PANALANGIN PARA SA PAGTITIPONG SINODAL NG KONTINENTENG
ASYA
Ama naming mapagmahal,
nagpapasalamat kami para sa iyong Anak, ang aming Panginoong Hesukristo. Nakipamayan siya sa amin at inakay kami mula sa dilim ng kasalanan tungo sa liwanag ng kaligtasan. Iginupo niya ang naglalayo sa amin sa isa'y-isa. Pinagkaisa niya kami sa kanyang pagiging masunurin sa iyo nang kanyang ialay sa krus ang kanyang buhay para sa amin.
Nagpapasalamat din kami
para sa kaloob mong Espiritu Santo na patuloy na gumagabay sa amin at nagtuturo sa amin ng daan para maging Simbahan.
At para sa mga bunga ng Sinodo tungkol sa "Sinodality"
na nagbukas sa amin sa tunay na pagbubuklod, aktibong pakikisangkot at pinasiglang pagmimisyon, maraming salamat. Idinadalangin naming gawin mong matagumpay ang Pagtitipong Sinodal ng Kontinenteng Asya.
Patuloy nawang mapag-alab sa amin ng iyong Espiritu
ang iyong pagmamahal para sa lahat ng tao at lipi. Manatili nawang bukas ang aming mga puso at mga mata upang sundan ang daan ng Iyong Anak na si Hesus na nagturo sa aming maglakbay na makakaakbay bilang magkakapatid, maging kanyang katawan, kanyang Simbahan sa pamamagitan din niyang aming Panginoon, magpasawalang hanggan. Amen.