6

Araling Panlipunan
Ikatlong Markahan – Modyul 5
Ikalimang Linggo
Paunang Salita
Para sa tagapagdaloy:
Ang modyul na ito ay pinagtulungang dinisenyo, nilinang at sinuri ng mga edukador mula sa
pampubliko at pampribadong institusyon upang gabayan ka, ang gurong tagapagdaloy upang
matulungang makamit ng mag-aaral ang pamantayang itinakda ng Kurikulum ng K to12
habang kanilang pinanagumpayan ang pansarili, panlipunan at pang-ekonomikong hamon sa
pag-aaral.
Ang tulong-aral na ito ay umaasang makauugnay ang mag-aaral sa mapatnubay at malayang
pagkatuto na mga gawain ayon sa kanilang kakayahan, bilis at oras. Naglalayon din itong
matulungan ang mag-aaral upang makamit ang mga kasanayang pan-21 siglo habang
isinasaalang-alang ang kanilang mga pangangailangan at kalagayan.
Bilang tagapagdaloy, inaasahang bibigyan mo ng paunang kaalaman ang mag-aaral kung paano
gamitin ang modyul na ito. Kinakailangan ding subaybayan at itala ang pag-unlad nila habang
hinahayaan silang pamahalaan ang kanilang sariling pagkatuto. Bukod dito, inaasahan mula sa
iyo na higit pang hikayatin at gabayan ang mag-aaral habang isinasagawa ang mga gawaing
nakapaloob sa modyul.
Para sa mag-aaral:
Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.
Ang mga sumusunod ay mahahalagang paalala sa paggamit ng modyul na ito:
1. Gamitin ang modyul nang may pag-iingat. Huwag lalagyan ng anumang marka o sulat
ang anumang bahagi nito. Gumamit ng hiwalay na papel sa pagsagot sa mga
pagsasanay.
2. Basahing mabuti ang mga panuto bago gawin ang bawat pagsasanay.
3. Obserbahan ang katapatan at integridad sa pagsasagawa ng mga gawain at sa
pagwawasto ng mga kasagutan.
4. Tapusin ang kasalukuyang gawain bago pumunta sa iba pang pagsasanay.
Kung sakaling ikaw ay mahirapang sagutin ang mga gawain sa modyul na ito, huwag mag-
aalinlangang konsultahin ang inyong guro o tagapagdaloy. Maaari ka rin humingi ng tulong
kay nanay o tatay, o sa nakatatanda mong kapatid o sino man sa iyong mga kasama sa
bahay na mas nakatatanda sa iyo. Laging itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng makahulugang
pagkatuto at makakakuha ka ng malalim na pang-unawa sa kaugnay na mga kompetensi.
Kaya mo ito!

1
 Ano ang target ko?
Pagkatapos ng modyul na ito, inaasahang naiisa-isa mo ang mga programang ipinatupad
ng iba’t ibang administrasyon sa pagtugon sa mga suliranin at hamong kinaharap ng mga
Pilipino mula 1946-1972 batay sa mga sumusunod:
1. Administrasyong Macapagal;
2. Administrasyong Marcos.

Ano ako magaling?

