Ito ay isang yaman ng ating mundo na dapat ingatan at
alagaan. Kahit saan ka tumingin ay makakakita ka ng mga puno, bulaklak, halaman, ibon, at mga hayop. Kung walang mga puno, yamang tubig at lupa,mabuhay kaya tayo? Mahalaga ang ating Inang Kalikasan dahil ito ang pangunahing dahilan kung bakit tayo nakakalanghap ng sariwang hangin. Kung walang mga puno ay walang malinis na hangin tayong malalanghap at puro maduduming hangin lamang. At sa kalikasan tayo kumukuha ng ating mga ikakabuhay. Saan ba tayo kumukuha ng mga tubig na ating ginagamit pang-inom, panluto, panligo at iba pa? Hindi ba sa mga puno o mga yamang tubig? Kung wala ang mga ito Hindi tayo mabubuhay. Ang tubig ay napaka importanting sangkap sa ating buhay, at napakaganda ng ating kapaligiran dahil ito ang biyaya ng puong maykapal. Para sa akin, ay hindi dapat sirain ang ating kalikasan para sa ating sariling pag – unlad. Unang – una sa lahat, ang pagsira sa kalikasan ay makakasama sa bawat nilalang sa mundo.Sa mga hayop, sila’y mawawalan ng tirahan. Sa atin mga tao, tayo’y mawawalan ng pagkukunan ng ating pangunahing pangangailangan. At sa ating mundo, masisira ang lahat ng bagay na may koneksyon o may pinagkukuhanan pangangailangan sa kalikasan. Ang pag-sira sa kalikasan ay hindi rin makabubuti sa ating kalusugan, dahil ito’y magdudulot ng matinding init, na maaring magdulot ng heatstroke. Hindi lang iyan ang maaring maging dulot ng pagkasirang kalikasan. Ang mga matitinding pag-baha, malalakas na pag – ulan, soil erosion, pagguhong lupa, at marami pang iba na ang dahilan ay ang pagkasira ng kalikasan, nagawa nating mga tao sinasadya man o hindi. Ating isipin ang kahalagahan ng kalikasan. Dapat nating alagaan ang ating kalikasan para samagandang kinabukasan. “Hindi naman masama ang pag-unlad pero sana magtrabaho tayo para sa isang pag- unlad na mulat na ang mundo ay isang tahanan para sa ating lahat. Hindi lang tayo ang may karapatang mabuhay. Lahat ng mga nilalang ng Diyos sa ating kapaligiran dapat ituring din natin na bahagi ng pamilyang ipinagkatiwala ng Diyos sa tao nanilikha niya bilang tagapangalaga.” Dapat tayong maging responsable sa paggamit ng mga makukuha natin na mula sa kalikasan, simula sa tubig, hanggang sa pagkain. Mahalin natin ang ating kalikasan dahil ito rin ang tutulong satin upang umunlad pa ang ating mundo, na may pananalig sa Panginoon dahil isa Siya sa tutulong upang umunlad ang ating kalikasan para mas mabuting kinabukasan.Dapat nga bang sirain ang kalikasan para sa ating pag – unlad?May dahilan rin naman kung bakit kailangan natin pakialaman ang kalikasan para sa ating pag – unlad. Ang paggalaw sa ilang bahagi ng kalikasan ay magdudulot sa atin ng pag – unlad patungo sa maganda at modernong panahon. Ang pagkakaroon ng mas makabagong mga teknolohiya ay makatutulong sa atin upang mas umunlad sa tulong ng kalikasan. Maaring maging mali ito sa paningin ng ibang tao, pero ating tingnan kung ano ang magiging mabuting epekto nito sa pag – unlad ng ating bansa, mundo at lalo na sa ating sarili. Maging responsible lang sana tayo sa paggamit ng mga bagay na makukuha mula sa kaliksan. Isang halimbawa nito ay ang simpleng pagtatanim ng puno, bilang kapalit sa mga nawalang puno na ginamit upang umunlad ang ating lipunan. Hindi masama ang paggalaw sa kalikasan para sa pag-unlad kung tayo ay isang responsableng mamamayan.