Evanggelium Minggu 23 April 2023

Teks : 1 Petrus 1 : 17 – 23
Topik Mingguan : Tubuh Paduahalihon marhitei Hata ni Naibata.
Usul Doding Haleluya No 115 : 1 - 2

Parlobeini
Surat 1 Petrus itujuhon hubani sagala panginsolat, ( Yunani : Diaspora ). Maksudni aima halak
Jahudi perantauan na masuk karisten, atap pada umumni halak karisten na marianan i tongah-
tongah ni na lang halak karisten, na merap i Pontius, Galatia, Kappadosia, Asia ampa Bitinia, na
dob tarpilih in, ( 1 Ptr 1 : 1, Jak 1 : 1 ). Sidea on tarmasuk kristen na baru porsaya bani Jesus, na
rentan bani ajaran ni parpodah na kahou, ( 2 Ptr 2 – 3 ). Tang siboratan, sidea marianan bani
gomgoman ni halak Romawi, na lang mangkarosuhkon ajaran hakristenon berkembang. Hansa
ajaran baru ai iminati buei halak na berdampak bani panaronon bani sidea. Haputusan menjadi
pengikut ni Jesus mangkorhon tekanan humbani siparkuasa. Dampakni jumpah hagobiran
pakon panaronon bani sidea. Halani ai gabe adong do na madabuh hubani goluh na lang
marpangarapan, mandolei pakon marbalik. Bani kondisi on ma hadir Pertus marhitei suratni
mambere panorangion ampa penguatan ase margogoh sidea, ulang mandolei halani sitaronon.
Modal dasar ase totap sidea gomos mangkaporsayai Jesus tangkas isobut bani 1 Petrus 1 : 3 –
12, anjaha Jesus ma na gabe siusihan bani na manaron ai ( 1 Petrus 2 : 18 – 25 ). Lang soya
manaron sidea halani Jesus, bahkan marhitei hamaholon ai do gabe taruji haporsayaon ni
sidea, adong proses manuju hu hajengeson ni goluh, bahkan laho manjalo arta na maharga
humbani Tuhan na ihaporsayai sidea. Bani 1 Petrus 4 : 1 – 19, patangkaskon, bahasa martuah
anjaha maluah do siirikkon Jesus, agepe pasti buei do proses ijai, aima manaron. Tapi lang
ipaturut singgan na manaron, ibere do homa malas ni uhur. Halani ai iojur do kuria ai totap
manggoluh ibagas hadaulaton, mandaoh humbani hisap-hisap hajolmaon, anjaha marguru bani
rosuh ni Naibata.

