Module No.

Topic 8: Konsiderasyon at Inobasyon sa Kurikulum

MODULE OVERVIEW

Ang inobasyon sa kurikulum ay pagkakaroon ng pagbabago, at pagbabago ang

kinakailangan ng sistema ng edukasyon natin sa panahon ngayon. Kailangan nating makipagsabayan
sa ibang bansa sa pagpapalaganap ng mga makabagong kaalaman at impormasyon kaya dahil dito
ang pagpapalit ng kurikulum ay naging isang behikulo para sa patuloy na pagtagumpay ng mga mag-
aaral. Upang tuluyan na malinang ang kanilang kaalaman, kasanayan at buong pagkatao upang
maging isang produktibong mamamayan. Ang isa pang dahilan ng pagbabago sa kurikulum ay
upang matugunan ang mga kakulangan sa larangan ng edukasyon at maibigay ang pangangailangan
ng mga mag-aaral.

LEARNING OBJECTIVES

a. Nakapagsasaliksik at nakapagbabahagi sa klase ng mga kaalaman tungkol sa EFA, UBD, MI,

MTB-MLE, DI, at LK
b. Natutukoy at nasusuri ang ambag ng EFA, UBD, MI, MTB-MLE, DI, at LK sa pagpapaunlad ng
kurikulum
c. Natutukoy ang mga Kakailanganing Kakayahan para sa ika-21 Siglo

LEARNING CONTENTS

Modyul 8 :KONSIDERASYON AT INOBASYON SA KURIKULUM

A.EDUCATION FOR ALL (EFA)

Edukasyon Para sa Lahat

-Isang pandaigdigang pangako na magbigay ng kalidad na pangunahing edukasyon para sa lahat

ng mga bata, kabataan at matatanda. Ang kilusan ay inilunsad sa World Conference on
Education for All noong 1990 ng UNESCO, UNDP, UNFPA, UNICEF at ng World Bank.

PANGASINAN STATE UNIVERSITY 1

 -Ang Philippine Education for All (EFA) 2015 ay isang vision at holistic na programa ng mga
reporma na naglalayong mapabuti ang access at kalidad ng basic education para sa bawat
Filipino sa taong 2015.
-Ang Education for all Filipinos ay nagbukas ng alternatibong sistema ng pag-aaral upang
umakma sa pormal na pag-aaral upang maabot at mas mapagsilbihan ang mga nasa mahihirap na
kalagayan.
-Kasama rito hindi lamang ang Kagawaran ng Edukasyon kundi ang pakikilahok ng buong
lipunan, kabilang ang pambansa at lokal na mga ahensya ng pamahalaan at mga organisasyon ng
lipunang sibil bilang tagapagbigay ng mga pangunahing pangangailangan sa pag-aaral.

LAYUNIN NG EFA

-Pangkalahatang saklaw ng Out of School Youth (OSY) at mga nasa hustong gulang sa
pagbibigay ng mga pangunahing pangangailangan sa pag-aaral;
-Pangkalahatang paglahok sa paaralan at pag-aalis ng mga drop out at pag-uulit sa unang tatlong
baitang.
-Pangkalahatang pagkumpleto ng buong cycle ng basic education schooling na may kasiya-
siyang antas ng tagumpay ng lahat sa bawat baitang o taon;
-Kabuuang pangako ng komunidad sa pagkamit ng mga pangunahing kakayahan sa edukasyon
para sa lahat.

B.UNDERSTANDING BY DESIGN

•Kilala rin sa tawag na "backward design".

•Isang balangkas para sa pagdidisenyo ng mga yunit kurikulum, pagtatasa ng kakayahan, at
pagtuturo nainaasahang hahantong sa malalim na pagkaunawa ng paksang itinuturo.
•Itinaguyod nina Grant Wiggins at Jay Mctighe.

Mga elemento ng Ubd:

Hakbang 1: Pagtukoy sa mga nais na maging resulta ng pagtuturo.

1. Pagtukoy sa mahahalagang kaalaman.
2. Pagtukoy sa mahahalagang tanong
3. Pagtukoy sa iba pang mahahalagang kaalaman at kasanayan.

