WHOLE BRAIN LEARNING SYSTEM

OUTCOME-BASED EDUCATION

ARALING GRADE
PANLIPUNAN 6

LEARNING QUARTER
4
WEEK
MODULE
6

WBLS-OBE CBLM-Aligned Self-Learning Module Araling Panlipunan 6 0

 MODYUL SA ARALING
PANLIPUNAN

KUWARTER 4
LINGGO 6
MGA PANGUNAHING SULIRANIN AT HAMONG
KINAKAHARAP NG MGA PILIPINO
(1986-KASALUKUYAN)

Development Team
Writer: Grace Marie R. Rafanan
Reviewers/Editors: Raul S. Quitoriano Janet Rosario P. Luis
Abdon R. Manuel
Layout Artist: Bryll B. Atienza
Management Team: Vilma D. Eda Arnel S. Bandiola
Lourdes B. Arucan Juanito V. Labao
Imelda Fatima G. Hernaez

1
WBLS-OBE CBLM-Aligned Self-Learning Module Araling Panlipunan 6
 PANIMULANG SALITA
Ang modyul na ito ay naglalaman ng mga aralin sa ika-apat na kuwarter ng
Araling Panlipunan 6: Ika-anim na Linggo. Nilalaman nito ang mga aralin tungkol sa mga
pangunahing suliranin at hamong kinakaharap ng mga Pilipino mula 1986 hanggang sa
kasalukuyan. Sa pagdaan ng panahon at paglipas ng mga namumuno, makikita ang
iba’t-ibang hamon at uri ng kanilang pagtugon na nagpapakita ng katatagan at patuloy
na pakikipaglaban ng mga Pilipino para magkaroon ng mas mabuting buhay hindi
lamang para sa kasalukuyan kundi para sa hinaharap.

Most Essential Learning Competency:

Nasusuri ang mga pangunahing suliranin at hamong kinakaharap ng
mga Pilipino mula sa 1986 hanggang sa kasalukuyan
Mga Layunin:
➢ Natatalakay ang mga pangunahing suliranin at hamong kinakaharap ng
mga Pilipino mula sa 1986 hanggang sa kasalukuyan.
➢ Naipapaliwanag at nasasagot ang mga nakapaloob na gawain tungkol sa
mga suliraning kinakaharap ng mga Pilipino.
➢ Naipapahayag ang saloobin sa kahalagahan ng pagkakaroon ng
pananagutan bilang tungkulin ng mga mamamayan sa mga suliranin at
hamong kinakaharap ng mga Pilipino.

WBLS-OBE CBLM-Aligned Self-Learning Module Araling Panlipunan 6 2

 Subukin
Panuto: Tukuyin ang mga nasa larawan. Kilala mo ba sila? Magtala
ng isa hanggang dalawang pangungusap na iyong naiisip o
maiuugnay mo sa kanila.

https://www.slideshare.net/markjohnmontemayor/mga-pangulo-ng-pilipinas-28774682
https://tokyo.philembassy.net/the-philippine-president/president-rodrigo-roa-duterte/

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

3
WBLS-OBE CBLM-Aligned Self-Learning Module Araling Panlipunan 6
 Alamin
Ang kaalaman sa karanasan at mahahalagang tagpo sa bawat
administrasyon ng pamahalaan mula sa 1986 ay makatutulong upang
maunawaan ang mga pagbabago sa lipunan at paraan ng pamamahala sa
kasalukuyan nang sa gayon ay magamit ang mga ito sa paglutas ng mga bagong
suliranin sa hinaharap na maaring harapin.

Tuklasin

MGA SULIRANIN AT HAMONG KINAKAHARAP

NG MGA PILIPINO

Natapos na ang Pamahalaang Marcos at naibalik na ang demokrasya sa

bansa. Gayumpaman, malaking hamon naman sa bagong pamahalaan ang muling
ibalik ang kaayusan, katahimikan at kaunlaran sa bansa. Bukod sa mga suliraning
panlipunan ay hindi rin maganda ang kalagayan ng ekonomiya ng Pilipinas. Bukod pa
rito, kailangan ding harapin ng buong bansa ang mga epekto ng mga patakaran at
ugnayang ginawa ng pamahalaan ni Marcos. (Linangin ng Diwa 6, pah. 253 Kristine Conde-Bebis at Tristan Albert
Luczon)

CORAZON C. AQUINO (1986-1992)

