TUGAS BAHASA MADURA

PRO DAN KONTRA TRANSPORTASI ONLINE

Oleh:

Rifky Sahlal Firdaus (25)

Sherly Putri Dienata (29)

SMA NEGERI 1 PAMEKASAN

TAHUN PELAJARAN 2020/2021
 TRANSPORTASI ONLINE

- Pro :

Transportasi online ampon hadir nèng abad ke-21, sè ka'dimma masyarakat modèrn
sajân mametto kemajuwân sareng paningkadhân. Kemajuwân teknologi è bidang informatika
nandhâi masa Post-Industri, sampè' masyarakat ghâpanèka èsebbhut jhughân masyarakat
informatika. Kabâdâ'ân media massa dhâddhi ciri otama masyarakat post-modernisme. Media
ampon ngibe bhudhâjâ-bhudhâjâ asing ka dâlem roma-roma masyarakat lokal, aberri' cem-
macemma informasi lokal kantos internasional, bân ahèrra manossa odi' dâlem kampong rajâ
anyama dhunnya sè è kalèlèngi kalabân jaringan komunikasi.
Hal sè è katèla dâri masyarakat informatika ghâpanèka pangangghuyân HP, nèng
kabbhi lapisân masyarakat. Kabhutowan komunikasi ghâpanèka dhâddhi kabhutowan primer
dâ' ka kabbhi individu, selaèn kabhutowan pangan sareng sandang. Malah kalabân tombuna
internet, aktivitas antarmanossa sajân ghâmpang bân modâ.
Kalabân bâdâna tranportasi online, dâri awal messen masyarakat ampon è
paghâmpang kalabân akses epon. Masyarakat jhughân senneng aghunaaghi layanan sè a basis
online ghâpanèka polana arghâ se pastè neng awwâl pamessenan kalabân arghâ se sanget
modâ. Dâlem pamessenan layanan ghâpanèka masyarakat jhughân è paghâmpang kalabân
tempat koni'na èpon langsong è lokasi pamessenan. masyarakat jhughâ bhâkal senneng
kalabân dâtengnga layanan transportasi online polana bâkto messen, konsumen bisa
ngaonèngi identitas sè ngoni'in sareng plat bân jenis transportasiepon. Kalabân dâtengnga
layanan ghâpanèka, masyarakat bânnya' sè minat kaangghuy agabung dâlem perusahaan
transportasi online polana kenning è lakonè sareng kalakoan sè tetep, tor tak parlo nantos e
pangkalan. Maka dâri ghâpanèka bâdâna transportasi online bisa nambâ lapangan kerja bân
jhughân ngorangè kabânnya'an masyarakat sè aghunaaghi kendaraan pribadi kadimmaepon.
Intiepon, masyarakat tabhânto ghâbây ngaollè tompangan otabâ transportasi sè sesuai dâ' ka
kabhutowan bân kondisi neng samangkèn kalabân arghâ se modâ bân ghâmpang è kaollè.
Terutama dâ' ka masyarakat sè andi' compo' dâri kendaraan umum.

- Kontra :