Basahing mabuti ang bawat pangungusap. Piliin at isulat ang titik ng wastong sagot sa
sagutang papel.
1. Ano ang layunin ni Pangulong Diosdado P. Macapagal sa kanyang pamumuno sa ating
bansa?
A. Maitaas ang antas ng pamumuhay ng bansa.
B. Matanggal ang sistema ng pangungupahan sa mga lupa.
C. Mapaunlad ang mga baryo.
D. Mapalakas ang kilusang kooperatiba.
2. Sino ang pangulo na lumagda sa pagpapatibay ng Batas Republika Blg. 3844 noong
Agosto 8, 1963?
A. Pang. Ramon Magsaysay C. Pang. Carlos Garcia
B. Pang. Diosdado Macapagal D. Pang. Ferdinand Marcos
3. Sino ang maimpluwensiyang mangangalakal na nakialam sa pamahalaan at mapalawak ang
kanyang negosyo gamit ang salapi?
A. Jose Diokno B. Harry Stonehill C. Bill Gates D. Henry Ford
4. Sino ang may-ari ng Sabah na pinaupahan ito sa isang mangangalakal na Ingles noong
1897?
A. Sultan ng Sulu B. Sultan ng Jolo C. Sultan ng Cebu D. Sultan ng Basilan
5. Alin dito ang bansang hindi kasama sa samahang MAPHILINDO ?
A. Pilipinas B. India C. Indonesia D. Malaysia
6. Alin dito ang pangako ni Pang. Marcos na magiging dakilang muli ang Pilipinas?
A. “Kung ano ang makabubuti sa karaniwang tao ay makabubuti sa buong bansa.”
B. “This country will be great again.”
C. “Ang Asya ay para sa mga Asyano.”
D. “The Filipino is worth dying for.”
7. Ano ang malawakang programang impraestruktura na naging dahilan upang si Pangulong
Marcos ay taguriang ________.
A. Idolo ng Masa C. Ama ng Wikang Pambansa
B. Infrastructure Man D. Erap para sa Mahirap

2
8. Ang mga sumusunod na pahayag ay nagsasaad ng naging programa ni Pang. Marcos
maliban sa isa.
A. Pagsasakatuparan ng higit na malawak na programa ng reporma sa lupa.
B. Pagsasaayos ng mga malalaki at maliliit na industriya.
C. Paglipat ng taunang pagdiriwang ng Araw ng Kalayaan mula Hulyo 4 ay naging
Hunyo 12.
D. Pagpapalakas ng kilusang kooperatiba.
9. Alin sa mga sumusunod ang programang naipatupad ni Pang. Marcos?
A. Pilipino Muna C. Green Revolution
B. Kodigo ng Reporma sa Lupang Sakahan D. Austerity Program
10. Kailan idineklara ang Batas Militar na naging hudyat ng pagtatapos ng Ikatlong
Republika?
A. Setyembre 21, 1972 C. Enero 26, 1970
B. Agosto 21, 1983 D. Pebrero 27, 1970

Aralin PROGRAMANG IPINATUPAD NG MGA PANGULO TUNGO

5 SA KAUNLARAN NG BANSA

Bawat pangulo ay may tungkulin na dapat gampanan para sa kaunlaran ng bansa. Siya
ang nagpapatupad ngmga programa para sa kaayusan at kabutihan ng bawat mamamayan nito.
Siya ay binigyan ng kapangyarihan upang pamunuan ang nasasakupan ng naaayon sa batas.
Dahil dito, nagkakaroon ng pagkakataon ang isang bansa sa pagkamit ng kaunlaran.

Ano ang balik-tanaw ko?

Panuto: Iguhit ang kung ito ay patakaran at programa ng pamahalaan para sa pagtugon ng
mga hamon at suliranin. Iguhit naman ang kung hindi sa patlang bago bilang.

______1. Pagtatag ng Presidential Complaints and Action Committee upang bigyan ng

kaluwagan ang mamamayan na ipahayag ang kanilang mga pangangailangan.
______2. Pagbigay ng karapatan sa mga manggagawa para magtatag ng unyon, welga, at
makipag-ayos sa pamahalaan sa pamamagitan ng Magna Carta ng Paggawa.
______3. Hindi pagsapi sa mga samahang panrehiyon upang di makapag-angkat ng mga
produkto sa ibang bansa.
______4. Pakikiisa sa Austerity Program upang makatipid at magkaroon ng maayos na
pamumuhay.
______5. Pagtangkilik sa sariling produkto sa pamamagitan ng pagsunod sa patakarang
Pilipino Muna.

3
 Ano ang gagawin ko?
Tunghayan ang bawat larawan.

1. Ilarawan ang pangyayaring isinasaad ng bawat isa. ________________________

2. Ilarawan ang kontribusyon nila sa ating bansa._____________________

Ano ang kahulugan?

