PETRA OLEUM

peio saez de lafuente

diez de ultzurrun
 AURKIBIDEA

1. _____________________________________________________ 4. orr.

• PETRUS IN CUNCTIS _________________________________________ 5. orr.

-You can't put your arms around a memory

-Comfort Zone
-Porrota ez da porrota
-Kalean uso
-Aberri eguna
-Alfer
-Kartzelako poema
-Sinbolismoa I
-Zizek
-Aberri
-Maule
-Betula maximowicziana
-Genu
-Sinbolismoa II

• OLEUM ADDERE CAMINO ____________________________________ 24. orr.

-Antolatu eta borrokatu

-ID
-Libertatea
-Sindikalismoa
-Middle Class Hero
-Koldar
-Borroka da bide bakarra
-One struggle
-Ondarruko Askeguneari
-Hegal ahots
-Dinamita
-Pertsonala politikoa da
-Intzinera gaitzatela
-Euripean bai ona

2. _____________________________________________________ 41. orr.

• ET SUPER HANC PETRAM AEDIFICABO ECCLESIAM MEAM __________ 42. orr.

-Metonimia
-Idatzi

1
 -Veritas, veritatis
-State of the art
-Ez dakit deus
-Nora nahi zuen heldu
-Gone with the sea
-Zirkulua
-Ezpain behekoa
-Egon
-Kitarjole mozkorra izaterik banu
-Berunezko puxika
-Hermeneutika
-Doping
-Noraezean
-Lurra!

• DECUS OLEI _______________________________________________ 65. orr.

-Verba volant
-Hara!
-Elektrokuta nazazu
-Saint-Jean maistra
-Kerouac Frisco'ko kantoietan komuneko paperean idazten winoen begiradapean
-L'âge d'or
-Ursa major
-Liseriketa
-"Rayo de luz en la luz"
-Lagun
-A day at the races
-Mahats
-Irrintzi, irrintzi
-Xume
-Kolore estruktura
-Ohol zaharrez eginiko mahai batentzako poema saiakera
-Bilbotarraren eta Baskonia mitikoaren erromantzea
-Strike 2

2
 Xukua izurtzen baino ez dakit
paperak hanhemenka bustitzen
esne beltzez
ala tinta txuriz

Merkatuan baliorik ez duen

ene hazia da
petra oleum

3
1.

4
PETRUS IN CUNCTIS

5
 YOU CAN'T PUT YOUR ARMS AROUND A MEMORY

Inoiz ez da abiatzeko beranduegi

egunero has gaitezke
bide zaharretatik ere
ibilera berriz

Zuhaitz parmenidearrak asalda litezke

han utzi arrastoak harrotzeaz
baina ez natzaio ideia bati fidel izango
oroimen bati ez diot leialtasunik zor

Lorratzak berrizenda ditzakegu

belarra tintatu
errekastoa badakigu lehenengoz ezagutuko dugula
aurrenekoz ezagutuko gaituela

Harrikoxkorrak dira oroimenak

ibaia hautemanezinki baldintzatzen
sekula ez mugatzen

Izan nintzen bai arrokotan eserita

jesar gaitezen gaur Gloria
oraingo gure profilak grabatzeko

Bidea aitzaki
inoiz ez da abiatzeko beranduegi
(heltzeko bai
beranduegi amaitzea posible da)

6
 COMFORT ZONE

"Arrivée de toujours, qui t'en iras partout"

A. Rimbaud

Lehor sentitzen naizen egunotan

mingaina harri arraildukoa
eroso sentiarazten didaten guneetatik
harmistizioa bortxatzen didaten eremuetatik
ihes
abandonatu duzun zure jaurerrira nator
presio baxuek
urazalean
zure lurrina mantentzen ote duten ikertzera

Zurekin eraman zenuen eguzkia

agurtzeko pizten duzun argizaria
azken muinari itzalak
eta bolumenak
eta erpinak
eta izaera
eta errealitatea
kentzeko

Egun urdina daukagu

zeruak ez du kolorerik
kolorerik ez urak
Uda garesti baten usaina du aireak
urre prezioan erosi kortinaren usaina
haize faltaren aroma astunak maskaratzeko
Euriak zuzendua dirudi
gidatuak paseatzen direnak
zure ausentzia ezkutatu nahiean
kostaldea parkeak batelak
ukaezineko zapalkuntza
lerrootan baino ez dagoela
gogotsuegi esaten saiatzen dira
masten eta arbolen
lerro bertikalak
zeruzapaiaren eta lurraren artean
txikiturik gaudenok bilakatu putzuei izeka

Ihes egingo nuke

harriz beteriko patrikekin
itsasoaren hondotik lasterka
zure leihotik jauzi urpera
iparraldeko lautadetan
bilo hutsik

7
nire izena onartzera
zure oin hutsak jatera
zure eskuak betetzera
zure bataioa akatuz
ihes
herri mitolojikoetara
zure bataiotik
nire izenera
nire izanera
nire ezinera
ihes

Egingo nuke ihes

zuk bezala ihes
etorri ere
etorri naiz ihes
belar ezezagunotara
ohol zaharrez eginiko aterpe bila
ezerosotasunean elikadura bila
biziraupenetik haratago

8
 PORROTA EZ DA PORROTA

Ez emaitzaren ezak
porrotak ez
saiakuntzak behar lukeenean
hutsunea soilik eraikitzeak
akabatzen nau

Higuina ez dit gorpu ustelak sortzen

hilarteko moteltasun erosoak baizik

Dolu proposamena jaso

borrokarako beharra ikusi
lanpara estroboskopikoen argitan
begirada makurraren gonbita
eta arerioaren uniformearen dantza zirikatzailetik
urrundu begiak
bakearen epel geldora itzultzea
ihes egiteko koldarregi

Porrota ez da porrota
Onarpena da porrota

9
 KALEAN USO

Borrokarako hezitako uso arrea bezalaxe

lepaldeko lumak haizaturik oldartu
gaileta apurrak lortzearren
umiliatzeko prest den uso zurbilari
hango eta hemengo ogi apurretan
bikoa hondoratzen duen uso zurbilari
mokoarekin meategi gogortuak kolpatuz
sabela gaurko asetu
eta biharko gosea ekiditeko
zulorik zulo burua sartzen doan
usoari oldartu
bularra hazita
haize kolpe batek zubiaren zutabeen kontra
txiki zaitzan zu ere
hildako uso arre oldarra
borrokarako hezia
lan otzana eskatzen duten kaleetan

10
 ABERRI EGUNA

Herenegun genioen bezala

Aberri Eguna
zure hankarte zapaltzaile kapitalistan ematea baino aukera hoberik ez zegoelako
alboratu dut bazkalordua
zure alu inperialistaren
alu klasistaren
ur gezak eta izerdi autoinmuneak
dastatzeko esperantza hutsalez
(jakinik asegabe nuela bukatuko
eraiki dut egarri itxaropentsua)

Erramu Iganderik ez da neretzat existitzen

igandearen egunsentia
(lerro zuzenean gaur)
zure bularretan soilik
sudurraren puntan
jazz izterretan

Ama-hizkuntza zein dudan galdetu didazu

Mingaina dut ama-hizkuntza
zure aita-lengoaia ahobeteka konpartitzen
aberria eraikuntza etengabean
paperezko oinarriz
Ez naiz ni
zure mihiaren zaindaria
Herria eta aberria
egarria bezala
etorkizun mitiko batean dauzkat
zure herri konkretu onartuaren
aberri pragmatiko alboratuaren
aurka

Funk ipurdi eta

herenile orlegiko oinekin
jantzirik mintzatzen gara
zure hankarteaz
badenaz eta
bazenaz
izan diren denez
(akaso ez denez
asko batzuez behintzat)
mintzatu

Aberri eguna
zure alu aske askoan ematea baino aukera hoberik ez zegoen

11
bazoaz baina
zure herriaren ezerrira
lepoa zuzen
ez zaldun ez mariñel
auto lapurtuan

Egarria moilean itzaltzen saiatuko naiz

portuan itotzen

12
 ALFER

Zazpi buztaneko txakurra

behar du nire eskuak
pistoladun ekoizlea
nere hankek

Gorroto dut konkrezioa

eta konkretizatzea
gorroto eginaren inmanentzia
eta inmanentzia egitea

Bizkarra ahula dut

minbera ipurdia
Jopua banintz
aspaldi nintzateke lurpean
zaldi errenekin

13
 KARTZELAKO POEMA

"I say no more. All right, arrest me then.