Hakbang 2: Pagtukoy sa mga tatanggaping patunay kung ang nais na resulta ay nakamit
Pagpili ng wastong paraan ng pagtataya.

Traditional Assessments Performance Assessments

PANGASINAN STATE UNIVERSITY 2

 •Academic Prompt •Informal checks for understanding
•Performance Task •Observation/Dialogue
•Authentic Task •Quiz/Test
•Long-term Project
•Portfolio

Balangkas ng mga panuntunan at sistema ng pagbibigay ng puntos sa kalidad ng performance at

produkto ng mag-aaral.

-Performance Tasks and Projects

-Traditional quizzes/tests
-Pagbuo ng Scoring rubrics

Hakbang 3: Pagpaplano ng pagkakasunod-dunod ng mga gawain sa pagkatuto at pagtuturo

Kalakasan ng Ubd

-Malinaw na direksyon sa Pagtuturo.

-Maiiwasan ang pagsasayang ng oras.
-Angkop ang ituturo sa pangangailangan ng mag-aaral.

Prayoridad ng Kurikulum

-Mahalagang maging pamilyar

-Mahalagang malaman at maisagawa
-Pangmatagalang Kaalaman

C.Theory of Multiple Intelligences

MULTIPLE INTELLIGENCES 
-Tinatayang ang konseptong ito ay binubuo upang palawakin ang tradisyunal na pag-unawa natin
sa sinasabing katalinuhan ng mga mag-aaral.

KLASIPIKASYON NG MULTIPLE INTELLIGENCES

1.Visual Spatial
Ang mga taong may talinong visual/spatial ay mabilis matuto sa pamamagitan ng paningin at
mag-ayos ng mga ideya. Nakagagawa ng mga ideya at kailangan din niyang makita ang
paglalarawan upang maunawaan ito.

2.Verbal/ Linguistic
Ang mga taong may talinong visual/spatial ay mabilis matuto sa pamamagitan ng paningin at
mag-ayos ng mga ideya. Nakagagawa ng mga ideya at kailangan din niyang makita ang
paglalarawan upang maunawaan ito.

PANGASINAN STATE UNIVERSITY 3

3.Mathematical/Logical
Taglay ng taong may talino nito ay mabilis ang pagkakatuto sa pamamagitan ng pangangatwiran
at paglutas ng suliranin (problem solving). Ito ay talinong may kaugnay ng lohika, paghahalaw at
numero.

4.Bodily/Kinesthetic
Ang taong may ganitong talino ay natututo sa pamamagitan ng mga kongkretong karanasan o
interaksiyon sa kapaligiran. Mas natututo siya sa pamamagitan ng paggamit ng kaniyang
katawan, tulad halimbawa ng pagsasayaw o paglalaro.

5.Musical or Rhythmic
Ang taong nagtataglay ng talinong ito ay natututo sa pamamagitan ng pag-uulit, ritmo, o musika.
Hindi lamang ito pagkatuto sa pamamagitan ng pandinig kundi pag-uulit ng isang karansan.

6.Intrapersonal
Sa talinong ito natututo, ang tao sa pamamagitan ng damdamin, halaga, at pananaw. Ito ay
talinong kaugnay ng kakayahang magnilay at masalamin ang kalooban. Karaniwang ang taong
may ganitong talino ay malihim at mapag-isa o introvert.

7.Interpersonal
Ito ang talino sa interaksiyon o pakikipag-uganayan sa ibang tao. Ito ang kakayahan na
makipagtulungan at makiisa sa isang pangkat. Ang taong nabibilang dito ay kadalasang bukas sa
kaniyang pakikipagkapwa o extrovert.

8.Naturalist
Ito ang talino sa pag-uuri, pagpapangkat at pagbabahagdan. Madali niyang makilala ang
mumunti mang kaibahan sa kahulugan (definition). Hindi lamang ito angkop sa pag-aaral ng
kalikasan kundi sa lahat ng larangan.

9.Existentialist
Ito ay talino sapagkilala sa pagkakaugnay ng lahat sa daigdig. “Bakit ako nilikha?” “Saan ako
nanggaling?” Ano ang papel na ginagampanan ko sa mundo?”. Ang talinong ito ay naghahanap
ng paglalapat at makatotohanang pag-unawa ng mga bagong kaalaman sa mundong ating
gingalawan.