Nahalal si Corazon C. Aquino bilang ika-11 at unang

babaeng pangulo ng bansa noong Pebrero 25,1986
pagkatapos ng magkasunod na tagumpay ng 1986
Snap Election at ng makasaysayang EDSA People
Power Revolution.
Sa panahon ng pag-upo ni Aquino, ang bansa ay
nahaharap sa maraming mga suliranin. Namana
niya ang mga suliranin ng nagdaang administrasyon
https://liberal-international.org/people/corazon-aquino/ at nadagdagan pa ito ng iba pa tulad ng kakulangan
ng enerhiya na nakapagdulot ng ng mahahabang mga brownout, mga sunod-sunod na
coup d’etat na nagbanta sa katatagan ng pamahalaan at sa seguridad ng bansa, at
dagdagan pa ng ilang natural na kalamidad gaya ng lindol noong 1990, pagputok ng Mt.
Pinatubo noong 1991, at mga pagbagyo. Kinilala ang pamahalaang Aquino bilang
administrasyong nagpanumbalik ng demokrasya sa bansa, nagtaguyod ng karapatang
pantao, at naging huwaran sa pamumunong moral. Sinikap niyang maibalik ang mga
4

WBLS-OBE CBLM-Aligned Self-Learning Module Araling Panlipunan 6

demokratikong proseso na nawala noong panahon ni Marcos. (Isang Bansa, Isang Lahi 6, pah. 222 Dolores
Maria H. Torcuator at Maria Annalyn P. Gabuat)

FIDEL V. RAMOS (1992-1998)

Sa idinaos na halalan noong Mayo 11,1992, nanalo

https://bloomspresidents.wordpress.com/fidel
-v-ramos-1992%E2%80%931998/
bilang pangulo si Fidel V. Ramos at si Joseph Estrada
bilang pangalawang pangulo. Maraming suliranin at
hamon ang humarap kay pangulong Ramos. Kabilang
dito ang patuloy na pagtaas ng presyo ng mga
pangunahing bilihin, kawalan ng hanapbuhay,
mababang suweldo ng mga manggagawa,
kakulangan sa enerhiya, at ang tumataas na bilang ng
kriminalidad. Sinikap tugunan ni Ramos ang mga
pangangailangan ng mamamayan sa pamamagitan
ng mga programa at patakarang inaasahang
makabubuti para sa mga mamamayan. Nilunsad ang
programang Philippines 2000 na inaasahang
makapag-aangat ng ekonomiya at antas ng
pamumuhay ng bansa pagsapit ng taong 2000. (Isang
Bansa, Isang Lahi 6, pah. 224 Dolores Maria H. Torcuator at Maria Annalyn P. Gabuat)

JOSEPH E. ESTRADA (1998-2001)

Sa sumunod na halalan noong Hunyo 30,1998,
nanalo at hinirang na pangulo si Joseph Ejercito
Estrada. Nanalo naman bilang pangalawang
pangulo si Gloria Macapagal-Arroyo.Nakuha ni
Pangulong Estada ang boto ng masang Pilipino at
nangako naman siyang bibigyan ng prayoridad
ang pagtulong sa pagpapabuti ng buhay ng
mahihirap. Nangako rin siyang magbibigay ng
pantay na paglilingkod, at hindi magpapakita ng
pagkiling sa anumang pangkat, kamag-anak, o
kaibigan. Nangako rin siyang susugpuin ang
http://philpres.weebly.com/joseph-estrada.html katiwalian at korupsiyon sa pamahalaan.
Naging suliranin ng Pamahalaang Estrada ang EDSA dos na kung saan tinutuligsa ang
kaniyang pamamahala dahil sa pag akusa ng pagnanakaw ng kaban ng bayan at
pagtanggap ng milyon-milyong kita mula sa jueteng at kick back sa excise tax ng tabako
sa Ilocos. Ito ay ikinagalit ng mga mamamayan kung kaya’t lumahok sila sa mga kilos
protesta upang pababain sa puwesto si Estrada. Idineklara ng Korte Suprema na wala

WBLS-OBE CBLM-Aligned Self-Learning Module Araling Panlipunan 6

nang bisa ang pagkapangulo ni Estrada at pinangunahan ang panunumpa ni
Pangalawang pangulo Gloria Macapagal-Arroyo bilang bagong pinuno ng bansa.
(Isang Bansa, Isang Lahi 6, pah. 225-226 Dolores Maria H. Torcuator at Maria Annalyn P. Gabuat)