Obviously I say no more. No warning necessary.

He was indifferent, really. All he wanted was a small room

and a table to write verse on
and freedom from the necessity to earn a living."
Anthony Burgess

Ez dut kartzelarekin fribolo izan nahi

bere semealaba andanak kaiolaturik dituen herrian are gutxiago

baina akaso merezi dut

eta akaso desiratzen dut
giltzpean aro bat ematea
askatasun negatiboa uka diezadatela
ene askatasun positiboaren neurria har dezadan
ahulezia ziniko oro bazter dezadan
bizia ez baita eraikitzen
nik darabilzkidan zimendurekin

Nik kanpotik tira

txarregi eta urriegi
egiten baitut tira
eta, tira, barrutik hobe egin nezake
barrotedun leihoaren itzalak
nire izenez sinatuz orriotan

Bizitza ez da lorejokoa
ni ez naiz
esan gabe doa
Axular
Bizitza borroka bada
ni ez naiz
zeresanik ez
Txillardegi

Ez dut nire argazkia inoren eskuek gora dezatenik nahi

herrietako tabernetako hormetako lekua debalde bete nahi
Preso politikoa ez nintzateke
olerkaritza politikoan erren ere bainabil
ekintza politikoenak sinbolikoki baititut egin

Lekzioa izan liteke alabaina

bizitza aurrera ateratzen ez dakien askatasun xahutuarentzat
jantziago eta dozenaerdi liburu besapean irtetzeko etzidamu

14
zabal daitezkeen ate-leihoen balioa ulertzeko

Denbora bete
denborak duen prezioa konprenitzeko
estolderiatan behera isur ezin daitekeen
ardo preziatua
abstemioaren begiaurrean
Gaiztotzen utzitako denbora gorriko edalontziak
behingoz hustutzeko
tintakartutxoak beterik dauzkaten idazlumak
batetik bestera garraiatu baino
lehortu arte izkiriatu
kandela muturraren zainpean

Ez naiz Sarrio ez naiz Cervantes

Sade ez naiz
Ez nauzue Castro ez nauzue Lumumba
Mumia ez nauzue
Lezioa ikasi behar duen sasiidazlea soilik

Garzon, ETA naiz

Obama, Hizbula nauzu
Burdinduizkidazue orkatilak
utzi eskuak libero
eta sarrailako giltzak
Ibaizabal Manzanares edo
Bahia de Cochinoseko uretara jaurti
apika bihar
ateak irekiko dira
handik pasatzeko
idazle askea
eraikitzeko gizarte hobe bat eta
literatura hobe bat
bizitza xukutzen

15
 SINBOLISMOA I

1 Sinboloak

Posible da poesia sinbolista egitea

sinbolorik gabe?
Dimentsio sinbolikoak desegin
faloa luma txapela fusila
eta sinbolismoari eustea?

Materialista larria
errealista gogorra izan
eta metaforak sortu?

2 Kontrola

Izpirituengana jo behar ote

poeta izateko?
Arrazoiak aurki ditzake sinboloak
lojikak asmatu metaforak?
Kontrolpean daukat eskua
kontrolpean ideiak
kateatzen ditut akaso ene irudiak
lotzen errealitatearen gainetik egon litezkeenak?
Sor lezake Panero'k gorputza garbi balu
Rimbaud'ek Poe'k Gerediaga'k?
Liberatu gabe bilatzean
jainko judeokristaua al dut topatuko
Parnaso'ren ordez?
Viagra, aitatasuna, igandetako meza,
futbola, Coelho
al daude garbitasunaren azken geltokian?

3 Infernua

Ateismotik
(are, antiteismotik)
infernu bat asmatu behar dut

Materialismo zorrotzetik
ez dudan izpirituarentzako sua

Osasunetik
gorputzaren kondena

Autosuntsiketa fisiko zein metafisikoari uko

16
eta halere suntsitu

Infernu baten beharra dut

hil aurreko azken unean
akatsak hutsalak izan ez direla sentitzeko
zigortua izango naizela jakiteko
azken hatsean

Neretzako lekua baino ez badu ere

infernu txiki bat sikiera
Hades pertsonala

Nik izan behar ote dut infernu hori?

Bizitza etengabeko hobekuntzaren mamuari eskeinita
autosuntsiketari ihes
non gorde ditzaket sukarrok?
Gogoan al dago infernua?
Gogoaren infernua
Borondatearena
Gogoa bera al da infernu hori?
Borondatea ote sua?
Besteak infernua ez direla badakit
neu izan ninteke infernua besteentzat
niretzat?
Bakardadea al da kondena?
Monogamia ote infernua?
Literatura da sua ala?

Espioiek zianuro pilula daramaten moduan

infernu puzgarri bat neramake
gogoan
une azkenekoan zabaltzekoa

(Hil aurreko azken pentsamenduan

fede inozo bat erosiko dut
barkamenik eskatu gabe)

Lobulo aurrefrontalean ote infernua?

Hipotalamoan al dago?
Nigan ote dut jada
jatorrizko pieza da akaso
jaiotzatik neregan daramadana?

Aurkituko dut?
Asmatuko ote?
Asmatzen ari al naiz deskribatzean?
Lagako dit norbaitek bestela?

17
 ZIZEK

[Zizek'ek dio
kapitalismoa
gezur mozorroa daraman
egia mozorroa daraman
gezurra dela]

[Nere]
poesia
egia mozorroa daraman
gezur mozorroa daraman
egia da

18
 ABERRI

Abertzale izan nahi dut zuen etxean

uzten badidazue
Hiritar jator izango naiz
Pessoa Sarrio
zuen herrialdeetan
lurralde askeetan
Klase bakarra dut
eta aberri bakarra
Joyce eta Rimbaud
zabalduizkidazue ateak
eta kaleak garbituko dizkizuet
debalde
O Lorca
hareapean asmatuz neretzat
kabia xumea
Bat da herria etxe askokoa
hamaika koloretan eraikiak
nazio gatibuezina sortuz
Irudimenean bekaturik ez
paperean krimenik ez
Luis, Charles, Donatien
hormarik ez zuen inguruan
Aska nazazue zuen eginez
eta fidel natzaizue aurrerantzean
askatasun benetazkoan
denik aberri bakarrean

19
 MAULE

Oraindik garaitezin dira Mauleko hesiak

hitza

HARRIA

l n r a
a b o

hesiak Mauleko dira garaitezin oraindik

20
 BETULA MAXIMOWICZIANA

Betula maximowicziana. Regel. Monarch birch

Hi ere
Arbolatasunagatik
Burugabetu haute
Aro berri baten seinale

21
 GENU

Gabiltza mugagabe ibili galduan

kaxa beteak gainean
zoru garbiak azpian
gabiltza ekinean
izatearen ezinean
belaunaldi ezin belaunikatua
zutuntzerik ez duena
malgutasuna magalean
asetu asegabeak
gauzek setiatuta
paturik gabeko pathos
ez ez baino
ezin ezin
zurtz eta antzu
disziplinarik gabe egile multidisziplinarrak
jauzika
jausiko ez den zubi bila
etsaiak etxekon
etsai etsiak
etzidamu damutzekoak
maiestaterik gabeak
teknokrazian luddista salduak
zokil zoliak
gaizki zailduak
zibilak
zakil alenak
alu zakairak
helmugagabe egotearen ezinean

22
 SINBOLISMOA II

Sinbolikoki baino ez gara bizi

ekintza sinbolikoak egiten
sinbolikoki erlazionatzen
Sexualitate sinbolikoa daukagu
eta literatur sibolikoa
Sinbolikoki borrokatzen gara
harea sinbolikoetan
Sinbolikoki defendatzen ditugu geureak
sinbolikoki erasotuz etsaia
Garaipen sinbolikoak soilik lortzen ditugu
eta porrotean zigor sinbolikoak jasotzen
buruaz beste sinbolikoki egitera arte

Heriotza dugu errealitate material bakarra

[Gure heriotza eta

besterena sortzea
Herioren
irrealtasun inmaterialean]

23
OLEUM ADDERE CAMINO

24
 ANTOLATU TA BORROKATU

Parte izatea ukapen bat da

Militatzea heriotz txiki bat da
Bizia sortzeko heriotz txikia, bai,
militatzearen alde nago
Baieztapen boteretsuari ahotsa lagatzea da
Baina militantzia oro da ukapen bat

25
 ID

Munduko herritarren nortasun agiria

sutan kiskali dut
zer eskaini izan nahi dudalako

'Argazkidun agiri bi, please'

Argitaratu ez dizkidaten liburuen azalak nahikoa dira?

