Ikatlong Modelo ng Simpleng Ekonomiya

Ang Ikatlong modelo ay may dalawang pangunahing sektor, ito ay ang sambahayan at ang
bahay-kalakal.

Sa ikatlong modelo, tatlo ang pamilihan. Isa para sa salik ng produksiyon, isa para sa mga
tapos na produkto, at isa pa para sa pinansyal na kapital.

Sa sambahayan, hindi lamang sa pamimili at produksyon ginagamit ang kanilang kita,

ginagamit din nila ito sa pagiimpok at pamumuhunan. Dito na pumapasok ang pamilihang
pinansyal o financial market.

Hindi ginagasta ng mga mamimili lahat ng kanilang mga kita, kundi iniipon nila ito. Ang bahagi
ng kita na ito ay tinatawag na impok o savings na siyang inilalagay sa pamilihang pinansyal
tulad ng mga bangko, kooperatiba , insurance company, pawnshop, at stock market.

Maliban sa tubo, iniisip rin ng bahay-kalakal ang pagpapalawak ng kanilang negosyo sa

iba’t-ibang panig ng bansa. Ngunit kadalasang hindi sapat ang kanilang puhunan upang gawin
ito ngunit maaring patuloy na lumago ang negosyo kung lalawak ang nasasakupan nito. Kaya
binibigyan ng tyansa na manghiram ng karagdagang pinansyal na kapital na pwedeng magamit
bilang puhunan.

Mahihiram ng bahay-kalakal ang kita ng sambahayan sa pamamagitan ng pamilihang

pinansyal. Magkakaroon din ng interes ang hiniram na kita na siyang magsisilbing kabayaran sa
panghihiram. Mapupunta ang ilang bahagi ng interes sa sambahayan dahil sa impok nila kinuha
ang pinahiram sa bahay-kalakal na magiging dahilan sa unti-unting paglago ng impok ng
sambahayan.

Hindi orihinal na ginagawa ang pag-iimpok at pamumuhunan sa gawaing pangekonomiya kaya

broken lines ang ginagamit sa diagram. Nagaganap lamang ito kung nagkaroon ng plano ang
mga naturang aktor para sa hinaharap.

Maitatakda sa modelong ito ang kita ng pambansang ekonomiya ng gastusin ng sambahayan at

bahay-kalakal, gastusin ng pamumuhunan ng bahay-kalakal, at kabuuang kita ng sambahayan
at bahay-kalakal.

Mahalaga ang balanseng pag-iimpok at pamumuhunan sa ganitong modelo ng ekonomiya.

Dahil kung walang maiimpok ang sambahayan, walang mahihiraman ng puhunan ang
bahay-kalakal na gagamitan upang sila’y lumawak. Kung walang manghihiram ng puhunan sa
pamilihang pinansiyal, walang interes na makukuha ang sambahayan.