Pamahalaan, ang isang salitang makapagpapalabas ng napakaraming reaksyon
sa sangkatauhan; maaaring positibo at kadalasan ay negatibo. Negatibo dahil sa mga
corrupt at buktot na pamamahala ng ibang mga nasa posisyon, kung kaya’t ang halos lahat ng sisi sa mga suliranin sa ating bansa ay naibubunton sa kanila. Ngunit, kadalasan ay nakakalimutan natin kung sino ang nagluklok sa kanila sa posisyon; tayo, tayo ay mayroon ding kasalanan, ngunit hindi pa huli ang lahat, may pagkakataon ka pang bumoto ulit at mas maging mapanuri. (3)
Para sa mga nakikinig, sa mga botante, at sa lahat nang naririto ngayon,
Magandang Araw. Sa nalalapit na eleksyon ngayong taong 2022, maraming kontrobersiyal na isyu ang lumutang lalo na sa mga kandidato. Nang dahil sa mga isyung ito, kung saan mayroon ding mga sikreto at bahong naglalabasan at mga magkakalabang nagsisiraan, ang iba sa atin ay nawawalan na nang gana pang umalam at makialam dito. Kaya naman ang iba ay nagdadalawang-isip na bumoto dahil sa kawalan ng pag-asa at tiwala sa pamahalaan. Pero tandan natin na ang ating pananahimik at pagiging ignorante sa mga ganitong pagkakataon, ay nangangahulugan ng ating pagpapabaya bilang mamamayang Pilipino. Kung ikaw ay magiging mapanuri at rasyonal sa pagpipili at pagboto ng kandidato, hindi pa huli ang lahat para sa kaayusan at katagumpayan ng ating bansa. Nawa’y maging makatwiran ang inyong pagpapasya, isaisip ninyo ang inyong mga anak, o kapamilya at ang susunod pang mga henerasyon na aabutin ng kanilang administrasyon. Huwag tayong masisilaw sa pera at magpauto sa kanilang mabubulaklak na salita. Piliin ang may kakayahang mamuno, at ang may tamang pag-uugali o maayos na moralidad. Piliin ang taong sa tingin mo ay may paninindigan. (10)
Ang pagboto at pagkilatis ng tama at karapat-dapat sa posisyon ay mahirap,
kahit na minsan ay natatakot kang pumili kung sino at takot na baka magsisi bandang huli, kailangan mo pa ring bumoto. Tandaan na ang pagboto ay nangangahulugan ng pangingialam at ang kagustuhan ng mabuting pagbabago. (2)