SHOQATA E KONTABILISTËVE DHE FINANCIERËVE TË SHQIPËRISË

TESTIM

Kandidat “Kontabël i Miratuar”

Standardet Kombëtare dhe Ndërkombëtare të Kontabilitetit

SEZONI 09/2021

30 shtator 2021

1. Ngjyros me te verdhë alternativën e saktë

1
a) Në njohje, një njësi ekonomike mat inventarin me vlerën më të ulët midis kostos dhe
çmimit të vlerësuar të shitjes pakësuar me kostot për t‘u përfunduar dhe shitur.
b) Pas njohjes, një njësi ekonomike mund të matë inventarin me vlerën më të ulët midis
kostos dhe çmimit të vlerësuar të shitjes pakësuar me kostot për t‘u përfunduar dhe shitur.
c) Pas njohjes, një njësi ekonomike duhet të matë inventarin me vlerën më të ulët midis
kostos dhe çmimit të vlerësuar të shitjes pakësuar me kostot për t‘u përfunduar dhe shitur.
d) Pas njohjes, një njësi ekonomike duhet të matë inventarin me një nga tre metodat e
lejuara, FIFO, kosto mesatare e ponderuar ose identifikim specifik.

2. Ngjyros me te verdhë alternativën e saktë:

a) Nëse rivlerësohet një element i AAM-së, atëherë duhet të rivlerësohen të gjithë zërat e
ngjashëm të AAM-së.
b) Nëse rivlerësohet një element i AAM-së, atëherë duhet të rivlerësohet e gjithë klasa e
AAM-së ku bën pjesë ky element.
c) Nëse rivlerësohet një element i AAM-së, atëherë duhet të rivlerësohen të gjithë AAM-të e
paraqitura në pasqyrë.
d) Nëse rivlerësohet një element i AAM-së, kjo nuk kërkon testimin e të gjithë zërave të
klasës së AAM-së ku bën pjesë ky element.

3. Ngjyros me te verdhë alternativën e saktë:

a) Nëse ka ndonjë tregues që vlera e rikuperueshme e një elementi të caktuar të AAM-së
mund të ketë rënë poshtë vlerës së tyre kontabël, atëherë kryhet një test zhvlerësimi dhe,
nëse është e nevojshme, vlera e aktivit zvogëlohet.
b) Nëse ka ndonjë tregues që shuma e rikuperueshme e një elementi të caktuar të AAM-së
mund të ketë rënë poshtë vlerës së tyre kontabël, atëherë kryhet një test zhvlerësimi dhe,
nëse është e nevojshme, vlera e aktivit zvogëlohet.
c) Nëse ka ndonjë tregues që vlera në përdorim e një elementi të caktuar të AAM-së mund
të ketë rënë poshtë vlerës së tyre kontabël, atëherë kryhet një test zhvlerësimi dhe, nëse
është e nevojshme, vlera e aktivit zvogëlohet.
d) Nëse ka ndonjë tregues që vlera e drejtë e një elementi të caktuar të AAM-së mund të
ketë rënë poshtë vlerës së tyre kontabël, atëherë kryhet një test zhvlerësimi dhe, nëse
është e nevojshme, vlera e aktivit zvogëlohet.

4. Ngjyros me te verdhë alternativën e saktë:

a) Një provizion do të njihet vetëm nëse lidhet me një detyrim ligjor.
b) Një provizion do të njihet vetëm nëse mundësia për realizimin e tij është më e madhe se
mosrealizimi i tij (d.m.th. ka më shumë gjasa se jo).
c) Një provizion do të njihet vetëm nëse mundësia për realizimin e tij është më e madhe se
mosrealizimi i tij (d.m.th. ka më shumë gjasa se jo).
d) Një provizion do të njihet vetëm nëse ka mbi 50% të ngjarë që provizioni të realizohet.

5. Ngjyros me te verdhë alternativën e saktë:

a) Qiramarrësi do të njohë në pasqyrën e tij të pozicionit financiar aktivet e dhëna me qira
financiare, si një kërkesë për t’u arkëtuar në një shumë të barabartë me investimin neto në
qira.

