KONSEPTO NG PATAKARANG PISKAL

Ang patakarang piskal ay tumutukoy sa behavior ng pamahalaan patungkol sa

paggasta at pagbubuwis ng pamahalaan. Sa madaling salita, ito ay tungkol sa
polisiya sa pagbabadyet. Ang patakarang ito ay tumutukoy sa paggamit ng
pamahalaan sa pagbubuwis at paggasta upang mabago ang galaw ng ekonomiya.

May dalawang paraan ang ginagamit ng pamahalaan sa ilalim ng patakarang

piskal upang mapangasiwaan ang paggamit ng pondo nito bilang pangangalaga sa
ekonomiya ng bansa.

01 • Expansionary Fiscal Policy - Ang expansionary fiscal policy ay isinasagawa

ng pamahalaan upang mapasigla ang matamlay na ekonomiya ng bansa.
Ipinapakita sa kondisyong ito na ang kabuuang output ay mababa ng higit sa
inaasahan dahil hindi nagagamit ang lahat ng resources. Karaniwan ding mababa
ang pangkalahatang demand ng sambahayan at walang insentibo sa mga
mamumuhunan na gumawa o magdagdag pa ng produksiyon. Magdudulot ang
ganitong sitwasyon ng mataas na kawalan ng trabaho at mababang buwis para sa
pamahalaan. Upang matugunan ang ganitong sitwasyon, ang pamahalaan ay
karaniwang nagpapatupad ng mga desisyon upang mapasigla ang matamlay na
ekonomiya. Karaniwang isinasagawa ito sa pamamagitan ng paggasta sa mga
proyektong pampamahalaan o pagpapababa ng buwis lalo sa panahong ang
pribadong sektor ay maina o may bantang hihina ang paggasta. Dahil dito, ang
mamamayan ay nagkakaroon ng maraming trabaho at mangangahulugan ng mas
malaking kita. Sa bahagi ng bahay-kalakal, lumalaki rin ang kanilang kita. Sa
pagdadagdag ng kita, nagkakaroon ng panggastos ang mamamayan at ang bahay-
kalakal na makakapagpasigla sa ekonomiya. Sa bawat gastos ng pamahalaan,
nagdudulot ito ng mas malaking kabuuang kita para sa bansa. Ganito rin ang
epektong pagbaba ng buwis. Higit na magiging malaki ang panggastos ng mga
sambahayan dahil sa nagdadagdag na kita mula sa bumabang buwis kaya asahang
tataas ang kabuuang demand sa pagkonsumo.
 02 • Contractionary Fiscal Policy - Ang parang ito naman ay ipinapatupad ng
pamahalaan kung nasa bingit ng pagtaas ang pangkalahatang presyo sa ekonomiya.
Karaniwang nagaggaanp ito kapag lubhang masigla ang ekonomiya na maaaring
magdulot ng overheated economy na mayroong mataas na pangkalahatang output
at employment. Ang ganitong kondisyong ay hihila pataas sa pangkalahatang
demand sa sambahayan at insentibo naman sa mamumuhunan na patuloy na
magdagdag ng produksiyon. Magdudulot ang sitwasyon na ito ng pagtaas sa
presyo ng mga bilihin o implasyon. Sa ganitong pagkakataon, Ang pamahalaan ay
maaaring magbawas ng mga gastusin nito upang mahila pababa ang kabuuang
demand. Inaasahang sa pagbagsak ng demand, hihina ang produksiyon dahil
mawawalan ng insentibo ang bahay-kalakal na gumawa ng maraming produkto.
Magdudulot ito ng pagbagal ng ekonomiya, liliit ang pangkalahatang kita na
pipigil sa pagtaas ng presyo ng mga bilihin at makokontrol ang implasyon. Ganito
rin ang sitwasyon na maaaring mangyari kapag nagtaas ang pamahalaan ng buwis.
Mapipilitan ang mga manggagawa na magbawas ng kanilang gastusin sa
pagkonsumo dahil bahagi ng kanilang kita ay mapupunta sa buwis na kukunin ng
pamahalaan na makaaapekto sa kabuuang demand sa pamilihan. Ito ang dalawang
paraan sa ilalim ng patakarang piskal ng pamahalaan upang maibalik sa normal na
direksiyon ang ekonomiya.

MGA TANONG
1. Ano ang patakarang piskal?
2. Ano ang expansionary fiscal policy?
3. Ano ang contractionay fiscal policy?
4. Ano ang kahalagahan ng mga patakatang piskal?
5. Ano ang mangyayari kapag ipinatupad ang expansionary fiscal
policy?