Kabanata 2: Metodolohiya

Inilahad sa kabanatang ito ang mga pamamaraang ginamit sa pag-aaral at paglalarawan sa

mga hakbang na isakatuparan sa pagsusuri at pagpapakahulugan Realismong Pagdulog sa
Pelikulang “Anak”. Matatagpuan dito ang pagtalakay sa pananaw o teoyang gagamitin, paraan at
uri ng pangangalap ng datos na makatutulong sa pag-aaral.

Ang teoriya ng realismo ay tumatalakay sa katotohanan sa lipunan. Karaniwan

nitong pinapaksa ang kalagayan na nangyayari sa lipunan tulad ng kurapsyon,
katiwalian, kahirapan at diskriminasyon. Madalas sinusuri sa teoriyang ito ang
pagkaka-ugnay ng mga pangyayari sa akda o teksto sa lipunan.

Layunin nito na ipakita ang mga karanasan at nasaksihan ng may-akda sa kanyang

lipunan. Higit na pinahahalagahan ang paraan ng pagsasalaysay kaysa sa paksa.
Samakatwid, Ang na ito panitikan ay hango sa totoong buhay ngunit hindi tuwirang
totoo sapagkat isinaalang-alang ng may-akda ang kasiningan at pagkaepektibo ng
kanyang isinulat. Nagpapahayag ito ng pagtanggap sa katotohanan o realidad ng
buhay.

Ipinaglalaban ng teoryang realismo ang katotohanan kaysa kagandahan.

Sinumang tao, anumang bagay at lipunan ayon sa mga realista, ay dapat maging
makatotohanan ang paglalarawan o paglalahad. Karaniwang nakapokus ito sa
pakgsang sosyo-pulitikal kalayaan, at katarungan para sa mga naapi. Kalimitang
paksain ang nauukol sa kahirapan, kamangmangan, karahasan, krimen, bisyo,
katiwalian, prostitusyon at kawalan ng katarungan. Halimbawa nalang nito ay ang
pelikulang “Anak” dahil maraming kaganapan dito na sumasalamin sa reyalidad ng
mundo ng isang magulang na OFW.

Ninais ng mga mananaliksik na isakatuparan at bigyang katibayan ang pag-aaral

na ito sa pamamagitan ng pagkuha ng opinyon sa anak ng isang OFW o Overseas
Filipino Worker bilang paraan ng pagkuha ng datos. Naniniwala ang mga
mananaliksik na lubos na makatutulong sa pag-aaral na ito ang anak ng isang OFW
upang maiugnay ang pelikulang “anak” sa reyalidad at totoong kaganapan sa buhay
ng OFW at kanilang mga anak.

Ang ginamit na paraan ng mga mananaliksik sa pangangalap ng datos para sa

pag-aaral na ito ay ang pagpapasagot sa mga respondente ng isang sarbey
kwestyoneyr . Sarbey ang napiling paraan ng mga mananaliksik dahil ito ay isa sa
mga tipikal na paraan na ginagamit ng iba’t -ibang mananaliksik, pagdating sa
pangangalap ng mga datos at ito rin ay nakakapagbigayng mga tamang impormasyon
sa mabilis na paraan. Ang sarbey kwestyoneyr na ginamit sa pag-aaral na ito ay
 naglalaman ng sampu na katanungan na may kaugnayan sa paksang tinatalakay sa
pananaliksik na ito. Naglalaman ang sarbey ng katanungan na kung saan ay
masasagot batay sa karanasan ng pamumuhay ng isang anak ng OFW.

Mahal naming Respondante,

Magandang araw! Kami ay mga mag-aaral na mula sa NEUST na nagsasagawa ng isang
sarbey para sa aming pag-aaral na may paksang “Realismong Pagdulog sa Pelikulang Anak”.
Hinihiling po namin ang inyong kooperasyon at matapat na pagsagot ng talatanungang ito.
Maraming salamat po!
Panuto: Basahing at unawaing mabuti ang mga katanungan, lagyan ng tsek ang kahon na
tumutugma sa inyong sagot.
Pangalan (opsyunal):_______________ Kasarian: ____ Lalaki ____ Babae
Edad: ____ 16-17 _____ 18-19 ____ 20-21 ____ 22 pataas

A. Ang mga katanungan na ito ay tungkol sa pelikulang “Anak”

1. Pamilyar ka ba sa pelikulang “ANAK” nina Vilma Santos at Claudine Baretto?

 Oo
 Hindi
2. Sang-ayon ka ba na ang mga kaganapan sa pelikulang “ANAK” ay nangyayari sa
totoong buhay ng isang OFW?
 Oo
 Hindi
3. Bilang isang anak ng OFW, nakakareleyt kaba sa pelikulang ito?
 Oo
 Hindi
Panuto: Basahing at unawaing mabuti ang mga katanungan, isulat sa patlang ang iyong sagot.
B. Ang mga katanungan na ito ay tungkol sa karansan ng isang anak ng OFW.