GLORIA MACAPAGAL-ARROYO (2001-2010)

Nanumpa bilang ika-14 na pangulo ng

bansa si Gloria Macapagal-Arroyo sa harap ng
mga mamamayang lumahok sa EDSA II noong
Enero 20, 2001. Itinalaga si Teofisto Guingona Jr.
bilang pangalawang pangulo.
Bilang isang ekonomista, kasama sa mga
plano ni Pangulong Arroyo ang pagsasaayos ng
ekonomiya sa bansa. Dagdag pa rito ang
pagsugpo sa suliranin sa kahirapan, panunumbalik
ng pagtitiwala ng mga tao sa pamahalaan, at
pagpapatatag ng ugnayan sa ibang bansa. Sa https://www.onthisday.com/people/gloria-
macapagal-arroyo
maikling panahon ng unang panunungkulan bilang
kapalit ni Estrada, binigyang-prayoridad niya ang mga programa sa kapayapaan at ang
patuloy na paglilitis kay dating pangulong Estrada upang maipakita na ang kaniyang
pamahalaan ay nagpapairal ng batas at katarungan sa lahat.
(Isang Bansa, Isang Lahi 6, pah. 227-228 Dolores Maria H. Torcuator at Maria Annalyn P. Gabuat)

Sa kanyang pamahalaan ilan din sa kanyang naging hamon na kinaharap ay ang

EDSA 3 na kung saan nagprotesta ang mga Pilipino laban sa pagdakip kay Estrada at
hiniling ang pagbibitiw ni Pangulong Arroyo at ang Oakwood Mutiny na mahigit sa 300
sundalo ang nag-alsa dahil sa katiwalian na nagaganap sa hanay ng sandatahang lakas
kung saan sangkot ang mga matataas na opisyal ng militar. Isa sa kanyang naging
suliranin din ang Hello Garci Scandal. Noong 2005 nang ilantad ni Samuel Ong, dating
Deputy Director ng National Bureau of Investigation na mayroon siyang kopya ng pag-
uusap nina Pangulong Arroyo at ni Comelec Commissioner Virgilio Garcilliano tungkol
sa pandarya sa halalan noong 2004. Naging malaking eskandalo ito sa bansa at
maraming Pilipino ang nagalit sa ginawa ng pangulo at nanawagang magbitiw siya agad
sa puwesto. (Linangin ng Diwa 6, pah. 272-273 Kristine Conde-Bebis at Tristan Albert Luczon)
Tumagal ang panunungkulan ni GMA ng siyam na taon. Sa ikalawang termino,
maraming naging suliranin ang bansa at bigo siyang mapanumbalik ang tiwala ng mga
mamamayan sa pamahalaan. Bagkus, lalo pang naging hayag ang pagkasuklam ng
maraming mamamayan sa kaniyang administrasyon lalo’t maraming mga kaso ng
katiwalian at pandaraya na naiuugnay sa kaniya at sa kaniyang asawa ang naglabasan.
Natapos ang termino niya ngunit siya ay sinampahan ng mga kaso kaugnay ng
pandaraya sa eleksiyon at sari-saring katiwalian. (Isang Bansa, Isang Lahi 6, pah. 228 Dolores Maria H. Torcuator
at Maria Annalyn P. Gabuat)

