6

Araling Panlipunan
Ikatlong Markahan – Modyul 7
Ikapitong Linggo
Paunang Salita
Para sa tagapagdaloy:

Ang modyul na ito ay pinagtulungang dinisenyo, nilinang at sinuri ng mga edukador mula sa
pampubliko at pampribadong institusyon upang gabayan ka, ang gurong tagapagdaloy upang
matulungang makamit ng mag-aaral ang pamantayang itinakda ng Kurikulum ng K to12
habang kanilang pinanagumpayan ang pansarili, panlipunan at pang-ekonomikong hamon sa
pag-aaral.

Ang tulong-aral na ito ay umaasang makauugnay ang mag-aaral sa mapatnubay at malayang

pagkatuto na mga gawain ayon sa kanilang kakayahan, bilis at oras. Naglalayon din itong
matulungan ang mag-aaral upang makamit ang mga kasanayang pan-21 siglo habang
isinasaalang-alang ang kanilang mga pangangailangan at kalagayan.
Bilang tagapagdaloy, inaasahang bibigyan mo ng paunang kaalaman ang mag-aaral kung paano
gamitin ang modyul na ito. Kinakailangan ding subaybayan at itala ang pag-unlad nila habang
hinahayaan silang pamahalaan ang kanilang sariling pagkatuto. Bukod dito, inaasahan mula sa
iyo na higit pang hikayatin at gabayan ang mag-aaral habang isinasagawa ang mga gawaing
nakapaloob sa modyul.

Para sa mag-aaral:
Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.
Ang mga sumusunod ay mahahalagang paalala sa paggamit ng modyul na ito:
1. Gamitin ang modyul nang may pag-iingat. Huwag lalagyan ng anumang marka o sulat
ang anumang bahagi nito. Gumamit ng hiwalay na papel sa pagsagot sa mga
pagsasanay.
2. Basahing mabuti ang mga panuto bago gawin ang bawat pagsasanay.
3. Obserbahan ang katapatan at integridad sa pagsasagawa ng mga gawain at sa
pagwawasto ng mga kasagutan.
4. Tapusin ang kasalukuyang gawain bago pumunta sa iba pang pagsasanay.
Kung sakaling ikaw ay mahirapang sagutin ang mga gawain sa modyul na ito, huwag mag-
aalinlangang konsultahin ang inyong guro o tagapagdaloy. Maaari ka rin humingi ng tulong
kay nanay o tatay, o sa nakatatanda mong kapatid o sino man sa iyong mga kasama sa
bahay na mas nakatatanda sa iyo. Laging itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng makahulugang
pagkatuto at makakakuha ka ng malalim na pang-unawa sa kaugnay na mga kompetensi.
Kaya mo ito!
 Ano ang target ko?
Pagkatapos ng modyul na ito, inaasahang naibibigay mo ang iyong sariling pananaw
tungkol sa mga pagtugon ng mga Pilipino sa patuloy na mga suliranin, isyu at hamon ng
kasarinlan sa kasalukuyan.

Ano ako magaling?