Atxilo eraman ez nautenetako argazkiak?

26
 LIBERTATEA

Libertate bat daukat

gurasoek niretzako erosi eta atondua
ikasketek irakurketek esfortsuak dekoratua
Libertate bat dut
oinetan zein begietan
libertatea gogoan
Ez naiz esker txarreko eta xukutuko dut
adarrak fruiturik gabe utzi arte
(biharamunik ez dudala esan nahi badu ere)

Jakin badakit fruitu urrezkoaren

bihotz horzkatu ezinak
haginak hautsi dizkidan bihotz zurrunak
lizunegi kosk egiterakoan
barnean bere burua erreplikatzeko gai den mekanismoa daramala
(auto)ximaurrari (aita)loiari (ama)lurrari
eskeiniz gero
tentuz ureztatutakoan
Hezurra hezur dela
eta ez tranpa
hezurra hautsi daitekeela
baldintza batzuetan
fruituari kosk egin ahal izateko
eskilaradun nanoa naizelako dakit
libertatedun epotxa
hezurrarekin salda egiten saiatutakoek
akaso jakiterik ez zutena
Lursailak goldatuko ditut
nire haragi zurbil koldar txikian
hezurrak lurperatzeko
nere ustelkeritik
(nire libertatearen heriotzetik)
askatasun benetako baten enborra sor dadin

Fruituak ez ditut ukatuko

ez dut eskilara eskuoihal baten truk emango
idazluma lanjantzi bategatik aldatuko
Baina ez ditut zapalkuntzaren baldintzak onartuko
amaaberriaren gartzelaren libertatea
utzi ahal izateko eskatzen zaidan konplizitatea
ez dut otzan hartuko
Arbola berri horren ekfrasian biziko naiz
askapenak suntsitzen banau ere
bizitzak hiltzen banau ere

Ez ditut mugak ezkutuan gurutzatuko

27
gauaren babesean fusilak salduko
erbestean biharko borrokalariak heziko
Baina ez dut egiten ez dudana egiten dudanik esanen
ez naiz nerabe progreentzako panfletista
eta ez naiz egiten dutenek egiten dutenaren fiskal
tintazko txalozaparrada baizik
paperezko txapela airera jaurtia
Ni askatasunaren ekfrasiari lotuko natzaio
libertatea xukutzeari burubelarri
ahalbeste fruituren hezur aireratu eta landatzeari
ximaurrak antolatzeari
nire ekarpen txikiaz
hanhemenka hango eta hemengo
hamaika etxetako
nekazarien lana
lan bakarrra
errazteko

28
 SINDIKALISMOA

Sindikalismoa guretzat eta

NewYork'eko burtsa haientzat
gauza berbera dira

Gu ez gara gai ordea

inor hiltzeko
boterea lortzeko
gure libertatea erosteko

29
 MIDDLE CLASS HERO

Argala'rekin hitz egin dut

greba ereduaz
eta poesia militanteaz
Galdetu diot intelektualitatea leninistaz
eta sindikalismo margo-jaurtitzaileaz
Flakatu naiz
Ez dut entzuten
Komunismoa herri bakarrean izan dugu hizpide
hitzen lubakia
borroka bakarra hamaika herritan
Hamairu arrazoi eman dizkit
koldar deitu
poema bi leitu
eta liburuak erre
beste batzurekin ordezkatuz

Aurrean dauzkat ene idatziak

txilibitua
l'art pour l'art liburuak
adreilua
periodikoa
historia liburua
paskina
Begiaurretik doaz zutabeak
txakurrak
piketeak
eskirolak
Kantuaren dorretik begitanduz ni
oinutsik oraindik
belarri flakatuz Argalaren hitzen zain
pasio petit-bourgeois'en zorroa
erantzukizun historikoaren kutxa
sen alimalaren jaka
denak ohe gainean
deika
ego lirikoak eta guda izenak
elkar sodomizatzen duten artean
liburu honentzako izenburu bila

Eta ni hizketan oraindik

Rimbaud ere Komuna'n izan zen...

labur
Ezerriratu ere egin zen
Eta Ricardo Eliezer Neftali Reyes Basoalto?
Herritik erbestera

30
 besteen herrietara
hitzak golkoan
Eta Eustaquio Mendizabal?
Hizkuntzaren mugen borrokan

Hizketan ni
hizketan beti
hamaika borroken hamabi lengoaiak garatu nahiko nituzkeelakoan
arkupean
sorkuntza ahulean
polizia sekretuen koreografiek despistatu nahirik

Zein ote liburu honen izenburua?

Argala'k esan zidan
baina hizketan nengoen
eta ez nion aditu

31
 KOLDAR

Borroka bakarra dago

harmak hamaika diren arren
Nire koldarrean hitza aukeratu dut
badakit ongi nire etsaiak zein diren

32
 BORROKA DA BIDE BAKARRA

Xingola puxikari lotua

kataia berunezkoaren bidaide
burkide ernegak
gogaikarria borroka
otsoa txakurra zaintzen otsoa zaintzen
Borroka da bide bakarra
Eskenatokia gurutzatu hanka puntetan
ikusleari bizkarra emanik
errenka
Bidea da borroka bakarra
Tatitati tititatitati
Ardiak otso azalaz Corte Ingles zaintzen
Borroka da bide barrokoa
gaurkoa
Borroka da borroka bakarra
biharkoa
Bidea da bide bakarra
lantzean behinekoa
hezurgea
Bakarra da bide bakarra
antolakuntzaren antolakuntza
Lantegi itsutuetan
ilunpeko hitzak eguzkipean
Hilotzak kaleerdian
Bakarra da bakarbidea
Larriagotzen gaixotasuna
Borroka da bakardadea
Koldarrok kontsignak idazten
Hazten doaz mendiak
txikitzen harriak
Barrokoa bide bakarra
Masen aurkako ekintzarik ez
arren
Borroka da bide makarra
Aluak odolustutzen arlegearen erabakiz
Laga beldurra
zu alarguna
Bakarra da borroka borroka
Gorpukontuak abakoz
Borroka da hamaika bide
Bidea da borrokaren borroka
Borrokaren bidea da borroka bakarra

33
 ONE STRUGGLE

hamaika gara
hamabi izenekin
lauren aurka
beti garaituak

izenak zenbaezinak dira

abizenak soilik bi
Justizia eta Zapalkuntza
ahaztu bataioak
aukeratu harmarria

34
 ONDARRUKO ASKEGUNEARI

zubi hutsak eraikitzea

ardia otsoaren laguna da oihukatuz
aliantza bortxatuen zubi sinbolikoak
zapalketarako oinak indartzeko hanka burnizkoak
zubien eraikuntza
minak bizkorrago garraiatzeko
zubiak zubiak
inposatzen dizkigute
barkamen eta ahanzturak
injustiziari hiriko sarrerak trantsitagarri egiteko zubiak

zubien zubitasuna ukatuz

zubia harresi tinko bihurtuz
ez dira igaroko!
garrasi libreaz
zapalkuntzak gurutzatuko ez duen gune askea asmatu duzue
zubiak betez
dena ez dago onartu beharrik
zubi itxiak
ibili ezin diren bideak badirela adieraziz ozen
saldu nahi diguten onarpen ixilari zubiak zarratuz

35
 HEGAL AHOTS

Hegal ahotsez mintzatzen da harriak jaurtitzean

harresiak eraikitzean
herriak zutuntzean
Eztarriko lumez haizatzen du irreberentzia
Herioren aurpegian
borreroaren bisaian
orein gaztearen berna dantzariak
iazko udaberrian lehortzen utzitako belar metetean
hautsiak
ahozabalak
mihian usaintzen den lurrindunak
pipermin begietan
Becquer'en jantziz
indijena hostoez estalia tribuaren boz

Zurekin egin dut amets

Herriharresi bat ari ginen antolatzen
zein babesteko ezin esan
ez genekien
eta batera kokatu gintuzten
elkar hartuta sorbaldetatik
gerriak inguratuta
Zutundu gara
begietara
hitz egin didazu
begietara begiratu gabe
Irribartsu muxukatu zaitut
eta zure hankartetik
sozialismoaren jarioa
tantaka
lurrean ernaldu da