6
WBLS-OBE CBLM-Aligned Self-Learning Module Araling Panlipunan 6
BENIGNO SIMEON C. AQUINO III (2010-2016)

Si Benigno Simeon C. Aquino III, isang

dating senador, ay anak nina dating pangulong
Corazon C. Aquino at dating senador na
Benigno Aquino Jr. Siya ang hinirang na ika 15-
pangulo ng Pilipinas matapos ang halalan ng
2010 at si Jejomar Binay ang naging
pangalawang pangulo.
Sa unang bahagi ng kaniyang
panunungkulan, pinagtuonan niya ang mga
http://www.autismsocietyphilippines.org/2016/01/message
-from-philippine-president.html naiwang suliranin ng nagdaang
administrasyon. Iginiit niya ang pagwaksi sa
mga gawain ng katiwalian at ipinanukala ang “daang matuwid” bilang islogan ng
kaniyang panunungkulan. (Isang Bansa, Isang Lahi 6, pah. 229 Dolores Maria H. Torcuator at Maria Annalyn P. Gabuat)
Sa pamamahala ni pangulong Noynoy naging suliranin niya ang pag-angkin ng
ibang bansa sa ating Spratly Islands na pinagtatalunan at pinag-aagawan ng mga
bansang Tsina, Malaysia, Vietnam, Brunei, Pilipinas at Taiwan. Sa kasalukuyan,
pinalalakas at pinabubuti ng pamahalaan ang mga yunit ng militar na nagbabantay sa
mga pulong pag-aari ng Pilipinas sa Spratlys.
Ang Manila Hostage Crisis na kung saan ibinihagi ng dating pulis na si Rolando
Mendoza ang isang bus sa Maynila na may sakay na 25 turista mula
Hongkong.Nagkaroon ng negosasyon sa pagitan ng mga pulis at ni Mendoza ngunit
hindi napasuko ang dating pulis. Nagkaroon ng barilan sa pagitan ni Mendoza at ng
mga pulis. Apat ang namatay habang 6 ang nasugatan sa insidente.
Ang Mamasapano Encounter ng SAF 44, nagkaroon ng madugong labanan sa
pagitan ng mga pulis at mga kasapi ng Moro Islamic Liberation Front(MILF) na siyang
dahilan ng pagkamatay ng 44 na kasapi ng SAF para hulihin si Zulkifli Abdhir at Abdul
Basit Usman na kilalang mga terorista. Naniniwala silang nailigtas sana ang buhay ng
mga ito kung nagplano nang maayos ang pamahalaan at nagpadala ng tulong ang mga
sundalo.
Naging hamon din ng pamahalaan ni Pangulong Aquino ang pagbabago niya ng
Sistema ng ating edukasyon na dinagdagan ng 2 taon ang Basic Education dahil sa isa
sa Pilipinas ang natatanging bansa na lamang ang may 10 taon sa edukasyon sa Basic
Education. Maraming mamamayan ang hindi naging positibo ang pagtanggap dito
sapagkat nangangahulugan ito ng mas malaking gastos at mas mahabang pag-aaral
ng mga mag-aaral.
Sa pagtatapos ng termino ng Pangulo Aquino sa 2016, patuloy na umaasa ang
mga Pilipino, gaya ng sa naunang pangulo na matupad ang mga naging pangako ng
pagpapabuti ng buhay ng mga mamamayan. (Linangin ng Diwa 6, pah. 278 Kristine Conde-Bebis at Tristan Albert
Luczon)

WBLS-OBE CBLM-Aligned Self-Learning Module Araling Panlipunan 6 7

RODRIGO ROA DUTERTE (2016-KASALUKUYAN)

