Edukasyon sa

Pagpapakatao 6
Edukasyon sa Pagpapakatao – Ika-anim na Baitang
Ikaapat na Markahan – Modyul 8: Pananampalataya at Pag-asa
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na
ito ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anumang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa

anumang paraan nang walang pahintulot sa Kagawaran.

Inilathala ng Kagawaran ng Edukasyon, Sangay ng Lungsod ng Pasig

Komite sa Pagsulat ng Modyul

Manunulat: Joan P. Buguina
Editor: Celia B. Alan
Tagasuri: Marieta M. Limbo EdD, Perlita M. Ignacio, RGC, PhD
Tagaguhit Edison P. Clet
Tagapamahala: Ma. Evalou Concepcion A. Agustin
OIC-Schools Division Superintendent
Carolina T. Rivera, CESE
OIC-Assistant Schools Division Superintendent
Victor M. Javeña EdD
Chief, School Governance and Operations Division
Manuel A. Laguerta EdD
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
 Edukasyon sa
Pagpapakatao 6
Ikaapat na Markahan
Modyul para sa Sariling Pagkatuto 8
Pananampalataya at Pag-asa
Paunang Salita
Para sa tagapagdaloy:

Malugod na pagtanggap sa asignaturang Edukasyon sa Pagpapakatao 6 ng

Modyul 8 para sa araling Pananampalataya at Pag-asa.

Ang modyul na ito ay pinagtulungang idinisenyo, nilinang at sinuri ng

mga edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala,
panulong o estratehiyang magagamit sa
paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:
Malugod na pagtanggap sa Edukasyon sa Pagpapakatao 6 Modyul ukol sa Pananampalataya
at Pag-asa.

Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN

Sa bahaging ito malalaman mo ang mga dapat mong matutuhan pagkatapos mong
makumpleto ang Modyul.

PAUNANG PAGSUBOK

Dito masusukat ang dati mo nang kaalaman at mga dapat mo pang malaman sa
paksa.

BALIK-ARAL

Dito masusukat ang iyong matutuhan at naunawaan sa mga na unang paksa.

ARALIN

Tatalakayin sa bahaging ito ang paksa sa Modyul na ito.

MGA PAGSASANAY

Pagbibigay ng guro ng ibat ibang pagsasanay na dapat sagutan ng mga mag-aaral.

PAGLALAHAT

Sa bahaging ito ibunuod ang mahahalagang konsepto na dapat bigyan halaga

PAGPAPAHALAGA

Sa bahaging ito ay titiyakin kung ang mga kasanayang psmpagkatuto ay naiuugnay

nailalapat sa inyong mga pagpapahalaga..

PANAPOS NA PAGSUSULIT

Dito masusukat ang mga natutuhan ng mga mag-aaral

 INAASAHAN

Sa pagtatapos ng aralin, ikaw ay inaasahang naipakikita ang pagkakaroon ng pag-

asa sa pagpapaunlad ng ispiritwalidad.

BALIK-ARAL
• Bakit mahalaga na mapaunlad ang ating paniniwala at pananalig sa Diyos?

• Ano-ano ang maidudulot sa ating buhay ng pagpapaunlad ng ating

pananalig sa Diyos?

PAUNANG PAGSUBOK

Panuto: Buuin ang crossword puzzle. Punan ang mga kahon ng mga letra upang
mabuo ang salitang kaugnay sa aralin.
P
Pahalang
2. paraan ng pakikipag-usap o
pakikipag-ugnayan sa Diyos
3. Siya ang pinaniniwalaan natin K -
na may likha ng lahat
P D L
4. malalim na paniniwala sa Diyos
B
A
Pababa
1. dapat ipakita at ginagawa sa
D
kapwa

5. nararamdaman natin kapag tayo

ay may pananalig P A G
 ARALIN

MODYUL 8: Pagpapaunlad ng Ispiritwalidad

Ang pananalig ay malalim na paniniwala at pagtitiwala sa Diyos. Naniniwala

tayo na may Diyos na gumagabay sa lahat ng ating mga gawain. Ang pananalig sa
Diyos ay hindi taglay ng isang tao lamang. Lahat tayo ay may iba’t ibang antas ng
pananalig o pananampalataya sa Diyos. Maaaring mas malalim ang
pananampalataya ng isa kaysa sa isa, ngunit pareho silang mayroon nito. Mahalaga
ito dahil gaano man kaliit ang paniniwala ng isang tao, taglay pa rin nito ang pag-
asang siya ay matutulungan at mapapatawad ng Diyos sa kaniyang nagawang
kasalanan gaano man ito kaliit o kalaki.

