Republic of the Philippines

Department of Education
Region VII, Central Visayas
Division of Cebu Province

SELF LEARNING
HOME TASK (SLHT)
ARALING PANLIPUNAN 6
Ikatlong Markahan- Week 6

Pangasiwaan ni
Ferdinand E. Marcos
(Natatalakay ang mga programang
ipinatupad ng iba’t ibang
administrasyon sa pagtugon sa mga
suliranin at hamong kinaharap ng mga
Pilipino mula 1946 hanggang 1972)
 SELF-LEARNING HOME TASK (SLHT)

Subject : Araling Panlipunan Grade Level: Six

Quarter : Third Quarter Week : Six (6)

Name: Seksiyon: Petsa:

Paaralan: Distrito:

MELC: Natatalakay ang mga programang ipinatupad ng iba’t ibang

administrasyon sa pagtugon sa mga suliranin at hamong kinaharap ng
mga Pilipino mula 1946 hanggang 1972
Competency Code: AP6SHK-IIIa-b-1
Objectives:
Knowledge: Natutukoy ang mga suliranin sa ilalim ng panunungkulan ni
Pangulong Ferdinand Marcos;
Skill: Naisa-isa angmga programang ipinatupad ni Pangulong Marcos sa
pagtugon sa mga suliraning kinaharap; at
Attitude: Naipapakita ang pagiging mapagmatyag sa mga nangyayari sa
ating bansa.

A. Babasahin/ Talakayan

Si Ferdinand E. Marcos ay
ang panghuling naging pangulo sa
Ikatlong Republika ng Pilipinas.
Pinalaganap niya noon ang
islogang, “This nation can be
great again.”

Sa ilalim ng unang termino ng

pamumuno ni Pangulong
Marcos, nagkaroon ng maraming Pangasiwaan ni Ferdinand E. Marcos (Disyembre
30,1965- hanggang sa Pagdeklara ng Batas Militar
pagbabago. Ang ilan sa mga ito noong Setyembre 21, 1972)
ay:

1. Pagpalaki ng produksiyon ng pagkain at bigas tulad ng miracle rice, isang uri

ng palay na mabilis mamunga
2. Pagsisimula ng Green Revolution, kampanya sa pagtatanim ng mga
gulay at halaman sa mga bakuran ng bahay , gusaling pampamahalaan at sa
mga bakanteng lote. Ito’y kampanya na rin sa. muling paggugubatan sa mga
lalawigan
3. Pagsasakatuparan ng higit na malawak na programa ng reporma sa
lupa
4. Pagpapagawa ng higit na modernong irigasyon at paraan ng
pagsasaka
5. Pagpapalaganap ng mga paglilingkod na pang kalusugan sa mga
pook na rural
6. Pagbabago ng organisasyon ng Hukbong Sandatahan at
pagbabawas sa kriminalidad
 7. Pagpapaunlad ng mga baryo na sa unang pagkakataon sa
kasaysayan ay binigyan ng tiyak na kaparte sa kinikita ng pamahalaan
8. Pagsasaayos ng mga malalaki at maliliit na industriya
9. Pagpapatayo ng higit 80,000 silid-aralan
10. Pagpapagawa ng higit sa 6,000 kilometro ng mga lansangan ( Tulad
ng North Diversion Road mula Balintawak hanggang Tabang sa Bulacan)
11. Pagpapalakas ng kooperatiba
12. Pagpalawak ng pakikipag-ugnayang pandaigdigan
13. Pagpapasigla at pagtangkilik sa ating sining at kultura sa
pamamahala ng Unang Ginang Imelda Marcos

Ang kanyang mga proyekto ay naisakatuparan sa pamamagitan ng pagpataas

ng buwis. Umutang din ang pamahalaan ng salapi sa mga bangko at sa ibang
bansa.

Kabilang ang Pilipinas sa mga bansang nagtatag ng Association of Southeast

Asian Nations o ASEAN na may pangunahing layunin na magtulungan sa larangan
ng pagsasaka, industriya at kalakalan.

Sa kabila ng maraming proyektong nagawa ng Pangulong Marcos, naging

suliranin ng bansa ang tumataas na bahagdan ng krimen. Isa na dito ang
smuggling o pagpupuslit ng mga produkto mula sa ibang bansa. Lumaganap pa rin
ang kawalang-kasiyahan sa mga pamayanan. Suliranin din ang kaguluhang dulot ng
New People’s Army o NPA sa mga pook-rural.

Sinamantala ang kaguluhan ng mga oligarka o ilang mayayaman at

maimpluwensyang tao na naghangad na maagaw ang kapangyarihang pampulitika
at pangkabuhayan. Kabi-kabila ang demonstrasyon ng mga mag-aaral at
manggagawa sa Kamaynilaan at sa ibang lungsod.

Pinaniwalaang gawa ng mga

komunista at ibang kalaban ng pamahalaan
ang mga kaguluhan upang humina ang
kapangyarihan ng pangulo. Ayon sa
pangulo, upang iligtas ang demokrasya,
ipinailalim niya ang bansa sa Batas Militar
noong ika-21 ng Setyembre ,1972. Ito ang
hudyat ng pagwawakas ng Ikatlong
Republika ng Pilipinas.