Si Rodrigo Roa Duterte ay kilala sa tawag

na Digong. Siya ay tinaguriang “The
Punisher” at “Trump of the East”. Siya
ang ika-16 na pangulo ng Pilipinas na
tubong Davao, Mindanao. Ang kanyang
naging islogan sa kanyang
pangangampanya at maging hanggang
sa panahon ng kanyang pamumuno ay
https://cpj.org/2019/12/duterte-threatens-to-shut-down-philippine-broadcas/ ang mga katagang “Change is Coming”.
Siya ang kauna-unahang pangulo mula sa Mindanao. Bagama’t siya ay tubong
Mindanao, siya ay isang Kristiyano ngunit may malalim na pagmamahal at malasakit sa
mga kapatid nating Muslim.
Naging mainit na usapin sa umpisa ng kanyang pamumuno dahil sa di umanong
napabalitang extrajudicial killings o EJK sanhi na rin ng pagpapatupad ng kampanya ng
pangulo na masugpo ang paglaganap ng paggamit ng ipinagbabawal na gamot sa
bansa o ang tinatawag na war on drugs. Gayunpaman, sa kabila ng pagbabatikos na
ito, mas marami pa ring mga Pilipino ang natutuwa sa pamumuno ni Pangulong Duterte
na naging dahilan kung bakit nakakuha siya ng 80 percent na approval rating at 82
percent na trust rating batay sa isinagawang survey ng Pulse Asia noong Disyembre
2017. (Bagong Lakbay ng Lahing Pilipino 6, pah. 352-353 Ailene G. Baisa at Julian Nestor S. Lontoc)
Naging hamon sa panunungkulan ni Pangulong Duterte ang pagsugpo ng bawal
na gamot na siyang dahilan ng pagtaas ng kriminalidad ng bansa, pagpapatibay at
pagpapaunlad ng ekonomiya, pagkakaroon ng maayos na kapaligiran, pagkakaroon ng
matatag na pamahalaan at ang kasalukuyang hamon sa kanyang pamumuno sa ngayon
ay ang nararanasan nating kahirapan at pagsugpo ng pandemya dulot ng sakit na
COVID 19.
Makulay at puno ng hamon ang kasaysayan ng Pilipinas sa pamamahala ng
bansa. Maraming mga suliranin ng hinarap at hinaharap na sa unang tingin ay mga
balakid sa mga plano ng pagpapabuti ng kalagayan ng mga mamamayan. Subalit
marami rin sa mga pangyayaring ito ang sumubok sa kakayahan at katangian ng mga
Pilipino. Napatunayang, hindi lamang sa isang pagkakataon, na sa sama-samang
pagtugon sa mga pangangailangan ay matatamo ang inaasam. Sa kapangyarihan ng
demokrasya, malinaw na ang bawat isang mamamayan ay inaasahang maging aktibong
kabahagi sa pag-unlad ng bayan. Inaasahan sa bawat responsableng mamamayang
Pilipino ang sumunod sa batas, maging mapagmatyag sa pamahalaan, at maging
kabahagi sa paglutas ng mga suliranin ng bansa. Sa pag-unawa na ang pamahalaan at
mamamayan at kapuwa may tungkulin sa bayan at sa isa’t isa, maipag-iibayo ang
pagtutulungan sa pagkamit ng mga pangarap ng bawat Pilipino at mga pangarap sa
Pilipinas. (Isang Bansa, Isang Lahi 6, pah. 230 Dolores Maria H. Torcuator at Maria Annalyn P. Gabuat)

WBLS-OBE CBLM-Aligned Self-Learning Module Araling Panlipunan 6 8

 Suriin
Panuto: Suriin ang mga sumusunod na hamon ng pagkabansa na
kinakaharap ng Pilipinas sa kasalukuyan.

Maraming hamon o suliraning panlipunan ang dapat bigyang-pansin ng

pamahalaan upang mapaunlad ang bansa. Isaayos sa Ladder Organizer ang sa
iyong palagay ay dapat pagtuonan ng pansin ng kasalukuyang pamahalaan.
Ilahad sa bahaging ibaba ang pangunahing dapat bigyang-pansin at sa bahaging
itaas ang huling dapat bigyan ng pansin. Ipaliwanag sa patlang kung bakit ito ang
iyong sagot.

• Kahirapan

• Krimen

• Korupsiyon

• Edukasyon

• Kapaligiran

• Kalusugan

_____________________________________________________________________
_____________________________________________________________________
_____________________________________________________________________
_____________________________________________________________________

_____________________________________________________________________
_____________________________________________________________________
_____________________________________________________________________

WBLS-OBE CBLM-Aligned Self-Learning Module Araling Panlipunan 6 9

 Pagyamanin
1. Anu-ano ang mga naging hamon at suliranin ng mga Pilipino sa mga nagdaang
Pangulo?
________________________________________________________________
________________________________________________________________
________________________________________________________________
________________________________________________________________

2. Sa iyong palagay, Ano ang tungkulin ng mga mamamayan kaugnay ng pagtugon

sa mga hamon ng pagpapanatili sa demokrasya?
________________________________________________________________
________________________________________________________________
________________________________________________________________
________________________________________________________________

3. Bilang isang kabataang mamamayan, Paano ka magiging bahagi ng pagbabago

at mga gawain tungo sa pagpapaunlad ng bansa?
________________________________________________________________
________________________________________________________________
________________________________________________________________
________________________________________________________________

Isaisip
Ang pagiging demokratikong bansa ng Pilipinas ay hindi nangangahulugan na
malaya na ang bansa sa mga suliranin. Sa kasalukuyan, iba’t-ibang suliranin sa iba’t-
ibang larangan ang kinakaharap ng bansa. Ang mga ito ang sumusubok sa kakayahan
ng pamahalaan at katatagan ng mga Pilipino. Kabilang ang sumusunod sa ilang suliranin
sa lipunan na kailangang harapin at mabigyan ng kalutasan.