PROGRAMANG IPINATUPAD NG MGA PANGULO TUNGO SA
KAUNLARAN NG BANSA
Panunungkulan ni Diosdado P. Macapagal
(Disyembre 30, 1961 – Disyembre 30, 1965)
Naging pangulo si Diosdado P. Macapagal matapos ang halalan noong
Nobyembre 14, 1961. Layunin ng kanyang administrasyon na maitaas ang antas
ng pamumuhay ng bansa. Ito ay sa pamamagitan ng pagtataas ng sahod ng mga
manggagawa. Kasama rin ang pagbibigay ng mga murang pabahay at pagpapabuti
ng kalagayan ng mga magsasaka. At pagpapaunlad ng kabuhayan ng bansa.
Reporma sa Lupa
Ang programa ng reporma sa lupa ay pinagtibay ng Batas Republika Blg. 3844 na
nilagdaan ni Pang. Diosdado Macapagal noong Agosto 8, 1963. Ito ay sa kabila ng pagtutol ng
mga may-ari ng lupang pansakahan. Nakatakda sa batas na ito ang pagbibigay sa mga walang
lupa ng mga lupang pag-aari ng pamahalaan.
Pinalitan niya ang patakaran sa paghahati ng paupahang lupa sa pagitan ng kasama at
may-ari ng lupa. Ibinaba sa 25% ng kabuuang ani ang ibabayad ng kasama sa may-ari ng lupa.
Inatasan niya ang labindalawang bayan ng Luzon na isakatuparan ang Kodigo ng Reporma sa
Lupang Sakahan (Agricultural Land Reform Code) upang masimulan ang pagbabago.
Gayunpaman, hindi ito lubusang naging matagumpay dahil sa kakulangan sa panustos
at mga katiwalian sa pamahalaan. Ibinunyag ni Kalihim Jose W. Diokno ng Kagawaran ng
Katarungan ang sabwatan ng mga senador, mga kagawad ng gabinete, at ilang mamamahayag
sa isang Amerikanong nagngangalang Harry Stonehill. Siya ay isang maimpluwensiyang
mangangalakal na gumamit ng salapi upang makialam sa pamahalaan. At mapalawak niya ang
kanyang negosyo sa Pilipinas.