Bâdâna transportasi online nèng jhâman samangkèn engghi ka'dinto bâdâ bânnya'
kakorangan, èngghi ka'dinto:
1. Nambâi kemacetdhân
Hadirrâ kendaraan online ternyata a dampak dâ' kemacetdhân. Kalabân bâdâna
transportasi online jumlah motor sajân bânnya' polana oreng bânnyâ' sè ngallè dhâddhi ojek
online, kalabân mellè motor secara kredit sè nèng jhâman samangkèn ka'dinto ghâmpang è
lakonè. Ojek online jhughân kadhâng lèbur dhâddhi panyebab macet nèng daèrah tartanto.
Biasana ojek online nèng jam sibok mèlè nantos pessenan dâri penumpang è ade'na tempat-
tempat umu kasebbhut contona Mall. Hal ghâpanèka nyebabaghi lalulintas terganggu.
2. Konflik sareng ojèk konvensional
Kabâdâ'ân ojek online samangkèn è nilai ma rogi ojek-ojek konvensional. Nèng
daèrah tartanto bânnya' kadhâddhiyân sè Korang saè kalabân ojek konvensional. Kadhâng
sampè' masang spanduk sè aèssè larangan ojek online ghâbây daerah ghâpanèka. Bân aherra
bânnya' sè alako ojek online sè tak ngangghuy atribut èpon saèngghâ tak nunju'aghi identitas
ojek online kasebbhut.
3. Data privasi penumpang sè è salaghunaaghi
Terkadhâng pengemudi ojek online lèbur nyalaaghi aturân data privasi
penumpangnya kalabân ngèrèm pesan teks dâ' ka penumpang èpon. Pesan teks sè èkerem
biasanya aganggu katenangan penumpang karna èssèna pesan teks ghâpanèka tade'
hubunganna sareng parjhâlânan sebelumma malah è salaghunaaghi sareng pengemudi ghâbây
urusân pribadi. Bânnya' orèng sè ampon ngalami hal kasebbhut, kantos mungkèn bâdâ sè
ngelakonè pelecehan misalla. Tanto hal ghâpanèka sanget agânggu privasi para penumpang
kasebbhut.
4. Server error
Terkadhâng server ojek online ghâpanèka ngalami over load è jam tartanto Karna tak
bisa ngangko' bânnyâ'na user sareng driver. Sè èrugikan sareng server sè down èngghi panèka
konsumen bân pengemudina dhibi karna metao kadhâddhiyân proses pamessenan.
5. Pelayanan ta’ standart.
Nèng awal masa kecajhâjâ'ân ojek online pelayanan sè èberri' cek baitdhâ. Contona
selaèn aberri' helm ghâbây keselametdhân, tapè jhughân nabârraghi masker sareng penutup
cetak ghâbây para penumpang. Lambat laon mungkèn karna ampon terlalu bânnya'na driver
otabâ karna para driver tak endâ' ghâbây ngala' fasilitas masker sareng penutup cetak nèng
kantornya sè mungkin jarak èpon lumayan jhâu, dhâddhi nèng samangkèn ampon jarang
driver sè nabârraghi pelayanan tersebut.
6. Pengemudi segghut sala mèlè rute
Bâdâ kalana pengemudi bân konsumèn dâ padâ ta' tao jhâlân ka tempat tojjhuwân.
Akherra sakabbhina dâ padâ moter jalur sè sangat jhâu otabâ kasasar è tempat sè ta' tao è
dimma. Hal ghâpanèka bisa aberri’ rogi dâ’ pengemudi bân jhughâ konsumen sè la marè
matadâ' bâkto bân tenaga sakabbhina nyarè jhâlân. Dhâng-kadhâng bâdâ aplikasi penojjhu
jhâlân, namong pengemudi lebbi mèlè nanya langsung dâ' orèng sekitar è bandhing aghi
nyongngo' dâri aplikasi penojjhu jhâlan ghâpanèka. Kadhâng mungkin pengemudi sè sengaja
jhâu aghi rute kalabân maksod tânto sè pola bâdá.
7. Ta' ollè mindaaghi tempat tojjhuwân
Bâkto aghunaaghi aplikasi ojek online, nèng awal mon mesen sakabbhina lastarè
nantoaghi tempat tojjhuwânna. Sakabbhina ta' ollè ngobâ polè tempat tojjhuwân awal karna
prosedur dâri perusahaan ojèk online ampon ghâpanèka. Justru namong sampèyan mènta
ghântè tempat tojjhuwân sampèyan bhâkal aberri’ rogi ke sang driver karna bhân pengemudi
ghâpanèka èpantau dâri kantor pusat driver epon bân namong asalaghunaaghi atoran maka
pagghun bâdâ hokoman dâri kantor sè è berri' aghi dâ' sè pengemudi ojek online.