D.Mother Tongue Based-Multilingual Education

Ang Edukasyong Multinglingguwal na Batay sa Unang Wika (MTB-MLE)

1.Makalinang ng mga mag-aaral namataas sa kanilang

•(L1) unang wika
•(L2 Filipino) at iba pang wika English, Arabic, Chinese, Spanish at iba pa.

PANGASINAN STATE UNIVERSITY 4

2.Makalinang ng mga mag-aaral sa aktibong nagtatanong, nagdedesisyon at nakagagamit ng
wika bilang instrument sa pagbibigay ng sariling pananaw at sa pagsusuri ng pananaw o
ideya ng iba.

 Ang United Nations Educational, Scientific and Cultural Organization (UNESCO) ay

nakapanig sa multilingguwalismo (2003) at ang kanilang posisyon sa tunguhing multilingguwal
ay nakabatay sa inihanda nilang mga simulain sa papel na Education in a Multilingual World.

Ayon naman kay Dr. Lydia B. Liwanag sa kanyang artikulong “Ang Edukasyong
Multilingguwal na Batay sa Unang Wika” (Mayo, 2011) sa De La Salle University – Manila, ang
ilang mga layunin at kahalagahan ng Edukasyong Multilingguwal.

Tunguhin ng Edukasyong Multinglingguwal na Batay sa Unang Wika (MTB-MLE)

•Pagturo gamit ang unang wika para sa pagpapaunlad ng kalidad ng edukasyon na nakabatay sa
kaalaman at karanasan ng mag-aaral at guro.

•Ang wika ay napakahalagang elemento sa inter-kultural na edukasyon. Sa pamamagitan nito,

makahihikayat ng unawaan sa pagitan ng magkaibang lahi at makasisiguro na ang mga karapatan
ay iginagalang.

•Ang bilingguwal at multilingguwal na edukasyon sa lahat ng antas ay nakatutulong sa

pagtaguyod ng pagkakapantay-pantay sa lipunan at kasarian. Ito rin ay susi sa pagkakabuklod ng
magkakaibang lipunan na may magkakaibang wika.

•Ito ay nagtutungo upang palakasin sa simula ng pag-aaral ang unang wika upang magkaroon ng
matibay na pundasyon sa paggamit ng wikang pambansa at iba pang wika.

•Malaking tulong din ito sa pagsabay sa globalisadong mundo kung saan hindi lamang Ingles
ang namamayani.

•Ang nagpapatibay ng Multilingual Language ng Edukasyon (MLE) ay bunsod ng matagumpay

na proyektong Lubuagan, Kalinga Mother Tongue/First Language Education Experiment.

•Ito ay inilahad sa ulat ni Stephen L. Walter at Diane E. Dekker (2008) ng Summer Institute of
Linguistics International. Isinaad ditto na mabisa ang paggamit ng unang wika ng bata sa pagturo
ng asignaturang Filipino, English at Mathematics sa elementarya.

E.ANG DIFFERENTIATED INSTRUCTION

Differentiated Instructions

•Ito ay isang paraang ng pagtuturo.

•Naglalayon ito na malaman ng mga guro ang mga estratehiya na magpapaunland sa pagkatuto
ng mag-aaral.

PANGASINAN STATE UNIVERSITY 5

 •Ito ay mabisang paraang upang matugunan ang pangangailangan pang-akademiko na aakma
sa istilo ng pagkatuto ng bawat mag-aaral.

•Ito ay napapatungkol sa mga paraan para sa mga visual learners, audio learners, at kenisthetic
learners

•Ito ay isa sa mga iminungkahi ng eksperto sa pagtuturo na gamitin sa larangan ng edukasyon.

•Nagsimula ito batay sa resulta ng mga achievement test na nagpapatunay na ang bawat mag-
aaral ay may iba’t ibang lebel ng pagkatuto.

•Ito at isang proseso na nagsisiguro na ng nilalaman, paano matutuhan ito at paano

maipapahayag ang mga natutuhan ay akma sa kahandaan, interes at kakayahan ng bawat mag-
aaral. (Tomlison, 2008).