4
Programang Pangkabuhayan
Gumawa ng Limang Taong Programa si Pang. Macapagal na naglalayong mapatatag
ang kalagayan at kabuhayan ng sambayanang Pilipino. Ngunit ayon sa mga kritiko, ito ay
nanatiling plano lamang at hindi naisakatuparan.
Karamihan pa rin sa mga Pilipino ay walang maayos na tirahan. Bukod pa ito sa mga
suliranin sa kakulangan ng hanapbuhay, laganap na kriminalidad sa lungsod, at paglala ng
polusyon.
Pagbabago sa Petsa ng Pagdiriwang ng Kasarinlan
Si Pangulong Macapagal din ang naglipat ng petsa ng Araw ng Kalayaan ng bansa. Sa
Hunyo 12 sa halip na Hulyo 4. Kung ating gugunitain, ang pagpapahayag ng pagsasarili ng
Pilipinas noong Hulyo 4, 1946 ay ginawa ni Pang. Roosevelt ng Estados Unidos. Ito naman ay
natapat naman sa kaarawan ng kalayaan ng Amerika.
Ang Hunyo 12, 1898 ang petsa kung kailan ipinahayag ni Hen. Emilio Aguinaldo sa
Kawit, Cavite ang kasarinlan ng mga Pilipino. Para kay Pang. Macapagal, marapat lamang na
ang Pilipino ang magdeklara ng kanilang kalayaan. Sa kasalukuyan, ang Hulyo 4 ay
ipinagdiriwang bilang Araw ng Pagkakaibigan ng mga Pilipino at Amerikano (Philippine-
American Friendship Day).
Patakarang Panlabas
Pormal na naghain ng pag-aangkin at muling mapasaatin ang Sabah si Pang.
Macapagal. Sa dahilang sakop ito ng teritoryo ng Pilipinas. Bukod dito, sagana rin ito sa likas
na yaman at maraming Pilipinong Muslim ang nakatira. Ang Sultan ng Sulu ang may-ari nito
at ito ay pinaupahan lamang sa isang mangangalakal na Ingles noong 1897.
Kinuha ito ng Britain noong Hulyo 10, 1946. Pagkaraan ng 16 taon, binalak ng
Inglatera na ibalik ang teritoryo ng Sabah sa Malaysia noong 1962. Kasama ang Sarawak at
Singapore upang bumuo ng estado ng Malaysia. Dahil sa malaki ang pakinabang nito, tinutulan
ito ni Pang. Macapagal.
Iminungkahi niya na magtatag ng samahan na bubuuin ng Malaysia, Pilipinas, at
Indonesia (MAPHILINDO). Ito’y upang mapanatili ang mapayapang pag-uugnay sa pagitan
ng tatlong bansa. Pinagkasunduan din nila na lulutasin ang suliranin sa Sabah sa mapayapang
paraan. Nagkaroon ng plebesito at bumoto ang mga mamamayan. Ninais ng mga mamamayan
ng Sabah na sumanib sa Malaysia kaya’t nawalan ng saysay ang paghahabol ng Pilipinas.
Panunungkulan ni Ferdinand E. Marcos
(Disyembre 30, 1965 – Setyember 21, 1972)
Nanumpa si Ferdinand E. Marcos bilang pangulo ng Pilipinas noong
Disyembre 30, 1965. Ipinagpatuloy niya ang programang reporma sa lupa,
trabaho at pagbaba ng presyo ng bilihin. Kasama rin ang pagtaas ng sahod,
pag-alis ng nepotismo at katiwalian sa serbisyong pampamahalaan.
Ipinangako niya na magiging dakilang muli ang Pilipinas ayon sa
pahayag niyang “This country will be great again” sa kanyang pamumuno. Si
Fernando Lopez naman ang Pangalawang Pangulo.
Mga Programang Pangkaunlaran
Sa panunungkulan ni Pangulong Marcos, inilunsad ang malawakang programang
impraestruktura tulad ng paggawa ng mga kalye at tulay . Maging ang irigasyon, paaralan,
LRT at iba pa kaya tinawag siyang Infrastructure Man.
Upang matustusan ang mga proyektong ito, hinimok niya ang Kongreso na magpatibay
ng bagong batas tungkol sa pagtaas ng buwis. Umutang ang pamahalaan ng salapi sa mga
bangko at sa ibang bansa.