Ang Magulong Sitwasyon sa Pamumuno ni Marcos

B. Pagsasanay
Gawain 1
Panuto: Buuin ang mga halong titik upang makakuha ng tamang sagot.

1. Ang pangulo na nagsabing “ This nation can be great again”.

MCASR O
2. Uri ng palay na mabilis mamunga na ipinatanim sa mga magsasaka

M E R I A C L IREC

3. Tawag sa pagpupuslit ng mga produkto mula sa ibang bansa

S I M G G U G L N

4. Ipinatupad ni Pangulong Marcos bilang lunas sa sobrang kaguluhang nangyari

sa bansa
BTAAS MTIILAR

5. Mayayaman at maimpluwensiyang tao na naghangad na maagaw ang

kapangyarihang pampulitika at pangkabuhayan
OI LGRAAK

Gawain 2
Panuto: Basahin at piliin ang titik ng tamang sagot. Isulat sa iyong papel.

1. Paano naisakatuparan ang mga proyekto ni Pangulong Marcos?

a. Umutang ng salapi ang pamahalaan sa ibang bansa.
b. Nanghingi ng tulong sa ibang bansa ang pamahalaan
c. Nagbenta ng lupa ang pamahalaan
d. Nag-ambag ambag ang mga kawani ng pamahalaan

2. Bakit ideneklara ni Pangulong Marcos ang Batas Militar?

a. Upang patuloy na magmahalan ang mga tao
b. Upang malutas ang kaguluhan sa bansa
c. Upang gumawa ng kabutihan ang mga tao
d. Upang maipahayag ng mga tao ang kanilang hinaing sa pamahalaan

3. Sa panunungkulan ni Pangulong Marcos, ano ang tawag sa pangkat ng mga

taong nakipaglaban sa pamahalaan?
a. Gerilya c. New People’s Army
b. HukBaLaHap d. Taong Bundok

4. Sa pamumuno ni Pangulong Marcos, napabilang ang ating bansa sa __________.

a. ASEAN b. SEATO c. ASA d. UN

5. Anong programa ni Pangulong Marcos na sa unang pagkakataon sa kasaysayan

binigyan ng parte sa kinikita ng pamahalaan?
a. Programang pansakahan
b. Pagpapaunlad ng mga baryo
c. Programang pangkabuhayan
d. Kampanyang pangkatahimikan
C. Pagtataya
Panuto: Humanap ng 5 pahayag sa ibaba na kabilang sa programa ni Pangulong
Marcos at isulat ang mga ito sa iyong sagutang papel.

Pagpapagawa ng mga kalye, tulay, irigasyon, paaralan at marami pang iba.

Pagpapalaki ng produksiyon ng bigas at mais

Pagpapatupad ng Filipino First Policy

Pagbabago ng petsa ng Araw ng Kalayaan

Pagpapalawak ng programa sa reporma sa lupa

Serbisyong pangkalusugan sa mga pook rural

Pag-angkin sa Sabah

Pagsisimula sa Green Revolution

Pagpapatupad ng patakarang Pilipino Muna

Paghikayat sa patakarang Pagtitipid

Mga Programa ni Pangulong Marcos

1. ___________________________ 4. ______________________________
2. ___________________________ 5. ______________________________
3. ___________________________
D. Karagdagang Gawain
Panuto: Isulat ang iyong sariling opinyon.

Ano kaya ang kadalasang dahilan kung bakit ang isang mamamayang Pilipino ay
nagpahayag ng sama ng loob sa pamahalaan gayong marami namang nagawang
programa ang pamahalaan para sa kaunlaran?
___________________________________________________________________
___________________________________________________________________
___________________________________________________________________
___________________________________________________________________

Sanggunian (References):
 Estelita B. Capiña at Gloria P. Barrientos, Pilipinas: Bansang Malaya 5
 Eleanor D. Antonio, Emilia L. Banlaygas, at Evangeline M. Dallo, Kayamanan
6, Batayan at Sanayang Aklat sa Araling Panlipunan
 Eleanor D. Antonio, Emilia L. Banlaygas, at Evangeline M. Dallo, Kayamanan
6 , Batayang Kagamitang Pampagtuturo
 https://www.martiallawchroniclesproject.com/rise-fall-marcos-numbers/
 https://www.martiallawchroniclesproject.com/rise-fall-marcos-numbers/
 Bumuo sa Pagsulat ng Self Learning Home Task(SLHT)

Manunulat:

ALONA B. CARILIMAN, MT-2

Obong Elementary School
Dalaguete 1 District

Editor ng Nilalaman ,Format at Wika:

REYMUND P. PEPITO
Nangka Elementary School
District I of Consolacion

AMALIA C. MANATAD
Nangka Elementary School
District I of Consolacion

YVONNE A. MENDOYOS
Nangka Elementary School
District I of Consolacion

Tagasuri:

ROSEMARY N. OLIVERIO
EPS- Araling Panlipunan
SUSI SA PAGWAWASTO

Pagsasanay
Gawain 1
1. MARCOS
2. MIRACLE RICE
3. SMUGGLING
4. BATAS MILITAR
5. OLIGARKA

Gawain 2
1. A
2. B
3. C
4. A
5. B

Pagtataya
1. Pagpapagawa ng mga kalye, tulay, irigasyon,paaralan at marami pang iba
2. Pagpapalaki ng produksiyon ng bigas at mais
3. Pagpapalawak ng programa sa reporma sa lupa
4. Serbisyong pangkalusugan sa mga pook Rural
5. Pagsisimula ng Green Revolution