•Ito ay ginamit nang naipasa ang Individuals with Disabilities Education Act (IDEA) 1975.

Individuals with Disabilities Education Act (IDEA) 1975

-Ito ay nagsisigurong lahat ng kabataan na may kapansanan ay magkakaroon ng karapatang
makapag-aral sa pampublikong paaralan.

No Child Left Behind (2000)

-Ito ay isang panukula na lalong nagpatibay at nagmungkahi na dapat gamitin ang differentiated
instruction nang sa gayon ay maipasa ang lahat ng asignatura, nagkakaiba man ang kanilang
lebel ng pagkatuto.

Diversed Learners
-Ito ang tawag sa mga mag-aaral na may iba’t ibang interes at pangangailangan pang-
akademiko.

 Ang Differentiated Instruction ay isang makabagong estratehiya nga iminungkahing

gamitin ng mga guro simula ng ipanukala ang K to 12 kurikulum.

Mga Mananaliksik na Nagbigay ng Kahulugan sa Differentiated Instruction

•Ayon kay Carlson (2008) maaring gamitin ang differentiated instruction sa pag modify ng
nilalaman (ano ang ituturo) proseso (paano ituturo), at produkto (paano ipapakita sa mag-aaral
ang kanyang natutunan).

-Ayon kay Tomlison (banggit nina Ellis, et. al 2008), ang differentiated instruction ay isang
proseso na nagsisiguro na ang nilalaman, paano matutunan ito, at paano maipapahayag ang
mga natutunan ay akma sa kanilang kahandaan, interes at kakayahan ng bawat mag-aaaral.

-Sinabi rin ni Anderson (2007), kapag ang guro ay gumamit ng differentiated Instruction
maaring gawing simple ang nilalaman ayon sa kung ano at paano matuto ang mga mag-aaral.
Maaring gumamit ng iba’t ibang teksto, nobela at maikling kwento na aakma sa lebel ng
pagbasa ng bawat isa.

PANGASINAN STATE UNIVERSITY 6

 -Sa pahayag ni Good (2006), ang differentiated instruction ay hindi nangangahulugan ng
pagbibigay ng ibang gawain sa mag-aaral kundi ito ay dapat may koneksyon sa bawat isa
nang sa gayon masiguro na lahat ng mag-aaral ay makakuha ng pare-parehong ideya at
pantay pantay na kaalaman.

F. ANG LOKALISASYON AT KONTEKSTUWALISASYON

Legal na Batayan – RA 10533 (Batas 2013) Pagpapayaman sa Batayang Edukasyon

Seksyon 10.2 (d) and (h) – Panuntunan sa Implementasyon at Regulasyon ng Batas

Pambansa 10533

“Ang Kurikulum ay dapat kontekstuwalisado at globalisado;”

“Ang Kurikulum ay dapat naitutugma sa mga pangangailangan upang makayanan at

mapahintulutan ang mga paaralan na ma-lokalisado at ma-indigenize, at mapayaman [ang
kurikulum] batay sa kanilang kalagayan sa edukasyon at panlipunang mga konteksto.”

Kontekstuwalisasyon – tumutukoy sa proseso ng pag-aaral sa pamamagitan ng pag-uugnay ng

kurikulum/aralin sa partikular na tagpuan, sitwasyon o lugar ng paglalapat upang gawing
angkop, makabuluhan at kapaki-pakinabang sa mga mag-aaral.

Lokalisasyon – bilang isang digri/antas ng kontekstuwalisasyon, ang lokalisasyon ay

binibigyang kahulugan bilang: isang proseso sa pag-uugnay ng nilalaman sa lokal na
impormasyon at kagamitan mula sa komunidad ng mag-aaral.

Bakit kailangan nating gawing lokalisado at kontekstuwalisado ang kurikulum at ang

paggamit ng mga bagay sa pagkatuto?

Lokalisasyon at Kontekstuwalisasyon

•Ang kurikulum ay buhay. Ito’y nagbabago depende sa kung sino ang nagpapatupad nito, saan
at kailan ipinatutupad.

