LA HORA DE LA LECTURA

FAMILIAR

¡UNIDOS por una mejor

EDUCACIÓN!

La mirada de los saberes desde

la Cosmovisión Andina

Atuqqa allin 10 panas

uywam CNEBmanhina akllasqa tapukuykuna

Atispaqa
Onlinentakama
kutichimuy

PRIMARIAPI
1 ÑIQIPAQ
2 ÑIQIPAQ

1
 Atuqqa allin uywam
(Willakuy)

Qayna punchawmi, huk atuq, chawpi punchawta, wasiykuman

hamurqusqa.
Uwihaykupa sayanan qincha ukupim musmiykachasqa.
Chaynaqta qawarquspaymi rumiwankama qatirqurqani;
hinaspam, mamayman willamurqani.
- Mamáy, atuqmi ushanchikpa qinchan ukupi kachkasqa,
chaymi rumiwankama qatirquni.
- Wawalláy, ¿imatam ruwarqunki?
- ¿Imaynanpi, mamáy?
- Wawalláy, atuqqa urqukunapa uywanmi. Urqukunaqa,
Apukunaqa ayllunchikmi kanku.
- Ichaqa, atuqqa ushanchiktam suwan.
- Manam suwanchu, atuqqa ñuqanchikwan kuskam
mikuyta munan. Payqa, uywata mikuspaqa manam

2
llapallantachu mikurqun, sunquchallantam mikurqun;
wakintaqa ñuqanchikpaqmi saqiykun.
Mamaypa nisqanta uyarispaymi, kunanqa atuqta aylluchakuni.

Yachachiykuy: Kay llaqtanchikkunapiqa purun uywakunapas, urqukunapas

ayllunchikmi kanku, chaymi ayllupura kaspa mana chiqninakunchikchu.
Pirwasqa qillqamanta hurqusqa

Tayta mama, yanapakullay.

LLAMKAYKUNA

Kay tapukuykunata kutichiy.

Qillqapi ñawichasqaykimanhina kuticihiy.
1. ¿Pim uwihaykupa sayanan qincha ukupi musmiykachasqa?
a) Uwihaymi
b) Mamaymi
c) Atuqmi

2. Qinchapi tarirquspay, ¿atuqta imanarqusqanim?

a) Kuyakuywanmi rimapayarqani.
b) Rumiwankamam qatirqurqani.
c) Qaparispaymi rimapayarqani.

3. Mamaypa siminmanhina, ¿atuq suwachu?

a) Manam suwachu.
b) Suwa suwam.
c) Ushatam sapallan mikukun.

4. Kay qillqapi, ¿mayqan rimaytaq ñawpaqta apakun?

a) Mamaymanmi atuq qatisqaymanta willamuni.
b) Huk atuqmi, chawpi punchawta, wasiykuman hamurqusqa.
c) Mamayqa, “atuqqa ayllunchikmi”, nispam niwam.

Kunan, hamutaspa, hinallataq qillqawan yanapakuspa tapukuykunata kutichiy.

5. Ñawichasqaykimanhina, ¿imaynataq atuq?
a) Allin uywam
b) Suwa uywam
c) Chiqnisqa uywam

3
6. Ñawichasqaykimanhina, ¿ima ancha sasachaytaq kay willakuypi kan?
a) Atuqtam rumiwankama qarqurqun.
b) Mamaymi atuqta kuyan; ñuqañataqmi, chiqnini.
c) Atuqqa uwihapa sunquchallantam mikurqun.

7. ¿Imapaqraq kay qillqata ruwarqa?

a) Suwa atuq uwiha suwasqanmanta willawananchikpaqmi.
b) Purun uywakunawan aylluchakuspa kawsanamanta yachachiwananchipaq.
c) Atuqkunata chiqnispa kawsanamanta yachachiwananchikpaqmi.

Kunanñataq, hamutaspa kay tapukuyta kutichiy.

8. ¿Allinchu atuqwan aylluchakuy? ¿Imaynanpi?

MUNASPAQA KAY QILLQAMANTA TAPUKUYKUNA KAYNINTAKAMA KUTICHIMUY

Warmakuna, kay aymuray killapi, 28 punchaw, inti punchawtam, 8.00 pachamanta

10:00 pachakama wayra wasintakama kay qillqapi tapukuykunata kutichiy. Kay
yupaynintakama qayachaykamuy: 067-452463, 067-452465 utaq kay qayakumanpas
915141014. Ichachu mana atinkichu, hinaptinqa, Radio Studio1 nisqa wayra wasipa
FACEBOOKnintapas qillqaykamuy.

Ichachu mana chaynintapas atinkichu; hinaptinqa, LECTURA ONLINE nisqatakama

kutichiykunata apachimuy. Kaytaqa, allqaykuq, 1:00 pachakamam, kay 28 punchaw,
aymuray killapi, apachimuy. Chaynapichá imapi allin kutichisqaykita yachanki, utaq
pantasqaykitapas.
¡KUTICHIMUYPUNI!
Kay uraypi tinkunallata ñupuykuy chaynapi FORMULARIO GOOGLEntakama
kutichimunaykipaq

https://forms.gle/1buNR9xKLXfAWkFWA

22/05/2023