4. Ano ang relasyon mo sa OFW na nag-tatrabaho sa ibang bansa?

___________________________________________________.

5. Ilang taon na siyang nawalay sainyo upang makipagsapalaran sa ibang bansa?

______________________________________________________________.
6. Naaalala mo ba ang dahilan o rason na nagtulak sa kanya upang mangibang-
bayan?
_________________________________________________________________.

7. Mayroon ba siyang naikukwento sa iyo o sa ibang miyembro ng pamilya ninyo na

uri ng diskriminasyon o pang-aabuso na nararanasan niya sa kanyang
pinagtatrabahuan?
_________________________________________________________________.

8. Bilang isang anak ng OFW, nahihirapan ka ba sa sitwasyon niyo? Bakit?

____________________________________________________.

9. Maaari mo bang ipaliwanag kung anu-ano ang mga nagbago sa inyong pamilya,
simula nang nangibang-bayan ito? Positibo o negatibo?
_________________________________________________________________.

10. Ni-minsan ba ay naisipan mo na magrebelde dahil sa mga pagbabagong naganap

sa inyong pamilya mula nang nangibang-bayan ang magulang mo? Kung oo,
maaari mo bang ilahad ang mga bagay na ginagawa mo?
_________________________________________________________________.

Ang mga mananaliksik ay gumamit simple random sampling kung saan ang
pagpili ng respondente ay malaya mula sa kinabibilangan nitong grupo. Ang napiling
respondente sa pagsusuring ito ay ang mga piling mag-aaral mula sa Nueva Ecija
University of Science and Technlogy, San Isidro Campus. Malayang pumili ang
mananaliksik nang sampung (10) mag-aaral na maaring kumatawan sa kabuuan ng
pag-aaral.
Kabanata 3: Resulta at Pagtalakay

Ito ay tungkol sa
isang ina na
nagtatrabaho sa Hong
Kong bilangdomestic
helper. Ginawa niya ito
upang makapagpadala
ng pera sa mgaanak
niya upang matustusan
ang kanilang
pangangailangan. Ang
Anak ay isang pelikula
noong 2000 na handog ng Star Cinema para sa mga OFW (Overseas Filipino
Workers) sa iba't ibang dako ng mundo. Sa natatanging pelikula na ito na sumikat sa
takilya at kumita ng mahigit 160 milyon piso ay pinagbibidahan nina Vilma Santos at
Claudine Baretto. Noong 2000,ang pelikulang ito ang pinakatanyag na pelikula sa
kasaysayan ng pelikulasa industriyang Pilipino dahil sa laki ng binatak nito sa takilya.

Si Josie (Vilma Santos) ay isang ina na nagtatrabaho sa Hong Kong bilang

domestic helper. At ang kaniyang mga anak na si Carla (Claudine Baretto), Michael
(Baron Geisler), at Daday (Shiela Mae Alvero) Ginawa ni Josie ang pagiging OFW at
pagiging domestic helper upang makapagpadala ng pera sa mga anak niya at upang
matustusan ang kanilang pangangailangan. Binangggit niya na ginagawa nya ito para
mabigyan ng magandang kinabukasan ang kanyang mga anak. Bagama't siya ay
malayo sa kanila, tiniis nya ang mga pasakit ng kanyang amo at ang kanyang
pagnanais na makasama ang kanyang mga anak sakanilang paglaki.

Nagsimula sa isang masayang mag-anak, nagkawatak-watak ang buhay ng mga

anak ni Josie magmula ng yumao ang kanilang ama na syang kasama nila sa bahay.
Dito nagsimulang masuklam si Carla (Claudine Baretto) sa kanyang ina. Nagpadala
sila ng sulat sa inang nasa Hong Kong upang malaman ang nangyari at nang sya'y
umuwi. Gayunpaman, hindi nabasa ni Josie ang sulat dahil sya ay kinulong ng
kanyang amo sa loob ng kanilang bahay nang sila'y lumipad sa Estados Unidos ng
isang buwan. Nabasa ni Josie ang sulat pagkaraan ng isang buwan, ngunit hindi parin
siya pinayagan ng kanyang among umuwi kahit
magmakaawa pa siya.

