IBA-IBANG PAMARAAN NG

Pagpapahayag
Presented by: Carpio and Edulan
IBA-IBANG PAMARAAN
NG Pagpapahayag
May iba-ibang pamaraan ang isang tao upang maipahayag ang
kaniyang damdamin o kaisipan. Nakakatulong din ang
pagsusulat sa pagpapahayag na maaaring gawin sa
pamamagitan ng paglalarawan, pagsasalaysay,
pangangatwiran at paglalahad.
PAG-IISA-ISA
Ito ay nagpapakita ng pagkakasunod-
sunod ng mga detalye. Iniisa-isa rito ang
mga konsepto upang mailahad ang
kaibahan nito.

Halimbawa:
Ang pag-aaral nang mabuti, pagsasabuhay ng mga aral na natutuhan
mula sa paaralan, at pagkakaroon ng magandang pag-uugali ay
nagpapakita lamang ng pagkakaroon ng magandang edukasyon.
 PAGHAHAMBING
Ito ay ginagamit sa pagtutulad o pag-iiba ng
mga bagay.
Halimbawa:
Mas makabubuti sa mga kabataan ang pagkakaroon ng
magandang edukasyon sapagkat magbibigay ito sa
kanila ng mas maraming pagkakataon sa pagkakaroon
ng magandang buhay kaysa hindi pagtatapos ng
kanilang pag-aaral.
 PAGLALARAWAN
Ginagamit ito upang makabuo ng
malinaw na larawan sa isipan o
imahinasyon sa mambabasa.

Halimbawa:
Ang entablado ay napapalamutian ng mga magagandang bulaklak at abalang-abala
ang lahat sa pag-aayos nito dahil sa gagawing programa para sa pagtatapos ng mga
mag-aaral. Masisilayan ang mga ngiti sa mga mag-aaral na magsisipagtapos at ang
kagalakan sa mukha ng mga kanilang mga magulang na nagsikap upang ang bawat isa
sa kanila'y makapagtapos ng pag-aaral at magkaroon ng magandang kinabukasan
 PAGSASALAYSAY
-Ito ay may maayos na pagkakaugnay-ugnay
ng mga pangyayari upang kawili-wili.

Halimbawa: Ano ang kaya mong isakripisyo para sa iyong pangarap?

Ako, isinakripisyo ko ang aking kabataan para lamang makamit ko ang
aking pangarap sa buhay. Anong ibig kong sabihin? Simple lang. Di tulad
ng ibang kabataan na ginugol ang oras sa paglalaro at paglilibang, ang
aking kabataan ay nagugol sa paghahanapbuhay para magkabaon at
magkaroon ng pera para mapag-aral ang sarili. Mahirap. Malungkot.
Pero sa kabila ng lahat ay wala akong pinanghihinayangan. Bakit?
Nakapagtapos ako ng pag-aaral hanggang kolehiyo at ngayon ay isa
nang ganap na guro sa kasalukuyan. Tunay nga ang kasabihan na
kapag may tiyaga may nilaga at walang bagay sa mundong ito na
nakukuha ng walang kapalit.
PANGANGATWIRAN
- Ito ay isang paraan ng pagpapatunay sa
isang paniniwala. Layunin nitong
manghikayat o mangumbinsi
Halimbawa: Kahirapan. Ito ang laging sinasabing dahilan kung bakit maraming
Pilipino ang hindi nakapag-aaral, walang trabaho, lulong sa bisyo at droga,
magnanakaw, at iba pa. Hindi dapat ganito ang laging gawing dahilan kung bakit
hindi nagkakaroon ng magandang buhay ang isang tao. Hindi dapat gawing
dahilan ang kahirapan para sabihing hindi siya nakapag-aral o di kaya'y pangit
ang naging takbo ng kaniyang buhay. Ito ay isang hindi katanggap-tanggap na
dahilan. Bagkus dapat na maging instrumento ito para magkaroon ng mas
mataas na pangarap at tunguhin ng isang tao.
 Paglalahad
- GINAGAMIT ITO SA MALINAW NA PAGPAPALIWANAG TUNGKOL SA MGA BAGAY-
BAGAY

Halimbawa: Edukasyon. Susi sa tagumpay. Sandata laban sa kahirapan.

Napakaraming maaaring gawing simbolismo o pagpapakahulugan sa edukasyon.
Ngunit sa kabalintunaan nito na ipinapakita ang kahalagahan ng edukasyon ay
napakarami pa ring mga kabataan ang siyang hindi nagpapakita ng kasigasigan sa
pag-aaral. Itinuturing ng mga kabataan sa kasalukuyan ang edukasyon bilang
isang napakalaking sagabal sa kanilang pag-usad sa buhay. Napakaraming
paghihirap at pagsisikap na kailangang pagdaanan bago makamit ang kanilang
pangarap sa buhay. Hindi nila batid ang katotohanan na sa kabila ng paghihirap
na ito ay kailangan sa pag-aaral ang paghahanda nila sa tunay na buhay.
Thank you for listening to
us! Hope you all have a
wonderful day!