Kapag pinapaunlad natin ang ating pananampalataya, lumilikha tayo ng pag-

asa na may kabutihan. Ipinapakita natin ang ating paniniwala sa Diyos sa maraming
paraan, sa maliit o malaking bagay man. Lahat ng ginagawa nating kabutihan sa
ating sarili at sa kapwa ay nagpapakita ng pananalig sa Diyos. Ang mga bagay na
ginagawa natin na naaayon sa Diyos ay may malaking epekto sa ating sarili. Ito ang
nagbibigay ng pag-asa sa atin upang mabuhay ng matiwasay.

Panuto: Basahin ang dayalogo at sagutin ang mga tanong pagkatapos nito.
Nagkasundo ang magkapitbahay na sina Ana at Lin na sabay silang mamili
sa palengke. Habang naglalakad pauwi ang dalawa ay may nadaanan silang isang
lalaki na nagpupulot ng kalakal sa tabi ng kalsada.

Ana: Mama, gusto niyo po ba ng kalakal? Mayroon po ako sa bahay. Kunin na lang
po niyo, kaysa itapon lang.
Edo: Naku, salamat po! Kailangan ko ngayong makapag-uwi ng makakain para sa
aking dalawang anak?
Lin: Ano po pangalan ninyo?
Edo: Ako po si Edo. Huwag po kayong mag-alala, hindi po ako masamang tao.
Lin: Pasensiya na po. Hindi po iyon ang ibig kong sabihin. Gusto ko lamang
kayong makilala.
Edo: Pasensya na rin po kadalasan po kasi ang ibang tao ay lumalayo sa akin at
pinagdududahan ako kapag nakikita nila ang ginagawa ko.
Ana: Mang Edo, bakit po kayo nangangalakal?
Edo: Alam niyo po sa panahon ngayon mahirap na pong kumita. Nawalan po kasi
ako ng hanapbuhay. Dati po akong construction worker. Nang nagka-
pandemya nagsara po ang aming kompanya at wala na po akong mapasukan.
Dahil ayaw ko po na magutom ang aking pamilya, kahit anong uri ng trabaho
basta’t marangal gagawin ko.
Ana: Nakakaawa naman po ang sitwasyon ninyo.
Edo: Naku, okay lang po kami. Sa awa ng Diyos, may mga mabubuting tao na
nagbibigay sa amin ng tulong. Tulad po ninyo na magbibigay ng kalakal sa
akin, malaking tulong na po iyon.
Lin: Mabuti naman po at kahit nahihirapan po kayo sa buhay ay maganda pa rin
ang inyong pananaw.
Edo: Alam niyo po, kahit anuman ang sitwasyon namin, hinding hindi po ako
mawawalan ng pag-asa. Alam ko po na ang lahat ng ito ay pagsubok lamang
Niya na siya pong magpapatibay ng aming pananampalataya.
Lin: Tama po kayo. Sa panahon ngayon tanging magagawa na lamang natin ay
manalig sa Maykapal. Pasasaan ba’t matatapos din ang krisis na ito.
Ana: Salamat Mang Edo dahil lalo ninyong pinalakas ang aking kalooban dahil sa
mga kwento ninyo sa buhay. Natuto tuloy ako sa inyo na kahit anuman ang
mangyari, huwag mawalan ng pag-asa sapagkat nandiyan lagi ang Diyos na
ating masasandalan sa panahon ng kagipitan.
Edo: Naku po, Salamat din po kasi sa dami ng taong dumadaan dito kayo lang po
ang may mabuting kalooban na tulungan ako.
Ana: Alam mo Lin, totoo ang sinasabi ni Mang Edo. Lahat ng ito ay pagsubok
lamang na magpapalakas ng ating pananampalataya.
Lin: Oo nga, basta’t may pananampalataya may pag-asa.
Ana: Nandito na po tayo Mang Edo, samahan na po kitang kunin ang mga kalakal.
Edo: Maraming salamat po. Biyayaan po sana kayo ng Diyos.

Binigay ni Ana ang mga kalakal, muling nagpasalamat si Mang Edo. Nang
paalis na siya, pinigilan siya ni Lin at binigyan siya ng isang supot ng pagkain.
masayang umalis si Mang Edo.

Basahin ang mga tanong at isulat ang sagot sa kwaderno.

1. Batay sa kwento, paano naipamalas ni Ana at Lin ang kanilang kabutihan

kay Mang Edo?
2. Sa mga panahon na dumaranas ng suliranin sa buhay si Mang Edo, ano ang
lagi niyang isinasaisip? Ano ang ipinamalas ni Mang Edo sa kwento?
3. Kung ikaw ang nasa sitwasyon ni Mang Edo, patuloy ka pa rin bang
mananalig na malalampasan mo ang lahat ng mga pangyayaring hindi
maganda o hindi kaaya-aya sa iyong buhay? Bakit?
 MGA PAGSASANAY

Pagsasanay 1
Panuto: Kulayan ang mga larawang nagpapakita ng gawaing nagpapaunlad ng
pananalig o ispiritwalidad.