Pagkaraan ng ilang taon, umuwi na rin si Josie.

Napagpasyahan niya na itigil na ang kanyang trabaho
sa Hong Kong ay nais nalamang niyang magtayo ng
isang negosyo na kasosyo ang kanyang dalawang
kaibigan. Namuhunan silang tatlo ng taksi para
ipasada sa kalsada. Masaya ang kanyang pagbalik
pagkaraan ng anim na taong pangungulila.
Gayunpaman, naharap nya ang matabang na
pagsalubong ng mga anak. Si Daday, ang bunso, ay
hindi sya kilala. Si Michael (Baron Geisler) ay mahiyain at walang imik at si
Carla, na hindi man lang ginagalang ang ina at iniitsa-pwera lamang. Ninais ni
Josie na makuha ang simpatiya ng mga anak sa pamamagitan ng mga pasalubong
ngunit hindi ito tinanggap ni Carla.

Sa pagdaan ng panahon, unti-unti

nakikita ni Josie ang mga bisyo at karanasan
ni Carla kagaya ng paninigarilyo, tattoo,
paghihithit ng droga, panlalalake at
paglalaglag ng bata. Dagdag pa dito ang
pagkawala ng iskolarship ni Michael na siya
pa namang pinakamatalino sa kanyang mga anak. Nabangga pa ang taksing
pinundar ni Josie at iniwan siya ng isa sa mga kasosyo
niya dahil nagastos niya ang perang ibabahagi sana
niya. Sa sunud-sunod na problema ni Josie, gusto na
sana niyang sumuko. Pinagtatabuyan siya ni Carla.
Lumala pa ang alitan ni Josie at Carla, umabot sa
sakitan at lumayas si Carla sa bahay at lalong nalulong
sa kanyang bisyo. Nang mawala ang iskolarship ni
Michael, nagsimula ng mag-init ang ulo ni Josie dahil
ang dami na ng kanyang binabayaran. Dahil dito,
napahiya si Michael sa mga pangarap na gusto ng ina
niya sa kanya kaya’t naisipan niya rin na lumayas.
 Nagtuluy-tuloy ang kamalasan ni Josie kasabay ng pagkaunti ng kanyang
inimpok na salapi para sa kanyang pamilya. Dahil dito, napilitan siyang magbalik
sa Hongkong. Isang gabi bago siya babalik sa Hong Kong, napuno si Josie sa
pagtrato sa kanya ni Carla. Malaki ang alitan ng dalawa hanggang sa binuhos nya
ang lahat lahat ng kanyang nararamdaman sa mga anak. Sa oras na ito, namulat
ang mga mata ni Carla sa katotohanang sya ang sumira sa buhay niya at wala na
siyang mapagbabalingan ng sisi kundi ang sarili nya dahil sa pagkakalulong nya
sa kaniyang bisyo. Ang kanyang paglaki ng walang inang gumagabay sa kanyang
tabi ang nag taboy sa kaniya para magrebelde, ngunit sa kanilang alitang iyon,
naintindihan rin ni Carla ang pagmamahal ni Josie sa kanila bagama't malayo sya
sa kanilang tabi.
Tauhan:
 Vilma Santos -biang Josie- isang dakilang ina na nagtatrabaho bilang OFW
sa Hong kong para mabigyan ng magandang kinabukasan ang kanyang mga
anak.

 Claudine Barreto -bilang Carla- panganay na anak ni Josie na nagrebelde sa

akalang pinabayaan na sila ng kanilang ina.

 Baron Geisler -bilang Michael- lalaking anak ni Josie

 Shiela Mae Alvero -bilang Daday- bunsong anak ni Josie

 Joel Torre -bilang Rudy- asawa ni Josie

 Amy Austria -bilang Lyn- matalik na kaibigan ni Josie na isa ring OFW sa
Hong Kong.

 Cherrie Pie Picache -bilang Mercy- matalik na kaibigan ni Josie na isaring

OFW sa Hong Kong.

Tagpuan:
 Hong Kong- Bansa kung saan nagtrabaho si Josie.