•Para sa iyo, upang ma-lokalisado at ma-kontekstuwalisado mo ang kurikulum, “Kailangan

mong isipin kung nasaan ka at maari mo nang gawing makabuluhan para sa iyo ang
kurikulum.”

•Kung gagawin nating lokalisado (ang kurikulum), sumasang-ayon tayo rito.

•Ibig sabihin, ang iba’t ibang lugar dito ng bansa ay magagamit ang iba’t ibang
materyal/bagay, gumagamit sila ng iba’t ibang kagamitan kung kaya’t naisasagawa nila ang
mga pamantayan sa kurikulum.

Lokalisasyon at Kontekstuwalisasyon

PAANO?

Ang estratehiyang REACT

PANGASINAN STATE UNIVERSITY 7

Ang kurikulum at introdukayong batay sa kontekstuwalisadong estratehiyang ng pagkatuto ay
dapat organisado upang humikayat ng limang esensyal sa pagkatuto.

Relating
Experiencing
Applying
Cooperating
Transferring

RELATING (Pag-uugnay)
Ang pagkatuto sa konteksto ng karanasan sa buhay, o pag-uugnayan, isang uri ng
kontekstuwal na pagkatuto na karaniwang umuusbong sa murang edad pa lamang ng mga mag-
aaral. Sa mga “adult learners”, ang pagbibigay ng mga makabuluhang konteksto para sa
pagkatuto ay higit na mahirap. Ang kurikulum na nagnanais maglagay sa pagkatuto sa kontesto
ng karanasan sa buhay ay humihikayat sa atensiyon ng mag-aaral sa araw-araw na karanasan,
pangyayari at kondisyon. Kailangang maiugnay ito sa araw-araw na sitwasyon at impormasyon
na dapat matutuhan at suliraning dapat malutas.

EXPERIENCING (Pagpaparanas)
Ang pagpaparanas sa pagkatuto sa konteksto ng eksplorasyon, pagtuklas, at pag-
imbento, ay ang puso ng pagkatutong kontekstuwal. Ngunit ang mga “motivated” o “tunes-in
students” ay umuusbong bilang resulta ng ibang estratehiya sa pagtuturo tulad ng video, naratibo,
o batay sa nilalaman na Gawain, nananatiling ang mga ito ay pasibong paraan ng pagkatuto. At
ang pagkatuto ay higit na magaganap kapag ang mga mag-aaral ay nahahayang makamanipula
ng mga kagamitan at gumawa ng mga aktibong pamamaraan ng pananaliksik.

APPLYING (Paglalapat)
Ang paglalapat ng mga konsepto at impormasyon sa isang kapaki-pakinabang na
konteksto, karaniwang sa proyekto ng mga mag-aaral sa isang “imagined future (possible
career)” o sa isang di-kilalang lokasyon (workplace) ay karaniwang nagaganap sa pamamagitan
ng mga teksto, video, laboratory, mga gawain, at mga pagkatutong kontekstuwal na karanasan ay
karaniwang sinusundan ng “first-hand” na mga karanasan.

COOPERATING (Pakikilahok)
Ang pakikilahok sa konteksto ng pagbabahagi, pagtugon, at pakikipagtalastasan sa ibang
mag-aaral ay pangunahing estratehiya sa pagtuturong kontekstuwal. Ang karanasan sa
pakikilahok ay hindi lamang higit na nakatutulong sa mas maraming mag-aaral na matuto sa
aralin, kundi ito rin ay nakatuon sa tunay na pokus ng pagtuturong kontekstuwal.

TRANSFERRING (Paglilipat)
Ang pagkatuto sa konteksto ng kung anong umiiral na kaalaman, o paglilipat, ay
gunmagamit at bumubuo batay sa kung anong alam na ng mag-aaral. Nalilinang ang tiwala sa
sarili ang mag-aaral na lumutas ng mga suliranin kapag nakapagbigay tayo sa mga mag-aaral ng
mga bagong karanasan sa mga alam na nila.

Ano nga ba ang papel na ginagampanan ng lokalisasyon at kontekstuwalisasyon sa

edukasyon?

PANGASINAN STATE UNIVERSITY 8

 •Ang lokalisasyon at kontekstuwalisasyon ay maaring gawin sa lahat ng asignatura.

