Di – Masusing Banghay Aralin sa Araling Panlipunan 7

Inihanda ni: Elvie Relano-Tiozon

I. Layunin: Nailalarawan ang mga katangian ng kapaligirang pisikal sa mga rehiyon sa Asya tulad ng
anyo at klima nito.

KBI: Pagbibigay halaga sa katangiang pisikal partikular ang mga uri ng anyong
lupa at klima ng mga rehiyon sa Asya.

II. Paksa at Nilalaman:

A.Paksa: Katangiang Pisikal ng Asya

B. Sanggunian: Modyul ng Mag-aaral sa Araling Panlipunan 7 p.19-22

K-12 Gabay Pangkurikulum Araling Panlipunan (Pangkalahatang
Layunin AP7HAS-Ia-1.1: Tiyak na Layunin AP7HAS-Ib-1.2) p.66

c. Kagamitan: Laptop, Aklat ng kasaysayan ng Asya,Manila Paper

D. Konsepto: Heograpiya ang pag-aaral sa katangiang pisikal ng lugar/bansa tulad ng
kinaroroonan,hugis,sukat,anyo at klima.
III. Pamamaraan:
A. Panimulang Gawain:
1. Dril: (3 minuto)
Ilarawan ang iyong kaklase ayon sa kanyang pisikal na katangian. Ano
ang iyong naging batayan sa paglalarawan?
2. Balik – Aral: (2 minuto)
Pakita ko …Sagutin Mo…Digital flashcards
Pagkilala ng mapa ng bawat rehiyon sa Asya.
3. Pagganyak: Paggamit ng digital flash cards tungkol sa mga uri ng anyong lupa at
Tubig.
 Anu-ano ang mga nakita ninyo sa flashcards?
B. Paglalahad ng Aralin:
Ang pagkakaroon ng napakaraming uri ng kapaligirang likas ay
kayamanan ng Asya. Mahalagang maunawaan ng bawat isa na ang kontinente ng Asya
ay biniyayaan at nagtataglay ng ibat-ibang anyong lupa ,anyong tubig at ibat-ibang uri
ng klima na lubos na nakaaapekto sa takbo ng pamumuhay ng mga Asyano.

C. Paglinang na Gawain:
Mga Gabay sa Pagpapatupad ng Gawain: Tunghayan ang pahina 19-21 at pahina 25-
27 ng inyong modyul. Basahin at unawaing mabuti ang teksto upang magampanan
ninyo ang nakalaang gawain.

1. Bumuo ng tatlong grupo. Ang unang grupo ay tatalakayin ang mga uri ng anyong
lupa ,ang ikalawang grupo ay mga anyong tubig at ang ikatlong grupo ay ang mga uri
ng klima sa Asya.
2. Isa-isang ilarawan ang mga uri ng anyong tubig/anyong lupa/klima sa Asya.
Magbigay ng mga halimbawa nito at ang lugar kung saan ito matatagpuan.
3. Ilahad ang pangkatang pahayag sa anumang uri na nais: brainstorming,round table
discussion,lecturette at tour.
 Pagpapalalim ng Kaalaman:
1. Ano ang mahalagang papel ang ginampanan ng mga anyong lupa at mga anyong
tubig at ang uri ng klima sa pamumuhay ng mga Asyano?

IV. Pagtataya: Pagsagot sa digital quiz.

V. Takdang –Aralin:
Basahin ang pahina 22-23 ng iyong modyul. Sagutin ang sumusunod na tanong. Isulat ito sa
kuwaderno.
1. Ano ang behetasyon?
2. Anu-ano ang mga uri ng behetasyon? Alamin ang bawat uri nito.