Professional Documents
Culture Documents
Buod NG Ibong Adarna q4
Buod NG Ibong Adarna q4
Buod NG Ibong Adarna q4
Si Don Juan ang bunso, ang huling naatasan. Hindi gaya ng kaniyang mga
kapatid na gumamit ng kabayo sa paglalakbay. Siya ay naglakad lamang at sa tuwi-
tuwina ay hindi niya nalilimutan ang manalangin. Sa kaniyang paglalakad ay
nakasalubong niya ang isang sugatang pulubing gutom na gutom. Kahit alam niyang
sapat lamang ang kaniyang pagkain sa paglalakbay ay binigyan pa rin niya ang pulubi.
Habang naglalakbay ang tatlo ay naisip ni Don Pedro ang isang kataksilan. Nais
niyang patayin si Don Juan upang hindi mapahiya sa kaharian, subalit hindi pumayag
si Don Diego na patayin ang bunsong kapatid, kaya binugbog at iniwan sa bundok.
Inatasan ang tatlo na magbantay sa Ibong Adarna. Muling nakaisip ang mga
taksil nang hindi maganda. Pinakawalan nila ang Ibong Adarna habang natutulog si
Don Juan. Nang malaman ito ni Don Juan, siya ay umalis na lamang upang hindi
maparusahan ang mga kapatid.
Nagtungo nga si Don Juan sa Reyno delos Cristales. Maraming hirap at pagod
ang kaniyang dinanas bago marating ang kaharian. Sa tulong ng mga magkakapatid na
ermitanyo ay natunton niya ito sakay ng agila. Naihatid si Don Juan sa lugar na
tinutukoy ng Ibong Adarna.
Nagkita si Donya Maria at Don Juan na kapuwa umibig sa isa’t isa. Subalit hindi
naging madali ang kanilang pag-iibigan dahil nang makaharap ni Don Juan si Haring
Salermo ay iba’t ibang pagsubok ang ibinigay sa kaniya. Sa tulong at kapangyarihan ni
Donya Maria ay napagtagumpayan niya ang lahat ng pagsubok.
Sa hindi matanggap ng hari ang mga pangyayari ay nagtanan ang dalawa ngunit
hinabol sila ni Haring Salermo. Nang matakasan nila ang hari ay nagtungo si Don Juan
sa Berbanya at iniwan muna si Donya Maria sa nayon.