BACCALAUREATE MASS 2022

PASIUNA:

Leader/ Commentator: Mga igsoon ko diha ni Kristo, maayong buntag

kanatong tanan.

Karon mao ang adlaw sa pagpasalamat, pagdayeg ug pagpasidungog

sa atong Langitnong Amahan tungod sa tanang mga grasya ug panalangin
nga iyang gibubo kanato sa tibook natong kinabuhi diha sa pagtuon o pag-
eskwela. Kini nga mga grasya maoy naghatag kanato ug kusog aron
malampsan ang mga pagsulay sa kinabuhi, mga panalangin nga mao usab
ang nagtulak kanato aron mopadayon sa paglawig sa halapad nga ugma sa
atong kinabuhi. Karon mao usab ang adlaw aron anihon nato ang mga
bunga sa atong mga kahago, sakripisyo sa atong mga ginikanan ug
magtutudlo, ug labaw sa tanan, ang panalangin nga gihatag kanato sa
atong mahigugmaong amahan nga si Jesukristo…. Ang atong kalampusan
sa mga nagkalain-laing ang-ang sa atong pagtuon.

Karong adlawa usab, atong gihiusa ang mga bunga sa atong mga
pagpaningkamot inubanan sa pangama ni Birheng Maria, atong langitnong
Inahan, ug pinaagi kang Jesukristo ug sa Espiritu Santo diha sa santos nga
Misa. Atong ihalad kini balik ngadto sa atong Amahan uban sa paglaum ug
pag-ampo nga iya kining dawaton ug ipadagaya niya nganhi kanato ang
iyang Diosnong Gugma ug kalooy sa atong pagpadayon sa paglawig sa
atong kinabuhi.

Ug busa, uban sa mapasalamatong kasingkasing ug hunahuna,

manindog kitang tanan ug sa hiniusang tingog atong awiton ang pasiunang
awit.
 KATILINGBANONG PAG-AMPO

Pari: Isip katawhan sa Dios, ato karong hiusahon ang atong mga pag-ampo
ngadto kaniya alang sa kasamtangang panginahanglan sa simbahan ug sa
tibuok kalibutan. Sa Matag pag-ampo, ang atong tubag, GINOO, DUNGGA
ANG AMONG PAG-AMPO.

LEADER: 1. Alang sa atong simbahan, nga lukop sa kalibutan ug sa

pangulo niini, nga sila magpabilin nga lig-on ug makanunayon diha sa
pagtoo, paglaum ug gugma sa ilang dili ti-aw nga pagpaningkamot aron
kabigon ang katawhan paduol sa Diyos. Mag-ampo kita sa Ginoo.
( TUBAG)

2. Alang sa atong nasud nga Pilipinas, nga sa kahayag sa kayo sa Diyos

modan-ag sa kasingkasing ug hunahuna sa matag-Pilipino sa ilang
pagpaningkamot sa pagtukod ug usa ka hapsay ug malinawon nga
kalibutan aron puy-an. Mag-ampo kita sa Ginoo….

3. Alang sa tanang estudyante nga magtapos sa JHS ug SHS, nga ang

balaang espiritu magtudlo ug mogiya kanila sa kamatuoran nga bisan sa
kalinghod pa sa ilang pangidaron, makahunahuna sila sa kaayo sa Ginoo
diha sa pagbuhat ug mga desisyon, plano ug lakang sa kinabuhi nga kini
nagasubay unta sa kabubut-on sa Diyos. Mag-ampo kita sa Ginoo….

4. Alang sa atong mga ginikanan, nga ang Espiritu sa Diyos magpuno unta
sa ilang kasingksing sa kalipay tungod sa kalampusan sa ilang mga anak,
magpabilin unta sila nga maunungon sa mga lakang sa ilang mga anak, ug
magmalahutayon sa pagbudlay sa pagpangita ug kaayuhan alang sa
pamilya. Mag-ampo kita sa Ginoo….

5. Alang sa atong mga magtutudlo, nga ang panig-ingnan ni Kristo maoy

magdasig kanila kanunay sa ilang tahas sa paggiya ug pag-umol sa mga
kabataan taliwala sa mga hagit ug kalisod nga nasinati sa ilang pagtudlo sa
mga kabataan. Hinaut pa unta, nga ang tawag sa pag-alagad sa uban maoy
mopatigbabaw sa ilang kasingkasing ug hunahuna. Mag-ampo kita sa
Ginoo…..

6. Alang sa atong minahal nga tulunghaan, ang Pulanglupa NHS, nga sa

kanunay ang Ginoong Jesus maoy sumbanan sa pagpadagan sa mga
kalihukan ug lakang nga ipaambit sa uban aron ang walay puas nga
panalangin mopadagaya sa iyang naghingapin nga mga grasya aron
daghan pa nga henerasyon sa mga kabataan ang makakab-ot sa masanag
na kaugmaon. Mag-ampo kita sa Ginoo….

