IKAPITONG LINGGO-Ikatlong Araw

I. Layunin

A. Nakapagbibigay ng angkop na pamagat sa isang talata F5PB-lg-8

B. Naipapakita ang pagtanggap sa mga ideya ng nabasang akda/ teksto

F4PL-0a-j-6

II. Paksang-Aralin

Pagbibigay ng Pamagat sa Talata

Sanggunian: Curriculum Guide p.68

ALAB ng Wikang Filipino (Pinagsanib sa Wika at

Pagbasa)pp.97-99

HULIP Pinagsama na Wika at Pagbasa pp.333-335

Kagamitan: DLP, tsart, metacards

Pagsasapuso: Matutong magrecycle

III. Yugto ng Pagkatuto

A. Paghahawan ng Balakid

Piliin sa loob ng pangungusap ang kahulugan ng mga salitang

may salungguhit. Isulat sa patlang ang tamang sagot.

________1. Epektibo ang naisip nilang paraan ng pagpapataba sa

lupa dahil sa mabisa ito sa pagpaparami ng ani.

________2. Magiging mayaman ang sangkap ng lupa kung ito’y may

taglay na mga elementong kailangan niya.

________3. Napakadaling ihanda ang pataba, pagsama-samahin ang

mga sangkap at paghalu-haluin sa isang lalagyan.

________4. Ang pataba ay nagtataglay ng mga elementong

naglalaman ng mahahalagang bitamina ng lupa.

________5. Huwag itapon ang mga tira-tirang pagkain sapagkat ang

sobra-sobrang bagay ay maari pang pakinabangan.

B. Pagganyak

Pagdadala sa mga bata sa Gulayan sa Paaralan.

Pagmasdan ang mga pananim. Ilarawan ang mga pananim.

Ano-ano ang mga ginagawa upang mapanatiling magaganda at

malulusog ang ating mga pananim?

C. Pangganyak na tanong

Ano ang tinatawag na makabagong abono sa lupa?

D. Gawin Natin

Basahin nang tahimik kung paano makakagawa ng abono.

ISKUTIBO:Makabagong Abono

Epektibo,mura,kaibigan ng kalikasan. Ito ang mga

katangian ng pataba sa lupa na isa sa mga pangunahing
kailangan ng mga magsasaka sa kanilang pagtatanim.

Kung gayon, ang hinahanap nila ay ang compost na tinatawag

na ISKUTIBO. Mula ito sa pinagsama-samang isdang bulok,
kusot, tinik ng isda at buto ng manok at baboy.

Ano ang pakinabang dito ng lupa? Upang maituring na mataba

at mayaman ang lupa, ito ay dapat na nagtataglay ng mga
elementong nitrogen (N), phosphorus (P) at potassium (K).

Alam ba ninyo na ang lahat ng elementong ito ay

kumpletong matatagpuan sa ISKUTIBO dahil sa ang isdang
bulok ay may nitrogen, ang kusot (wood ash) ay may potassium
at ang tinik ng isda at buto ng manok at baboy ay may
phosphorus?

Napakadali lamang gawin ng patabang ito sa lupa.

Una, ihanda ang mga kailangang sangkap tulad ng

isdang bulok, kusot, tinik ng isda at buto ng manok at baboy.

Ikalawa, paghalu-haluin ang mga ito sa isang lalagyan.

Ikatlo, durugin ang mga pinagsama-samang sangkap.

 Panghuli, maaari na itong ilagay sa ilalim ng lupa na may

tanim.

Ang isang tanim ay nangangailangan ng humigit-

kumulang sa limang (5) kutsara ng abonong ito.

Huwag itapon ang mga tira-tirang bagay sa kusina dahil

nagagawa pa itong makabagong abono.

Pag-usapan

1. Ano ang ISKUTIBU?

2. Ano-anong elemento na kailangan ng lupa ang taglay

nito?

3. Paano ang paggawa nito?

4. Gaano kahalaga ang pagkakaroon ng ganitong

imbensyon?

5. Tinatanggap nyo ba ang payo ng sumulat na huwag itapon

ang mga tira-tirang bagay sa kusina? Bakit?

Pagtalakay

Basahin ang talata na hinango sa binasang teksto.

Makabagong Abono

Ang lupa ay isa sa mga pangunahing kailangan ng

magsasaka. Ito’y kailangang maging mayaman at mataba. Kaya
naman naimbento ang pinakabagong abono – ang ISKUTIBO.
Ito ay mula sa pinaghalu-halong isdang bulok, kusot, tinik ng
isda at buto ng manok at baboy. Mga sangkap na kung titingnan
ay patapon na ngunit ngayo’y maaari pang pakinabangan.
Epektibo, mura, kaibigan ng kalikasan.

a. Bigyang pansin ang anyo ng talata sa itaas.

b. Saang bahagi ng talata maaring matagpuan ang

pamagat?

c. Bakit ito ang naging pamagat ng talata?

 d. Ano-ano ang mga katangian na dapat isaalang-alang

sa pagbibigay ng pamagat?

F. Gawin Ninyo

Pangkatin ang klase. Ipagawa ang sumusunod sa bawat

pangkat. Iulat sa klase ang ginawa matapos ang itinakdang oras ng

guro

Pangkat I- Magbigay ng tatlong maaring maging pamagat ng

talata. Sabihin kung ganon din ang ginagawa ninyo
tuwing sumasapit ang tag-init. Magdagdag ng mga
gawain na hindi nabanggit sa talata.

