…..Situ anaaf maali?

Alkan golollisaan ka’een -Quba qubeessaatti maree

Diinqa seenaatti ol-galee-Qubeessuun na marare

Dhikkisa laphee caqasee-Miirakoo yaadaan qabee

Akka muddaa jechaafuu-Jechuufan,jecha dhabe.

…….

Yaada koo irraa hanxaxee-Dhawataan cinaan labee

Onnee koo diree dhiiksee-Cobasaan yoon katabe

Akka sardama qalbiif -Akka mararoo garaadhaa

Siif walaluudhaaf, ‘lakki! -Walaloon siif yaraaadha

…….

Dirriba koo maree kahee, hiribakoo gatee taa’ee

Osoon hin rafiin libsuufuu

Gabaabbina alkaniin qeeqee-Akka nan geenyen beekee

Kun sihiin naaf hin ibsuufuu

………

Gad-miixadhee,hittanee-Shan hiixadhee,arganee

Waan kuma tarreesseen -Waan lamman barreesse

……….
“Erga yaannikee jechuufuu-Jecha narkaa hawwaalee
Silaa situ anaaf maali?-Waan naaf taatun wallaale
Dhihaaf,bari guyyaa cufaa-Marmaarsikee na-rraan cituu
Ji’aaf,waarii darbaa dhufaa-Na keessatti,Anadha situ
……………’yetaabbatu!’
Sesseeqakee yaadee seeqeen –Lafa fayyaan hilkaan yaasaa
Jejjeeqakee wacee jeeqeen – “Kana wayyaan” of-dhamaasa
Akkan qabuu,akkan makoo-Takkaa harqaa,takkaa seeqaa
Ati teessus narraan fagoo- Of-keessatti nan si beekaa
……….….ati meeqa?
Qaamaan kuttee gama teessaa- Yaadaan dhuftee ana keessa
Qabamtee,harkaan hin qabamtu-Dhabamtees gonkaan hin dhabamtuu
Ana bira hin jirtuu-Hin danda’u tuttuqqaa harkaa
Garuummoo! Sin ilaalaa- Hafuura jaalalan nan si argaa

Ilaa nan si-laala……

Isa ija ‘qulul..qulul…’gootu-Safeeffannaa amala kee
Isa deemsa suutaan lootu- Akka uffannaa kafana kee
Simboo kee jaamaayyuu banu-Kukkuulama rabbi suure
Izgoo…kee of-namaan ganu- Kumaatama qalbii guure
……
Kolfa kee sagalee maleessa-‘Bishiq,bishiqii…ilkaan keetii
Dabbasaa kee dugda keessaf-Lookoo mormaa,maraa meetii
Gubbee mataa,anga qeensaa-Mashaalee kee bitaa mirgaa
Gar-tokkeen kee ana keessa-Of keessatti nan si arga

Garuu…..
Qaamaan na baqachuun kee-Argaaf na lagachuun kee
Hardhaf illee haa ta’uu-Bulee gara boodaa
Akka dubbiin dhallee- Kan kee kuni oodaa”

Jedhee katabeen

Jechoota dhabeen

Qalama koo achi ol-ruuqee-Yaada koo fannoo suuqee

Barruun koo banaa hafee- Ani ka’eetan rafe!

Qopheessaan; Olii Waaqumaa tiin!

Teessoo; 0919824990/0963813191