TEORYANG QUEER: EPEKTO NG DISKRIMINASYON SA PAGIGING

KASAPI NG LGBTQ+ COMMUNITY SA PANG – AKADEMIKONG PAG-

AARAL NG NASA UNANG ANTAS NG KOLEHIYO SA NEUST SAN ISIDRO

CAMPUS

YEAR 2022-2023

Riserts
Pagsusuri sa Pelikulang “Metamorphosis”
ni Jose Enrique Tiglao gamit ang Teoryang Queer
sa Asignaturang FILDIS

Ipinasa nina:

Bustamante, Janine F.
Javate, Joshua S.
Malang, Kaye C.
Mecono, Marjorie M.
Pablo, Ella Jean S.
Sulit, Ronalyn P.
YOU[SHORTENED TITLE UP TO 50 CHARACTERS] II

BS ENTRE 1-D
MGA BAHAGI NG PANANALIKSIK

ABSTRAK

Ang pokus ng pag-aaral na ito sa pagsusuri sa pelikulang “Metamorphosis” ni

Jose Enrique Tiglao gamit ang Teoryang Queer. Nakatuon din ang pag-aaral na ito sa

epekto ng diskriminasyon sa pagiging kasapi ng LGBTQ Community sa pang-

akademikong pag-aaral ng mgs estudyante. Sampung estudyante na galing ng BS

ENTRE 1-B at 1-D ang nagsisilbing respondante. Ang pag-aaral na ito ay naglalayong

matukoy at masuri ang kahalagahan at karapatan ng bawat kasapi ng LGBTQ

Community ng ating lipunan. Ang layunin ng panitikan ay iangat at pagpantayin sa

paningin ng lipunan sa mga homosexual. Kung ang mga babae ay may feminismo ang

mga homosexual naman ay may queer. Sa teoryang queer masasalamin ang

katotohanan tungkol sa diskriminasyon sa ating lipunan sa mga LGBT. Sa paraang ito

mabubuksan ang isipan ng mambabasa na isulong ng pagkapantay-pantay ng

karapatan. Dapat nating igalang ang kasarian ng ating kapwa dahil wala tayong

karapatan na husgahan ang buong pgkatao nila. Hindi sukatan ang kasarian ng isang

tao kung hanggang saan ang tagumpay na pwede niya makamit.

TALAAN NG NILALAMAN

Pamagat
Pagpapatibay
Pasasalamat
Paghahandog
Abstrak
Talaan ng Nilalaman
Apendise
Mga teybol
YOU[SHORTENED TITLE UP TO 50 CHARACTERS] III

KABANATA 1 ANG SULIRANIN AT SANDIGAN NG PAG-AARAL

Panimula
Paglalahad ng Suliranin
Mga layunin ng Pag-aaral
Kahalagahan ng Pag-aaral
Saklaw at Limitasyon ng Pag-aaral
Teoritikal na Balangkas
Konseptwal na Balangkas
Depenisyon ng mga Terminong Ginamit

KABANATA 2 MGA KAUGNAY NA PAG-AARAL AT LITERATURA

Kaugnay na Literatura
Sa Pilipinas
Sa Ibang Bansa

Kaugnay na Pag-aaral
Sa Pilipinas
Sa Ibang Bansa

KABANATA 3 PAMARAANG GINAMIT SA PAGLUTAS NG SULIRANIN

AT
PINAGMULAN NG DATOS

Ang Desenyo ng Pag-aaral

Ang Respondente o Tagasagot
Ang mga Instrumento
Ang Pagkuha ng mga Datos
Ang Paraan ng Pagsusuri ng Datos