36
 DINAMITA

Dinamitaz beteriko muxuak

eta metxadun orgasmoak
komisaldegiko paretetan izkribatuak
txortan egiten dugunean
fusildun txakurren eztandek
pozteaz gain
plazera eman dezaten

37
 PERTSONALA POLITIKOA DA

Ezin 'maite zaitut' esan

non eta noiz maite zaitudan esan gabe
norekin eta zeinen kontra maite zaitudan
zeren defentsan dudan sentitzen desioa
eta zer nahi dudan erasotu zure alua jatean

Ohe bihurtu dugun nire berebila

ez da espaziodenboratik at
eta gure orgasmoek ere agenda politikoa dute

Sozialismoa ez da eraikiko
nire hazia zure ezpain eta ilean itsatsirik lotu delako
eta erdiko hatza zure uzkian
ez dut preso politikorik askatuko
torturatzailerik hilko
elizarik erreko
hotz duzun aho petitmortéa muxukatzean

Munduko herri zapaldu batean ari naiz

zure behatzak miazkatzen
zure titiburuak muxukatzen
zure orgasmoa eraikitzen
munduko klase zanpatuan ari naiz

Ez dut hori ahantzi nahi

Horregatik dauzkat kajoi berean
nire poesia eta zure kuleroak
kondoiak eta intifadaren zapia

Hori gogora ekartzeak ez du iraultza eginen

Hori ahazteak iraultza galaraz lezake

Maiteko bazaitut
askatasunaren alde zaitut maiteko
Nire zakil tentea herri harresia izan dadila
Euskal Errepublika Sozialistaren kamera baxua zure bagina
Eta hilerokoa duzularik
zure barnera isurtzen naizenean
nortasun agiri eta konstituzio ezerrikoekin dugu garbituko marrubi xukua

38
 INTZINERA GAITZATELA

"intzinera gaitzatela haizea aizkora bihurtu arte"

H. Cano

Kalean bizi garela diogunok

amaren teilatupean lo egiten dugunean

Poesia militantea egiten dugula diogunok

nortasun agiri faltsu baten beharrik sekula izan ez dugun arren

Sexua maite dugula diogunok

eskaintzak ukatzen ditugunean

Lan baldintza duinak exijitu behar direla diogunok

txakur txiki bi ordainean dauzkan edozein zapalkuntza onartuko genukeen arren

Gu, gu intzinera gaitzatela

gu, haizea aizkora bihurtu arte

Gu, eta hori esatera ere ausartzen ez zaren zu ere

39
 EURIPEAN BAI ONA

Munduko hiritar izan nahi dugula dirudi

Bai erakusleiho handi bateko produktu ona
Donostia Garazi orain Bilbo
Nortasun ederreko agure ginen
salneurria bistan duen mozorro berria jarri diguten arte
Gizateriaren jabegopeko
souvenir hautstuak
Hotelak lepo
etxeak huts
Euriak desertizatzen dituen hiriak gara
Afalondorako mamu

Nahiago inmigranteak
turistak baino

40
2.

41
ET SUPER HANC PETRAM AEDIFICABO ECCLESIAM MEAM

42
 METONIMIA

Sortzea pobretzea
idaztea sinekdokea
sinboloa errena
ideia erdia
metafora bortxatua
egia gezurtia
hemen nago
baina ez naiz
hori naiz
baina ez dut nahi
Dialektika hitztotela
mozorrotu behar
esaten ez asmatu
ezkutatu nahi
mutu geratu
sukarra
eta baraualdia
abakoa
eta sabela
Metonimia naiz

43
 IDATZI

Zeinentzat idazten dut?

Ez niretzat
komuneko paperarekin nahikoa dudalako

Ez zuretzat
ez baitzaude hemen

Ez zuentzat
erantzuten ez duzuelako

Zergatik idazten dut?

Ez esateko zerbait dudalako
dena baitut esan

Ez zerbait uler dezazun

ez baituzu aditu nahi

Ez zerbait entzun behar duzuelako

ezagun zaizue eta dena

Idazteko idazten dut

idazten dudalako dut idazten

Ni ez naizen beste ni honentzat

horrentzat
zu ez zaren
ezarentzat

44
 VERITAS VERITATIS

Ez dut sekula egirik esaten

Gezurrik ere ez dut inoiz esan

45
 STATE OF THE ART

Zirriborroen artean bizitzea erabaki dut

proiektu amaitezinen trenean
dosi txikitan hartutako hamaika drogen oberdosi gosetian
orbain ikonoklasta antiliturjikoetan
erabili eta zaborretara jaurtitzeko idoloak aurkituz asmatuz

Postura da patrika hutsekoa

ordago boteaz kartak jaso baino lehen

Bi eleberri dauzkat eta alu baten ideia

poesia liburua zure bular artean
(hemendik irakurri nahi dudana)

Leterak idatziz bizi naiz

gutunazalik sekula ezagutuko ez dutenak
diskurtsu analitiko amaieragabea
egiaren formak eta ugalketa sistema argitaratzeko

Gautu egiten du batzutan

sofa zahar honetan
zure erantzunaren zain

Zapatadenda non ote duzun galdetu behar nizun

gona orlegi bat igortzeko
zinema areto ilunean tea konpartitzeko
ixil ixil ferekatzeko belaunukondoak

Eskeiniko dizkizut putzuok

tantok arrastook
zure aurpegia erakusleihoan jartzen duzunean
errotulu argiarekin

Irudi geldoei arreta handiagoa sor diet

kaxoian daude gorderik eta
oroimenak desgrabatzen
iraungitze data ez gain urruti
Objektuaren gezurrak poetizatzeko balio didate

Itzulinguru eta erreboltetan ditut baina eskuak

apoptosirako apunteak idaztea da postura
gezurrak objektu bihurtzea
ahal beste zikintzea hatzak
ezer kaleratzeko
nere izenean mintzatu zatzaizkizun
Hermes txikihandiak
zer dudan jakinzazun

46
Ezizen miriadak zure erakusleihorako
Azal berriak haiek jarriak
banda eta guzti
sortzea etxea eraikitzeko
ordurarte etxe zaharretako zoruak garbituz

Besteren putzuen geologo naiz izanen

bihar
erreinu adreiluzkoetan zerbitzari
zerbitzari edonola harmatua

Borroka mugagabe honen fakzioak ezagun zaizkigu

atezainak aldatu arren
eta ateok botatzen dizuet lagunduko

Jaso ene irudiok

zure oinak garbi ditzadan
erreka kantari batean
Nire sukaldean dantzari jarriko zaitut
olioak irakitean abestean
ohean itotzera haien indarrak
zure klitoriaren kontra zapaltzeko
erreakzioa ene mihiaz

Postura hori da
nik kartak buruzgora jarri ditut
koldar jokatzearen asperduraz
ezkutatzen zarena pikotara igorriz

47
 EZ DAKIT DEUS

zer dakit ba nik

ontzi dantzaria naiz
jan nazazu irakurri
eta jaka kentzen duena
bi gerri
hamaika gerriko
ohe hutsak nahinon
elur zahar gogortua
kalekantoien elegia
sabai dardartiak
amestuaren obituario
nik zer dakit
burua eztanda egitear
umeak txakurrekin lasterka
kapela jarri dut
parkearekin mimetizatzeko
ez dakit deus

48
 NORA NAHI ZUEN HELDU

Hatz zaurituarekin limoi-ura egiten hastea bezala

hobe; limoi-ura egiteko hatzamarrean zauria irekitzea bezala
Arrainik onenak ur sakonetan daude
(Arrainik hoberena behintzat abisala da)
Etxaurreko hotelean gaua ematea zurekin
eraikin berriaren gonapean sudurra
Karretera erdian odolustuko naiz
ala errepidea gurutzatuko oiloak bezala
'Zertarako gurutzatu zuen sasipoetak kalea?'
Nora nahi zuen heldu?
Irristatuko naiz zoru labainkorrean euririk bada
ez duzue sekula nere sobrea zabalduko
nire deiadarrari entzungor joko duzu aurrera
lakuari bira osoa emango diot burua estalita
dragoi deabru iratxorik aurkitu gabe
begiak hitz eta harri goroldiodunen artean
aho zabalera berdin -hutsik- bueltatzeko
-ez naiz ez ni elurrartean melodramatikoki hilko-
Malutak balira lez sugarrak erortzen
sutara bota paperak dira ihes jolastian
Donibanen hasi eta bukatzen dira bideak
eta helmugak ez datoz gure bila kaminu erdira
Eguna osotu ezin duenak zerupean emango gaua
lore gizatiarregiek inguratuta dut bakarturik bukatu
mendia noiz etorri zain egon ondoren
Bidea marraztu diot tinta gorri deigarriz
urrutitik so dakusat enoratuz gonbita
oporretan zarete denok gaur ere
ez dira fardelak helmugetara iristen
deiak eten egiten dira bestaldean ez baita inor