•Sa lokalisasyon, malaki ang antas ng hangganan sa paggamit ng mga materyal na

matatagpuan sa lokalidad o lokal na pamayanan.

•Upang makontekstuwalisado, ang guro ay gagamit ng mga bagay na may buhay, awtentikong
kagamitan, totoong mga materyal, gawain, karanasan, interes o hilig, isyu, at pangangailangan
mula sa paraan ng pamumuhay ng mga mag-aaral.

•Nakakalikha ito ng pagkakataon para sa mga mag-aaral na harapin ang mga problema at
usapin at sama-samang makabuo ng estratehiya upang tugunan at solusyunan ang mga ito.

•Ang lokalisado at kontekstuwalisadong kurikulum ay nakabatay sa lokal na pangangailangan

at kapaki-pakinabang sa mga mag-aaral kung saan ito ay naayon, ibinabatay at iniaakma sa
mga aralin.

Ayon sa DepEd Order 32, s. 2015, ang pagsasanib ng localization, indigenization

tungo sa contextualization sa pagtuturo sa lahat ng asignatura ay nakakatutulong sa paglinang
ng kakayahan at kaalaman ng mga mag-aaral na mas mapahalagahan ang mga bagay na
makikita mismo sa kanilang pook na ginagalawan. Nakatutulong din ito upang mabigyan ng
kalayaan ang mga paaralan upang iangkop ang kurikulum sa lokal at iugnay ang nilalaman nito
sa proseso ng pagtuturo sa kapaligirang lokal. Mapahalagahan ang biyaya at likas na
kagandahan sa sariling pook.Ang lokalisasyon at kontekstuwalisasyon ay isang legal na
batayan.

Ayon sa Artikulo 12 Seksyon 14 taong1987, binanggit na ang isang Estado kailangang

magkaroon ng pagbabago sa larangan ng edukasyon upang malinang ang kaalaman at kalayaan
na maipakita ang kultura at talento ng bawat mag-aaral.

G. KAKAILANGANING KAKAYAHAN PARA SA IKA-21 SIGLO (The 21st Century

Skills)

1.Kakayahang umunawa ng mga impormasyon, midya ,at teknolohiya.

a.May kakayahang umunawa ng mga biswal at impormasyon.

b.May kakayahang umunawa ng mga impormasyon mula sa iba’t ibang uri ng midya.
c.May kakayahang umunawa ng mga kaalamang pang-algham, ekonomiya, teknolohiya at ng
iba’t ibang ibang kultura.
d.May kamalayang global.

2.Kakayahang matuto o umunawa at magmungkahi ng mga inobasyon o pagbabago.

a.Malikhain at nag-iisip.
b.Gumagamit ng kritikal/mapanuring pag-iisip sa paglutas ng suliranin.

3.Kakayahang makipagtalastasan

PANGASINAN STATE UNIVERSITY 9

 A.May kakayahang makipagtalastasan.

4.Kakayahang mamuhay at pumili ng angkop na kurso

a.May kakayahang maki-angkop o makibagay.

b.May kusa o may direksyon.
c.May kakayahang makisama at pahalagahan ang iba’t ibang kultura.
d.Produktibo at mapanagutan.
e.May kakayahang mamuno at tumanggap ng pananagutan.
f.May mabuting pag-uugali/gawi/pagpapahalaga.

LEARNING ACTIVITIES

GAWAIN BLG. 1

Pagbuo ng venn diagram na magpapakita sa pagkakatulad at pagkakaiba ng UBD, MI, MTB-MLE,

DI, at LK.

GAWAIN BLG. 2

Pakikilahok sa isasagawang webinar.

REFERENCES

https://www.slideshare.net/Tonieolvez24/multiple-intelligences-15447648
https://www.scribd.com/presentation/395572150/9-lokalisasyon-at-kontekstuwalisasyon-pptx
https://www.scribd.com/presentation/442716560/Lokalisasyon-at-Kontekstwalisasyon-ppt
https://www.academia.edu/29356488/Chapters_1
https://www.scribd.com/presentation/331690688/LATEST-21st-Century-Skills-Revised

PANGASINAN STATE UNIVERSITY 10