1. 2.

3. 4.

5. 6.
Pagsasanay 2
Panuto: Basahin ang mga sumusunod na pangungusap. Lagyan ng tsek ( ) ang
patlang na nagpapakita ng paraan para mapaunlad ang kabanalan at ekis ( ) kung
hindi.
_____1. Nagbibigay ng libreng pagkain ang pamilyang Cruz sa mga frontliners sa
mga ospital.
_____2. Madalas pumunta sa Bahay Aruga ang magkakaibigang sina Sheryl, Jessa,
at Joan upang mamigay ng mga laruan sa mga bata.
_____3. Tinutulungan ng mag-anak ang pamilya ni Marco ngayong panahon ng
pandemya dahil nawalan ng trabaho ang kanilang magulang.
_____4. Tahimik si Joshua habang taimtim na nananalangin ang mga kapitbahay
niyang Muslim, kahit na siya ay Kristiyano.
_____5. Aktibong nakikilahok sa gawaing simbahan si Maria.

Pagsasanay 3
Sumulat ng pagninilay kung paano mo mapapaunlad ang iyong pagkatao sa
pamamagitan ng iyong pananampalataya sa Diyos?
________________________________________________________________
________________________________________________________________
________________________________________________________________

PAGLALAHAT

Paano mo maipakikita sa simpleng paraan na may pag-asa ka dulot ng

pagpapalalim ng iyong pananamapalataya?

__________________________________________________________________________________
__________________________________________________________________________________
__________________________________________________________________________________

TANDAAN:
Naipapakita natin ang pagkakaroon ng pag-asa sa pagpapaunlad ng
ispiritwalidad sa ating simpleng paraan. Ang paggawa ng kabutihan sa ating kapwa
ang isang mabuting paraan upang lalong lumalim ang ating pananalig. Ang
pagpapaunlad ng ating pananampalataya sa panahon ng kagipitan ang siyang
nagbibigay ng pag-asa para bumuti ang ating buhay.
Pinagyayaman natin ang ating pananampalataya sa panahong tayo ay
nahihirapan at nawawalan ng lakas ng loob. Nasusubok ang ating pananampalataya
ngunit laging isaisip na sa anumang panahon at pagkakataon ay laging nariyan ang
Maykapal na gumagabay sa atin. Ang pagmamahal sa Diyos, sa kapwa, at sa sarili
ang pinakamahalagang gawi upang mapaunlad natin ang ating ispiritwalidad.
 PAGPAPAHALAGA

Bakit mahalaga na pagyamanin ang iyong pananampalataya?

__________________________________________________________________________________
__________________________________________________________________________________
__________________________________________________________________________________

PANAPOS NA PAGSUSULIT

Panuto: Punan ang patlang ng angkop na kasagutan. Piliin ang sagot mula sa
kahon.

kapayapaan pag-asa Maykapal

ispiritwalidad kabutihan kapwa

Sa oras ng mga pagsubok sa buhay, ang tao ay hindi dapat mawalan ng

________________. Ang bawat isa ay may kakayahang maghatid ng pag-asa dahil ang
tao ay may likas na ________________. Sa mga panahon na ang pakiramdam natin ay
iniwanan na tayo ng lahat, lagi nating tandaan na kailanman ay hintdi tayo
pababayaan ng ________________. Dapat nating tandaan na anuman ang ginawa
natin sa ating ________________ ay parang ginawa na rin natin sa Diyos. Ang
pagpapakita ng kabutihang-loob sa kapwa ay nakapagpapaunlad din sa
________________ ng tao.
 SUSI SA PAGWAWASTO

PAUNANG PAGSUBOK

5. pananalig 4. kabutihan 3. Diyos 2. pagdarasal 1. pag-asa

MGA PAGSASANAY
Maaaring may kanya-kanyang sagot
Pagsasanay 3
5.  4.  3.  2.  1. 
Pagsasanay 2
5 4 3 1
Pagsasanay 1

PANAPOS NA PAGSUSULIT

5. ispiritwalidad 4. kapwa
2. kanutihan 3. Maykapal 1. pag-asa

Sanggunian
Department of Education (2020). Republic of the Philippines Department of
Education. Accessed. September 1, 2020
https://lrmds.deped.gov.ph/create/detail/299.

Department of Education (2020). Republic of the Philippines Department of

Education. Accessed. September 1, 2020
https://lrmds.deped.gov.ph/create/detail/491.

Ylarde, Z. R., & Peralta, G. A. (2016). Ugaliing Pilipino sa Makabagong Panahon.

Manila: VICARISH Publication and Trading, Inc.