KABANATA 4 PRESENTASYON, PAGSUSURI AT INTERPRETASYON NG

MGA DATOS

Mga Datos Kaugnay ng Sosyo-demograpikong Katangian ng mga Respondente

KABANATA 1

ANG SULIRANIN AT SANDIGAN NG PAG-AARAL

PANIMULA
YOU[SHORTENED TITLE UP TO 50 CHARACTERS] IV

Lahat naman tayo, may sikreto. Pero hindi lahat ng sikreto ay masama. Madalas

nang mapanood at masilayan ang umuusbong na representasyon ng komunidad ng

Lesbian, Gay, Bisexual, Transgender, Queer, at iba pa (LGBTQ+) sa mga pelikula,

teleserye, at iba pang uri ng midya. Sa pamamagitan nito, nabibigyan ng diskurso at

plataporma ang mga taong matagal nang naghahangad ng karapatan at pagtanggap

mula sa mayorma. Pinatunayan ito ng mga pelikulang inilalabas sa mainstream media

noong nakalipas na sampung taon dahil ginagawang libangan ang LGBTQ+ films na

nagtataguyod ng mga pelikulang puno ng komedya at impluwensya ng kulturang

popular. Bagamat naging tanyag na sa kasalukuyan ang mga pelikula at palabas na

may temang LGBTQ+ gaya ng mga boy’s love o BL Series, GL Series at mga

pelikula ni Vice Ganda na tumakbo sa takilya, hindi parin sapat ang mga ito upang

mabigyan ng kinakailangang atensyon ang lahat ng nakapaloob sa nasabing

komunidad. Bukod sa mga lesbiyana, bakla, at queer, higit na mahalaga rin ang

representasyon sa mga taong kabilang sa “+” dahil hindi nagtatapos sa mga letrang

LGBTQ ang komunidad na ito. Isa na rito ang pagtakalay sa representasyon sa mga

intersex.

PAGLALAHAD NG SULIRANIN ( Statement of the Problem )

Ang pananaliksik na ito ay naglalahad ng mga impormasyon ng mga kasapi

ng LGBT at naglalayong ipakita at matugunan ang mga susunod na katanungan

Ang pananaliksik na ito ay naglalayong masagutan ang mga sumusunod:

1. Ano-ano ang demograpikong propayl ng mga respondent ayon sa sumusunod:

1.1 Edad

1.2 Kasarian
YOU[SHORTENED TITLE UP TO 50 CHARACTERS] V

1.3 Seksyon

2.Ano ba ang mga dapat gawin upang maging pantay ang pagtingin ng mga tao sa

LGBTQ

3.Ano ang epekto sa mga kabilang sa LGBTQ ang mga diskriminasyon na

kinakaharap nito

4. Paano mababago ang mga maling pagtrato at hindi makatarungan na paghuhusga sa

LGBTQ

MGA LAYUNIN NG PAG-AARAL

Sa pag-aaral na ito, layunin nitong iangat at pagpantayin sa paningin ng lipunan

ang mga LGBTQ+ at kailangan tratuhin na may respeto, pagmamahal at pantay na

pagtingin ano pa man ang kanilang estado sa buhay.

Narito ang mga hinahangad na matamo sa pananaliksik ang mga sumusunod:

1. Natutukoy ang lawak ng pagpapahalaga at pagtanggap natin sa mga LGBTQ+.

2. Naipapakita ang kaugnayan ng lawak at pagbibigay pansin na ang

mga INTERSEXUAL ay hindi sekreto.

3. Naipapakita rin ang atensyon sa kanila gamit ang midya.

4. Malaman kung paanong nakakatulong sa atin ang mga LGBTQ+ at gaano kalaki

ang naiaambag nila sa ating lipunan

KAHALAGAHAN NG PAG-AARAL

Ang pag-aaral na ito ay magiging kapaki-pakinabang sa mga sumusunod:

YOU[SHORTENED TITLE UP TO 50 CHARACTERS] VI

Sa mga mag-aaral. Ang pananaliksik na ito ay magbubukas ng kanilang mga isip

para tanggapin ang anumang kabutihang naidudulot ng mga LGBTQ Community.

Sa lipunan. Ipaintindi sa kanila na ang bawat indibidwal kahit na homoseksuwal

ay dapat na pahalagahan at tanggapin dahil sila ay bahagi ng ating lipunan.

Sa mga mananaliksik. Maaring gawing basehan ng mga mananaliksik ang

anumang maging konklusyon ng pag-aaral na ito upang pagtibayin pa ng husto ang

kanilang pag-aaral.

