Annaliza C.

Bernardo
MED FLE 201

Isang Komprehensibong Pagtalakay sa Panitikan sa mga sumusunod na Panahon

Ang Panitikan ay salamin ng ating nakaraan kung kaya’t malaya nating nasisilayan ang
nakaraan mula rito sa kasalukuyan. Mahalagang malaman din natin ang panitikan sa iba’t ibang
panahon. Narito ang ilang sulyap sa panitikan sa bawat panahon.
Ang Panitikan sa Panahong Klasikal
Sa isang malawak na kahulugan, ang anumang gawain na lumikha ng isang canon sa
genre nito ay nagsimulang tawaging klasiko. Halimbawa, may mga classics ng panahon ng
modernismo, ang panahon ng romantismo, realismo, atbp. Mayroong konsepto ng domestic at
foreign, pati na rin ang mga classics sa mundo. Kaya, ang mga kinikilalang klasiko ng panitikan
ng Russia sa Russia ay A.S. Pushkin, F.M.
Ang isa pang halimbawa nito ay ang mga katha ni William Shakespeare na bahagi ng
kanluraning literatura dahil ang kanyang estilo ng pagsulat at pagsusulat ay may malaking epekto
sa halos lahat ng aspeto ng genre na iyon. Sa Pilipinas naman ay mayroon din tayong makatang
manunula na maihahawig natin sa kanya, ito ay walang iba kundi si Francisco y Baltazar o mas
kilala bilang Francisco Balagtas na tinaguriang Ama ng Tulang Tagalog at Prinsipe ng mga
Makatang Tagalog.
Sanggunian:
(https://tl.cultureoeuvre.com/10577305-what-is-classic-literature)
Ang Panitikan sa Panahon ng Hapon
Sa panahong ito, nais ng mga Hapon na ibahagi ang kanilang mga paniniwala at
panitikan, tinuruan din nila ang mga Pilipino ang pagpapahalaga sa sariling wika. Kung kaya’t
sumibol nang lubos ang panitikan sa bansa sapagkat ipinagbawal ng mga namumunong hapon
ang paggamit ng wikang Ingles at itinaguyod ang pagpapayaman sa paggamit ng wikang
katutubo. Pinasunog din ang lahat ng mga limbag na nasusulat sa Ingles upang matiyak na wala
nang bahid ng kanluranin sa mga ideyang mabubuo at hindi na makita o mabasa pa. Itinuturing
ito na Gintong Panahon ng Panitikang Pilipino. Sapagkat higit na malaya ang mga Pilipino sa
pagsulat ng panitikan at pagsanib ng kultura, kaugalian at paniniwalang Pilipino sa mga ito.

Ang Panitikan sa Panahon ng mga Amerikano

Ito ang pangkat na nagdala ng pagbabago sa Pilipinas. Mula nang ibinenta ng mga
Kastila ang Pilipino sa kamay ng mga Amerikano ay dito na rin nagsimulang umusbong ang
pagkakaroon nang maayos at pormal na edukasyon sa bawat Pilipino. Kung saan ay dumaong sa
Pilipinas ang mga Thomasites, ang mga gurong amerikanong nagturo sa mga Pilipino. Dito ay
natutunan natin ang Wikang Ingles, sapagkat ito rin ang midyum na gamit nila sa pagtuturo. Sila
rin ang nakaimpluwensya sa Pilipino sa larangan Dula at Pelikula. Pinakamalaking ambag din
nila ay ang fairytales na talaga namang patok na patok lalo na sa mga kabataan hanggang sa
kasalukuyan.

Ang Pantikan sa Makabagong Panahon

Tulad ng maraming banyagang kabihasnan, noon pa man ay mayroon na tayong mga
panitikan na matatawag. Halimbawa nito ay naglalaman ng mga kwento, pamumuhay, o saloobin
ng mga manunulat. Sa makabagong panahon,nagkaroon din ng pagbabago ng pag-usbong ng
panitikan sa pamamagitan ng teknolohiya. Kung noon, ang mga akdang nakalimbag ay isnulat ng
ating mga ninuno sa piraso ng bato at kawayan, sa makabagong panahon naman ay maaari na
natin itong matagpuan kung saan-saan mang dako ng mundo. Dala ng teknolohiya, nagkakaroon
na rin ng iba’t ibang paraan. Maging sa pagsilang ng mga bagong henerasyon ay nagkakaroon na
rin ng iba’t ibang estilo tungo rito. Tulad na lamang sa larangan ng panulaan, sa ngayon ay mas
malaya nating napaparating ang ating saloobin sa mas masining na paraan. Maging sa iba mang
panitikan na mayroon tayo noon ay mas napagyayaman at nagpayayabong pa sa modernong
panahon.