a. Mababang antas ng ekonomiya

b. Kriminalidad
c. Terorismo
d. Suliranin sa kalikasan
e. Katiwalian sa pamahalaan

WBLS-OBE CBLM-Aligned Self-Learning Module Araling Panlipunan 6 10

 Isagawa
ASSESSMENT
PERFORMANCE TASK

PAMANTAYAN SA PAGGANAP (PERFORMANCE STANDARD):

Ang mag-aaral ay nakapagpakita ng aktibong pakikilahok sa gawaing makatutulong

sa pag-unlad ng bansa bilang pagtupad ng sariling tungkulin na siyang kaakibat na
pananagutan sa pagtamasa ng mga karapatan bilang isang malaya at maunlad na
Pilipino

PAMANTAYAN SA PAGKATUTO:

Nasusuri ang mga pangunahing suliranin at hamong kinaharap ng mga Pilipino mula
1986 hanggang sa kasalukuyan.
Naipapahayag ang saloobin sa kahalagahan ng pagkakaroon ng pananagutan bilang
tungkulin ng isang mamamayan.

SITWASYON (SITUATION):
Bilang isang mag-aaral sa Ika-anim na Baitang, ipakita ang iyong pagkamalikhain.
Bumuo ng isang poster-slogan na naglalayong maipahayag ang iyong saloobin sa
kahalagahan ng pagkakaroon ng pananagutan bilang tungkulin ng isang mamamayan
sa sa mga suliranin at hamong kinakaharap ng mga Pilipino.
LAYUNIN (GOAL):
Naipakikita ang pagkamalikhain sa pamamagitan ng paggawa ng poster-slogan.
TUNGKULIN (ROLE):
Comic Artist and Lay-out Designer
PRODUKTO (PRODUCT CHOICES):
Paggawa ng poster-slogan tungkol sa kahalagahan ng pagkakaroon ng pananagutan
bilang tungkulin ng isang mamamayan sa mga suliranin at hamong kinahakarap ng
mga Pilipino. Ilagay ang ginawang poster slogan sa malinis na long bond paper.

Sa mga Modular Class, gawin ito sa isang malinis na coupon bond.

Sa mga Online Class, sumangguni sa websites kung paano ang paggawa ng poster
slogan

PAMANTAYAN (STANDARDS):
Ang poster-slogan ay inaasahang mabisa ang mensahe, malikhain, may kaugnayan
sa paksa at may kalinisan.

WBLS-OBE CBLM-Aligned Self-Learning Module Araling Panlipunan 6 11

 PERFORMANCE TASK RUBRIC PAGGAWA NG POSTER- SLOGAN
PAMANTAYAN LUBOS NA MAHUSAY HINDI GAANONG NANGANGAILANGAN RATING
MAHUSAY 3 PTS MAHUSAY NG TULONG
4 PTS 2 PTS 1 PT
Nilalaman Angkop na Angkop at Hindi gaanong Hindi angkop at
angkop at malinaw ang angkop at malinaw ang mensahe
napakalinaw mensahe na malinaw ang na naipakita
ang mensahe ipinakita mensahe na
na naipakita. naipakita
Pagkamalikhain Napakalinaw Malinaw ang Maganda ngunit di- Malabo ang guhit at
ang pagguhit at pagguhit at gaanong malinaw Walang ipinamalas na
lubos na naging ang guhit at hindi pagkamalikhain sa
nagpamalas ng malikhain sa gaanong naging paghahanda.
pagkamalikhain paghahanda. malikhain sa
sa paghahanda. paghahanda.
Pagkamay- Buo ang May kaisipan Kulang ang Walang kaugnayan sa
kaugnayan kaisipan, at may sapat ugnayan sa paksa paksa ang islogan at
(Relevance) kumpleto at may na ugnayan sa ang islogan di-malinaw ang
kaugnayan sa paksa ang intensyon
paksa ang islogan.
islogan.
kalinisan Maganda, Malinis ang Di-gaanong malinis Marumi ang
malinis at pagkakagawa ang pagkakagawa pagkakagawa
kahanga- hanga
ang pagkagawa
KABUOAN

Tayahin

A. Panuto: Isulat ang TAMA kung tama ang isinasaad ng pangungusap at MALI
kung hindi.

_______1. Layunin ng mga naging pangulo ng Pilipinas na mapabuti ang kabuhayan

ng kaniyang mga mamamayan.
_______2. Mas binigyang pansin ng mga naging pangulo ng bansa ang ugnayang-
panlabas kaysa sa programang pangkabuhayan ng bansa
_______3. Lahat ng mga naging pangulo ng bansa ay nagkaroon ng mga suliranin na
dapat pagtuonan ng pansin.
_______4. Ang pagpapakita ng suporta ng mga mamamayan ay nagpapatunay na
mayroon silang tiwala sa pamahalaan.
_______5. Hindi naging hadlang sa pamamahala ng isang pangulo ang mga rebeldeng
lumalaban sa pamahalaan.

