RUP KUMBONG

[Phumang] Tomo kethan abang

Sar Borsing Ronghang
Ketok abang
Sar Dhaniram Ronghang
Pirthe Kecheng ahut;

Mindar kecheng ahut,

Sumsi karbi atum;

Sumsa karbak atum,

Sining rech chethok;

Longle recho chethok,

Barithe chethok;

Bari eh chethok.

Kuntiri akengri,

Pharla akengri,

Siro kapangri,

Phunang kapangni.

Sap bang kangthum;

Phong bang kangthum,

Porom bang kangthum;

Puthi bang kangthum.

Richo achakri tangte;

Richo achakor tangte

Keklem ajir kedam;

Kecho ajir kedam,

Hor ajir kedam;

Han ajir kedam.

Richo arong tangte;

RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
Richo arup tangte

Jangreso dokok;

Jangrengso dokok.

Keklem ajir dunlo;

Kedam ajir dunnlo,

Kecho ajir dunlo;

Kilun ajir dunlo,

Richo arat do an;

Recho adet do an

Ajir le et aphi;

Adat le et aphi

Jangreso ahem;

Jangrengso ahem

Ajir nangle loke;

Adat nangle loke.

Chakri atum angbong;

Chakor atum angbong

Resakjang dokok

Lusakjak dokok.

Bang chemusoi loke;

Bang chemusai loke.

Jangreso ahem tangte;

RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
Jangrengso ahem tangte

Mo kecho dorde dokok;

Mo kejun dorde dokok te

Apran armut nangji;

Amui armut nangji.

Jangreso tangte;

Jangrengso tangte

Matha kesung dokok;

Jadi kesung dokok.

Sang api chirip kethom,

Sang aprot chirip kethom

Kecho pador nangji;

Kejun pador nangji.

Songsar ajang kereng pen

Songsar ajang ka et.

Ipharlep nangtang ;

Ipharlo nang tang.

Bang api hukum chehang,

Apo hukum chehang.

Jangreso aphan raiji;

Jangrengso aphan raiji.

Jangreso tangte;
RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
Jangreso tangte

Athiksi bang kedo;

Ahoksi bang kedo.

Pap ke bang damde;

Pup ke bang damde.

Munit apunsi do;

Monor apunsi do.

Api ahukun longsi;

Apo ahukun longsi

Bang pirthe nangsun;

Bang mindar nangsun.

Nujok nangteroi;

Nujam nangteroi

Phunang nang cherai det;

Siro nang cherai det.

Jangreso achor nangke;

Jangrengso achor nangke

Nangsole cho ora non;

Nangsule che ora non.

Lale bang ketun;

Lale bang kedang,

Lale bang keron;

Lale bang kebak,

RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
Lale bang kiru;

Lale bang kethai.

Kecho papador plup;

Kijun papado plup.

Anthu choalang ma;

Anlok choalang ma?

Ok cho alangma;

An cho alangma ?

Phongthom bang nanghut;

Phongthom bangnangput.

Richo achakri do an;

Richo achakor do an

Chodorlo pukok;

Jun dorlo pukok.

Bang cho et aphi ;

Bang jun et aphi

Ahem bang chedam;

Ahengm bang cherap.

Jangreso achor aphan arjulo -

“Api chikip kethom vet

Aprot chikip kethom vet

Kopusi kecho pador;

RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
Kopusi kejun pador ?”

Apisothadunlo -

“Nele kitun kali;

Nele kedang kali.

Ne oi si bang kitun;

Ne oi si bang kedang,

Ne oi si bang kiru;

Ne oi si bang kethai.

Neke nesosi kache ora;

Nesusi kache ora.”

Jangreso -

“Nang oi konatsi kedo;

Nang oi konat si kedam;

Ahem chedam et loma;

Arit chedam et loma?”

Jangreso achor -

“Ne oi ke Kutsi kedo ;

Ne oike kamsi kedo.

Ne oi nahokta damde:

Ne oi nahokta pratpre.”

Jangreso [achor aoi aphan]-

RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
“Anle nang kitun;

Anle nang kedang,

Anle nang keru;

Anle nang kethai,

Kecho nang padophlup;

Kijun nangpador phlup.

Monit aso loma;

Monora so loma?

Karbi aso loma;

Karbak aso loma?

Arnam aso loma;

Arni asoloma?”

Achor a oi-“ Neke Karbi aso kali;

Neke karbak asu kali,

Neke Barithe aso;

Neke Bari eh asu.

Neke Arnam aso penak;

Neke Arni aso penak.”

Jangreso –“ Neke jangreso pinak

Neke Jangrengso penak

Pisin nangkipi poma,

Pisi nangpajir poma!”

Achor a oi- “Thangta nepi nangne;

Thangta nepijir nangne.

Mo barithe kethok ahut;

Mo Bari eh kejir ahut

RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
Kuntiri akengri,

Pharla akengri

Keplangle nang ingthum;

Kephile nang ingthum,;

Porom nang ingthum;

Puthi nang ingthum

Ning ingsamjinji;

Ingthin ingsamjinji.

Hor amut nangpi pelo;

Han amut nanpi pelo,

Kecho nang pangsam dunpo;

Kejun nang pangsam dunpo.

Oi ser kumbong;

Oi rup Kumbong.

Oi ser Kumbong maina;

Oi rup kumbong maina.

Ser Kumbong mainu;

Rup Kumbong mainu.

Oi Rurimbi,

Oi Rutuli,

Oi Sikthekpi,

Oi Sorthekpi,

Oi lithekpi,

Oi Bakthekpi.

Li Sorpi,
RUP KUMBONG
[Phumang] Tomo kethan abang
Sar Borsing Ronghang
Ketok abang
Sar Dhaniram Ronghang
Kam sorpi

Li bakpi

Kam bakpi

Pini nangsor non;

Pini nang bak non.

Horpo pador non;

Horlang pador non.

KARDOM!