Professional Documents
Culture Documents
Pangkat 3 - Tsismisan at Umpukan
Pangkat 3 - Tsismisan at Umpukan
❖ TSISMIS VS KATOTOHANAN
● Malungkot man sabihin ngunit mas pinipili ng mga Pilipino ang mga tsismis kaysa sa
katotohanan. Kahit na may mangilan-ngilan na hindi naniniwala sa mga tsismis na naririnig nila,
marami pa rin ang naniniwala sa mga “alternative facts”.
● Kakaunti lamang ang mga tao na nagtatanong ng totoong nangyari sa taong pinag-uusapan, at
mas kakaunti pa ang mga tao na sumusubok na tingnan kung tama ang impormasyon na kanilang
nasasagap.
● Hindi na nakakagulat na ang madalas na paggamit ng “social media” ay nagdudulot ng
malawakang pagkalat ng pekeng balita at tsismis sa bansa.
● Ang mga Pinoy ay mabilis maniwala sa mga nababasa nila sa “online” at pinagbabasehan lamang
ang mga “likes at shares” para sa kredibilidad.
● Bihira lamang ang mga taong inaalam ang katotohanan.
❖ KABUTIHAN NG TSISMIS
May ilang mga dalubhasa at mananaliksik na nagsasabing may kabutihang taglay din ang tsismis:
● Nagkakaroon ng masusing superbisyon at anyo ng ugnayang panlipunan at dulog para sa integral
na kaalaman ng lahat (Liam, 2016).
● Nagdudulot ng pangangailangang panlipunan para sa mga manggagawa at sa nagmamay-ari
(Aksyon at mga kasama, 2015).
● Nagbibigay impormasyon sa mga tagapakinig at libangan o aliwan upang mapaganda ang
ugnayang panlipunan (Guerina at Miyazaki, 2006).
❖ UMPUKAN O PANGKATAN
● Ito ay tumutukoy sa maliit na pangkat o grupo ng mga tao na nag-uusap tungkol sa mga usaping
may interes ang bawat kasama sa isang pangkat o grupo.
● Maaaring magamit ang salitang berbal o hindi berbal sa palitan ng impormal na talakayan dahil
bawat kasama sa pangkat ay malayang naipapahayag ang kanilang saloobin tungkol sa paksang
pag-uusapan.