1. Ang lahat ng estudyante na kasama sa TNCHS Field Trip ay kailangang sumunod
sa mga alituntuning ipatutupad ng SPTA at mga guro/kawani na namamahala sa aktibidad na nabanggit. 2. Ang lahat ng estudyante ay mgkakaroon ng permanenteng seat plan sa bus na nakatalaga sa kanilang section at nakalagay ang kanilang contact # dito. Gayundin ay may Emergency Card sila upang malaman ang mahahalagang impormasyon tungkol sa kanila na magagamit sa oras na kailangan. 3.Ang lahat ng estudyante ay nakasuot ng P.E.uniform/maong na pantalon at suot ang school ID habang sila ay nasa field trip. Ang mga estudyante ay kinakailangan ding mgdala ng extra shirts/pants dahil may mga rides sa tubig at sila ay pwedeng mabasa. 4. Ang mga estudyante ay buddy-buddy system or in group kahit saan magpunta upang masiguro ang kaligtasan ng bawat estudyante. 5. Ang mga estudyanteng may pangangailangang espesyal o medikal na kondisyon ay sisiguraduhing mabibigyan ng tamang pagkalinga at pansin. Kasama ang ating 2 school nurses sa lakbay-aral ng ating paaralan. 6. Ang bawat bus ay may nakatalagang 2 guro o guro/isang kawani ng paaralan upang mangalaga at tumingin sa mga mag-aaral sa panahon ng kanilang paglalakbay. Hindi aalis ang bus kung may kulang pang estudyante at sisiguraduhin ang kaligtasan ng bawat mag-aaral. 7. May mga kasamang nurses sa araw ng field trip at may dala silang medical kit at gamot. Gayunpaman, ang mga estudyante ay pwedeng magdala ng gamot tulad ng Bonamin, vicks kung mahiluhin sa sasakyan at gamot sa dagliang pagsakit ng tiyan. 8. Ang mga estudyante pati na din mga guro at kawani ay magdadala ng mga pagkaing masustansya sa araw ng field trip. 9. Mahigpit na ipinag-uutos na susundin ng bawat isa ang oras ng pag-alis sa paaralan (5:00 ng umaga) at estimated time of arrival sa paaralan.(8:00 -9:00 ng gabi). 10. Ang mga estudyante na sasama sa field trip ay inaabisuhang magbayad hanggang June 9, 2023 upang sila ay sakop ng insurance. Paglampas ng petsang ito, sila ay mawawalan na ng insurance coverage. 11. Ang lahat ng estudyanteng kasama ay may pirmadong lagda ng magulang (Consent Form) bilang pagsang-ayon na pinahihintulutan nila ang kanilang anak na sumama sa field trip. 12. Mga dapat dalhin ng mga mag-aaral: a. pagkain (lunch, mirienda and dinner) b. pocket money c. cellphone at maliit na bag para sa cellphone at wallet d. alcohol e. plastic labo para sa mga mahiluhin sa byahe f. bonamin, gamot sa hilo at tiyan g. fruits (optional) h. personal na gamit and hygiene kit i. payong etc. 13. Ipagbigay-alam ng magulang sa MAPEH teacher kung ang kaniyang anak na kasama ay may pangangailangang medical upang mabigyan ng tamang pangangalaga ng mga nurses at mga guro.