Ang aking Kaisipan tungkol sa Kahirapan

Ni Ronjiel Lurenz D. Caranto

Magandang hapon sa naggagandahan at naggagwapohang mga

panauhin, Gng. Principal Nick A. Mendoza, Gng. Rhodora V. Macareg,
Gng. Lady Anne Fernandez, at sa mga mahal kong kaklase. Ako po si
Ronjiel Lurenz D. Caranto na nagmula sa Ika-10 baitang, seksyong
diyamante. Andito ako ngayon upang ibahagi ang aking kaisipan
tungkol sa kaharipan.

Bilang isang mag-aaral, kabataan at mamamayan may alam ba o may

kaalaman ba kayo sa salitang kahirapan? Sa mga sanhi o dahilan kung
bakit may kahirapan? At bilang isang mag-aaral, kabataan at
mamamayan ano ang pwede nating gawin upang mapababa o maalis
ang kahirapan sa ating komunidad at bansa? Ang kahirapan ay isang
napakalaking problema sa maraming bansa lalo sa ating bansang
Pilipinas. Ang kahirapan dito sa ating bansa ito ay umabot ng 18.1%
noong 2021 kasabay ito ng kasagsagan ng pandemya. Kaya marami
ang naghirap noong pandemya dahil marami ang nagsarang mga
trabaho maraming Pilipino ang nawala ng trabaho kaya't tumaas ang
porsyento ng kahirapan sa Pilipinas. Bilang Isang kabataan naranasan
ko, naranasan ng aking pamilya ang hirap noong pandemya dahil
nawalan ng trabaho ang aking ina kaya't nawalan kami ng source of
income Ika nga nila, ngunit nakabalik lamang ang aking ina sa
pagtatrabaho matapos ang ilang buwan simula noong siya ay nawalan
ng trabaho kaya't kami ay nakahinga ng maluwag dahil mayroon na
kaming source of income kaya't di na namin poproblemahin ang perang
gagastusin namin linggo-linggo.
Ilan sa mga dahilan kung bakit marami ang mahihirap sa Isang lipunan
o pamayan una, dahil may iilang mahihirap ang nakapag-aral ng
elementarya lamang at ang iba ay hindi na nakapag-aral dahil mas
pinili nila na magtatrabaho sa murang edad para sila ay may
panggastos sa araw-araw nilang pangangailangan. Ikalawa, dahil sa
pagtaas ng presyo ng bilihin na dulot ng inflation, dahil sa mataas na
bilihin mas ginusto nilang maghanap ng pagkakakitaan upang sila ay
may perang panggastos araw-araw. At huling dahilan na sa palagay ko
ay malaking impluwensya kung bakit maraming mahihirap sa Pilipinas
ay korapsyon, ang korapsyon ay hindi lang ang Pilipinas ang may
problema nito ngunit pati na rin sa iba pang bansa tulad ng Sri Lanka
na kung saan ang matataas na opisyal ay kumukuha ng pera sa kaban
ng bayan. Dahil sa korapsyon mas pinapalaki nito ang porsyento ng
mahihirap sa isang lipunan o bansa. Ang korapsyon dito sa Pilipinas ay
talamak pa rin maraming opisyal ang nagsabi na tatanggalin nila ang
korapsyon sa pamahalaan, ang iba ay nabawasan nila ang korapsyon
ngunit ang iba ay hanggang pangako lamang.

Maraming Pilipino ang nagtatanong paano malulutas ang problema sa

kahirapan dito sa Pilipinas, ito rin ay natalakay na sa mga eleksyon
noong nagdaang taon. Marami sa kanila ang napababa ang porsyento
ng kahirapan sa Pilipinas ngunit ang iba ay hanggang sa salita lamang.
Ang pwede nating gawin upang mabawasan o mapababa ang
kahirapan sa ating pamayan. Ay una, maaari tayong gumawa ng
programa na naglalayong maturuan ang mahihirap na mamamayan sa
pagnenegosyo at mga skills na pwedeng pangkabuhayan tulad ng
paggawa ng mga hinabi na bag na gawa sa rattan, mga hinabing tela,
at pagbibigay ng tulong pinansyal upang sila ay makapag-umpisa ng
negosyo. Ikalawa, pagtuturo sa kanila tungkol sa "family planning"
upang sila ay magkaroon ng kaalaman sa paggamit ng mga birth
controls, condom, at iba. Dahil napapansin ko karamihan sa mga
mahihirap ay maraming anak lalo na sa mga kabataan na maagang
nabubuntis dahil sa kawalan ng kaalaman sa reproductive health na
isang problema kaya't di sila nakaka-ahon sa kahirapan. Pangatlo,
pagbibigay ng magandang edukasyon na libre, elementarya hanggang
kolehiyo, upang makapag-aral ang mga bata at matatandang gustong
makapag-aral dahil kahit anong edad o estado sa buhay sila ay may
karapatan makapag-aral dahil gusto nilang maihaon ang mga pamilya
nila sa kahirapan. At dahil ang edukasyon ay yaman na hindi makukuha
o mananakaw nino man hanggang sa pagtanda. At huli,
pagsusumbong sa mga tiwaling opisyal upang masibak sila sa kanilang
puwesto para ating mapigil ang pagiging korap at magkaroon tayo ng
maayos at mahusay na pamahalaan na makaka-ayos ng problema sa
kahirapan sa ating bansa.

Ako bilang isang mag aaral, may layunin ako na isang araw ako naman
ay makatulong sa mga mahihirap at makatulong papaano sa kanila. Sa
simpleng pamamaraan, akoly magsisikap makapagtapos nang pag
aaral ng sa gayon ay magkaroon ng magandang kinabukasan. Hindi
lamang ako kundi ikaw, siya, at tayong lahat ay kinakailangan ng
pagkakaisa tungo sa kaunlaran Lahat tayo ay may magagawa para sa
kinabukasan ng ating bayan isang bansa na magagamit,
mapagmamalaki at higit pa ay maipapamana sa susunod pang
henerasyon.
Sadyang mahirap ang maging mahirap pero madaming paraan upang
itoy labanan kung ating gugustuhin marami na tayong nabalitaan mula
sa pagiging maralita ngayon ay nagtatamasa na ang kaginhawaan
Dahil ayon sa kanilang pagsisikap at pagpupursigi na makaalis sa
kahirapan.