5
 Sa ilalim ng unang termino, nagkaroon ng maraming pagbabago. Ang ilan sa mga ito
ay:
1.Pagsasakatuparan ng higit na malawak na programa ng reporma sa lupa;
2.Pagpapagawa ng higit na modernong irigasyon at paraan ng pagsasaka;
3.Pagpapalaganap ng mga paglilingkod na pangkalusugan sa mga pook-rural;
4.Pagbabago ng organisasyon ng Hukbong Sandatahan at pagbabawas sa kriminalidad;
5.Pagpapaunlad ng mga baryo na sa unang pagkakataon sa kasaysayan ay nabigyan ng
tiyak na kaparte sa kinikita ng pamahalaan;
6. Pagsasaayos ng mga malalaki at maliliit na industriya;
7. Pagpapatayo ng higit sa 80,000 silid-aralan;
8. Pagpapagawa ng higit sa 6,000 kilometro ng mga lansangan (tulad ng North Diversion
Road mula Balintawak hanggang Tabang sa Bulacan);
9. Pagsisimula ng Green Revolution;
10. Pagkakaroon ng Miracle Rice, paglaki ng produksiyon ng bigas at mais dahil sa
paggamit ng higit na modernong irigasyon at pagsasaka;
11. Pagpapalakas ng kilusang kooperatiba;
12. Paglawak ng pakikipag-ugnayang pandaigdigan ng Pilipinas;
13. Pagpapasigla at pagtangkilik sa ating sining at kultura sa pamamahala ng Unang Ginang
Imelda Marcos.
Pakikipag-ugnayang Panlabas
Ang Pilipinas ay sumali sa mga gawaing pang-internasyonal sa ilalim ng pamahalaang
Marcos. Noong Setyembre, 1966, ipinadala niya sa digmaan sa Vietnam ang Philippine Civic
Action Group (PHILCAG). Binuo ito ng mga sundalo, inhinyero, at medikong Pilipino.
Nagtayo sila ng mga tahanang nasira ng digmaan at gumamot ng libo-libong sibilyan ng
Timog-Vietnam.
Noong Oktubre 24-26, 1966, inanyayahan ni Pang.Marcos ang ilang bansang laban sa
komunismo tulad ng Estados Unidos, Australya, New Zealand, Timog-Korea, Thailand, at
Timog-Vietnam na magpulong sa Maynila. Tinalakay nila kung paano masusugpo ang
paglaganap ng komunismo sa rehiyon ng Timog-Silangang Asya.
Binigyang-sigla ni Marcos ang pakikipag-ugnayan sa mga bansang Asyano. Kabilang
ang Pilipinas sa mga bansang nagtatag ng Samahan ng mga Bansa sa Timog-Silangang Asya
(Association of Southeast Asian Nations o ASEAN) noong 1967.
Setyembre 21, 1972, idineklara ni Pangulong Marcos ang Batas Militar (Martial Law)
na naging hudyat ng pagwawakas ng Ikatlong Republika.

Sagutin ang mga sumusunod na tanong.

1. Isa-isahin at ilarawan ang mga naging programa ng bawat pangulo? ______
2. Bakit nawalan ng saysay ang paghahabol ng Pilipinas sa Sabah? ___________
3. Sa iyong palagay, nakapagdulot ba ng kaunlaran ang mga programang ipinatupad ng
bawat pangulo ?__________________________

6
 Ano pa ang gagawin ko?

GAWAIN A: Pagtambalin ang HANAY A sa HANAY B. Piliin at isulat ang titik ng

wastong sagot.
A B

____1. Sila ay binubuo ng mga medikong A. Batas Republika Blg. 3844

Pilipino, inhenyero at sundalo na pinadala
sa Vietnam.
____2. Ito ay taunang pagdiriwang tuwing B. Jose W. Diokno
ika-4 ng Hulyo.
____3. Siya ang Amerikanong mamamahayag.
____4. Batas na nagtatakda ng pagbibigay D. Philippine Civic Action Group
ng mga lupa na pag-aari ng pamahalaan para
sa mga walang lupa.
____5. Siya ang kalihim ng Kagawaran ng E. Philippine-American Friendship Day
Katarungan na nagbunyag ng
sabwatan sa pamahalaan. F. Martial law

GAWAIN B: Iguhit ang kung ang nagsasaad ng ambag ni Pang. Diosdado P. Macapagal
at naman kung ito ay kay Pang. Ferdinand E. Marcos.
_____1. Pagtatag ng samahang MAPHILINDO
_____2. Pagkakaroon ng Miracle Rice
_____3. Pagtatag ng Association of Southeast Asian Nations
_____4. Agricultural Land Reform Code
_____5. Pagsisimula ng Green Revolution

GAWAIN C: Punan ang mga letra sa krosword upang mabuo ang kasingkahulugan
ng bawat salita.
¹P
Pababa:
²K 1. Reporma
³M G S A 2. Kasarinlan
B L
⁴P N Y Y Pahalang:
3. Kasama
4. Imbitasyon
⁵ E G Y N 5. Mangangalakal
O N

7
 Ano ang natamo ko?

Tandaan Natin Ito!

