Ang Rebolusyong Industriyal

Taong 1700 at 1800 nang nagkaroon ng malaking pagbabago sa aspektong agrikultura at industriyal sa mga bansa sa Europe at sa
United States. Ang transportasyon na ito ay nakilala sa katawagang Rebolusyong Industriyal dahil pinalitan nito ang gawaing manwal
sa mga kabukiran ng mga bagong imbentong makinarya. Nagbigay ito ng malaking produksiyon sa mga bansa, karagdagang kita at
pamilihan ng kanilang mga yaring produkto.

-Ito ay panahon ng pagbabago kung saan ginagamit ang mga makinarya para palitan ang manwal na pagtatrabaho.
- Nagsimula ang Rebolusyong Industriyal noong 1760 sa Great Britain at lumaganap sa Kanlurang Europe at United States
-Naghatid ito ng pag-unlad sa komunikasyon transportasyon, agham at agrikultura.

SIMULA NG INDUSTRIYALISASYON
1. Nagkaroon ng malaking pagbabago kung paano ginagawa ang mga bagay-bagay
2. Ang mga produkto ay nagsimulang gawin sa mga pabrika.
3. Nadagdagan ang mga imbensiyon na nagpabilis sa produksyon.
4. Unang nakinabang mula sap ag-unlad ng produksyon ay ang industriya ng tela.
5. Bunga ito ng pagtaas sa pangangailangan sa balat at iba pang uri ng tela.

Bunga ng mga sumusunod na imbensyon ay tumaas ang produksyon ng cotton noong 1850. Pag-unlad ng industiya ng tela ang
naghatid sa iba pang imbensyon na nagpaunlad sa industriyalisasyon gaya ng “steam engine”

MGA PAGBABAGONG HATID NG INDUSTRIYALISASYON

1. PAGSIBOL NG MGA PABRIKA

Nagtrabaho ang mga manggagawa sa mga lugar na tinatawag na pabrika kung saan ang mga tao ay magtatrabaho kasabay
ang makina na ginagamit para sa produksyon.

2. PAGTATAG NG MGA UNYON

Resulta ng pagkabuo ng mga union ay ang pagkakaroon ng mga batas na nagpabuti sa pagtrato ng mga manggagawa.

3. URBANISASYON
Ang paglago ng mga pabrika ang naging dahilan upang magtungo ang mga tao sa mga bayan at lungsod. Halos dumoble ang
populasyon ng mga bayan at lungsod sa Europe mula 1800 hanggang 1850.

4. PAGSIBOL NG MGA BAGONG PANGGITNANG-URI

Higit na nakinabang sa industriyalisasyon ay ang mga nagmamay-ari ng pabrika, mangangalakal at nagmamay-ari ng mga
barko na napabilang sa lipi ng panggitnang-uri o middle class.

5. PAGSIBOL NG KOMUNISMO
Nagdulot ng iba’t ibang pagbabago ng industriyalisasyon. Habang ang mga manggagawa ay nagtatrabaho sa loob ng
mahabang oras at may mababang sahod ang mga nagmamay-ari ng mga pabrika ay lalong yumaman.

Nagkaroon ng malaking pagbabago sa pamumuhay ng mga tao sa dahilang naging mabilis ang kanilang produksyon at ito’y lumaki.
Naging daan ito upang sila’y magkaroon ng malaking kita at mapaunlad ang kanilang pamumuhay.