Autoek ez dute argirik piztu nahi

krisialdian gara eta
aurrera dut joko
bide erditik
itsu

49
 GONE WITH THE SEA

San Juan gauean hondartzara joan ginen ordu txikitan

elkarren azal kresaldunak bortxatzera edo

Ongi tolestu arropak harean utzita

ureratzen ari ginela
egin zuen mareak gora
Azken instantean salbatu nituen gure oihalak

Azkeneko aldiz ere

Ez genuen berriro gureak olatuengandik salbatzerik izan

(elkarri agur esan gabe
agur esan genion
sex on the beach
-with unwanted witness-
hartan ere
aspaldi ziren blai gureak)

50
 ZIRKULUA

Sodoma'ko egunak hile

Passolini'ren pausuak ezagutzetik
Gomorra'rik gabeko plaza berriotara
kikaraz kikara arakatuz
lurzoru eta paretak
patriketako txuriuneak estaltzeko
soinubanda berberaren
erreberberazioz
euri beharrean dauden kale zikinok
astialdi hutsak betetzeko aitzaki

Zirkua denik handiena

nik bira burutu dut
deus ikasi gabe
hitz berri bat edo beste
bizpahiru ezintasun
eta hamarnaka ezizen salbu

Argazki zahar zatekeenarekin

egin dut topo
nire hitzak errepikatzen
koliseoko harean
zirkuan fede birjinduna
nire helmugan hartuz bultzada

Nekatuta nago gaur

eta bizikleta hartu nahiko nuke
ala gondola
gainetik igaro guneetara
goseti pausatuz itzultzeko
Urruti zenak urrun dirau
ez da dorrerik erori
ez dut laureaturik labankadaka laztandu
irakasleak irakasle dira
neu beti ikasle mantsoa

Zuk borrokoari darraiozu

zu elurretan behera
zurekin akatsak baino ez
zu askea zara
zu askotxo

Ni materialista nahi duen

abstrakzioen amorantea
ortodoxoa nahi duen
heterodoxo ezjakina

51
(doxologiak hetero
ezjakinen orto-zik)
oinetakoak kentzeko gai
eztabaidak pizteko kapaz
hitzegiteko ezindua
zulatzeko indarge

Hortixe zabiltzate
Ni hemen naiz

Lehoiak ahoa zabaldu

nik eskurik sartu ez

Sarea alboan naiz harearatu

eta han dakusat
eskutan luma
soka ikustezinak kolpatu
usoak ostikoka uxatu
ideiak oihukatu
gabe
maisuekin eztabaidatu
maisuei oihukatu
maisu bihurtu
barik
helduko ez diren txaloen zain
bestaldera begiratuz.
Biderik luzeena aukeratu
edonola jarraitzeko

Nor eta zu-

Harri erorion artean
zirkulua itxiz
abenduko gau haizetsu
erbesteko hontan

Etxerako bueltan ez da muxurik egongo

Bidaia luzatzen saiatu

arrakastarik ez
nire burua etengabe asmatzen
etxerako bueltan
bizirauteko
hitz ixilez betetako
gela txiki hontan

Zure poema batekin

hasi

52
zure gutun batekin
bukatu

Tartean
belarra
eta oihu urrunak

Porrot baten
bidaia egunkaria

53
 EZPAIN BEHEKOA

Ezpain behekoarekin
hatzaparrak kentzen dizkio poesiari
manikura egin dioten azkonarra lez utzita
Betaurrean gizentzen ikus dezaket poema
estrofak nola loditzen zaizkion
barre algaraka
kamiseta marraduneko sinboloen
sabel bigunak gainezka eginez
diaboloaren tenpodun kale errimak
lausoa eta perspektiba atxinduta
abenidari marrazkiaren bolumengetasuna
mendiari margoaren inpresionismoa
poemari abestiaren naïvetea
inposatuz
izter boteretsuz
haiku ahobetehortza
bular marduleko kopla zahargaztea
'elbarria' eta 'egarria' errimarekin
'amodioa' eta 'elkartasuna' gaiak

Poemaren erritmoa leundu beharra dago

estrofak
bizkorregi
laburtzen
doazelako
tenpoa moteldu
bizitza estentsibo baterako
arnasa luzeko literatura sortu ahal izateko
oso poema laburra izanagatik berso alejandrinoak soilik onartu
hartarako zenbait metafora dultze ukatzea ezinbesteko soertatu arren
Arren

Haurdun dirudi poemak

aita zikiratua
talde desarmatua
parnasiar garbia
bizitzarekin non-aggresion pact'a sinatu Stalin
ongizatearen kulpaz euskadikoezkerrako bihurtu leninista ohia
PRI-kide bilakatu zapatista
haragi gaztearen zoriontasunaren tranpan jausi gosegrebalaria
zintzoa
antipoetikoa
goroldioa

54
 EGON

Paperean baino ez daude biluzik

Ez dira izan
dira Egon
tintaz arkatzez edo urmargoz
adierazgarri
(ezeren adierazgarri
joandakoaren adierazpen)
Gazte gara hiltzen
Performantzien grabazioak
ez besterik
oroimenak mihizeetan
jendez gainezka
biluztu geu
begirada soilak baino ez jasotzeko
Bular gazteak nahi ditugu
biluzik irudikatu
gure bular iletsuaren
bilu hutsa
beskribatu
ez dugu besterik lortzen
ahopeka ixiliezin dabilen jendartean
plazaratuz gure presondegiak
(laranjak
beti laranjekin bueltaka
klementina tanjerina
mandarina
azenario koloreko
bilo gaztea
-ez gaztea
gu zahar)
Gazte hil eta
(gu garen
besteen)
erretratu ederrak
laga bizkarrean

Desiratu genituenen
(nik eder
zuk garratz)
lerro lodiak
soilak
adierazpen seminal
txuriz inguratuak
Barrutik hutsak

Gu biluzik

55
 KITARJOLE MOZKORRA IZATERIK BANU

Asmatu nituen munduaren giltzarriak

su hartutako izaren giltzarrapoan eskuak eskegirik

Idatzi nituen kalekantoien miseriak

zigarrokinen koitoa
sekreta abstemioen garagardo bitsen haizabe
txirrindu lapurtuen berebilak biraka
aberria bizkarrean harturik
elur eternaletarako bidean
aspaldiko amoranteekin
edo haien ideiarekin
akorde larrosen lainoan oinetan
lautada kolonizatuetan sustraitzeko

Abestu nituen eta abestu nizkizun

gezurrik loretsuenak
egia ahuletan oinarri hartu eta
erritmoen arauei men antolatu nituen
gezur militanteak
erreformismo sozialdemokrata abiatzeko berso
ironikoak
-hasieran-
umoretsuak gero
esperoaren lausoan algara

Erreskadan garraiatu genituen sumendiak

boltsa orlegitan
igelen urmaeletan gora
gora
eskilara kurbatuetan ezkutatu sumendiak
iraultza pagatzekoak
Iraultzaren soldatak ordaintzen ez dituen sua
Rodney King ahanztarazteko heroina da
Iraultzak pagatzeko balio ez duen zama
da zure lizunkeria
samurtasun aurpegiko alberdania debaldekoa
nik kantatu nuena
abestu genuen klase zapalkuntza
antifeminista
girl power karetaz

Paseatu nituen lautada hebraiarrak

intifadarako deia eginez
esku batez
poesiak lapurtzen besteaz
periodikoetako tintaz ilunduta azala

56
sororitate internazionalistaren pantaila fantasmatikoa
besteren bozez hitz eginez
behingoz
behingoz
nire idazkerari hanka egiteko