Nagwagi sa pagkapangulo si Pang. Diosdado Macapagal matapos ang halalan noong
Nobyembre 14, 1961. Layunin niyang maitaas ang antas ng pamumuhay ng mga mamamayan
sa bansa. Ito ay sa pamamagitan ng pagtaas ng sahod ng mga manggagawa at murang pabahay
na matitirahan.
Bahagi rin sa mga programa ni Pangulong Macapagal ang mapabuti kalagayan ng mga
magsasaka. Kasama nito ang pagpapaunlad sa kabuhayan ng ating bansa. Nagpatupad ng
reporma sa lupa, programang pangkabuhayan, pagbabago sa pagdiriwang ng kasarinlan, at
nagkaroon ng mga patakarang panlabas.
Sinundan siya ni Pangulong Ferdinand E. Marcos na nagsimulang manungkulan noong
Dsiyembre 30, 1965. Siya ay nangako at nagsabi ng katagang “This country will be great
again”.
Nagpatupad siya ng mga programang pangkaunlaran at nakibahagi sa pakikipag-
ugnayang panlabas. Idineklara niya ang Batas Militar na naging hudyat ng pagwawakas ng
Ikatlong Republika noong Setyembre 21, 1972.

Ano ang kaya kong gawin?

GAWAIN: Panuto: Dugtungan ang pahayag sa ibaba nang may buong katapatan.
Natuklasan ko sa araling ito na bilang mag-aaral ay dapat akong maging
__________________________________________________.

Kumusta na ang target ko?

Basahin at unawaing mabuti ang bawat pangungusap. Piliin at isulat ang titik ng wastong
sagot sa inyong sagutang papel.
1. Siya ang ikalimang pangulo ng Republika ng Pilipinas na nahalal noong Nobyembre 14,
1961.
A. Diosdado Macapagal C. Corazon Aquino
B. Ferdinand Marcos D. Fidel Ramos
2. Alin dito ang hindi naging programa ni Pangulong Diosdado Macapagal ?
A. Pagsisimula sa Green Revolution.
B. Pagbibigay ng mga murang pabahay.
C. Pagpapabuti ng kalagayan ng mga magsasaka.
D. Pagtataas ng sahod ng mga manggagawa.

8
3. Sino ang tumutol sa pagpapatibay ng Batas Republika Blg. 3844 na nilagdaan noong
Agosto 8, 1963?
A. mga kasama C. mga may-ari ng lupang pansakahan
B. mga haciendero D. mga dayuhan
4. Sa paggunita ng Araw ng Kalayaan tuwing ika-4 ng Hulyo ay inilipat ni Pang. Macapagal
tuwing ___________.
A. Hulyo 4 B. Hunyo 12 C. Pebrero 25 D. Abril 9
5. Anong bansa ang nag-aangkin sa Sabah sa panahon ng panunungkulan ni Pangulong
Macapagal?
A. Singapore B. Malaysia C. Sabah D. Britain
6. Anong samahan ang iminungkahing itatag ni Pang. Macapagal upang mapanatili ang
mapayapang ugnayan ng tatlong bansa ?
A. ASEAN C. United Nations
B. MAPHILINDO D. WHO
7. Sino ang nagwaging Pangalawang Pangulo sa naganap na eleksiyon noong Disyembre 30,
1965 ?
A. Gerardo Roxas C. Gonzalo Vasquez
B. Manuel Manahan D. Fernando Lopez
8. Alin dito ang programang/mga programang inilunsad ni Pang. Marcos para sa kaunlaran
ng bansa?
A. Pagpapatayo ng higit sa 80, 000 silid-aralan.
B. Pagpapalaganap ng mga paglilingkod na pangkalusugan.
C. Pagpapalakas ng kilusang kooperatiba.
D. Lahat ng nabanggit.
8. Aling programa ang nakatutulong sa pagpapabuti at pagpapanatili ng magandang
pakikipag-ugnayan natin sa ibang bansa?
A. Pagsasakatuparan ng higit na malawak na programa ng reporma sa lupa.
B. Paglawak ng pakikipag-ugnayang pandaigdigan ng Pilipinas.
C. Pagbabago ng organisasyon ng Hukbong Sandatahan at pagbabawas sa
kriminalidad.
D. Pagpapagawa ng higit na modernong irigasyon at paraan ng pagsasaka.
9. Sino ang nagpatupad ng mga programa para sa pagpapasigla at pagtangkilik ng sining at
kulturang Pilipino?
A. Kalihim Jose W. Diokno
B. Pang. Diosdado Macapagal
C. Ferdinand Lopez
D. Unang Gng. Imelda Marcos
10. Ito ang batas na idineklara ni Pang. Marcos na hudyat ng pagwawakas ng Ikatlong
Republika ng Pilipinas.
A. Batas Militar C. PHILCAG
B. Batas Republika Blk. 3844 D. MAPHILINDO

