Banghay Aralin sa Araling Panlipunan 4

IKAAPAT NA MARKAHAN

Aralin 7.1 Pagpapahalaga ng Mamamayan sa Pagtataguyod ng

Pambansang Kaunlaran

Bilang ng Araw: 1 araw

I. Layunin
A. Pamantayang Pangnilalaman
Ang mag-aaral ay inaasahang naipamamalas ang pag-unawa at
pagpapahalaga sa kanyang mga karapatan at tungkulin bilang
mamamayang Pilipino.
B. Pamantayan sa Pagganap
Nakikilahok sa mga gawaing pansibiko na nagpapakita ng
pagganap sa kanyang tungkulin bilang mamamayan ng bansa
at pagsasabuhay ng kanyang karapatan
C. Mga kasanayan sa Pagkatuto
Naipapaliwanag kung paano itinataguyod ng mga mamamayan
ang kaunlaran ng bansa.
II. Paksang Aralin
Paksa: Pagpapahalaga ng Mamamayan sa Pagtataguyod
ng Pambansang Kaunlaran
Kagamitan: dayorama, mga larawan, task card

Sanggunian: Yunit 4 Aralin 7

Learner’s Material, pp. 373-374
K to 12 – AP4KPB-IVd-f-5
III. Pamamaraan
A. Panimulang Gawain
1. Balitaan
● Pagbabalitaan tungkol sa mga kaganapan sa
paligid.
● Pagbibigay ng sariling kuro-kuro.

97
2. Pagbabalik-aral
● Pagbabalik aral tungkol sa mga gawain at epekto
ng gawaing pansibiko.
3. Pagganyak
● Dayorama
Pagpapakita ng mga larawan sa pamamagitan ng
ginawang telebisyon. Ang mga larawan sa ibaba
ang siyang ilalagay sa dayorama.

98
 ● Matapos ipakita ang mga larawan gamit ang
dayorama, tanungin ang mga mag-aaral kung ang
larawan ay nagpapakita ng kaunlaran o hindi.
Tanungin kung bakit nila ito nasabi.
● Magbigay ng pahapyaw na paglalarawan ng ibig
sabihin ng salitang kaunlaran.
●
B. Panlinang na Gawain
1. Paglalahad
● Ilahad ang aralin sa pamamagitan ng susing
tanong sa ibaba.

Ano-ano ang katangian ng isang maunlad na bansa?

● Magkaroon ng brainstorming ukol sa tanong.

Tanggapin ang lahat ng sagot ng mga mag-aaral.

Gawain 1 Pagbasa sa LM
● Ipabasa ang alamin mo sa LM p. 373-374.

2. Pagsusuri
● Suriin ang mga nalalaman ng mga mag-aaral sa
pamamagitan ng mga tanong sa ibaba.

*Ano ang mga katangian ng isang maunlad na

bansa?

Ang mga katangian ng isang maunlad na

bansa ay kung pantay-pantay ang pagturing sa
mamamayan at maayos ang pagpapatakbo ng
99
 lipunan. Kung pantay ang turing sa lahat, walang
aabuso sa karapatan at kapangyarihan. Wala ring
mapag-iiwanan ng mga yaman at benepisyo. Isa pang
katangian ay ang pagkakaroon ng angkop at sapat na
serbisyong panlipunan.

*Ano-ano ang ginagampanan ng mamamayan

bilang bahagi ng isang bansa?

Ang mga mamamayan ang siyang

nagtataguyod sa lipunan sa pamamagitan ng iba’t
ibang gawain.

*Bakit mahalaga ang bahaging ginagampanan ng

mamamayan sa pag-unlad ng bansa?

Mahalaga ang ginagampanan ng

mamamayan sa pag- unlad ng bansa dahil sila
ang gumagawa ng mga gawain o paraan upang
ang isang bansa ay umunlad.

3. Paghahalaw
● Gabayan ang mga mag-aaral sa pagbuo ng
kaisipan.

*Ano ang ibig sabihin ng maunlad na bansa?

Nangangahulugan ng pagkamit ng
kasaganaa ng mga mamamayang bumubuo ng
bansa.

*Saan nakabatay ang kaunlaran?

Nakabatay ang kaunlaran sa

panlipunang kagalingan tulad ng kalayaan ng
mamamayang pumili at magpasiya para sa
sarili, maabot ng mga batayang serbisyo,
matamasa ang pagkakapantay-pantay, at
maranasan ang katarungang panlipunan.

*Ano ang gampanin ng mamamayan ng isang

bansa?
100
 Ang mga ginagampanan ng mga
mamamayan bilang bahagi ng lipunan ay
mahalagang kontribusyon sa pag-unlad ng
isang bansa.

4. Aplikasyon
● Ang bawat pangkat ay tatanggap ng isang task
card na naglalaman ng kanilang gawain.

Task Card:

Panuto: Umisip ng isang pahayag na nagpapakita ng pagtataguyod ng

mamamayan sa kaunlaran ng bansa. Bumuo ng fish organizer kung
saaan nakasulat sa itaas na tinik kung paano ito maisasagawa. Sa
ilalim naman, isulat kkung ano ang mga dapat iwasan upang hindi
maging hadlang sa kaunlaran ng bansa.

IV. Pagtataya

Panuto: Bilugan ang mga pangungusap na nagsasaad ng pagiging

maunlad ng isang bansa. Isulat ang sagot sa notbuk.

1. May mga nakatapos sa pag-aaral na umalis ng bansa upang

manilbihan sa ibang bansa.
2. Marami ang bilang na hindi nakakabasa at nakasusulat.
3. Ang mga 15 taong gulang na kabataan pababa ay
pinagtrtrabahao.
101
 4. Masaya ang nakararaming mamamayan na nanunungkulan sa
pamahalaan.
5. Sapat at makatwiran ang kinikita ng mga tao.

V. Takdang-Aralin

1. Basahin ang iba’t ibang gawain maaaring gawin ng mga

mamamayan sa pagtaguyod ng lipunan sa LM pahina 374-375
2. Magdala ng 2 oslo paper, lapis, at mga pangkulay.

102