makinë Një aksident i rëndë është shënuar gjatë mbasdites së sotme rreth orës 17:00 në aksin rrugor “TEG- Shkozë”, ku tre persona, përkatësisht një djalë dhe dy vajza kanë gjetur vdekjen e menjëhershme pas përplasjes me makinë. Autoritetet bëjnë me dije se viktimat e kësaj ngjarjeje janë shtetasi me iniciale K.R, 20 vjeç, shtetësja S.P, 22 vjeç, dhe shtetësja E.A, 21 vjeç. Shtetësja S.P dhe drejtuesi i automjetit K.R mendohet se kanë pasur lidhje farefisnore, ndërsa shtetësja E.A ka qenë shoqja e kësaj të fundit. Shkaqet janë ende spekulative nga ana e autoriteteve por dyshohet se i riu K.R, drejtues i automjetit tip “Audi”, ka humbur kontorollin mbi drejtimin e automjetit duke tejkaluar normën e shpejtësisë deri në 200 km/h. Megjithatë ky aksident nuk mbeti vetëm me këto pasoja fatale. Pas humbjes së kontollit dhe thyerjes së barrierave rrethuese të mbikalimit, automjeti ka përfunduar në autostradën Tiranë-Elbasan, duke aksidentuar një automjet tjetër tip “Hyndai”, me drejtues shtetasin Q.K. Nga ky aksident i dyfishtë mbetën të plagosur pasagjerët O.K, 24 vjeç, dhe A.K, 51vjeç, të cilët po marrin kujdesin shëndetësor pranë Spitalit të Tiranës dhe fatmirësisht janë jashtë rrezikut për jetën. Megjithatë policia po punon ende për zbarthjen e detajeve të tjera.