The Spiritual Assembly of the PO Box 95

Kuching 93700
Bahá’ís of Sarawak Sarawak, Malaysia
A branch of the Spiritual Assembly of the Bahá’ís of Malaysia; Registration No. 197401002999 (18247-U)
Tel & Fax: 082 572011
Lot.10060, No.21, Lorong Laksamana Cheng Ho 4B, 93350 Kuching, Sarawak.
Email: nsasarawak@gmail.com

Our Ref: NSASwk/2022-23/BE179-80/020

11 April 2023; 3 Jalál (Glory) 180 B.E

Nuju: Semua Raban Gelumu Sambiang Menua ke Bahá’i/ sekeda lokaliti di Sarawak

Tabi bala pangan ti dikerindu,

Bepilih Riḍván ke Raban Gelumu Sambiang Menua di Sarawak-B.E.180 (2023)

Pengerami Serega, Riḍván nyau semak, lalu Raban Gelumu Sambiang ke Bahá’í di Sarawak deka
ngenataika tabi pengerindu ngagai kita serimbai enggau “Raja Pengerami” tu. Nitihka pejalai Badí’ Kalendar,
Hari keterubah Riḍván taun tu ianya kena 21 haribulan Empat. Nya alai, Raban Gelumu Sambiang Menua
ti baru patut dipilih sebarang maya udah matahari padam lemai 20 haribulan Empat 2023 tang enda
laun ari sebedau matahari padam kena 21 haribulan Empat 2023.

Raban Gelumu Sambiang ke Bahá’í di Sarawak, dalam pesan iya nuju bala pangan ba Sarawak dalam
surat gawai ke Bulan Asmá’ (Nama) 179 B.E. kena 20 haribulan Lapan 2022, udah nyebut pasal “udah ke
berandau enggau bala Konsellor, ... enggau ati ti gaga madahka pengawa ti berandau baru pasal entara
sitak menua pegai siti-siti Raban Gelumu Sambiang Menua di Sarawak ti belalauka batang penemu ianya
‘Raban Gelumu Sambiang Menua tau didudukka dalam kandang pegai administratif perintah ke pemadu
mit’ ba Sarawak - Daerah tauka Daerah-Kecil. Enti dikira nitihka nya dia kitai semina bisi 70 buah kandang
menua ke alai Raban Gelumu Sambiang Menua ulih didudukka.”.

Enggau sekeda pekara ba atas, kami deka madahka ianya pekara ti mitak menua ianya BEDAU ulih
dikena ba taun tu. Bepilih Riḍván 180 B.E. (2023) taun tu deka dipilih ngena atur sebedau tu baka taun-taun
ti udah. Maya entara sitak menua ti baru tu dipejalaika lalu mayuh agi penerang deka dipadah enda lama agi.
“Sebedau penumbuh ia, lalu dikena nentuka ia sebaka di serata Timur enggau serata Barat, semua Raban
Gelumu Sambiang Menua patut dipilih baru sekali dalam setaun, ti diatur ba hari keterubah Riḍván, lalu
pemutus bepilih, enti ulih, patut digerah ba hari nya.”
- Diambi ari surat ti ditulis Pengibun nuju bala pengasuh indu ke Siku ti Pengasih di serata America, Great Britain,
Germany, France, Switzerland, Italy, Japan enggau Australasia, March 12, 1923: Bahá’í Administration

Sigi tanggung jawab semua Raban Gelumu Sambiang Menua ke bisi diatu nentuka sembilan iku
kaban Raban Gelumu Sambiang Menua ti baru patut dipilih ba hari keterubah ba pengerami Bahá’í ti
pemadu kudus lalu proses bepilih dipejalaika dalam semangat Pengarap. Nitihka gerah ari Rumah Pengelurus
Serata Dunya dalam pesan Riḍván 2021, tiap-tiap orang ke arap ti manah perangai ke beumur 18 taun
enggau ke atas sigi tau enggau ngundi tang semina orang ti arap ti besai tuai ke beumur 21 taun enggau ke
atas ke tau dipilih nyadi kaban. Semua patut dibai enggau dalam bejalaika tangkup pengawa suchi sida enggau
dalam bepilih dikena ngemansangka Atur Administratif Baha'i.
“Ngelala tanda pengamat ti makin nyata bekaul enggau maturiti tu, kami ngaga pemutus ianya, tekala nya
pengudah Riḍván tu, taja umur orang ti arap ke tau gawa ba Raban Gelumu Sambiang agi terus ba umur
dua puluh satu, umur orang ti arap ke tau ngundi dalam bepilih Bahá’í deka diturun ngagai lapan belas
taun.”
- Rumah Pengelurus Serata Dunya, Riḍván 2021

