2-54

Devletlü inâyetlü merhametlü sultânım hazretleri sağ olsun bu çâkerlerinin batrikliğine dâhil kapûcu
ve tevâbi-i metropolidi Makaryos nâm kullarının yedîne itâ buyrulan berât-ı âli şurûtuna kilise ve
manastırlarına vekil olanların hesâblarını ru’yet ile azl ü nasb eyledikde ahârı müdahele eylememek
husûsu musarrah iken tahtü’l-Karamân’da vâkı’ Bal’ekesr nâm mahallde vâkı’ Kemsos kilisesine vekil
olan Ecinhaşi nâm dahi kilisâ-yı merkûmeye vekil ve mütevelli olduğu mürtek (mertek ?) hesâblarını
göstermekden ebâ ve imtinâ’ kilise fukarâsına gadr sevdâsında olduğuna binâen mesfûrı vekâletden
azl ile papas oğlu Yevama nâm zımmi vekil ta’yin itmekle merâhim-i aliyyelerinden mercûdur ki şerâiti
(şurûtu ?) derkenâr ve manzûr-ı devletleri buyruldukta zımmi mersûm kâffe hesâblarını metropolid-i
mersûm tarafından ol cânibe irsâl olunan Yenkfevros nâm râhibe göstermek yedîne evlâd-ı cem’i
sendâsi vekîl-i cedîd olan mersûm papas oğlu Yevan nâm zımmiye teslîm ile kilisâ-yı mezkûre
umûrundan kifâyet eylemek embine (?) bir kıt’a fermân-ı celîl-i alişân inâyet ve ihsân buyrulmak
bâbında emr ü fermân sâ’adetlü inâyetlü sultânım hazretlerinindir. 21 Safer 1224