 Bahay- Kung saan naganap ang mga importanteng pangyayari sa pelikula.

Balangkas:
 Simula

Si Josie ay nagdesisyon na umuwi sa Pilipinas matapos ang halos anim na taon na

pagkakawalay sa mga anak matapos makipagsapalaran sa Hong Kong. Napagpasyahan
niya nalang na magpundar ng taksing pangpasada kasama ang kaniyang dalawang
kaibigan. Punonng- puno ng kagalakan si Josie nang makauwi sa Pilipinas.

 Gitna
1. Saglit na Kasiglahan
Sinalubong siya ng kaniyang dalawang anak na si Michael at Daday sa
airport. Sa kanilang bahay naman, sinalubong siya ng mga kaibigan at mga
kamag-anak. Masayang- masaya silang nagkukukwentuhan at nagpapamigayan
ng mga pasalubong. Binigyan din ni Josie ng mga pasalubong ang kaniyang anak
upang makuha ulit ang loob, ngunit nang dumating si Carla, ang panganay na
anak ni Josie ay nagpakita ito ng hindi magandang asal.

2. Tunggalian
Sa paglipas ng ilan pang mga araw, hinarap niya ang mas malaking hamon
sa Pilipinas kagaya ng problema sa mga anak niya at mga problemang dumating
pa sa buahy niya. Si Daday, ang bunsong anak ay hindi siya kilala. Nagpatuloy rin
ang hindi magandang asal ni Carla at hindi niya tinatrato ng tama si Josie. Unti-
unti nakikita ni Josie ang mga bisyo at karanasan ni Carla kagaya ng
paninigarilyo, tattoo, paghihithit ng droga, panlalalake at paglalaglag ng bata.
Nabangga pa ang taksing pinundar ni Josie at iniwan siya ng isa sa mga kasosyo.
Lumala pa ang alitan ni Josie at Carla, umabot sa sakitan at lumayas si Carla sa
bahay at lalong nalulong sa kanyang bisyo. Dagdag pa dito ang pagkawala ng
iskolarship ni Michael.

3. Kasukdulan
Dahil sa sunod-sunod na problema, minabuti nalang niyang bumalik sa
Hong Kong. Isang gabi bago siya babalik sa Hong Kong, napuno si Josie sa
pagtrato sa kanya ni Carla. Malaki ang alitan ng dalawa hanggang sa binuhos nya
ang lahat lahat ng kanyang nararamdaman sa mga anak.

 Wakas
Namulat ang mga mata ni Carla sa katotohanang sya ang sumira sa buhay niya at
wala na siyang mapagbabalingan ng sisi kundi ang sarili nya dahil sa pagkakalulong nya
sa kaniyang bisyo. Ang kanyang paglaki ng walang inang gumagabay sa kanyang tabi
 ang nag taboy sa kaniya para magrebelde, ngunit sa kanilang alitang iyon, naintindihan
rin ni Carla ang pagmamahal ni Josie sa kanila bagama't malayo sya sa kanilang tabi.
Bisa:
Naimpluwensiyahan ng pelikula na ito ang pagiisip ng mga manonood ukol sa mga
karanasan ng mga OFW. Namulat nito ang mga kaisipan na hindi lahat ng OFW ay
maganda ang nagiging trabaho at trato ng amo nila sa ibang bansa, kasabay pa nito ang
mapait na katotohanan na nalalayo ang loob ng mga anak nila sakanila dahil sa matagal
na pagkakawalay.

Napukaw nito ang damdamin ng bawat manonood anak, magulang, lalong lalo na ang
isang OFW. Halu-halong emosyon ang nadama sa pelikulang ito, maaring nalungkot o
naiyak dahil sa nangyaring pagrerebelde ng anak ni Josie kahit wala naming siyang ibang
ninais kundi mapaganda ang kinabukasan ng kaniyang mga anak. Maaari ring
makaramdam ng inis dahil sakabila ng paghihirap at pagtitiis ni Josie ay nagawa pa rin ng
anak niya na magrebelde. Ngunit ssa huli sa maaari rin matuwa at pukawin ang puso ng
mga manonood dahil naintindihan na ng anak ni Josie ang lahat kung bakit siya umalis ng
bansa, kung bakit sila iniwanan, at kung bakit natiis ni Josie na mawalay sakanila.