7. Alang sa mga masakiton ug mga baldado natong mga kaigsoonan, nga

makakaplag unta sila sa kahupayan ug paglaum taliwala sa ilang mga
kasakitan. Mag-ampo kita sa Ginoo….

8. Alang kanatong tanan nga ania karon, nga kita mamahimong instrument
sa pagpakaylap sa maayong balita ngadto sa uban pinaagi sa atong pulong
ug mga maayong buhat ug nga kita mamahimong andam kanunay sa
pagpasaylo sa mga tawo nga nakapasakit kanato. Mag-ampo kita sa
Ginoo….

9. Mag-ampo kita sa hilom alang sa atong mga personal nga mga pag-
ampo o intention.
( HILOM MAKADIYOT….) Mag-ampo kita sa Ginoo….

PARI: Ginoong Hesus, sayud kami nga wala gayud kami mahimo kun wala
ikaw. Ubani kami sa kanunay sa among panaw sa kinabuhi aron dili kami
mahisalaag sa husto nga dalan ug aron makauban ka namo hangtud sa
kahangturan.

All. Amen.
 PAG-AMPO SA PAGHALAD: SYMBOLIC OFFERING

KANDILA: Langitnong Amahan, gihalad namo kining mga kandila, simbolo

sa kahayag ni Jesukristo nga among nadawat diha sa sakramento sa
bunyag nga padayon namong gidala aron sa paghatag ug kahayag sa
among mga kaigsoonan, miyembro sa pamilya, ug mga kaparyentihan, ug
kini usab magapahinumdom kanamo sa kanunay nga si Hesus mao ang
dalan, kamatuoran ug kinabuhi.

MGA BULAK: Ihalad usab namo kanimo Ginoo kining mga bulak, timaan
sa among kalipay nga nasinati karong adlawa tungod sa among
malampusong pagtapos sa pagtuon. Nanghinaut kami nga bitbit namo
kanunay ang maong kalipay sa among pagpadayon sa pagpangita sa
matuod nga kahulugan sa kinabuhi diha sa natad sa propesyon nga among
napili o pagaplion pa. Ang kaalimyon niining mga bulak, kanunay
maagapahinumdom kanamo nga si Jesus kanunay nahigugma kanamo.

MGA PRUTAS: Kining mga prutas langitnong amahan, bunga kini sa

kahago sa among mga kamot ug sa mga kamot sa among ginikanan ug
higala. Sama niining among gasa, ang amo untang mga paningkamot sa
kanunay mahimong magmabungahon sa umaabot nga panahon samtang
naninguha kami sa pagkab-ot sa among mga pangandoy sa kinabuhi.

DIPLOMAS, MEDALS UG CERTIFICATES: Langitnong Amahan, gihalad

namo kanimo kining mga diploma, medals ug certificates nga naghatag sa
kahupayan kanamo human sa mga kalisdanan nga among naagian diha sa
pagtoon, ug simbolo kini sa among kadaugan ug kalampusan. Hinaut nga
kini unta usab magdasig kanamo aron mas mapalambo pa ang kinabuhi
nga imong gipiyal kanamo.

(Offertory Song)
 BLESSING OF DIPLOMAS, MEDALS AND CERTIFICATES

PARI: Ang Ginoo maanaa kaninyo.

All: Maanaa usab kanimo.

PARI: Mag-ampo kita:

Amahan, panalangini kining mga diplomas, medals ug sertipiko.
Himoa nga sa kanunay magpahinumdom kanila sa ilang kalampusan nga
nakab-ot sa kinabuhi. Tabangi sila sa pagpadayon sa paggamit sa ilang
katakos ug kaalam aron pasidunggan ug himayaon ka kanunay. Kini among
gipangayo pinaagi ni Kristo among Ginoo….

All: Amen
 SALMO RESPONSORYO
JUNE 30. 2022

T. Ang mga hukom sa Ginoo matuod, ug silang tanan matarong.

1. Ang balaod sa Ginoo hingpit,

nagalipay sa kalag;
Ang kasugoan sa Ginoo kasaligan,
nagahatag og kinaadman sa tawo nga yano.

2. Ang mga sugo sa Ginoo matarong,

nagalipay sa kasingkasing;
Ang mga sugo sa Ginoo matin-aw,
nagahatag og kahayag sa mata.

3. Ang kahadlok sa Ginoo malinis,

nagalungtad sa kahangturan;
Ang mga gimbut-an sa Ginoo matuod,
silang tanan matarong.

4. Labaw sila kabililhon kay sa bulawan,

labaw sa usa ka pudyot sa labing lunsay nga bulawan;
Mas matam-is usab kay sa anibal
o sa dugos gikan sa kaba.

//Ang mga hukom sa Ginoo matuod, ug silang tanan matarong.//