Panuto: Basahin ang mga pangungusap na nasa ibaba. Piliin at isulat ang titik ng tamang
sagot sa sagutang papel.
1. Sinong Pangulo ng bansa ang nagsimulang manungkulan pagkatapos mapaalis si
Pangulong
Marcos?
A. Pang. Gloria M. Arroyo C. Pang. Corazon C. Aquino
B. Pang. Fidel V. Ramos D. Pang.Joseph E. Estrada
2. Ano ang saligan ng pamahalaan sa panahon ng panunungkulan ni Pang. Corazon C.
Aquino
hanggang sa kasalukuyan?
A. Saligang Batas 1935 C. Saligang Batas 1973
B. Saligang Batas 1943 D. Saligang Batas 1987
3. Sinong Pangulo ng bansa ang nagpairal ng batas ukol sa Expanded Value-Added Tax?
A. Joseph E. Estrada C. Fidel V. Ramos
B. Rodrigo R. Duterte D. Benigno Aquino
4. Ano ang dahilan ng pagharap sa kasong impeachment ni Pangulong Joseph E. Estrada ?
A. Pagkakasangkot sa ilegal na sugal na jueteng.
B. Pagpapairal ng Expanded Value-Added Tax.
C. Naging lider ng pag-aaklas.
D. Pagputok ng eskandalo ukol sa Hello Garci, Tape.
5. Anong legal na proseso ang nagtatanggal sa puwesto ng mataas na opisyal sa pamahalaan
na
lumabag sa batas?
A. Impeachment Complaint C. Calibrated Pre-emptive Response
B Plebesito D. Agreement
6. Alin ang hindi kabilang sa mga suliraning kinakaharap ng bansa sa panunungkulan ni
Pangulong Arroyo?
A. Paglala ang katiwalian sa pamahalaan.
B. Pagbaba ng kalidad ng pamumuhay ng mga tao.
C. Patuloy na pagtaas ng halaga ng gasolina.
D. Pag-unlad ng ekonomiya ng bansa.
7. Tumutukoy sa isang marahas na pamamaraan na ipinag-utos ni Pangulong Arroyo upang
sugpuin ang paglaganap ng pagrarali.
A. Calibrated Pre-emptive Response C. Expanded Value-Added Tax
B. Pork Barrel D. Coup d’etat
8. Sinong Pangulo ng bansa ang naghain ng reklamong impeachment complaint laban kay
 Chief Justice Renato Corona?
A. Pang. Gloria M. Arroyo C. Pang. Benigno Aquino
B. Pang. Rodrigo R. Duterte D. Pang. Fidel V. Ramos

9. Sino ang ating kasalukuyang Pangulo ng Pilipinas?

A. Rodrigo R. Duterte C. Gloria Macapagal Arroyo
B. Benigno ‘Noynoy’ Aquino D. Joseph Estrada Ejercito
10. Alin ang hindi kabilang sa mga programang naipatupad ni Pangulong Rodrigo R. Duterte
para
sa mga mamamayan.
A. Paglaban sa matinding korapsyon.
B. Pagsugpo sa mga kriminalidad sa lansangan at paglaganap ng illegal na gamot.
C. Pagsulong ng transparency sa mga proyekto, kontrata at transaksiyon sa negosyo
ng pamahalaan.
D. Pagbawi sa mga nakaw na yaman ng mga Marcos.

ANG SARILING PANANAW TUNGKOL SA

MGA PAGTUGON NG MGA PILIPINO SA
ARALIN
PATULOY NA MGA SULIRANIN , ISYU AT
7 HAMON NG KASARINLAN SA
KASALUKUYAN
Bagama’t tuluyang nang napasaatin ang kasarinlan na minimithi ng mga Pilipino. Hindi
pa rin dito natatapos ang mga hamon sa kasalukuyang kasarinlan. Ang bansa ay nahaharap sa
maraming suliranin at hamon.Ito’y susubukang tugunan ng mga bagong maihahalal na Pangulo
ang pangangailangan ng mga mamamayan. Sa pamamagitan ng mga programang ipinatupad
sa ilalim ng kanilang panunungkulan.

Ano ang balik-tanaw ko?

Panuto. Kilalanin kung sinong Pangulo ng Ikatlong Republika ang humarap sa suliraning
nakalahad sa ibaba. Piliin ang tamang sagot sa loob ng kahon na nasa ibaba.

1. Pagsilang ng aktibismo, suliranin sa pambansang kapayapaan at kaayusan at pambobomba

sa
Kalakhang Maynila.
2. Patuloy ang pagbaba ng halaga ng piso sa panahong ng kanyang panunungkulan.
3. Ang mababang moral ng mga mamamayan dahil sa pagkawala ng mga mahal nila sa
buhay at
kabuhayan.
4. Naging magulo ang kalagayang politikal sa bansa partikular sa Gitnang Luzon dahil sa
pangkat
ng HukBaLaHap.
5. Malubhang suliraning pinansyal ng bansa.
 Manuel A. Roxas Diosdado P. Macapagal Elpidio R. Quirino
Carlos P. Garcia Ferdinand E. Marcos Ramon F. Magsaysay

Ano ang gagawin ko?