Paseatu nituen minbera

arrakastarik gabe
hiztegi eskukatutakoz

Korrika egin nuen etxerako bidearen itzulingurua

patriketako txanponekin arrastoa utziz
sabela higuinez betea
usain txarreko lurrinez
korrika
komunean behar nuenean
inoiz zuenera ailega nintekeelakoan
joan behar ez dudala ahaztuta
lasterka
ahuntzaren gauerdiko arnasestua

Txoriek abestu egiten badute

nire pausuak rythm&blues'a dira

57
 BERUNEZKO PUXIKA

"La caresse qui fait revivre les morts"

C. Baudelaire

Lanaren egunaren biharamunean

lan egun osoa
nere iturritik abiatuta
zure isurialdera
harrizko moiletik
beirazko portura
urpekariei leihoak zabalduz
ateak itxiz

Ongietorriak dira antzinako minak

zorabio berriak ontzi zaharretan
klaseen topaketa
klase borrokaren atzeratzeaz
Ongietorriak kakofonien oztopoak
zure izterren koreografian
Ongietorriak uretatik atera nauten eskuak
irautea ez dela bizitzea
dioten hatzez

Etengabe asmatzen nauzu

salbazioan
seriotasunez eta kaotikoki eraikiz tronuak
burua blai
kopeta ezkutuan
ilunabarrak luzatuz lepoa eskeinita
itzalen artetik agertzen zara
hamaika lekukoren aurrean

Lapurretan ezin ibilita

jabegorik gabe
nirearen zabalduera arazo
gosea zara
egarri ni
erbestean, erbestean bai
promesaz
egin nirekin ihes
eta nik egingo nuke
besotik helduko baninduzu
gure Amabirjinaren aurrean
gonapean onartuko
gaueko ordu txikitan
etsai shakesperiar paretak igotzen
onartuko bazenit

58
gure bideek topo egiten duten herrixkan
zure mozorroa kentzea
(zer naiz ni?
izen bat baino ez
ez naiz gauza
ez naiz deus)

Berunezko puxika gara

gurdi zaharrea

Eta beste behin ere ateratzen nauzu urpetik

eguzkitan itotzera
berriz ere arnas berberak
zakatz berekin hartuz
zure zapaten
abesti txarren
zarataren
enabarazuaren
kopetaren
kremaileradun harmaduren
beharrarekin
beharraren aurka eginiko hamaika erritual modernoren ostean
beharrean
zure etxearen atarian
(beti zure etxearen atarian)
zain
(beti zain)
soka orkatilean
herenilea ahoan
haize hotza lepauztai beroa zigortzen
irakurriko ez dituzun
idatzi nahi ez ditudan
lerro ahulak okaztatuz

Berunezko puxika gara

berunezko zeruan
laztozko pasioz
ezteien ukazioaren baieztapen indartsuen bihurtuz ezkontza bat
Noraezean puxika
bi kontinenteren artean galdurik
ezin lurrik hartu
ezin aireratu

Eta nago eguzkitan

amurik gabe
emeka oxidatuz
itsasoaren usaina ezkatetan itsatsirik
iparaizearen izeka likitsa

59
pagoaren enborra debalde miazkatuz
jatekoa
uraren azala
ez delako nolanahi partitzen
herri honetan
zure bakanalen kontra
Konpartitzen egongo zara
ahopeka esandakoak
larruzko gartzeletan ukaturikoak
hitzei errespeturik ez dien honekin
edo harekin

eta nago zelaietan

kresala kendu ezinda
ahobeteka hartuz aire hutsa
umeltasun gezurrezkoz
itzali nahiean egarri luze ezagunak
luze onartuak
zure amuaren distira
ke artean agertu arte

60
 HERMENEUTIKA

Renfe Cercanias'ak
Bizkaia zubiaren aurka joko du
horregatik zabiltza
izzzara sssossso artean
horgasssmoak eta
hangasssmoak
izaten
hemengasmoak usteltzen zaizkidanean

Enbatak ziaboga egingo du

arraunak airean
uhouhouholdeek
eskuinaldea soilik itotzen dutela
erdibideko larre zikinotan beharrean
kostaldedun fededunean intoxikaturik
arrazoiongatik zaudenean

Behatsak seksu dira

ZZZergatik
nire ereksioak susendu duelako naturaren akatsa
hau dela eta merezi dituzte txakurkumeek nire gailetak
baraualdi tematia haustean
debekatu niniekin

Txakurkumeak
izzzaratan bildurik
itsasadarrean itoko ditugu
hemengasmatzen

ala ez dut deus konprenitzen

61
 DOPING

Azterketa toxikologikoa egingo bazenit

hiru urteko zigorra jasoko nuke
itsasadarreko izerdi gaziekin baitut tximinoa akatu
baina B laginaren kontrafroga eskatuko nuke
zure sukarraren kontra
medikuak
errezetatu baitzizkidan
eta erru guztia
sexologo, traumatologo eta toxikologoek duzue
nik garbi nahi dut eta
txapela jantzi
(aukeran txapela boltsikoan utziko nukeen arren)

62
 NORAEZEAN

Sudurretik tiraka zaitut maitatuko

lorejanean
lantegiak berasmatuz hitz eta irudiz
ikertzen baldin bazinen
eta ez zeure burua aurkituta
aldatuz
zarenean onartzeko
zarata kaleidoskopikoa biontzat
bakarrik baikaude
han atzo orain hemen
beti izaten
izatearen ukapenaren orro harroa
arauetatik at

Nahi beste kafetara

ala kubalibretara
zaitut gonbidatuko
nire izenak ikasi arte
tabernarako norabidean eraikiz
gure noratasuna

Gaitezen mairuak sasiartean

zure noranzkoa bada hori
nik ustelkeriak baino ez dauzkat
eta biharamunik ez duen unea

Blitzkrieg'a patua asmatzeko

ghetto irregularra guretzat
abandonatu forma eta hotsekin
gure hanka lotuen poiesis harmatua

Plaza berri bat idatziko dut

etengabe ikusteko lehenengoz
nere giacomettitasunetik
zure ukazioa
nere noraezetik
zure irmotasuna

Eliza berri bat marraztuidazu

ilunean hezetasuna
erra nadin errepikakor
zure begirada erantzutean
galdera arakatzean
hildakoak enoratuz

63
 LURRA!

Busti ditut eskuak

erre ditut arkoiak
agortuezineko iturriak neregan
oihal hautsien barku
larru lurrintsuetan gordeta daramatzat orain
kaioei dei egiten dieten hitz gazienak
arrain freskoagoa lortzeko
sare berriak baliatuz

amuarrainaren sabelean haginak

Akrobata lemazain
promestutako lursailaren kondenara branka
'Lurra! Lurra dakusat!'
'Biok baino ez gaude ordea'

Behatzek harea hotzaren azpian metaturik den epelaren xerka

hitz blasfemoak xuxurlatzen kalatxoriei
lemazaina harri bila

Batera dinagu eraikiko biharamunerako talaia

64
DECUS OLEI

65
 VERBA VOLANT

Gauza bat edo bi

nahi nizkizuke esan ilunpean
baina verba volant
eta scripta manent
irakurritzazu beraz orriotan

66
 HARA!

Hara! Nora!
Nora? Hara?
Nor zara, zer zara?

(bai, bai, zu zara

banekien hori esan behar zenuela
baina...)

Topos izaera ari zara hartzen

locus amoenus'a
(meme ederra, nahiago baduzu)
kosifikatzen zaitut
norabidez betetzen
norantzaz asetzen
noraezaren zorabio hautuzkoaren kasuistikan

Analitikoki berreraiki ditugu geure buruak

ispilutik hasita
izatearen dekonstrukzioan
genus'ik gabe birasmatuz
substantziaren esanahi berria
azalaren mikroekonomiatik
arrazoiaren makroekonomiara
burokraziarik gabe eginez jauzi

Sintagma bat zara

paradigmatikoki garatzen dudana
ororen adibide mekanikoa
badena
matematikoki arautua
Pintzelez eta pistolaz
irudikatzen zaitut
aurpegia estalita
bularrak airean
zure burua ekinez definitzen
pareta sobietarrak bizkaieraz marraztuz
stop motion'en
aluarekin murtxikatuz realpolitik'a

Berdefini dezagun edertasuna

pareta bortxatuen artean!
Berasma gaitezen
agoran gure umore uterinoekin
zure odola nere olioa
eta errealitatea mihise
fenomenoaren izpiritologia eginez

67
algara abangoardista geurekoian
harathonat
norakotasun perbertsoan

Nora? Nahi duzunera!

Hara!