WBLS-OBE CBLM-Aligned Self-Learning Module Araling Panlipunan 6 12

B. Panuto: Isulat ang letrang OO kung ang isinasaad sa pangungusap ay hamon at
suliranin sa pag-unlad ng bansa at HINDI kung hindi ito nakahahadlang.

______ 1. Mga rebeldeng NPA at Abu Sayyaf.

______ 2. Ang mga programa ng pamahalaan ay lalong nagpapahirap sa kaniyang
mamamayan.
______ 3. Pagbibigay ng mga libreng pabahay sa mga mahihirap.
______ 4. Pagkakaroon ng maraming mamamayan na walang trabaho o hanap-buhay.
______ 5. Katiwalian sa opisina ng mga ahensiya ng pamahalaan.

C.Panuto: Sumulat ng maikling repleksiyon tungkol sa iyong sariling pananaw tungkol

sa mga pagtugon ng mga Pilipino sa patuloy na mga suliranin, isyu at hamon
ng kasarinlan sa kasalukuyan.

Rubrik sa Pagsulat ng Repleksiyon

Pamantayan Deskripsiyon Puntos
Nilalaman Nakapaloob sa repleksiyon ang mahahalagang
impormasyon ukol sa pagtugon ng mga Pilipino sa patuloy
na mga suliranin, isyu at hamon ng kasarinlan sa
kasalukuyan. 5
Estilo Malikhain ang pagkakasulat ng repleksiyon, pumili ang
may-akda ng mga angkop na salita upang maipahayag ang
kanyang saloobin ukol sa pagtugon ng mga Pilipino sa
patuloy na mga suliranin, isyu at hamon ng kasarinlan sa 3
kasalukuyan.
Mekaniks Nasunod ang lahat ng mekaniks sa pagsulat ng
repleksiyon. 2
Kabuuang Puntos 10
Edukasyon, Kultura ngan Turismo para han Pag-uswag han Samar

WBLS-OBE CBLM-Aligned Self-Learning Module Araling Panlipunan 6 13

 Susi ng Pagwawasto

WBLS-OBE CBLM-Aligned Self-Learning Module Araling Panlipunan 6 14

SANGGUNIAN
Bebis, Kristine Conde. Batayang Aklat, Linangin ng Diwa 6, Pahina 253-277, 202. PLL
Publishing House 2016, Quezon City

Torcuator, Dolores Maria H. et, al. Batayang Aklat: Isang Bansa Isang Lahi 6, Pahina
221-230. Quezon City, Vibal Publishing House Inc.

Baisa, Aileen G. et, al. Batayang Aklat: Ikalawang Edisyon Bagong Lakbay ng Lahing
Pilipino 6, Pahina 352- 355. Quezon City, Phoenix Publishing House

https://www.slideshare.net/markjohnmontemayor/mga-pangulo-ng-pilipinas-28774682

https://tokyo.philembassy.net/the-philippine-president/president-rodrigo-roa-duterte/

https://liberal-international.org/people/corazon-aquino/

https://bloomspresidents.wordpress.com/fidel-v-ramos-1992%E2%80%931998/

http://philpres.weebly.com/joseph-estrada.html

http://www.autismsocietyphilippines.org/2016/01/message-from-philippine-
president.html

https://www.onthisday.com/people/gloria-macapagal-arroyo

https://cpj.org/2019/12/duterte-threatens-to-shut-down-philippine-broadcas/

WBLS-OBE CBLM-Aligned Self-Learning Module Araling Panlipunan 6 15

 For inquiries or feedback, please write or call:

Department of Education – Schools Division of Laoag City

Curriculum Implementation Division
Brgy. 23 San Matias, Laoag City, 2900
Contact Number: (077)-771-3678

WBLS-OBE CBLM-Aligned Self-Learning Module Araling Panlipunan 6