Department of Education Division of Quezon

Panuto: Basahin nang tahimik ang teksto. Pagkatapos, sagutin ang mga tanong
at isulat ang titik ng tamang sagot sa sagutang papel.

Lalaguna Marsh… Hiyas ng Bayan ng Lopez

JOHNNY L. SAHAGUN
Lopez National Comprehensive High School

Isa sa mga natural wonder ng Lopez ang Lalaguna Marsh. Isang inland
freshwater marsh na pansamantalang tahanan ng mga ibong gala. Matatagpuan ito sa
Brgy. Lalaguna. Tinatawag na Nabulak ng mga matatanda ang katubigan. Ayon sa
kuwento, nabuklat ang lupa kaya’t nabuo ito.
May lawak itong 300 hektarya tuwing tag-init. Umaabot naman sa 500 hektarya
sa tag-ulan. May lalim itong tatlong metro at humigit kumulang na walong kilometro ang
layo sa kabayanan.
Napaliligiran ito ng mga niyugan at palayan na kabuhayan ng mga mamayan.
Pangisdaan din ito kung saan nahuhuli ang Iba’t ibang isda. Pinagkukunan din ito ng
mga halamang tubig na materyales sa paggawa ng mga basket. Nagsisilbi ring
irigasyon ang tubig nito .
Dumarating ang mga ibon tuwing Disyembre hanggang Marso. Dito nangangain
at nagpapalipas ng taglamig. Pagkatapos ay babalik sila sa mga lugar na pinagmulan.
Dumarami ang mga turista na nakakasaksi sa kagandahang ng marsh. Ilan sa
mga gawain ay ang pamamangka at pagkuha ng mga larawan. Popular ang
pamamasyal sa kabuuan ng katubigan sakay ng isang floating cottage.
Isinusulong ng Lopez ang pangangalaga sa katubigan. Gagawin ito bilang isang
ecotourism kung saan magtatakda ng mga panuntunan sa paggamit ng mga kalupaan
sa marsh. Layunin ng hakbanging na mapanatili ang kagandahan ng lugar.

Baitang: 10
Bilang ng Salita: 215

Sanggunian: http://ww.arcbc.org.ph/wtlands/phillippines/phl_lalaguna_marsh.html

1
Department of Education Division of Quezon

Mga Tanong:

PANUTO: Piliin ang titik ng tamang sagot.

1. Ano ang isa sa mga natural wonder ng Lopez na nagsisilbing pansamantalang

tirahan ng mga ibong gala? (L)
A. Busay sa Villa Espina B. Hondagua Bay
C. Lalaguna Marsh D. Magallanes Highlands

2. Ano ang layunin ng pamahalaang lokal na gawing ecotourism area ang Lalaguna
Marsh? (L)
A. para gawing itong pasayalan lamang
B. upang pasukin ng komersyo
C. mapangalagaan ang lugar
D. mapaunlad ang indusriya ng agrikultura.

3. Alin sa mga sumusunod ang hindi naglalarawan sa itinatampok ng akda?

A. Ito ay isang inland freshwater marsh. (L)
B. May sukat itong 300 hektarya tuwing tag-init
C. Dumarating ang mga ibon tuwing Disyembre hanggang Marso.
D. Ito ay may humigit- kumulang siyam na kilometro mula sa bayan.

4. Maliban sa pangingisda, ano pa ang pinagkukunan ng kabuhayan ng mga

naninirahan sa paligid ng Lalaguna Marsh? (L)
A. pagniniyog at pagkakaingin B. pagsasaka at pagniniyog
B. pagsasaka at pangingisda D. pangangalakal at pagkakaingin

5. Isinusulong ng Lopez ang pangangalaga sa katubigan. Gagawin ito bilang

isang ecotourism kung saan magtatakda ng mga panuntunan sa paggamit
ng mga kalupaan sa marsh. Layunin ng hakbanging na mapanatili ang
kagandahan ng lugar. Ano ang ipinapahiwatig ng pahayag? (H)
A. Nais pagkakitaan ng pamahalaang lokal ng Lopez ang Lalaguna Marsh.
B. Bubuksan ang Lalaguna Marsh sa komersyalisasyon.
C. May malasakit sa kalikasan ang mga namamahala sa bayan ng Lopez.
D. May pansariling interes ang mga nagsusulong sa proyekto.

6. Anong paraan ng pagpapahayag ang ginamit ng may akda sa simula ng teksto?

(H)
A. pagsasalaysay C. pagpapaliwanag
B. pagtatanong D. pangangatwiran

7. Sa tekstong binasa, inilahad na dumarami ang mga turistang nakakasaksi sa

kagandahan ng Lalaguna Marsh. Ano ang implikasyon ng inilahad na
pangyayari? (H)
A. May negatibo at positibong dulot ang pangyayari.

2
Department of Education Division of Quezon
B. Walang masamang maidudulot sa kalikasan ang pagdagsa ng mga turista.
C. Mabubuksan sa komersyo ang lugar.
D. Mananatili ang kagandahan ng Lalaguna Marsh marami man o kaunti ang
tao.

8. Ano ang layunin ng may akda sa tekstong binasa? (K)

A. magbigay impormasyon
B. maglahad ng opinion
C. manghikayat sa bagong paniniwala
D. magsalaysay ng pangyayari

9. Alin sa mga sumusunod ang angkop pa na pamagat ng akda? (K)

A. Lalaguna Marsh Sentro ng Turismo
B. Pangalagaan ang Katubigan ng Bayan
C. Lalaguna Marsh, Kayamanan ng Lopez
D. Turismo, Susi sa Pag-unlad ng Lopez

10. Sa anong bahagi ng akda inilahad ang paksa ng teksto? (K)

A. Unahan C. gitna
B. Hulihan D. pamagat

3
Department of Education Division of Quezon

Susi sa Pagwawasto: Lalaguna Marsh… Hiyas ng Bayan ng Lopez

1. C

2. C

3. D

4. B

5. C

6. C

7. A

8. A

9. C

10. A