68
 ELEKTROKUTA NAZAZU

Hankartean duzu entxufearen boltaia zein da?

Adaptadorea behar dut?

69
 SAINT-JEAN MAISTRA

Emadazu tiro sabelean

zerri torturatzailea banintzen
zure oinetara erortzeko
azken hatsean zure sokak askatu
behatzak miazkatu
zu nerekin arrastaka eramateko
zeure botak nere lagunei emanik

Alanbradari esku biekin helduko diogu

oinutsik
arnasa ikasleak leialtasunak
atzean utzita
jaunak etxeak lagunak
ahantzirik
konkrezio oro alboratuz
ideiak marrazteko
zoru elurtuan
arima beltzez
denen bistan
itzulipurdi zoro ixilean asmatzeko
ez garenen izaera abstraktua

70
 KEROUAC FRISCO'KO KANTOIETAN
KOMUNEKO PAPEREAN IDAZTEN
WINOEN BEGIRADAPEAN

Gora gu ta gutarrak
dit arloteak bota
kartoirik gabe hotzik ez naizen
bera laster hartzen duela harriaren jelatuak

Lotsatu naiz
ez dudalako laudorioa merezi

Zure deiaren beroan nago jarririk

kapelurik gabeko eskale
esker txarreko eskeko
ezbaiaren dantzaren posturan

71
 L'ÂGE D'OR

Soberan dauzkat hatzak

Jan ditzagun elkarren eskuak
erotismorik gabe
federik gabe
kanibalismo zoroz
ardien sarraskia daragien
otsoaren eran
Hiriaren gune izkutuenak dizkizut erakutsiko
belarriak itxita
gauaren argitan izerditan blai dantzari
sabelen gainean

72
 URSA MAJOR

Iparrizarra
hartzemearen aho gorrian
ursa major'en besoak
atea kolpatzen
beti bilu hutsik
beti mozorrotuta
zulo beltzeko gau
kixkurtzen den kearen dantza marraztuan
zabalik da
jan nazazu

73
 LISERIKETA

Maite ditut maite

zure kuleroak
lanbroak bustitzen dizkizunean

Gure hankarte bustiak bistaratu gura

eta begi aurrean lau hankako umearen gorotzak soilik ikusgai

Ez da uren trukaketa itoa

idealizatu nahi dudanik
etxe bihurtu den zuloen leihoetan
lurrin ginela oroitu nahi dudala baizik
katutxakurren asaldadurarako
ateak zabalik
aldaken negar azkenekora arte
ximendurik gabeko hormak erasotu
azal hutsez
egin ezin daitezkeenak burutuz

Ez da ideien mundura igo nahi dudanik

akaboerako osagarrien nahastearen zaporea
bere aberastasuna txalotu beharra dago baina
tresnarik gabeko ezkaratz estuko
sukaldaritza esperimentala
garbitasun orori muzin eginda
itsaso beltzak beste izarreko jatetxe
gure bernek topo egiten duten labean

Gorotzek oroitarazten didate

gorputzera sartzen denak
prozesu zuzenaren ostean
fruituak dauzkala
-sartutakoaren baliotik urrun-
Zure alua jan nuen bart
eta gaur poema hau irten zait niri

74
 "RAYO DE LUZ EN LA LUZ"
L. M. Panero

Plangintza erratua egin dut erabat

zure ordutegia ez da
nire ordutegia
orratzak marrazturik baititut nik
eskuturren babesean
Kanpaiei arreta eskeini diet
noiz zutitu behar dudan esan ziezadaten
bizkarra dekadentzian elikatzen behar nuenean

Eguna ez da eguna
egunsentiak hala diolako
iluntzeak gautu duenik
esan nahi ez duen eran

Hitzok
sokarik gabeko kitar mozkorren oihartzunean
entzun daitezke soilik
edalontzien kriskitin malenkoniatsuek
ihintzarekin duten elkarrizketan ebatziak direlako

Eroetxeko hitzak
ezin eskolan idatzi
Zabalik dauden dendek
ez dute metaforak eraikitzeko osagairik saltzen
osagarri zentzugabeak izanagatik
Federico'ren orlegitasuna imitatzekoak
objektu estrainioen ezkontzak antzezteko

Alosi urrutiak behar ditut

gaueko ordu txikitan
mezu lizunak igortzen dituztenak
ezerritik
dantza satirikoak paratuz
larre abandonatuetan
dorre erauzien itzalean
paperaren gainean ejakulatuz bersoak
oin kaztigatuak
hanka nekatuen amaieran
itzulinguruka ibiltzeko ezgai
eta itzulinguruka oraindik
kalegarbitzaileek ureztatu karriketan

Askeak ez garelako
elkar zapaltzen duten xixare

75
daukat askatasunaren itzalaren plazera
mugitzeko libertate antzua
zure titizorroa kentzeko debekuari
forma emateko
gaizki argituriko banku zikinean
begiak eta bizkarra erahilez
nere buruaz nere eginez
(ez beste
ez
beti ni)
zure usaina non gorde dudan oroitu ezinda
Plangintza erratuan nengoen
zure lurrinak lan eskergaz erreproduzi nitzakeela
sinetsia nintzelako
arrazoiaren erremintez
benetan indarraren
eta sabelaren
eta eskrotoko ximurren
egian
oinarritu besterik ez dudanean
autobusak ero asaltatuz
azken geltokian zure jauzia dagoela jakinik
azpian jartzeko
ahozabal
jausten zarenean zu deboratzeko
neoizko argien pornografian
voyeurei desiratzen zaitudala oihukatzeko
baliorik gabeko hizki etzanez
argia argitan
iluntasuna gauean
umela putzuan
ez deus
deus ez
ezer nahi ez duenarentzat
dena nahi dugulako
bakerik ez
garaipena
maitasunik ez
zure hezetasuna
kanpaihotsik ez
kanpai jotzea
plangintzarik gabeko plangintza

76
 LAGUN

Lagun
Izen
Gaitezen haragitu
Mamitu
Batera odolustu sinadurekin
Bukatu dira eztandak
Hartzazu tea lurrean
ene alboan etzanda

Zenbaezin dira hausteko mapak

ideia berriak sortzeko
adjektiboak oparituko dizkizut
izen sintagma abstraktuak
zuk nominalizatzeko pareten kontra
Segurtasun indarren ezjakinak
bide zuzenean gaudela diosku
txakurrek ezin abstrakziorik usaindu
Irakurritzazu nere hitzak
onartuz gonbita
garen akzidenteen istripuak asmatzeko
Substantzien lengoaiak berreraikiko ditugu
lagun
argi gorriari kasu egiten badiozu

Izenak gara
izan irrealak
potentziak
Zure lainoak nahi ditut
orbain ximurrak
zure hizkuntzaren usaina
azal pintatua
arte gazia
zure festa nahi dut
zure orroak

Onartzazu nire deia

aldarri neurea
batera marrazteko kontzeptu hutsak
formaren lizunkerian erortzeko
ezagutzen baititut zure lengoaiak
hibridazio ederra deskubritzeko
parada ematen dutenak
nire izenorde mingotsekin

Egin jauzi sarekadara

Urpekariak bihur gaitezen

77
itsasoa kafez garrazteko
errekak zure isurialde bihurtzeko
nik mendikate bat esplikatzen dizudala

Hartu
lagun
ene izena
eta zabalduzazu bisturiarekin
izana duela dakusazun
kollage berria egiteko zurea izango da
-nere bokalak pintura arrea izan daitezke
ene konsonanteak errealitatearen kontraesanak-

Nik zure begiak nahi ditut

mingaina eta ileak
liburu berri baten azalak josi
eta errima asonantez betetzeko
gona azularekin

Jaso lagun orria

eta asmatzeko dena
inbentatuko dugu
semantika inprobisatuekin

78
 A DAY AT THE RACES

Aho bete hortz ekaitzari aurre egiteko

kriskitin kraskitin

Egarri lehorra
urrup

Borroka eta ihesa

alboz albo
Ahanzturak dantzen erdian
umezurtzen elikagaiak atsoek jan
plazaerdian galdurik defentsak eraikerasoeraikierasotzen
plaza bazterrean okotsak gora
gora
mendi hegaletan gora
gora MariJaia
begi bete mihi
Euritantak altzairuan
hojalatan
zapietan
Tanteuriak kopetan
ilean ahoan
Euritonteuria etzanik
abandonatuek hanka
sustraigazteak ezerrotu horzkatu irentsi
Sentiegun horzbeteaho
mihibetebegi
gaztesustrai errotuezak

