kanilang presyo dahil sa iniisip din nila ang kanilang mga kliyente.
“Ang kasamaan lang po, ‘yung mga kliyente namin hindi kami agad makapagtaas.
Halimbawa, nagtaas ng presyo ngayon, so ‘yung pag-increase po namin ng price is
after like ilang weeks or sometimes a month kasi ‘yung price din po ng mga
kliyente ‘yung iniisip namin. So lugi po talaga sa side ng mga manufacturing,”
aniya.
Maaarin din daw dumating sa punto na magbabawas sila ng kanilang tauhan kung
magpapatuloy ang pagtaas ng presyo ng itlog.
Kaya panawagan ni Delmonte, huwag na sanang patuloy na tumaas pa ang presyo
ng itlog dahil malaki rin ang epekto nito sa kanilang mga manufacturing company
at maging sa kanilang mga trabahador.

Lalaking U.S. citizen, na-rescue sa nasiraang yate sa Pacific

Ocean
Nailigtas ng Philippine Coast Guard (PCG)
ang isang lalaking Amerikano matapos
masiraan ang sinasakyang yate sa Pacific
Ocean malapit sa General Luna, Surigao
de Norte nitong Miyerkules.
Sa pahayag ni PCG Commandant,
Admiral Artemio Abu, nagresponde
lamang ang mga tauhan nito matapos
matanggap ang impormasyon mula sa
U.S. Coast Guard Sector-Guam na isang sasakyang pandagat ang
nasiraan 140 nautical miles pa mula Daku Island, General Luna, nitong
Enero 22. Binanggit sa report na nasira ang propeller ng yateng “Mi Amor”
habang naglalayag sakay si Dan Michaels mula Palau patungong Pilipinas.
“We assured the U.S. Coast Guard Sector-Guam that we will render
appropriate assistance to Mr. Michaels and ensure that he will return home
in good physical condition,” lahad ni Abu.
Kabilang sa nagresponde sa lugar ang BRP (Barko ng Republika ng
Pilipinas) Panglao at BRP Cabra.
Hinatak ang nasirang yate patungo sa kalapit na Alegria, Santa Monica,
Surigao del Norte kung saan ito kinumpini.
 DOH, PNAC naglabas ng plano para maaksyunan ang HIV,
AIDS epidemic sa bansa

Bumuo ng plano ang

Department of Health
(DOH) at Philippine
National AIDS Council
(PNAC) para maaksyunan
ang tumataas na kaso ng
human immunodeficiency
virus (HIV) at acquired
immunodeficiency
syndrome (AIDS) sa
bansa.
Sa isinagawang strategic planning assembly nitong Biyernes, Enero 27, na
inulat ng PNA, sinabi ni Health officer-in-charge Maria Rosario Vergeire na
nakatuon ang DOH sa paglaban sa diskriminasyon at stigma sa HIV.
“Through this strategic planning, the actions to address the HIV crisis
combined with factors that fuel the epidemic such as: social and gender
inequalities, stigma and discrimination, structural barriers that prevent
equitable access of affected populations to prevention, treatment, and care,
and challenges placed on health, non-health and community systems, will
be harmonized and concretized,” ani Vergeire.
Naka-angkla umano ang nasabing estratehiya ng DOH at PNAC para
maaksyunan ang HIV at AIDS sa nakaraang 7th AIDS Medium Term Plan,
na siyang sumasaklaw sa limang estratehiya na: Prevent, Treat, Protect,
Strengthen, at Sustain.
“We cannot do this alone. We need the help of all our partners and
stakeholders on the ground,” saad ni Vergeire. “When we work together,
our goal of ending the stigma and creating healthier communities will be
ultimately achieved.”
Sa ngayon ay nakikipag-ugnayan na ang PNAC sa iba’t ibang ahensya
tulad ng World Health Organization, Joint United Nations Programme on
HIV/AIDS, AIDS Health Foundation, AIDS Society of the Philippines,
Positive Foundation Philippines Incorporated Pilipinas Shell Foundation,
Inc., Action Health Initiative, Pinoy Plus Advocacy Pilipinas Inc., and the
Dangerous Drugs Board para mas maging accessible pa ang HIV services
sa bansa.
Ayon sa DOH HIV/AIDS and ART Registry of the Philippines, tinatayang
12,859 ang naging kabuuang kaso ng HIV habang 878 naman ang
naitalang nasawi mula Enero hanggang Oktubre ng 2022. 
 Sakripisyo ng mga health worker, kinilala ni Marcos
Kinilala ni Pangulong Ferdinand Marcos, Jr. sa isang pagtitipon, kasama
ang Barangay Health
and Wellness
Partylist, nitong
Miyerkules ang
kahalagahan ng
trabaho at sakripisyo
ng barangay health
workers, lalo na
noong kasagsagan ng
pandemya ng
coronavirus disease
2019 (Covid-19).

Sa Facebook post ng Presidential Communications Office, binanggit na

kinakatawan ng BHW Partylist sa Kongreso ang barangay health workers,
barangay nutrition scholars, barangay sanitary inspectors at barangay
service point officers.
Isinusulong din ng partylist ang kanilang mga karapatan at kapakanan
habang nagbibigay ng serbisyong pangkalusugan sa bawat komunidad.
Matatandaang kabilang ang mga health worker sa nagsagawa ng house-
to-house visit upang matukoy, masubaybayan at mabigyan ng kalinga ang
mga residenteng tinamaan ng Covid-19 halos tatlong taon na ang