SAKLAW AT LIMITASYON NG PAG-AARAL

Ang pag-aaral na ito ay nakatuon lamang sa pagsusuri sa epekto ng diskriminasyon

sa pagiging kasapi ng LGBTQ Community sa pang-akademikong pag-aaral ng mga

estudyante na nasa unang antas ng kolehiyo sa NEUST San Isidro Campus.

Sampung estudyante lamang na kumukuha ng kursong Bachelor of Science in

Entrepreneurship na nasa unang antas ang kasama sa isinagawang pag-aaral.

Ang mga respondante na kasama sa isinagawang pag-aaral ay mula sa dalawang (2)

seksyon. Gumamit din ng purposive sampling ang mananaliksik sa pagpili ng

respondante. Dahil tanging ang mga mag-aaral lamang na sumagot ng google form na

binigay ang kasali sa isinagawang pag-aaral.

KONSEPTUWAL NA BALANGKAS
YOU[SHORTENED TITLE UP TO 50 CHARACTERS] VII

Ang pangunahing layunin ng pananaliksik na ito ay malaman ang epekto ng

diskriminasyon sa pagiging kasapi ng LGBTQ Community sa pang-akademikong

pag-aaral ng mga estudyante. Ito ay ginamitan ng input-proseso-output model. Sa

input frame, inilahad dito ang kwalipikado sa pagtugon ng sarbey. Makikita naman sa

process frame ang hakbang na gagawin ng mananaliksik sa pagkuha ng datos. Sa

output frame sumasaklaw ang nakalap na datos kung ano ang epekto ng

diskriminasyon sa pagiging kasapi ng lgbtq community sa pang-akademikong pag-

aaral ng mga estudyante.

INPUT PROSESO OUTPUT

1. Demograpik profayl ng
estudyante
1.1. Edad
1.2. Kasarian Pagbuo ng naangkop na
1.3. Seksyon solusyon sa isyu at paggawa
2. Epekto ng ng rekomenadasyon kung
diskriminasyon sa Sarbey paano malutas ang problemang
pagiging kasapi ng Questionnaire maaring kaharapin
LGBTQ Community sa
pang-akademikong
pag-aaral ng mga
estudyante

DEPENISYON NG MGA TERMINO

YOU[SHORTENED TITLE UP TO 50 CHARACTERS] VIII

LGBTQ- ang LGBT ay acronym na nagpapakilala sa mga salitang lesbian, gay,

bisexual, transgender, at queer na isa ring kilusan na nabuo ng pakikipaglaban para sa

mga karapatang pantay-pantay para sa mga minorya na sekswal na komunidad.

Homoseksuwal- isang tao na naaakit sa parehong kasarian

Heterosexual- isang tao na naaakit sa kasalungat na kasarian

Bakla- isang homoseksuwal na lalaki

Lesbiyan- isang homoseksuwal na babae

Biseksuwal- mga taong may atraksyon sa babae at lalaki, ibig sabihin ang kanilang

oryentasiyong seksuwal ay pwede sa babae at lalaki

Diskriminasyon- ang diskriminasyon batay sa lahi na may kinalaman sa hindi

kanais-nais na pagturing sa isang tao dahil mula siya sa partikular na lahi o dahil sa

mga personal na katangian na nauugnay sa lahi at kasarian ng isang tao

KABANATA 2

MGA KAUGNAY NA PAG-AARAL AT LITERATURA

Nararapat na pagtanggap"Lahat tayo ay nilikha ng Diyos na pantay-pantay"

Isa lamang ito sa madalas mamutawi sa bibig ng sangkatauhan, mga katagang ni

minsan man ay hindi pinagsawaan. Tila ito ang sumasalamin sa kung papaano umiikot

ang mundo noon at kung papaanong nabubuhay ng malaya ang isang babae at lalaki

na walang ibang iniisip kundi ang pag-asang sa bawat araw, panibagong ngiti ang

sasalubong sa kanila. Ang dating walang humpay na tawanan at maaliwalas na

pamumuhay ay mistulang napalitan ng poot, pang-aalipusta, at pagkamuhi, ito ay

marahil sa mga taong hindi naiwasang batikusin ang kakayahan ng isang indibidwal

na makilahok sa lipunan. Ang bawat lalaki at babae ay itinuturing na malaking biyaya

YOU[SHORTENED TITLE UP TO 50 CHARACTERS] IX

sa mundo ngunit salungat dito ang pagtrato ng karamihan sa mga taong ibang kasarian

ang ninanais.

