Professional Documents
Culture Documents
Isang Artikulong Lathalain Tungkol Sa Pagdurusa NG Mga Magsasaka
Isang Artikulong Lathalain Tungkol Sa Pagdurusa NG Mga Magsasaka
Isang Artikulong Lathalain Tungkol Sa Pagdurusa NG Mga Magsasaka
MAGSASAKA/MAGSA-SAKAL
"Hindi natin kasalanan kung ipinanganak tayong mahirap, pero kasalanan natin ang
mamatay na mahirap."
Mayayaman ang nabusog’t nakikinabang, ngunit labis na. Ang nagugutom ay yaong mga
umani pa. Nang tumayo’t umalingawngaw na para sa hustisya, hindi nagdalawang-isip,
pinaulanan sila ng bala. Dugo ang inalay para sa bawat butil. Walang napala, buhay kinitil.
Ang ipasadiyos mga kaganapan ay hindi sapat, ‘di kalutasan. Patuloy na maghihirap kung
hindi ipagsisigawan, ngunit ‘pag ipinagsigawan buhay ang malalagasan. Ilang taon na ang
nakalipas, nananatili pa ring tahimik sa kabila ng patuloy na imik. ‘Di nabibigyang pansin o
tinago, nilihim?
Amin, aminin na ang karahasan at buwagin ang sistemang sumilid sa buhay ng isa man o
isandaang magsasaka sa bariles at inihagis sa sapa na para bang laruan. Sa magsasakang
napilitang makiisa sa hukbong bayan. Hindi hinangad na humantong sa ganito, ngunit
kailangan upang buksan ang pinto. Pinto ng hustisyang pilit ikinakandado. Nakasarado.
"Hindi natin kasalanan kung ipinanganak tayong mahirap, pero kasalanan natin ang
mamatay na mahirap."
Ito’y mga katagang hindi mo gugustuhing pakawalan sa harap ng mga taong sinubok ng
sistemang walang pakundangan.