____________________________

Tag-init na naman at sa ganitong mga pagkakataon ang

tanging naiisip ng mga mag-aaral ay ang pagtampisaw sa
malamig na tubig ng ilog, dagat o kaya naman sa swimming
pool. Isang paraan din ito upang makasama nila ang kanilang
mga mahal sa buhay pagkatapos ng mahabang panahong
paggugol sa paaralan. Pansamantalang kalilimutan nila ang
lapis at papel upang lumigaya sa piling ng mga kaanak.

Pangkat II- Isulat nang patalata ang mga ginawa nyo noong
nakaraang bakasyon. Ibigay ang pamagat ng
inyong sinulat. Sa pag-uulat,itanong kung ganon din

ang ginagawa nila tuwing bakasyon.

Pangkat III- Umisip ng isang bagay na gawa sa patapong

bagay. Isulat kung paano ito ginawa at lagyan ng
angkop na pamagat.

Pangkat IV- Sumulat ng resipeng alam mo. Lagyan ng angkop

na pamagat ang inyong sinulat.

G. Gawin Mo

Ibigay ang angkop na pamagat ng talata.

 1. Naging mabuting anak si Tando. Sumusunod siya sa mga
tagubilin ng kanyang mga magulang na makapagtapos siya ng
pag-aral na may mataas na karangalan. Malaking impluwensya
marahil dito ang pagiging guro ng kanyang ina.

2. Kumain nang tama. Iwasan ang pagkain ng mga junk foods.

Ang pag-inom ng gatas ay makakatulong sa pagpapatibay ng
iyong mga buto at pagpalakas ng iyong katawan. Kumain din ng
gulay, itlog at karne. Uminom din ng maraming tubig. Sa
ganitong paraan mapapangalagaan mo ang iyong kalusugan at
makakaiwas ka pa sa anumang karamdaman.

3. Libangan ni Ka Tenorio ang pag-iimbak ng kung ano-anong

mga bagay. Mahilig din siyang magkumpuni at gumawa ng mga
kakaibang mga makinarya na makakatulong sa bawat
mamamayan.

H. Paglalahat

1. Ano ang pamagat?

2. Ano-ano ang mga dapat isaisip sa pagbibigay ng pamagat sa

isang talata?

I. Pagsasapuso

Dapat bang itapon na ang mga bagay o gamit na hindi mo na

ginagamit? Bakit?

IV. Subukan Natin

Piliin ang angkop na pamagat para sa mga talata sa bawat

bilang.

1. Naging makulay ang sinapit ng EDSA noong 1986. Ito ay naging

tanyag sa buong daigdig. Ang mapayapang pamamaraan ng mga

Pilipino sa pag-aklas ay nagpapakita lamang ng pagiging
mahinahon ng bawat mamamayan ng Pilipinas.

A. Ang Pagiging Tanyag ng mga Pilipino sa Buong Daigdig

B. Ang Mapayapang Pag-aaklas ng mga Pilipino

 C. Ang Makulay na Sinapit ng EDSA

D. Mahinahon ang mga Pilipino

2. Pilay si Ester. Bata pa lamang siya nang dapuan ng sakit na polyo.

Ngunit hindi naging sagabal ang kanyang kapansanan. Naging

mahusay na mangangalakal siya kaya naman labis ang paghanga
sa kanya ng kanyang mga kakilala.

A. Si Ester ay Pilay

B. Ang kapansanan ni Ester

C. Ang Pilay na Mangangalakal

D. Ang Paghanga ng Lahat sa Isang Pilay

3. Masarap at malambot ang laman ng buko at manamis namis ang

sabaw nito. Ang langis naman ng niyog ay ginagamit sa pagluluto.

Ginagawang dekorasyon naman ang bao at bunot nito. Panggatong
at gamit sa paggawa ng bahay ang puno. Ginagawang walis tingting
ang dahon ng niyog. Anupa’t masasabing ang niyog ay puno ng
buhay dahilsa dami ng mapaggagamitan nito.

A. Puno ng Buhay

B. Puno ng Kayamanan

C. Puno ng Kasalanan

D. Puno ng Yabong

4. Isang pantas sa wika ang aming guro. Sinasabing lagi na ay

huwaran

ng ibang guro ang kanyang banghay-aralin. Ang aming silid-aralan

ay isang kaaya-ayang pook na maaliwalas tingnan. Madaling-araw
pa lamang ay nakikita na namin siyang patungo sa paaralan at halos
takipsilim na kung umuwi. Hindi kataka-takang siya ay napiling
huwarang guro at pinagkalooban ng gawad-parangal bilang
natatanging guro.

A. Ang Huwarang Guro

B. Ang Matalinong Guro

 C. Ang Masipag na Guro

D.Kinatatakutang Guro

5. Sa sandaling tumaas ang presyo ng langis, tataas din ang

pamasahe. Tataas din ang halaga ng iba’t ibang produkto. Sadyang

malaki ang epekto ng halaga ng langis sa ating kabuhayan.

A. Pagtaas ng Halaga ng mga Produkto

B. Ang Epekto ng Pagtaas ng Langis

C. Ang Pagtaas ng Presyo ng Langis

D. Ang Pagtaas ng mga Bilihin

V. Gawaing Pantahanan

Sumulat ng isang maikling talata hinggil sa pinakamasayang

araw sa buhay mo. Lagyan ng angkop na pamagat.