Ayon sa pananaliksik ng NQAPIA (National Queer Asian Pacific Islander

Alliance) ang pagiging LGBT ay hindi kagustuhan o aksidente. Hindi ito naidudulot

ng pagpunta sa US, paninirahan sa malalaking lungsod o pagkakaroon ng mga

kaibigang LGBT. Sa katunayan, 325,000 o 2.8% ng populasyon ng mga Asian Pacific

Islander sa US ang umaming LGBT, ayon sa Williams Institute sa UCLA School of

Law. Bagama’t walang nakakaalam kung paano mismo natutukoy ang sekswal na

oryentasyon at kinikilalang kasarian, nababatid ng karamihan ng mga taong LGBT

ang pagiging iba nila sa murang edad. Maraming bansa ang nagpupursige na isulong

ang karapatan ng bawat miyembro ng LGBTQ, maraming hakbang ang

pinagdadaanan at maraming pagsubok ang kinahaharap ngunit sa kabila ng lahat tila

mahirap pa ring pukawin ang simpatya ng taong bayan ito ay sa kadahilanang sila ay

nabalot sa katotohanang ang mga katulad nila ay salot sa lipunan.

Maraming bakla, lesbiyana, biseksuwal at transgender ang nakararanas ng

lantarang diskriminasyon, isyung moral, standardization ng identidad at samu't saring

miskonsepsiyon. Ayon sa pag-aaral ng Pew Center, 2002, halos lahat sa kanila ay

nakararanas ng pang-aabuso at pambabastos, ito ay hindi lamang nababase sa

kanilang pisikal na katangian at sa kung paano sila manamit dahil ang kanilang

pamumuhay ay unti-unti na ring napapakialaman. Sa paaralan, sa opisina, at sa ibang

pampublikong lugar, kahit saan sila magtungo, tanging pasaring at walang humpay na

tsismisan ang kanilang naririnig. Dito sa Pilipinas hindi maikakaila na patuloy na

tumataas ang bilang ng mga LGBTQ members , kasabay nito ay ang siya ring

pagdami ng mga krimen at masamang gawain na inihahatol laban sa kanila. Ang

YOU[SHORTENED TITLE UP TO 50 CHARACTERS] X

diskriminasyon sa mga LGBT people ay makikita noon pa, isang ebidensya ay ang

pagtawag sa "homosexuality" bilang isang sakit sa pag-iisip, kahit na sinabi ng

American Psychiatric Association na hindi ito sakit sa isip, ay patuloy pa rin itong

pinaniniwalaan hanggang ngayon (Parrot & Ellis 307). Pangalawa, pinaniniwalaan

din na ang "acquired immune deficiency syndrome" o mas kilala bilang AIDS ay

isang parusa sa mga kagaya nila na pinagbibintangang gumagawa ng immoral na

bagay.

Noong 1946 ginanap sa Pilipinas ang kauna-unahang pride march na

naglalayong ipakita sa mga mata ng bawat Pilipino na tayo ay isinilang na pantay-

pantay kung kaya't ang tulad nila ay dapat ding ituring ng pantay. Ayon sa artikulo ni