Pakidermoak ere zorroan?

klop klop klop

Egur leuna
txof txof txop

79
 MAHATS

Zurbil
lerden
izararen kemen
ahobete hatz
gazte gosez eta
esku langilez
artilea fereka boteretsuz triskilatu
erpuruaren arrastoarekin marraztu ahanztura eta oroimena
azal mindulin lurperatuan
lagunak ixilarazita

Bagenekien hor zela

azalaren mutazioaren beharrean
azal berriago txuriago baten azpian makurturik
mukurutzeko hustu beharrean
(ala alderantziz)
azalaldatzen geruzaz geruza
ezmezaren alkondara ximurtua oinenpean ohondikatu
azal guztiak bildu eta urrunera jaurti
esku jantzien aldarri
mintzaira
eskertua

Hasperen zurbila
kemen geruzatua
gose txuria
eskeron lerdena

80
 IRRINTZI, IRRINTZI

Zertarako lau teilatu, bakarrarekin nahiko

bi hankako katu ukondoak urraturik
Irrintzi, irrintzi!
Ikustezin ikusi

Hondoko onddoetatik gailurreko izotzera

beheko gain goiko zulo
Irrintzi, irrintzi!
Erlea eraztun

Hatzazalen oroimena, desioa patrikan

arinegi doazen zapatila saskilak
Irrintzi, irrintzi!
Zure lurrina nire kaxoian

Adaxka gazte zailduak

enbor orlegi zurrunean
Irrintzi, irrintzi!
Bakarrik idazten den poema

Dantza tradizionalen berridazketa

itzulipurdia basoan errekan
Irrintzi, irrintzi!
Intxirioak plazan
Irrintzi, irrintzi!
Txorrotxioak hondartzan
Irrintzi, irrintzi!
Irrintziak ohean

81
 XUME

Entzutera etorri zara eta ez duzu aditzen

lepoan nabaritzen dituzu hortzak
ilea kolpatu eta kolpatu zabiltza
amore emanez
entregatuz zure gorputz ilargitsua
gorriaren gorrian gor
gorigorian gu
apezari kasurik ez
garagardoa eta bizkotxoak buruan
zure sorbalden odoljarioa
Haizatu gela
haizatu
ilearekin korronte bat asmatu
Begiratu bai
begiratu niri
Bukowski'ren ipuin bat dut zuretzat ninietan
Tea, gailetak, kafea, intxaurrak
eskatu eta xuxurlatuko dizkizut
zangozoletan marraztu

82
 KOLORE ESTRUKTURA BERRIA

Kolore estruktura berria asma dezakegu

Nere tinta
zure hari laranja
txuribeltza
(txuria beltzean)
azenario belarrean
lorategi gaztea
lur emankorra
kirten honentzat
Zaborpilen ohean
boltsak burko
gure soiltasuna
mandarina xukuz mozkortzeko
Gizartea ulertzen omen duzu
nik eztandarazi nahi
Salba ditzagun gure leinukoak
eta gaitezen nekazari berri
nik lurlerroak dizkizut goldatuko

zuk ekarri sokasaltoa egunsentian

Ez naiz ni txapeldun izango
gorri eta txuri barneustuko bai
Barrenak gorri dauzkagu
mundu urdinaren
hirugarren ekitaldia margotzeko

83
 OHOL ZAHARREZ EGINIKO MAHAI BATENTZAKO POEMA SAIAKERA

Ez dut deus nahi dena

den-dena
atzoan baino
Belarjana bihar
ezerrian
garabi zahar gogortuz
Nahi dut sukarra oinetan
belaunen zoramena
izterren tantak
hatz artean
Argiz itotako kobak
arnasa kentzeraino
hamaika argazkikamerez
gainesposaturiko argazkia
sakuaren ilunean
erositako etxe jabegopekotuetan
trenak hartu
heriotzaren erosotasunera
Ez dakidala jakin dut
zelaiaren ateetan
horzkadak dituzula egunero
noizean behineko maistra
kaleratua bazara
hortz izaten
Nahi dut bakarrizketaren osteko geldiune
laburra
beharginak lantegitik autorako bidean
hartzen duen trago garratza taberna goxoan
harrikoxkorrak harrotuz
urperatuz bihotza
(gezurrezko uretan bada ere)
Nahi ditut trenak
trenak hartu
kaleerdian
belarrarteko trenbideak gurutzaten dituzten mozkortien
harridurarako
harrien txinpartaz
Nahi ditut egurreko mahaiak
egurrezko mahaietan
eztanden ostean

84
BILBOTARRAREN ETA BASKONIA MITIKOAREN ERROMANTZEA

Euskal sudurraren gailurrera

gorri ailegatu naiz
zure jatorriaren usainarekin
amets egin ostean maiz

Beleen hegaldiak gidatua

egunsenti literarioen lur goxo
nekazari begilunen uri
tontorrean ezarri eroso

Goizak nonbaiten hasi behar

zuena zakurren beldurrik gabe
da paratu orlegi
borroka goxoen labe

Ni ikaratuta nago
ager vasconumen galdutako txorimalo
mugitu barik txepel
noiz agertuko Tartalo

Zaharra da guztia
dena da berria
soinuak harriak
izena aberria

Urruti dirudi hemendik

gure egia hotzak
dirudi urrun oso
haien gezur arrotzak

Uhinik ez da hona heltzen

gogor bai olatuak
mendimagaleko itsasbazter
bihurturiko ene patuak

Kantak kantak
dira sirenak dira lamiak
ereserkiak dira etsaiarenak
Eman herriaren urin eta legamiak

gure errezeta arkanoak

nik egin dezadan ogia
barrutik hutsunez betea
euskal arimaren jakia

Goiko herrian gara

85
nere etxeko erbestean
akordatuz borroka zaharrak
zuri Benito'renak abestean

Berasmatzen nabil oro

atzera eginez begizabal
sustraietatik eskegiak
transzendentzia eta azal

kode berriak arakatuz

sinbologia zahar zuenean
bihurtuz ezizena adjektibo
hizkuntza erritmoa haizean

Bidaia abiatzean
egin nahi izan dut keinua
Parte izan nahiko nuke
hau da nere leinua

Gurtuko ditut gure mitoak

harpoiaz hil harpiak
biluztu zuen lurrotan
eta jantzi zuen zapiak

Zergatik diostazu
zein dudan arrazoi zein helburu
zein ote den niretzat
ideia honen hiriburu

Ez Mari'ren orratza
ez Laboa'ren fonema
Zure herrian nago izan ere
zu zara nere euskal mitema

86
 STRIKE 2

Leihoetatik jaurtitzen dituzte etxeko giltzak

musikari inprobisatuei goiko soilaruan jana eta edana badirela esateko
Giltzek buruak kolpaten dituzte
gizonen buru soilak
musikariek
txantxa onartu ezinda
panderoen kriskitina darabilte
antzinako musikalarien laguntza eskatzeko
izan zirenen kadentzien indarra

Barreak
Ixiltasuna
Barre ixilak

Xilofonoa izeka
mozkorrak gor
sasipoetak ukazioan

Kalearen gartzelak bereari eusten dio

II

Posturak saltzen dituzte dendok egunean zehar

jarrerak pertsianak jaistean
formak aurrena
izaerak gautzean

Izaki ustelek ere ez dute farolapean ezkutatzerik

garena
["zintzo" esan behar nuen
zintzotasunik ez da baina
bestelako aukerarik ez dagoelako]
benetan maskaragabetzen duten farolenpean

III

Buru eta izatz

dira kaleotako poemak

87
izan hastapenean
bukaeran izan
beti agertu behar duzu
baieztapen ukatu
naizenaren gaizkiulertu goxogarratzean
mozkortu ezineko esteta merkea
kaleidoskopioaren Sarrio'ren erromantze lorkiarra
egiteko ezgai

Hasi eta bukatu zure ezpainetan

eta zure ahoaren aurreko dardarrean

kalegarbitzaileen urek
pavé beroan
ahaztutako udaren lurrina dakarkidate
Lehenengo Uda hari
hasiera eman zioten usain
zikin goxoak
zigarrokin ozono alu
usain umelak
elizaren murruetatik haratagoko plazan
junkien gauerako babeslekuan
parkeetako zuhaizpeetan

88