2
b) Qiradhënësi do të njohë në pasqyrën e tij të pozicionit financiar aktivet e dhëna me qira
financiare, si një kërkesë për t’u arkëtuar në një shumë të barabartë me investimin neto në
qira.
c) Qiradhënësi do të njohë në pasqyrën e tij të pozicionit financiar aktivet e dhëna me qira
financiare, si një detyrim për t’u paguar në një shumë të barabartë me investimin neto në
qira.
d) Qiradhënësi do të njohë në pasqyrën e tij të performancës arkëtimet e pagesave të qirasë
për aktivet e dhëna me qira financiare.

6. Ngjyros me te verdhë alternativën e saktë:

a) Të ardhurat nga kontratat e shërbimeve dhe të ndërtimit shpesh ndikohen nga ngjarje që
ndodhin në të ardhmen, kështu që të ardhurat e kontratës duhet të njihen vetëm kur
arkëtohen dhe jo të vlerësohen paraprakisht në datën e raportimit.
b) Të ardhurat nga kontratat e shërbimeve dhe të ndërtimit mund të ndikohen nga ngjarje që
ndodhin në të ardhmen, por të ardhurat e vlerësuara të kontratës nuk duhet të rishikohen
në datën e raportimit.
c) Të ardhurat nga kontratat e shitjes së mallrave shpesh ndikohen nga ngjarje që ndodhin
në të ardhmen, prandaj të ardhurat e vlerësuara të kontratës duhet të rishikohen në çdo
datë raportimi.
d) Të ardhurat nga kontratat e shërbimeve dhe të ndërtimit shpesh ndikohen nga ngjarje që
ndodhin në të ardhmen, prandaj të ardhurat e vlerësuara të kontratës duhet të rishikohen
në çdo datë raportimi.

7. Ngjyros me te verdhë alternativën e saktë:

a) Blerësi duhet që, në datën e blerjes të njohë emrin e mirë negativ të fituar në një
kombinim biznesi, si një detyrim.
b) Blerësi duhet që, në datën e blerjes të njohë emrin e mirë negativ të fituar në një
kombinim biznesi, si një shpenzim.
c) Blerësi duhet që, në datën e blerjes të njohë emrin e mirë negativ të fituar në një
kombinim biznesi, si një të ardhur.
d) Blerësi duhet që, në datën e blerjes të njohë emrin e mirë negativ të fituar në një
kombinim biznesi, si një aktiv.

8. Ngjyros me te verdhë alternativën e saktë:

Sigurohet një kredi dy vjeçare pa interes në shumën 100,000 lekë. Norma e huave të
ngjashme në treg është 10%. Cila shumë më poshtë përfaqëson elementin Grant në këtë
transaksion?
a. 9,091
b. 21,000
c. 17,355
d. 10,000

9. Ngjyros me te verdhë alternativën e saktë:

Një ndryshim i metodës së amortizimit konsiderohet:
a) Ndryshim në politikën kontabël;
b) Ndryshim në vlerësimin kontabël;

3
c) Ndryshim në metodën kontabël;
d) Ndryshim në standardin kontabël;

10. Ngjyros me te verdhë alternativën e saktë:

Ne cilat nga rastet e meposhte eshte e nevojshme qe te rregullohet TVSH-ne blerje ne lidhje
me aktivet blera nga nje shoqeri dhe qe eshte konsideruar si TVSH e zbritshme ne muajin e
blerjes:
a) Transferimi i nje aktivi nga nje aktivitet i perjashtuar ne nje aktivitet te tatueshem i te
njejtes shoqeri;
b) Shitja e nje aktiviti per te cilin nuk eshte zbritur TVSH ne momentin e blerjes;
c) Transferimi i nje aktivi si pjese e transferimit te veprimtarise nga nje person i tatueshem
ne nje person tjeter i tatueshem dhe ky i fundit vazhdon veprimtarine;
d) Transferimi i nje aktivi si pjese e transferimit te veprimtarise nga nje person i tatueshem
ne nje person tjeter i tatueshem dhe ky i fundit nderpret me pas veprimtarine ekonomike.