Ang pelikulang “Anak” ay akma sa Teoryang Realismo dahil ipinapakita rito ang
mga katotohanang nagaganap at karanasan sa buhay ng isang magulang na ninais maging
OFW upang mabigyan ng magandang kinabukasan ang kanilang mga anak. Marahil
ngayon, karamihan sa ating kababayan ay ninanais na mag ibang bansa dahil hangad nila
na magkaroon ng mas magandang trabaho at mas malaking sweldo dahil aminin natin na
hamak ang laki ng sweldo sa ibang bansa kaysa sa ating bansa. Tinitiis nila ang matagal
na pagkakawalay, mahigpit na amo, mahirap na trabaho, ang mag-alaga ng hindi nila
kaano –ano, ang maging alipin sa ibang bansa, at ang pagtitiis sa lahat ng lungkot at
pangungulila sa kanilang mga mahal sa buhay. Lahat ng iyan ang kayang gawin ng
isang magulang na OFW para lang sa kanilang mga anak, ngunit nakalulungkot lamang
na sa kabila ng sarkipisyo ng mga OFW, ilan sa anak nito ay hindi lubos na naiintindihan
ang hirap at sakripisyo nila at ang iba ay sinusuklian pa ito ang pagrerebelde at problema.

Kagaya nalang ni Josie (Vilma Santos), isang ina na nagtiis ng matagal na panahon sa
Hong Kong para sa mga anak niya. Tiniis at hinarap niya lahat ng hirap upang mabigyan
ng maganda kinabukasan ang mga anak niya. Ngunit si Carla (Claudine Baretto), ang
panganay na ay kahit na hirap na hirap ang nanay niyang si Josie sa ibang bansa ay
sinuklian niya ito ng pagrerebelde dahil iniisip lamang niya ang kaniyang sarili, iniisip
niya na iniwanan siya ng kaniyang nanay. Si Michael, ang pangalawang anak naman ay
ilap at walang imik, habang ang bunsong si Daday ay hindi kilala ang kaniyang nanay. .
Ngunit kahit ganon ay nagtiis si Josie na ayusin ang relasyon niya sa mga anak dahil wala
siyang ibang hangad kundi ang magandang kinabukasan ng mga anak.
 Sa totoong buhay, karaniwang nangyayari ito kung saan dahil sa tagal na
pagkakawalay sa mga anak ay hindi na nakikilala ng magulang ang anak o kaya naman
hindi na kilala ng anak ang magulang. Ngunit kahit ganon ay handa pa rin harapin ng
mga magulang ang ganong problema at gawin ulit ang lahat ng makakaya upang
magbalik ang loob ng kaniyang mga anak at itama ang landas na tinatahak nito.