9
 Ano pa ang kaya kong gawin?

GAWAIN A: Panuto:Ibigay ang mga naging ambag ng mga sumusunod na pangulo

ng bansa tungo sa pagkamit ng kaunlaran.

DIOSDADO P. MACAPAGAL FERDINAND E. MARCOS

GAWAIN B: Panuto :Panoorin ang video gamit ang link na nasa ibaba at gawin ang
nakasaad na Gawain .
a. https://www.youtube.com/watch?v=adUz_7p-TMk
b. https://www.youtube.com/watch?v=SfUauY0QNb8
1. Gumawa ng sanaysay tungkol na napanoon na video.

Sanggunian
• Antonio, Eleonor D., Banlaygas, Emilia L., Dallo, Evangeline M. (2017):
KAYAMANAN 6 (Batayan at Sanayang Aklat sa Araling Panlipunan) Rex
Publishing; Sampaloc Maynila. pp. 218-228
• https://tl.wikipedia.org/wiki/Pangkalahatang_halalan_sa_Pilipinas,_1961
• http://lrmds.depedldn.com/DOWNLOAD/MODYUL_16_MGA_PAGBABAG
O_SA_IBA_.PDF
• http://malacanang.gov.ph/presidents/third-republic/diosdado-macapagal/
• http://malacanang.gov.ph/ferdinand-marcos/
• https://www.heraldextra.com/news/opinion/herald-editorials/thumbs-up-
thumbs-down/article_a5543f74-4137-5d3b-9c0f-8cca2f076ca1.html
• https://www.officialgazette.gov.ph/featured/third-republic/
• https://www.youtube.com/watch?v=adUz_7p-TMk
• https://www.youtube.com/watch?v=SfUauY0QNb8

10
 EXECUTIVE COMMITTEE FOR HYBRID MODULE

Chairperson: DR. MARGARITO B. MATERUM – OIC-SDS

Vice-Chairperson: DR. GEORGE P. TIZON – SGOD Chief
DR. ELLERY G. QUINTIA – CID Chief

Ex-Officio Members: EDUCATION PROGRAM SUPERVISORS

ELEMENTARY SCHOOL PRINCIPALS

Secretariat: QUINN NORMAN O. ARREZA

Team Leader/Facilitator: DR. DANILO S. GUTIERREZ

Writer: RHEA Y. SANTIZO

Content Evaluator: JULITA L. MACARANAS
Language Evaluator: NAPOLEON G. JUNIO
Reviewers: FERDINAND PAGGAO
JULITA L. MACARANAS
NAPOLEON G. JUNIO
Illustrator: CRISELLE G. FERRERAS
Lay-out Artist: CRISTINA A. NARVAS
Content Validator: JULITA L. MACARANAS
Format and Language Validators: PRIVATE INTERNATIONAL SCHOOLS
REPRESENTATIVES
School Head In-Charge: JOSEFINA R. GRANADA (Primary)
DR. MA. CHERYL S. FERNANDEZ (Intermediate)
EPS In-Charge: FERDINAND PAGGAO, EPS – ARALING PANLIPUNAN
DR. DAISY L. MATAAC, EPS – LRMS/ALS

For inquiries, please write or call:

Schools Division of Taguig city and Pateros Upper Bicutan Taguig City

Telefax:

Email Address: