COLLEGE OF SAN BENILDO - RIZAL

BASIC EDUCATION DEPARTMENT

SCHOOL YEAR 2022-2023

FILIPINO 8
IKAAPAT NA KWARTER
PANGKATANG GAWAIN

IPINASA KAY:
MS. MAJALIA GOTONERO

IPINASA NG:
PANGKAT 1

MIYEMBRO:
JOHN CLARK DEOFILO
AMBER CUEVAS
SHEENA PASCUAL
MATT PAULE
PAUL ELARMO
NICOLE AGUINALDO
LIAM CALIMON
JOSE BONGANAY
JAIRUS ZULAYBAR
 MARCH 21 2023

FLORANTE AT LAURA

ANG MGA HINAGPIS NI FLORANTE

PAG-ISIPAN AT PAG-USAPAN

Katanungan:

1. Bakit puno ng hinagpis, takot, at kalungkutan ang nadarama ni Florante? Ano-anong alalahanin
ang nagdadala sa kanya ng ganitong uring damdamin?

2. Bakit pakiramdam niya'y pinabayaan at kalimutan na siya ng lahat maging ng Panginoon?

Pangkaraniwan ba ang pakiramdam na ito sa mga taong nawawalan ng pag-asa? Paano kaya
maaring mapaglabanan ang ganitong pakiramdam?

Kasagutan:

1.

• Puno ng hinagpis, takot, at kalungkutan ang nadarama ni Florante dahil sa; Una, siya ay
nag-iisa lamang at nakagapos sa isang puno ng higera sa gitna ng isang madilim na
kagubatan at siya’y pinalilibutan ng mga mababangis na hayop at halimaw katulad ng
syerpe (ahas) at basilisko (halimaw na mukhang butiki) na anumang oras ay maari siyang
atakihin at patayin. Pangalawa, ay dahil sa pagkagaping nangyari sa kanya at ang
paghihirap ng kanyang minamahal na kahariang Albanya dahil sa pananakop ng taksil at
masamang si Konde Adolfo. Panghuli, ay iniisip niya ang kalagayan at sitwasyon ng
kanyang mga mahal sa buhay tulad ng kanilang hari na si Haring Linceo, kanyang ama na
si Duke Briseo, at ang babaeng kanyang pinakamamahal na si Laura.
 • Ang mga alalahanin na nagdadala sa kanya ng ganitong uri ng damdamin ay, ang
paghihirap na nararanasan ng kanyang minamahal na kahariang Albanya at mga mamayan
nito dahil sa pananakop na ginawa ng taksil na si Konde Adolfo, at ang pag-alala niya sa
nagiging kalagayan at sitwasyon ng kanyang mga minamahal sa buhay, lalo na ang
kanyang ama na si Duke Briseo at ang babaeng kanyang pinakamamahal na si Laura, na
wala siyang magagawa para puntahan, tulungan, at iligtas ang mga ito dahil siya’y
nakagapos sa isang puno sa gitna ng madilim na gubat.

2.

• Pakiramdam ni Florante na pinabayaan at nakalimutan na siya ng lahat maging ng

Panginoon dahil sa mga hindi magandang pangyayari na naganap sa kanyang buhay. Una
rito ay ang pagsakop na ginawa ni Konde Adolfo sa kanyang minamahal na kahariang
Albanya at pagpapahirap nito sa mga mamayan nito kabilang na ang hari nito na si Haring
Linceo at kanyang ama na si Duke Briseo. Pangalawa ay ang pagkadakip at pagtali sa
kanya sa isang puno sa isang madilim na gubat na tinitirhan ng maraming mababangis na
hayop, na dahilan upang hindi niya magawang tulungan at iligtas ang mga mamayan ng
kahariang Albanya at mga taong kanyang minamahal. Panghuli, ay ang pagpapakasal ng
babaeng kanyang minamahal na si Laura sa kanyang karibal na si Konde Adolfo, kanyang
naisip na ginusto talaga iyun ni Laura. Ang mga ito ay dahilan upang kanyang
maramdaman na siya’y kinalimutan, at kanyang sisihin ang Panginoon, dahil sa tingin niya
ay nangyari ang lahat ng ito sa kaniya/kanila upang sila’y parusahan at pahirapan.
• Opo pangkaraniwan ang pakiramdam na ito, dahil sa mga sitwasyong pinanghihinaan ng
loob ang isang tao ay maraming bagay talaga na pumapasok sa kanilang isipan at lubos na
kalungkutan talaga ang kanilang nararamdaman, dahil sa puro negatibo na lamang ang
pumapasok sa kanilang isipan na dahilan upang panghinaan sila ng loob at hindi na
makagawa pa ng kahit na anong paraan.
• Maraming paraan upang mapaglabanan ang ganitong pakiramdam, ilan sa mga iyan ay ang
pagiging kalmado lamang at hindi pag-iisip ng mga negatibong bagay, nakatutulong ito
upang hindi panghinaan ng loob at makagawa ng paraan paraan, at ang pananalig at
pananalangin sa Panginoon, dahil sa mga ganitong sitwasyon na sobrang hirap talaga ang
nararanasan siya lamang ang makatutulong sa atin. Sabi nga sa Biblia sa Deuteronomy
kabanata 31 bersikulo 8 "At ang Panginoon, ay siyang nagpapauna sa iyo; siya'y sasa iyo,
hindi ka niya iiwan, ni pababayaan ka: ikaw ay huwag matatakot ni manglulupaypay."