Hatorangan
Bani ambilan on adong piga-piga penekanan penting isobut Petrus na gabe penguatan bani
halak kristen na manaron ai ase totap setia. Naparlobei : Anak ni Bapa do hita on haganupan.
Nini bani ay 17 : “ Anggo Bapa igoran nasiam Ia, na so sididah-idah bohi manguhumi ganup
jplma pasal pambahenanni bei, marhasoman biar ma nasiam marparlahou sanggah
panginsolatan nasiam on “. Hajongjongan ni halak karisten na lang boi i gugat atap ise pe
aima : “ anak ni Bapa “, marhitei Jesus Kristus. Mar “ Bapa “ hu bani Naibata ibagas Jesus, aima
hajongjongan na tunggung janah jagia. Domu hubani status ai ningon tampil beda ma. Anggo
mar “ Bapa “ do hita bani Naibata irik do ijai adong hak pakon hawajibanta, adong na maningon
hobaskononta pakon jaloonkon. Lobih hunjai ningon bangga do hita “ mar Bapahon “ Naibata
anjaha ningon bangga do homa “ Bapatta “ ai hita gabe “ niombahni “. Mungkin pangurusian
na sonon ma na domma erosi bani sondahan on. Kehilangan identitas bani mandalani goluh.
Lupa hita pasal hajongjonganta : ise hita, hunja, sonari ija pakon laho hu ja. Selaku anak ningon
ma marpala-pala manjaga goran ni Bapatta, marpala-pala mambahen tunggung pakon malas
uhur ni Bapatta ai. Ai do ase ipatangkas, ulang sarupa hita pakon dunia on ( bnd Roma 12 : 2 ).
Nini Petrus : “ Marhasoman biar ma nasiam marparlahou sanggah i pangginsolatan nasiam on
“. Mararti do ai, halak na domma i merdekahon Kristus, martanggungjawab manjaga
hamerdekaon ai. Jaga hita ma parlahou ase : daoh humbani dousa, lembangi sagala horja
hajahaton, sirsir ma mangkargahon panorang, fokus ma bani goluh na pamalas uhur ni Bapatta.
Onjolan manggoluh marhapansingon aima , sadar bani status sebagai anak ni Bapa. Sekaligus
sadar ma, na ipanginsolatan do hita , manuju hubani ianan na totap in. Sebagai panginsolat,
songon musafir do hita i dunia on, na mardalan do hita manuju surga tujuan ta in, ijai do
hasusuranta, ( bnd Haleluya nmr 392 ). Halani ai totap ma manjaga pargoluhan on. Totap ma
martoruh ni uhur, daoh humbani gijang ni uhur, songon puisi ni Buya Hamka : “ Kita berasal dari
tanah, makan dari tanah, berdiri di atas tanah dan akan kembali ke tanah “. Lang tabahen gijang
ni uhur halani haganupan na adong banta on hak pakei do hansa anjaha titipan sementara.
Napaduahon , Harga tumang do hita itobus, ay 18. Nilai ni sada barang gati iukur humbani
harga nominalni. Domu hujai do, bahwa tolak ukur bani arga ni barang siharganan somalni aima
omas sonai pirak. Bani barang na ianggap paling berharga ihatahon do ai songon arga ni omas.
Bangga do hita bani sada barang na ihargai setara pakon omas. Halani ai iupayahon do barang
ai ase : ijaga, irawat bahkan iperjuangkon. Lobih hunjai do pangkargahononkon ni Naibata
banta naporsaya. Pangkarhagonon ni Naibata bani goluhta on lobih humani arta siharganan i
dunia on. Nini bani ay 18 - 19 : “ Ai ibotoh nasiam do, sedo marhitei arta na so ra maseda,
omas pakon pirak, ase maluah nasiam humbani pargoluhan nasiam na so margagan in, na
tinean nasiam humani bapa nasiam, tapi marhitei daroh ni Kristus ba nagarga in do .... “. Sonai
ma hargata i lobei ni Naibata. halani ai, pori ialami hita bagei ketidak nyamanan bani dunia on
marhitei na mangkaporsayai Jesus, dingat hita ma, banggalan do holong ni Tuhan marimbang
haganupan ai. Domu hujai, ketidak sadaranta bani panobusion ni Tuhan banta aido, na
mambahen gati hita madabuh bani hisap-hidap ni dunia, perjuangan na pitah fokus bani harta
dunia, gaya pakon cara hidup na pitah pamalas uhur tumang. Sahali nari ipagolpa anjaha
ipaingat do bahasa harga tumang do hita itobus, halani hargahon hita ma in, marlumba ma
mambahen malas uhur ni Naibata, marlumba ma pasangap goran ni Tuhan na marmulia in,
lewat cara hidup siganup ari. Manggoluh tampil beda humbani standard dunia. Holong ma na
gabe rol model bani pargoluhan, sirsir mengampuni, manjalo hahurangan ni halak na legan.
Totap marpangarapan ibagas bagei namasa na mandorab hita. Nini bahasa gaul bani remaja : “
ulang ma gabe pribadi na cemen ampa cengeng “ hita. Sederhanani, sonaha ham manjaga
sagala artamu na iperjuangkon susah payah i dunia on, ningon lobih hunjai do mangkargahon
panobusion ni Tuhan. Napatoluhon ay 22-23 : Totap ma gara holong mu. Holong aima kalimat
na sangat populer bani goluh ni jolma. Hata on paling iharosuhkon jolma tapi persoalanni gati
lang gabe aksi nyata. Gati holong ipakei jolma untuk tameng mencapai sada tujuan tetentu.
Sehingga parhasomanon na semula songon galod sidung ari gabe pecah kongsi, holong ni
namaposo gati lang positif, pnl. Surat Petrus merupahon koreksi caranta memahami pakon
mandalankon holong ( agave ) sebagai anak ni Bapa. Jesus do sumber, dasar, gambaran ampa
realitas ni holong ai. holong ni Jesus na rela mambere hosahNi bahen partobus ni jolma, aima
na mangontang hita gabe sidalankon holong. Holong domma mulai erosi atap borgoh ai do ase
gati halak marsungkun, adong do gunani holong ai isahapkon sondahan on ?. Sahali nari, Jesus
do realitas holong ai, sedo teori. Holong sedo manis ni kata-kata, tetapi kerja nyata. Ase ciri
khas halak na manjaga hubungan na dear bani Naibata Bapatta aima mandalankon holong bani
sesama. Ciri khas holong aima : membebaskan, menghidupkan, mempersatukan, pakon
mengampuni, pnl. Jangan kalahkan situasi dengan teori, kalahkan lah kejahatan dengan kasih.
Dunia on aima medan pelayanan kasih sedo panggung sandiwara. Dinamisma holongta age aha
pe namasa.

Hahonaan :
- Mardingat holong ni Tuhan na sonin banggalni banta jolma on, ipaingat do hita ase
manjaga mangkargahon in marhitei na totap setia hu Bani. Marlumba ma hita
patorsahon manusia batiniahta atap pe jolma parbagasta in. Mandaoh ma humbani
sikap acuh tak acuh bani pargoluhan. Ningon tampil beda ma hita i tongah ni dunia on.
Sondahan on marlumba do halak memoles ronsi patorsahon manusia lahiriah on.
Memang lang dong na lepak ijin. Selain jumpah rupa na majenges, tongon ma segar do
jolma ibahen in, tetapi ulang ma lupa homa memoles manusia batiniahta, aima marhitei
na terus menerus iisi Hata ni Naibata.
- Topik Mingguanta aima : “ Tubuh Paduhalihon marhitei Naibata “. Hata ni Naibata ma
na totap na gabe rigapanta bani goluhta on. Hata in ma na mangajari ronsi
memampuhon hita pataridahkon anak ni Bapatta do hita. Lambin daoh ma hita humbani
hisap-hisap hadagingon / hajolmaon. Tongon jolma na marianan i tanoh on do hita, tapi
na mengendalihon hita aima Tuhan marhitei TonduyNi.