15 KA SAAD SA ROSARYO

Alang niadtong magmakanunayon sa pagpangadye sa Rosaryo:

1. Kanilang tanan nga sa dakong debosyon magadye sa Rosaryo, isaad ko ang akong linain nga
panalipod ug mga dagku kaayong panabang.

2. Kadtong makanunayon sa pagpangadye sa akong Rosaryo makadawat og mga talagsaong

grasya.

3. Ang Rosaryo mahimong makagagahom kaayong taming batok sa impyerno; moguba siyag
mga bisyo, mo palingkawas gikan sa sala ug mo bungkag sa erehiya.

4. Ang Rosaryo mo palambo sa mga birtud ug mga maayong buhat, ug mo padangat alang sa mga
kalag og labing daghan ng mga kalooyng Diosnon; diha sa mga kasingkasing mahimong kailisan
ug gugma sa Dios ang gugma sa kalibutan, motuboy kaniya gikan ngadto sa mga tinguhang
langitnon ug tunhayng mga kabulahanan. Mag santos unta sa ilang kaugalingon ang mga kalag
niining mga paagiha.

5. Kadtong magtugyan sa ilang kaugalingon ngari kanako pinaagi sa Rosaryo dili gayud abuton
og kadaut.

6. Kadtong mangadye sa tinuoray sa akong Rosaryo samtang magpalandong sa iyang mga

misteryo, dili gayud dag-on sa katalagman ni mamatay sa dautan nga kamatayon. Makabig ang
makasasala; ang matarong magtubo diha sa graysa ug mahimong takus sa kinabuhing dayon.

7. Kadtong sa tinuoray deboto sa akong Rosaryo, dili gayud mamatay nga dili makadawat sa
panabang sa simbahan o hawa sa grasya.

8. Kadtong mangadye sa akong Rosaryo makakaplag sulod sa ilang kinabuhi ug sa takna sa ilang
kamatayon, sa kahayag sa Dios, sa kabuhong sa grasya, ug makaambit sa mga pahanungdan sa
mga Santos.

9. Pagawason ko sa labing madali gikan sa Purgatoryo, ang mga kalag nga deboto sa akong
Rosaryo.

10. Ang mga tinuod nga mga anak sa akong Rosaryo makaangkon sa labing dakong kalipay sa
himaya didto sa langit.

11. Madawat mo kadtong imong gipangayo pinaagi sa akong Rosaryo.

12. Kadtong magsangyaw sa akong Rosaryo makadawat gikan kanako og hinabang diha sa ilang
kalisdanan.

13. Gitugot kanako sa akong Anak, nga kadtong tanang sakop sa confraternidad sa Rosaryo
makakaplag ug kauban nila sa kinabuhi ug kamatayon, ang mga Santos sa langit.

14. Kadtong mangadye sa kinasingkasing sa akong Rosaryo maoy akong pinalanggang mga anak,
mga igsoon ni Jesukristo.

15. Ang debosyon sa akong Rosaryo maoy usa ka segurong timaan sa kaluwasan.

( ANG MGA SAAD SA MAHAL NGA BIRHEN, GISULTI NGADTO KANG SANTO
DOMINGO UG BULAHAN ALAN)