KARIKOHAN HAN KINAADMAN

By: Almed L. Adona

An edukasyon usa nga sandigan

para an kakurian in maiwasan
inen angay dapat para ha kabataan
kay hira man it madara hit ira kabubuwasan

Danay makabibido tungod hit trabahoun

pero ayaw kita kahulop ngan kasumo
pag-antos la kita tubtub umabot it panahon
kay may katalwason gihap hine nga aton kasubo

Sundun naton an hingyap ni nanay ngan tatay

kay ine nga ira sugo para tat ikakaupay
pamalandongi naton ngan hunahunaon
nga inen balyo han ira mga sakripisyo

Edukasyon gud an yabi

nga permi naton hinumdumi
usa ine nga karikohan ha kinaadman
para kita dre pagtamas-tamasan

Gamiton naton an kahibaro ngan kaaram,

ha maupay na pamaagi
para maging maupay nga susbaranan
hinen nga aton mga manghod nga kabataan

Ha aton paglalakaton dinhi ha kalibutan

an kinaadman ngan edukasyon aton masasarigan
inen usa nga di mapapas nga karikohan
ngan puydi nimo ipaangbit ha kadam-an