Philip Tubeza noong 2013, ang Pilipinas ay kasama sa mga pinaka "friendly" na bansa

pagdating sa LGBT ngunit kahit ganito ang mga talaga kahit kailanma'y hindi

napuksa ang hindi tuwirang pagtrato sa kanila, ito nga ay lumala pa sapagkat marami

pa rin ang taliwas na mapabilang sila sa isang komunidad at maging ang simbahan ay

may ibang pananaw tungkol sa mga gaya nila. Ang hindi makatarungang pagtanggap

sa mga tulad nila ay labis na ikinalulungkot ng LGBT Community at maging ng iilang

indibidwal na hindi nagdalawang isip na magparamdam ng pagmamahal para sa

kanila. Ang labis na pang-aapi ay sadyang hindi maiiwasan ngunit dapat nating ipasok

sa ating kokote na hindi kailanman sinabi ng Diyos na sila ay di kabahagi ng

kangyang mga nilikha, tanging mga sariling paniniwala at persepsyon lamang ang

nagtutulak sa tao na isawalang bahala ang kanilang halaga sa mundong ating

ginagalawan. Kagaya ng pagtrato natin sa ating pamilya, kaklase, at kaibigan, isang

magandang bagay din ang pagpapakita ng pag-unawa at pagmamalasakit sa mga gaya

nila na hindi sinasadyang mahulog sa kasalungat na kasariang kanilang kinalakihan.

Ang mga tulad nila ay dapat ding binibigyan ng respeto at hindi lamang binabalewa
YOU[SHORTENED TITLE UP TO 50 CHARACTERS] XI

na para bang isang patapon na bagay. Marami sa kanila ang lubhang nakatutulong sa

ating lipunan at ang mga magagandang gawain na kanilang naipamalas sa loob ng

mahabang panahon ay tunay na magiging karangalan sa ating bansa.

Nakakalungkot isipin na maraming sumisigaw na mas maayos at maganda na

raw sa henerasyon ngayon dahil mayroon ng pagkakapantay-pantay ang mga tao

ngunit hindi ito ang nangyayari dahil ang mga bakla, biseksuwal, lesbiyana at

transgender ay naaabuso pa rin. Dahil nga sa meron pa ring pagkokondena at hindi

pagtanggap sa kanila,

KABANATA 3

PAMARAANG GINAMIT SA PAGLUTAS NG SULIRANIN AT

PINAGMULAN NG DATOS

DISENYO NG PANANALIKSIK

Ang pag-aaral na ito ay gumamit ng deskriptibong metodolohiya kung saan ang

mananaliksik gumagamit ng mga talatanungan para makalikom ng datos na gagamitin

sa pananaliksik na magpapadali sa pagkalap ng datos sa mga respondante. Ginamit ito

upang makakuha ng iba’t- ibang impormasyon o kaalaman na makakatulong sa

naturang pag-aaral at mailahad ang antas ng diskriminasyon sa mga LGBT. Ang

disensyong kwalitatibo ay mabisa sa pag-aaral na ito upang makakalap ng mga datos

o impormasyon sa bawat respondante na magiging epektibo sa pananaliksik.

YOU[SHORTENED TITLE UP TO 50 CHARACTERS] XII

RESPONDANTE

Ang mga respondanteng ginamit para sa pag-aaral na ito ay mga estudyanteng

kumuha ng kursong Bachelor of Science in Entrepreneurship na nasa unang antas ng

kolehiyo mula sa seksyon 1-B at 1-D ng NEUST San Isidro Campus.

MGA INSTRUMENTO SA PANGANGALAP NG DATOS

Bumuo ng talatanungan ang mananaliksik na ginamit sa pagpapasagot gamit ang

google form sa mga respondante. Sa pamamagitan nito ay lubos na nakalap ang mga

datos na dapat na kailangan sa pag-aaral.

1. Talatanungan. Nagsend ng link na papasagutan sa mga estudyante sa kani-

kanilang group chat. Pagkatapos ng isang araw, isinara na ang pag open ng

link sa mga magsasagot upang isaayos at igawan ng interpretasyon.

2. Ang bahaging ito ay nahahati sa dalawa. Una ay checklist at ang ikalawa

ay pagtukoy at pagpapaliwanag.

