ANO ANG BREASTFEEDING:

Ang breast milk ay isang katangi-tanging pinagkukunan ng sustansya dahil sa

mga properties nito na naaangkop sa pangangailangan ng isang sanggol. Naglalaman
ito ng mga sangkap na nagbibigay ng proteksyon laban sa mga sakit na maaaring
makaapekto sa ina at sanggol.

Base sa World Health Organization (WHO), ang breastfeeding ay inirerekomenda

para sa mga sanggol mula kapanganakan hanggang dalawang taong gulang dahil ang
mga benepisyo nito ay nararanasan ng ganito katagal. Mainam na magsimula mag-
breastfeed sa unang oras ng kapanganakan para sa pinakamalaking benepisyo.

ANO-ANO ANG BENESIPYO NG BREASTFEEDING:

SANGGOL

1. Ang breast milk ay ang pinakamahusay na pinanggagalingan ng nutrisyon

para sa mga sanggol.
- Inirerekomenda ng mga healthcare provider ang exclusive o patuloy na
breastfeeding ng hindi bababa sa anim na buwan o mas matagal pa
sapagkat ito ay naglalaman ng kumpletong nutrisyon na kailangan ng
sanggol.

2. Ang breast milk ay naglalaman ng mahahalagang antibodies.

- Ang gatas ng ina ay mayaman sa antibodies na nakakatulong upang
malabanan ng sanggol ang mga impeksyong dulot ng virus at bacteria.
3. Ang breastfeeding ay maaaring makabawas sa tyansa ng pagkakaroon ng
sakit ng sanggol.
- Ang exclusive breastfeeding, o ang pagbibigay sa sanggol ng walang
ibang pagkain bukod sa breast milk, ay ang pinakamabuting paraan
upang mabawasan ang tyansa ng pagkakaroon ng sakit tulad ng mga
sumusunod:
- Impeksyon sa middle ear
- Impeksyon sa baga
- Sipon at impeksyon sa ilong at lalamunan
- Impeksyon sa tiyan at bituka
- Sudden infant death syndrome (SIDs)
- Allergy tulad ng asthma, atopic dermatitis at eczema
- Diabetes
 - Leukemia
4. Ang breastfeeding ay nakakatulong sa pagiging matalino ng bata.
- Ayon sa mga pag-aaral, magkaiba ang development ng utak ng mga
batang pinainom ng formula milk at breast milk. Ang pagkakaiba na ito
ay maaaring dahil sa physical intimacy at eye contact na kaugnay ng
breastfeeding, bukod sa nutrisyong nakukuha sa breast milk .

NANAY

1. Ang breastfeeding ay maaaring makabawas sa tyansa ng pagkakaroon ng

sakit ng ina.
- Nagbibigay ito ng pangmatagalang proteksyon laban sa kanser at iba
pang mga karamdaman tulad ng altapresyon, arthritis, mataas na
kolesterol, sakit sa puso, at diabetes.
2. Ito ay nagsisilbing natural birth control na pamamaraan
- ang breastfeeding ay nagpapahinto ng regla o tinatawag na delayed
ovulation.
3. Nagsusulong ng bonding
- Kung ang nanay ay nagpapasuso sa kanyang baby, ang skin-to-skin
contact, kasama ng paghawak ay nagbibigay ng mas malalim na
pakiramdam ng affection.
4. Nagpapataas ng self-esteem at confidence
- Ang breastfeeding ay nagpapagaan ng loob at paunti-unting nakikilala
niya ang bagong silang na sanggol.
5. Mas simple at hindi mahal
- Libre ang breastmilk. Ito ay ready to drink at laging nasa tamang
temperatura. Sa breastfeeding, hindi na kailangang:
- Gumastos para sa formula milk
- Kalkulahin ang kailangang inumin ng sanggol bawat araw
- Maglaan ng oras sa paglilinis ng bote
- Magtimpla ng gatas sa gabi (o araw)

BREASTFEEDING TIPS
1. Magparami ng supply
2. Pagkain ng masusustansiyang pagkain
3. Bantayan ang dami ng pagpapalit ng diaper
4. Padigyahin si baby
5. Palagiang maghugas ng kamay
6. Siguraduhing sakop ng bibig ng baby ang iyong suso
7. Panatilihing malinis ang dede.