Tingnan ang larawan.

Ang kahirapan sa pamumuhay ay matagal na at patuloy na nagiging suliranin ng ating
bansa.

Sagutin:
1. Anong suliranin ang nais ipabatid ng lawaran? __________________________
2. May pag -asa pa ba na mabago ang pamumuhay ng ating mahirap na mamamayan?___

Ano ang kahulugan?

ANG SARILING PANANAW TUNGKOL SA MGA PAGTUGON NG MGA PILIPINO SA
PATULOY NA MGA SULIRANIN , ISYU AT HAMON NG KASARINLAN SA
KASALUKUYAN
Naharap man sa maraming suliranin, sinubukang tugunan ng mga Pangulo ang
pangangailangan ng mga mamamayan.
Corazon Cojuangco- Aquino (1986- 1992)
Napaalis si Pangulong Marcos sa kanyang puwesto sa pamamagitan ng Rebolusyong
EDSA. Nagsimulang manungkulan si Pangulong Corazon Aquino sa gitna ng maraming
suliraning naiwan ng dating pangulong Marcos. Kabilang sa mga suliranin ay ang paglugmok
ng ekonomiya at malawakang paghihirap ng mga mamayan. Maging ang malaking
pagkakautang sa mga dayuhang bansa.
Kasama rin ang pagkalugi ng mga bangkong pag-aari ng pamahalaan. Kabil pagbagsak
ng moralidad ng mga mamamayan. Problema rin ang pag- aalsa ng mga militar tulad ng kudeta
(coup d’etat). Ito ay pag-aaklas ng isang maliit na organisasyong grupo o seksiyon ng estado
upang pabagsakin at palitan ang nakaluklok na gobyerno.
 Marami ang nagnais sa hanay ng militar na halinhinan at patalsikin si Pangulong
Corazon Aquino. Subalit dahil nasa likod niya ang simbahan at mga mamamayan. Naisulong
din niya ang panunumbalik ng demokrasya.
Sa panahon ng panunungkulan ni Pangulong Corazon Aquino, napatatag niya ang
pamahalaan laban sa mga ibig magpabagsak nito. Nakapagpatupad siya ng mga programang
pang-ekonomiya at libreng edukasyon sa sekondarya.
Maging ang karapatan sa pagboto at pagbawi sa mga nakaw na yaman ng mga Marcos.
Maging paglikha ng Saligang Batas 1987 na naging saligan ng ating pamahalaan hanggang
ngayon.
Fidel Valdez Ramos (1992-1998)
Sa kampanya noong halalan ng taong 1992, naghain si Pangulong Fidel V. Ramos ng
plataporma tungo sa maunlad na kabuhayan. Ito ay sa pamamagitan ng pagbibigay ng higit na
kapangyarihan sa mga mamamayan. Tulad ng ibang mga presidente na nailuklok hindi rin
nawalan ng kinakaharap na suliranin si Pangulong Ramos tulad ng pork barrel. Ito ay
nawawalang pondo ng gobyerno na pinaghihinalaang napupunta sa bulsa ng mga kawani ng
gobyerno. Ito ay sa halip na magamit sa proyekto para sa pangangailangan ng mga
mamamayan.
Nagpairal din ito ng Expanded Value-Added Tax (E-VAT) at pag-alis ng kontrol sa presyo
ng langis. Kaya’t tumaas ang presyo ng mga bilihan at tumaas din ang kriminalidad. Bumaba
ang agrikultura sa bansa at umangat ang kaunlaran ng bansa. Ngunit ang dating mayaman
lamang ang lalong yumayaman at ang mahihirap ay hindi gaanong natutulungan.
Magkagayunman, ang pangunahing programa ng pamahalaan ni Pangulong Ramos ay
umunlad ang ekonomiya ng bansa. Kasama rin ang pagkaroon ng katahimikan ang bansa at
paglikom ng pondo.
Joseph Ejercito Estrada (1998-2001)
Bagama’t maikli lang ang kanyang panunungkulan, ipinangako ni Pangulong Joseph
Ejercito Estrada na hahanguin ang mamamayan sa kahirapan. At aalisin ang katiwalian sa
pamahalaan o ang milyon-milyong pisong napupunta sa bulsa ng mga kawani ng gobyerno.
Sa pamumuno ni Pangulong Estrda, binigyan niya ng priyoridad ang ekonomiya ng bansa
ngunit marami ang naging hadlang sa kanyang programang pangkabuhayan. Gaya ng mga
sumusunod:
1. Malaking pagkakautang ng Pilipinas sa iba’t-ibang bansa;
2. Mga kalamidad na naganap sa ating bansa;
3. Pagtaas ng presyo ng gasoline at mga bilihin;
4. Kawalan ng tiwala ng mga lokal at dayuhang negosyante sa ekonomiya at marami
pang iba.
Nasangkot din siya sa ilegal na sugal na jueteng. Kaya naman naharap siya sa kasong
impeachment. At nahantong muli sa People Power II hanggang mapaalis si Estrada sa
Malacańang.
Ang Impeachment Complaints ay tumutukoy sa legal na prosesong batay sa ating Saligang
Batas na nagtatanggal sa mga nagkasala at lumabag sa batas at konstitusyon sa kanilang
kinalalagyang pwesto sa pamahalaan.
Gloria Macapagal- Arroyo (2001-2010)
Nang mahalal si Pangulong Gloria Macapagal Arroyo noong 2004 bilang pangulo sa ilalim
ng Ikalimang Republika. Inihayag niya sa kanyang talumpati sa Quirino Grandstand sa Luneta
ang kanyang 10-Point Program. Ito ang nais niyang itaguyod at isulong sa loob ng anim na
taong panunungkulan. Subalit, nang maupong muli ang panunungkulan si Pangulong Arroyo,
maraming suliranin ang kinakaharap ng bansa.
Paghihirap ng mga Mamamayan
Malaking paghihirap ang dinanas ng mga mamamayan dahil patuloy ang paglala ng
ekonomiya ng bansa. Lumala ang katiwalian sa pamahalaan. Patuloy ang pagtaas ng halaga ng
gasoline at mga bilihin. At malubha na ang kriminalidad. Samakatuwid, bumaba ang kalidad
ng pamumuhay ng mga tao.
“Hello, Garci Tape”
Hunyo, 2005 nang pumutok ang iskandalo ukol sa “Hello, Garci” tape. Ito ay naglalaman
ng pakikipag-usap ni Pangulong Arroyo kay COMELEC Commisioner Garcilliano noong
panahon ng eleksiyon. Ayon sa mga usapan sa tape, pinasisiguro na lalalamang siya ng isang
milyong boto sa kanyang mga kalaban. Maraming mamamayan ang nawalan ng tiwala sa
pagkalehitimong pagkapangulo ni Gloria Arroyo.
Pagsupil sa mga Nagpoprotesta
Hindi naglaon ay ipinagbawal ni Pangulong Gloria M. Arroyo ang pagrarali upang
masugpo raw ang karahasan. Nag-utos siyang gamitin ng mga pulis at military ang Calibrated
Pre-emptive Response (CPR). Ito ay isang marahas na pamaraan upang sugpuin ang
paglaganap ng pagrarali.
Hindi naibangon at napaunlad ng pamahalaan ni Pangulong Arroyo ang ekonomiya ng
bansa lalong lumala ang kalagayan nito.
Benigno ‘Noynoy’ Aquino III (2010-2016)
Hunyo 30, 2010 nanumpa sa tungkulin si Pangulong Benigno ‘Noynoy’ Aquino II sa
Quirino Grandstand sa Maynila. Inilahad niya ang kanyang mga layunin para sa ating bansa.
Bagama’t maganda ang inihaing layunin ng Pangulong ‘Noynoy’ Aquino, patuloy pa rin ang
pinakamalaking hamon sa administrasyong Aquino. Ito ay ang mga kakulangan sa pondo ng
pamahalaan at malaking utang sa ibang bansa. Maging ang katiwalian sa pamahalaan at
kakulangan sa trabaho. Kasama rin ang kakulangan sa puhunan sa pangangalakal at kahirapan
sa pamumuhay.
Impeachment ni Hukom Renato Corona
Sinampahan ng Administrasyong Aquino ng reklamong impeachment si Chief Justice
Renato Corona. Naganap ito noong Disyembre 12, 2011 laban sa katiwalian (korapsyon) sa
pamahalaan.
Comprehensive Agreement on the Bangsamoro
Upang matigil ang rebelyon sa rehiyon, nagkaroon ng kasunduan ang dalawang panig
noong Oktubre 15, 2012. Ito ay nang nilagdaan ang Framework Agreement on the
Bangsomoro.Nakasaad dito na gagawa ng mga batas ang kongreso upang maisakatuparan ang
pagpapalawak ng nasasa-kupan ng ARRM at Bangsamoro Autonomous Government.
Magkaroon din ng plebesito upang apbrubahan ito ng mga mamamayan sa lugar na
nasasakupan nito. Marso 27,2014 nang ang pamahalaan ng ating bansa at ang Moro Islamic
Liberation Front (MILF) ay pumirma sa Comprehensive Agreement Bangsamoro.
Sa pagtatapos ng panunungkulan ni Pangulong Aquino, hindi lubusang natugunan ng
kaniyang pamahalaan ang mga suliranin ng bansa. May mga kontrobersiya ring hinarap ang
kaniyang pamunuan gaya ng Manila hostage crisis noong Agosto 23,2010. At maging Yolanda
victims noong Nobyembre 8, 2013 at ang Mamasapano incidents noong Enero 25,2015.
Rodrigo A. Duterte
Ikalabing -anim na pangulo at kasalukuyang pangulo ng ating bansa.Nang maupo sa
panunung-kulan si Pangulong Duterte ay maraming suliranin ang kinakaharap ng ating bansa
tulad ng mga:
1. Mataas ang antas ng kriminalidad sa buong bansa;
2 Malala ang kriminalidad sa lansangan tulad ng nakawan, hold-up, carnap at carjack;
3.Paglaban sa terorista;
4. Patuloy na pagtaas ng mga bilihin;
 5. korapsyon, kapwa matataas at mababang antas sa pamahalaan;
6. pagguho ng tiwala sa pamahalaan;
7. mataas ang bilang ng mga walang trabaho;
8. malalang smuggling
9. matinding traffic sa metro manila na nakaapekto sa ekonomiya ng bansa; at
10. ang lumalalang pandemya sa ating bansa.
Sa kabila ng mga hamon na ito, may mga programa na naipatupad ang administrasyong
Duterte para sa mga mamamayan tulad ng:
1. Paglaban sa matinding korapsiyon
2. Pagsugpo sa mga kriminalidad sa lansangan at paglaganap ng illegal na gamot;
3. Pagsulong ng transparency sa mga proyekto, kontrata at transaksiyon sa negosyo
ng pamahalaan. At marami pang iba at magpapatuloy ito hanggang sa matapos ang
kanyang termino.
Sagutin ang sumusunod na mga tanong:
1. Ibigay at ipaliwanag ang mga suliraning kinakaharap ng bawat pangulo ng ating
bansa. __
2. Para sa inyo, ano ang pangunahing suliranin ng ating bansa ngayon ang dapat malutas
agad? At Bakit? _______________________________________________________.

Ano pa ang gagawin ko?

Gawain A. Panuto: Itambal ang Hanay A sa Hanay B upang matukoy kung kaninong
administrasyon ang humarap sa mga sumusunod na hamon o suliranin ng ating bansa.
Hanay A Hanay B
____ 1. Gloria Macapagal Arroyo A. Malaking utang sa ibang bansa
_____2. Benigno Aquino III B. Mataas ang antas ng kriminalidad sa buong
bansa.
_____3. Rodrigo A. Duterte C. Nag-utos na ipagbawal ang rali sa EDSA
upang masugpo ang karahasa
_____4. Joseph E. Estrada D. Pork Barrel
_____5. Fidel V. Ramos E. Kawalan ng tiwala ng mga lokal at
dayuhang negostante sa ekonomiya

Gawain B. Panuto: Lagyan ng kung ang isinasaad na pahayag ay tunay na nangyari

at kung ito ay isang opinyon.Isulat ang sagot sa patlang bago ang bilang.
_____1 Naghirap nang husto ang bansa sa ilalim ng pamumuno ni Pangulong Arroyo.
_____2. Lubusang natugunan ng Administrasyong Benigno Aquino ang mga suliranin
ng ating bansa.
_____3. Isa sa mga programa ni Pangulong Duterte ay ang kampanya laban sa pagsugpo
ng mga kriminalidad sa lansangan.
_____4. Nagkaroon muli ng People Power II sa panunungkulan ni Pangulong Estrada.
_____5. Si Chief Justice Renato Corona ay sinampahan ng reklamong impeachment
sa Administrasyong Duterte.
Gawain C: Panuto: Isulat ang Tama kung ang mga pahayag ay tungkol sa mga suliraning
kasalukuyang kinakaharap ng ating bansa at Mali kung hindi sa sagutang papel.
______1. Maraming walang trabaho.
______2. Pagtaas ng kaso ng Covid19 sa bansa.
______3. Pagtaas ng presyo ng mga bilihin.
______4. Dumaraming kriminalidad sa lipunan.
______5. Pag- unlad ng ekonomiya .

Ano ang natamo ko?

Tandaan Natin Ito!

Matapos mapaalis si Pangulong Marcos sa pamamagitan ng Rebolusyong EDSA ay
nanungkulan si Pangulong Corazon C. Aquino. Ginamit niyang saligan ng pamahalaan ang
Saligang Batas ng 1987 at maging sa kasalukuyan.
Nagkaroon ng iba’t ibang programa at suliraning kinaharap ang bawat pangulo
hanggang sa kasalukuyan. Gaya na lamang ng kudeta , isyu sa pork barrel, at ang “hello garci”
tape.
Iba’t- iba man ang naging pananaw ng pagtugon sa bawat suliranin ng bansa, subalit
bawat naging Pangulo ng Republika ng Pilipinas ay nagsikap na matugunan ang napakaraming
hamon, suliranin at isyung kinakaharap ng bansa tungo sa maayos, maunlad ng malayang
bansa.

Ano ang kaya kung gawin?

Bilang isang mag-aaral, sa iyong palagay, aling kasalukuyang suliranin ng ating

bansa ang dapat pagtuunan ng ating pangulo? Ipaliwanag ang iyong sagot sa
pamamagitan ng sanaysay.
_____________________________________________________________________
___.

Kumusta na ang target ko?