PARAAN NG PAGSUSURI

Ang mga nalikom na datos ay sinuri ayon sa nakalahad na suliranin sa unang

kabanata ng pag-aaral na ito:

Una, sinuri ang mga datos na nakalap kung paanong nakakaapekto sa mga

tagasagot ang diskriminasyon na natatanggap ng mga kasapi ng LGBTQ Community

kahit hindi sila kabilang nito.

YOU[SHORTENED TITLE UP TO 50 CHARACTERS] XIII

Panghuli, ginamitan ng teybol at pie graph ang pagsasaliksik upang maging

maayos ang presentasyon ng mga nakalap na datos.

KABANATA 4

PRESENTASYON, PAGSUSURI AT INTERPRETASYON NG MGA DATOS

Ang Pagsusuri ng data ng pananalilsik ay mahalaga dahil ginagawa nitong mas

madali at mas tumpak ang pqgsusuri ng data. Nagbibigay-daan ito sa mga

mananaliksik sa direktang suriin ang data at tinitiyak na walang maiiwan sa kanila na

makapagbibigay sa kanila ng mga bagong insight.

I. PROFAYL NG MGA RESPONDANTE

Ang pag-aaral na ito, kasama dito ang mga ilang profayl variables ng mga

respondante para magamit ang mga nakalap na impormasyon sa pag-aaral. Dito

kumakatawan ang mga resulta sa mga sumusunod na teybol.

TALAHANAYAN 1

1. Edad- pinapakita dito ang edad ng mga respondante

Edad ng Respondante Kalimitan Bahagdan

18 3 30%
19 4 40%
20 1 10%
22 2 20%
Total: 10 100%

Ipinapakita sa Talahanayan 1.1 na may pinaka maraming sarbey ay ang may edad na

19 na may kabuuang 40%, pumangalawa naman ang may edad na 18 na may

kabuuang 30% pangatlo naman ang may edad na 22 na nay kabuuang 20%,
YOU[SHORTENED TITLE UP TO 50 CHARACTERS] XIV

samantalang iisang tao lamang ang sumagot na may edad na 20 na may kabuuang

10%.

2. Kasarian

Ipinapakita dito na mas maraming respondante na babae na may kabuuang 76.9% ang

nag sagot ng sarbey sa google form kaysa sa lalaki na may 23.1% lamang.

3. Seksyon

Ipinapakita dito na ang kulay red ay nagsisilbing seksyon 1-D habang ang blue na

kulay ay nagsisilbing seksyon 1-B nakikita sa pie graph na mas maraming nag sagot

ng sarbey sa seksyon 1-D na may kabuuang 75% kaysa sa seksyon 1-B na may

kabuuang 25%.
YOU[SHORTENED TITLE UP TO 50 CHARACTERS] XV

II. RESULTA NG SARBEY

Ipinapakita dito na lahat ng tao ikaw man ay bakla, tomboy o ano man ang iyong

kasarian ay kabilang at dapat pahalagahan dahil sila ay kasapi ng ating lipunan.

KABANATA 5

LAGOM, KONKLUSYON AT REKOMENADASYON

LAGOM

Sa henerasyon ngayon, laganap ang salitang “LGBT” sa mga usap-usapan at

kontrobersiya. Ito ay pinag-uusapan sa social media, sa balita, at maging sa mga tao

mismo sa paligid. Ang LGBT ay inisyal ng lesbiyan, bakla, biseksuwal, at mga

transgender. Ito ay isang komunidad nila na kung saan pinapalaganap,

pinapahalagahan, at pinaglalaban nila ang kanilang mga karapatan sa buhay.

Noong unang panahon, ang mga taong parte ng LGBT community ay ginagawang

katatawanan lamang. Kung ikaw ay bakla, wala kang ibang natatanggap kundi

diskriminasyon at pang-aapi mula sa lipunan. Ngunit ngayon, marami ng LGBT na

YOU[SHORTENED TITLE UP TO 50 CHARACTERS] XVI

winawagayway ang kanilang bandera at ipinagmamalaki kung sino sila. Subalit, hindi

pa rin mawawala ang diskriminasyon at panlalait na natatanggap nila sa lipunan, at

lubos pa rin silang di katanggap-tanggap ng mga ito.