Bekaul enggau kualifikasyen kaban Raban Gelumu, Pengibun meransang bala pangan seruran ngingatka
dalam ati genteran tu:
“. . . enda tau enda bala pengari ti udah dipilih mesti mikir enggau naka pengelurus, nadai bekau
pengingin diri sereta ati sangka, lalu nadai ngira pengaya reta tengkira, patut ngundi semina nama orang
ke bisi ngembuan semua perangai ti manah baka penaluk ti nadai ditanya, nadai pengangkun ka diri-
empu, runding ke chukup latih, dikelala ba pengelandik sereta ngembuan peneleba ti tuai.”
- Diambi ari surat ti ditulis Pengibun nuju bala pengari sereta temuai ti ngulu Konvensyen Bahá’í, Green Acre, Maine,
A.S., Jun 3, 1925: Bahá’í Administration

Nyadi pengundi ti pintar, nemu sereta betanggung jawab, beguna bendar tiap iku kitai beperagamka perangai
siku-siku ti kitai ngira patut dipilih sebedau maya ngundi. Bala pengundi patut seruran ingat ianya undi siku-
siku sigi dipelalai lalu nadai tau bekenangka sapa-sapa. Reti nya bala pengundi endang enda ulih
berandau enggau orang bukai pasal sapa bagi orang ke patut dipilih. Rumah Pengelurus Serata Dunya
enggau Pengibun meri lalau ti nyemetak pasal pekara tu:
“... bekenangka pasal siku-siku orang empai bepilih nya deka numbuhka salah pemereti enggau
penyerekang. Utai ti patut dikerja bala pangan ianya betul-betul beteleba enggau pangan diri, betukar
penemu, begulai serta berandau antara sida pasal tikas ti diguna enggau pengulih nyadi kaban enggau
nadai dikait tauka dituju, taja enda terus, ngagai siku-siku orang.” ...Ari penemu ti betambah pasal
tangkup kerja ti ditapi raban ti dipilih, orang ti arap ulih nentu enggau manah sapa orang ti patut dipilih.
Ari tugung orang ti diasai bepengulih gawa, pengundi patut mega ngira faktor kerembai umur, pupu
bansa, enggau gender. Pengundi patut ngundi udah iya berunding dalam serta panjai lama sebedau maya
bepilih.”
- Diambi ari surat Rumah Pengelurus Serata Dunya pasal Bepilih Bahá’í, 25 haribulan Tiga, 2007

“Aku ngasai bekenangka pasal personality sebedau bepilih deka mai ngagai saru runding sereta
penyerekang.... Kitai patut ngelaung ari ti nguji deka mai biuh ngagai runding orang bukai....”

“Bala pengundi ... mesti besambiang enggau pengangkun lalu udah meditation enggau beperagam nya
baru milih bala semengat ti taluk, rurus, bepeneleba, bepengulih sereta chakah ke patut nyadi kaban....”

- Ari tulis Shoghi Effendi enggau surat ti ditulis ngarika iya

Raban Gelumu ngembuan pengandal ati kita ulih ngatur milih Raban Gelumu Sambiang Menua lalu
meransang tiap iku Bahá’í ti manah perangai sereta chukup umur enggau milih datai maya bepilih nya. Raban
Gelumu Sambiang tetap besambiang ke kita minta pengentap ari Pemajik Beberekat.

Disempulang ditu bisi Riḍván Election Report Form 2023. Minta kita ngirumka nuju kami enggau naka
pengelengkas, lalu anang laun ari 13 haribulan Lima 2023.
Enggau pengerindu tabi Bahá’í,,
Raban Gelumu Sambiang ke Bahá'í di Sarawak

encl.

cc.
Counsellor Ircham Hadi Sujadmiko
Counsellor Marijini Deraoh
All Regional Bahá’í Councils
All Auxiliary Board members of Sarawak