KULANG LAST PART

Kabanata 4: Konklusiyon at Rekomendasyon
Sa kabuuan, ang pagaaral na ito ay tumatalakay sa pagsusuri ng pelikulang anak gamit
ang teoryang realismo. Ang mga mananaliksik ay sinuri ang bawat pangyayari na naganap sa
pelikulang anak upang iugnay at upang alamin ang mga pangyayaring sumasalamin sa bawat
sitwasyon ng isang magulang na OFW at anak nito. Ang pelikulang “anak” ay akma sa teoryang
realism dahil Ayon kay Atalia (2014) ang layunin ng teoryang realismo ay magpakita ng mga
karanasan ng bawat tao at nasaksihan ito ng may akda sa kanyang lipunan. Samakatuwid, ang
realism ay hango sa totoong buhay. Pinagugutan mismo ang karanasan ng kahirapan.At sa
kanyang buhay ay may mga taong kagalang-galang na mga indibwal na bagamatsalat sa buhay
ay puno naman ng mga karanasan. Ayon sa aming sarbey, maihahambing ito sa Teoryang
Realismo sapagkat ito ay nagpapakita ng karanasan o pagpapahayag ng katotohanan sas isang
buhay OFW.
Nararapat lamang na maglabas pa ng mga ganitong klaseng pelikula na sumasalalim sa
buhay ng iba’t ibang tao upang mabigyan ang mga manonood ng aral at mabigyan sila ng
kamalayan ukol sa totoong nagaganap sa lipunan at mamulat ang mata sa reyalidad ng mundo.
Sa ganitong paraan din ay maibalik ang ating suporta sa mga pelikulang sariling atin.
Bilang konklusyon sa naging pagsusuri sa pelikulang “Anak”, nagbibigay ito ng lubos na
kaalaman at leksyon sa mga ekspektasyon ng ibang tao sa nagiging buhay ng mga magulang sa
ibang bansa laban sa mga totoong nangyayari kagaya ng paghihirap at sakripisyo ng mga
magulang upang maitaguyod at mabigyan ng masarap at magaan na buhay ang kanilang pamilya
at mga anak. Ang mga eksena sa pelikula ay makatotohanan at nangyayari talaga sa tunay na
buhay ng ibang mga pamilya, kaya’t bawat eksena sa pelikulang ito ay nagbibigay ng
karagdagang aral sa mga manonood lalo na sa mga OFW at kanilang mga kaanak.
Ang kahalagahan ng pagsusuri na ito ay upang maipabatid sa mga mambabasa ng
pananaliksik na ito na ang kahalagahan ng pagbabasa o panonood ng mga pampanitikan na may
kaunayan sa teoryang realismo, maaari tayong makakuha ng aral at gabay na makasasagot sa
ating mga problema nating dahil ang mga eksena sa pinanood o pinabasang akda na may
kaugnay sa teoryang realismo ay sumasalamin sa reyalidad ng buhay. Kagaya nalang ng
kahalagahan ng pagsusuring ginawa ng mga mananaliksik sa pelikulang “Anak”, nabigyan nito
ng ideya ang mga manonood tungkol sa aral ng pelikula at naibahagi ang pamumuhay ng iba lalo
na mga magulang na napipilitan makipagsapalaran sa ibang bansa para sa kanilang pamilya.
Minumulat nito ang kaisipan ng anak ng isang OFW na hindi porket iniwanan sila ng magulang
nila ay hindi na sila mahal nito, pinakita rito na kaya nagawa iyon ng magulang nila ay upang
mabigyan sila ng magandang kinabukasan at hinikayat nito na palitan ng magagandang gawain
ang sakripisyo ng magulang halimbawa nito ay mag tapos ng pag aaral at sa iba pang paraan.
Gawing inspirasyon lahat ng pag hihirap ng magulang upang mabigyan kayo ng magandang
buhay. Ito ay magbibigay pa ng aral sa dami pang henerasyon at sa hinaharap dahil nakatatak na
sa mga Pilipino na mas may oportunidad sa ibang bansa kesa sa sarili nating bansa, kung kaya’t
maaari itong maging daan upang maipahayag sa administrasyon ang mga sitwasyo ng ating mga
OFW at kanilang mga kaanak nang sa gayon ay makagawa sila ng batas na makatutulong sa
ating mga OFW.
Mga Sanggunian
Altarez, M. Pananaliksik group 4.
https://www.scribd.com/document/448346990/PANANALIKSIK-GROUP-4-docx
Den. 2012. Realismo sa Pelikula. http://pinoyfolktales.blogspot.com/2012/12/realismo-sa-
pelikula.html?m=1
Leonado, J. 2019. Teoryang Realismo.
https://www.coursehero.com/file/40686790/TEORYANG-REALISMO-docx/
Estefanio. R., Bigueja. M. 2013. Panitikang Pilipino.
http://panitika.blogspot.com/2013/02/panitikang-pilipino.html?m=1
Yong, Y. “PAGSUSURI SA PELIKULANG “ML” GAMIT ANG TEORYANG
REALISMO”.https://pdfcoffee.com/pagsusuri-sa-pelikulang-ml-semi-finale-pdf-free.html?
fbclid=IwAR3mXR6_H7Le3UuRdeOxVagRk6VFMLuQpDtX4rHnj8vHlwbJZZEHXjd2AtI
Limbo, D. Teoryang Realismo.https://donamaylimbo.wordpress.com/2015/10/08/teoryang-
realismo/?fbclid=IwAR1cHeI7fWAeGVil8MTcrKhm5VX-
3iKcpIzhbgOBwzqdbcuvMWi97kryZ04
Ferrer, M. Pelikulang PanlipuanIsang Pagsusuring PampelikulaPagsusuri sa Pelikulang “Anak”.
https://www.studocu.com/ph/document/pangasinan-state-university/bsed-filipino/filn3-anak-
pagsusuri-sa-pelikulang-filipino/21998233

Republika ng Pilipinas
President Ramon Magsaysay State University
Sta. Cruz Campus
Unang Semestre, 2021-2022
FILN3
Sinesosyedad/Pelikulang Panlipuan
Isang Pagsusuring Pampelikula
Pagsusuri sa Pelikulang “Anak”