Dapat nating igalang ang kasarian ng ating kapwa dahil wala tayong karapatan na

husgahan ang buong pgkatao nila. Hindi sukatan ang kasarian ng isang tao kung

hanggang saan ang tagumpay na pwede niya makamit.

KONKLUSYON

Mahalagang mapanood ang pelikulang ito dahil sa inihahain nitong aral hinggil sa

intersexuality. Sa panahong laganap ang representasyon sa iba pang kasapi ng

komunidad ng LGBTQ+, hindi dapat manatili bilang sikreto ang usapin ng intersex.

Gamit ang kapangyarihan ng midya, maaaring mabigyan ng atensyon ang mga bagay

na bago sa pandinig at paningin ng nakararami. Kinakailangan lamang ng sapat na

pang-unawa, bukas na pag-iisip, at wastong pagtingin sa mga katulad ni Adam, at iba

pang katulad niyang nagkukubli at naghihintay na matanggap at makilala ng lipunan.

Ang mga taong kabilang sa ikatlong kasarian (homosexual) ay kailangan tratuhin ng

may respeto, pagmamahal at pantay na pagtingin ano man ang kanilang estado sa

buhay.

REKOMENADASYON

 Nais ng LGBTQ+ Community na maging pantay ang pagtingin natin sa

kanila.

 Iparating na ang intersexual ay hindi dapat manatiling sikreto lamang.

YOU[SHORTENED TITLE UP TO 50 CHARACTERS] XVII

 Mas lalo pa nating silang bigyang pansin, suportahan at mas lumaki ang

kanilang kumpiyansa sa sarili.

 At gaya rin natin nais din nilang matanggap at makilala ng lipunan.

 Hikayatin ang mga tao na pahalagahan at respetuhin ang mga LGBTQ+

Community.

 Isaisip at pahalagahan ang laman ng storya hinggil sa intersexuality.

 Nawa'y unawain ang wastong pagtingin sa mga katulad ni adam, at iba pang

katulad nyang magkukubli at naghihintay na matanggap at makilala ng

lipunan.

BIBLIOGRAPI

Marcelo, Mon Aaron et al. (2022), Sanhi at epekto ng diskriminasyon sa pamumuhay

at karapatan ng LGBT sa lungsod ng Palayan sa taong 2022, Rizal Memorial College

Palayan

https://www.scribd.com/document/607410244/Sanhi-at-Epekto-ng-Diskriminasyon-

Sa-Pamumuhay-at-Karapatan-ng-LGBT

Anonymous (2017), Ganting galaw sa mga teoryang pampanitikan

https://annjemimahs.blogspot.com/?m=1

Gutierrez, Angeline, Mga positibong epekto ng implementasyon ng cross-dressing sa

mga LGBTQIA+ na mag-aaral ng HUMSS ng Our Lady of Fatima

https://www.academia.edu/31852969/

Mga_Positibong_Epekto_ng_Implementasyon_ng_Cross_dressing_sa_mga_LGBTQI

A_na_Mag_aaral_na_HUMSS_ng_Our_Lady_of_Fatima
YOU[SHORTENED TITLE UP TO 50 CHARACTERS] XVIII

Mateo, Christian Philip (2020), Intersex sa midya: Pagsusuri sa pelikulang “

Metamorphosis” ni Jose Enrique Tiglao gamit ang teoryang queer

https://christianphilipmateo.wordpress.com/2020/08/12/intersex-sa-midya-pagsusuri-

sa-pelikulang-metamorphosis-ni-jose-enrique-tiglao-gamit-ang-teoryang-queer/

Aborganizing (2020), Nararapat na pagtanggap

https://m.facebook.com/story.php?

story_fbid=pfbid02XQ7xbGfg2GkYTQZu2ZNpSL7upLFRBFNBwYsjhgV5vGhMF

9WyYUvd3YU9WxdrAGrWl&id=100171641562518&mibextid=Nif5oz
YOU[SHORTENED TITLE UP TO 50 CHARACTERS] XIX