Panuto: Basahin ang mga pangungusap na nasa ibaba. Piliin at isulat ang titik ng tamang
sagot sa sagutang papel.
1. Ano ang tawag sa pag-aaklas ng isang estado upang pabagsakin at palitan ang
nakaluklok sa gobyerno?
A. kudeta B. digmaan C. katiwalian D. giyera
2. Ang tawag sa nawawalang pondo ng gobyerno na pinaghihinalaang napupunta sa bulsa ng
 mga kawani ng gobyerno?
A. pork barrel B. scam C. kaban ng bayan D. E-VAT
3. Ano ang kahulugan ng EVAT?
A. Expanded Value-Added Tax C. Extended Value-Added Tax
B. Extension Value-Added Tax D. External Value-Added Tax
4. Ilang taon nanungkulan si Pangulong Joseph E. Estrada sa bansa?
A. 2 B. 3 C. 4 D. 5
5. Sinong tinutukoy na kausap ni Pangulong Arroyo sa iskandalong “Hello, Garci” tape?
A. Comelec Commisioner Garciliano C. Chief Justice Renato Corona
B. Kalihim Harry Roque D. FG Mike Arroyo
6. Kailan nilagdaan ang Comprehensive Agreement Bangsamoro sa pagitan ng pamahalaang
Aquino at ang Moro Islamic Liberation Front?
A. Marso 26, 2014 B. Marso 27, 2014 C. Marso 28, 2014 D. Marso 29,2014
7. Kailan sinampahan ng reklamong impeachment complaint si Chief Justice Renato Corona?
A. Disyembre 12, 2011 C. Disyembre 12, 2013
B. Disyembre 12, 2012 D. Disyembre 12, 2014
8. Anong kontrobersiyal na naganap noong Enero 25, 2015 sa panunungkulan ni Pangulong
Benigno Aquino?
A. Manila Hostage Crisis C. Mamasapano Incidents
B. Yolanda Typhoon Victim D. Dengvaxia Vaccination
9. Ang nakawan, hold-up, carnap at carjack ay ilan lamang sa mga suliraning kinakaharap
ng _____________________?
A. Administrasyong Estrada C. Administrasyong Macapagal
B. Administrasyong Aquino D. Administrasyong Duterte
10. Saan nanumpa ng kanilang tungkulin ng mahalal sina Pangulong Gloria Arroyo, Benigno
Aquino at Rodrigo R. Duterte?
A. Quirino Grandstand sa Maynila C. Luneta Park
B. Museum ng Pambansa D. Sa Senado

Ano pa ang kaya kung gawin?

GAWAIN A: Panuto:Sumulat ng isang pangako na magagawa mo upang makatulong sa pag-

unlad ng ating bansa. ________________________________________________________.

GAWAIN B: Para sa karagdagang gawain. Panoorin ang video gamit ang link na nasa
ibaba.
(https://www.youtube.com/watch?v=Jcod7donA60)
1. Itala ang mga hamon at suliraning napanood sa video at isulat sa iyong dyornal.

Sanggunian
• Antonio, Eleonor D, Banlaygas, Emilia L, Dallo, Evangeline M. (2017)
KAYAMANAN 6, Rex Publishing; Sampaloc Maynila pp. 260 – 302.
• CHILD LABOR- WordPress.com
‘Hakbang upang Matuldukan’ – Child Labor: Children Playing In Reality.
• https://www.youtube.com/watch?v=Jcod7donA60
(MGA ISYU AT PROBLEMA SA PILIPINAS)

EXECUTIVE COMMITTEE FOR HYBRID MODULE

Chairperson: DR. MARGARITO B. MATERUM – OIC-SDS

Vice-Chairperson: DR. GEORGE P. TIZON – SGOD Chief
DR. ELLERY G. QUINTIA – CID Chief

Ex-Officio Members: EDUCATION PROGRAM SUPERVISORS

ELEMENTARY SCHOOL PRINCIPALS

Secretariat: QUINN NORMAN O. ARREZA

Team Leader/Facilitator: DR. DANILO S. GUTIERREZ

Writer: RHEALYN M. TARDIO

Content Evaluator: JULITA L. MACARANAS
Language Evaluator: NAPOLEON G. JUNIO
Reviewers: FERDINAND PAGGAO
JULITA L. MACARANAS
NAPOLEON G. JUNIO
Illustrator : CRISELLE G. FERRERAS
Lay-out Artist:MA. CRISTINA A. NARVAS
Content Validator: JULITA L. MACARANAS
Format and Language Validators: PRIVATE INTERNATIONAL SCHOOLS
REPRESENTATIVES
School Head In-charge: JOSEFINA R. GRANADA (Primary)
DR. MA. CHERYL S. FERNANDEZ (Intermediate)
EPS In-charge: MR. FERDINAND PAGGAO, EPS – ARALING PANLIPUNAN
DR. DAISY L. MATAAC, EPS – LRMDS/ALS

For inquiries, please write or call:

Schools Division of Taguig City and Pateros
Gen. Santos Ave., Central Bicutan, Taguig City
Telefax (02) 8533-1458; (02) 8514-7970
Email Address: sdo.tapat@deped.gov.ph; division_sds@yahoo.com