Formalistiko:

● Ang pelikulang "K'na, the Dreamweaver" ay isang kuwento tungkol sa isang

babaeng mula sa isang espesyal na grupo ng mga tao na tinatawag na tribong T'boli
sa Pilipina na nag ngangalang K'na. Sa simula ng pelikula, makikita natin si K'na na
lumaki sa isang espesyal na komunidad ng T'boli. Lumaki siyang mahal at
konektado sa kultura ng T'boli, tulad ng mga damit na kanilang isinusuot, musika, at
mga bagay na ginagawa nila para sa mga espesyal na okasyon. Hanggang
dumating yung oras na napamahal si K'na sa isang batang lalaki mula sa ibang tribo.
Ngunit hindi nagkakasundo ang kanilang mga pamilya, na nagpapahirap sa kanilang
pag-iibigan. Hindi alam ni K'na kung paano mahalin ang batang lalaki habang
pinapanatili din ang kanyang sariling mga tradisyon at kultura. Pinakita din sa
pelikula kung gaano kaganda ang mga lugar ng T'boli, tulad ng Lake Sebu sa South
Cotabato. Itinuro sa atin ng pelikula ang tungkol sa pag-ibig at pagpapahalaga sa
sarili nating kultura. Pinakita sa atin kung paano nakikipagsapalaran sa mundo ng
mga T'boli at kung bakit mahalagang panatilihing buhay ang kanilang mga tradisyon.

Historikal/Sosyolohikal:

● Ang pelikula ay nagbibigay ng pagkakataon na makilala ang kultura at tradisyon ng mga

T'boli, isang pangkat-etniko sa Pilipinas. Ipinapakita nito ang kanilang mga paniniwala,
ritwal, at pamamaraan ng pamumuhay. Sa pamamagitan ng paglalahad ng epikong
kwento ni K'na, nagbibigay ito ng ugnayan sa nakaraan at nagpapakita kung paano
napalaganap ang mga alamat at mga kuwento ng mga katutubong tribo sa Pilipinas. Sa
pamamagitan ng pagpapakita ng mga tradisyon at ritwal, nagbibigay ito ng
pagpapahalaga sa kahalagahan ng kultura at ang patuloy na pagpapanatili nito sa
kasalukuyan. Ang pelikula ay nagbibigay ng pagkakataon na maunawaan ang mga
suliranin at hamon na kinakaharap ng mga katutubong pangkat-etniko. Ipinalalabas nito
ang pagkakaroon ng pagkakaiba sa mga paniniwala, gawi, at tradisyon ng mga T'boli sa
lipunang Filipino. Sa pamamagitan ng kuwento ng pag-ibig nina K'na at Silaw,
nagbibigay ito ng pagkakataon na talakayin ang mga usaping kaugnay ng lipunang
patriyarkal, kasunduan sa kasal, at kahirapan. Nagpapakita rin ito ng mga hamong
kinakaharap ng mga katutubo sa modernong mundo, tulad ng pangangalaga sa kalikasan
at pagpapanatili ng kanilang kultura sa harap ng mga impluwensya ng globalisasyon at
modernisasyon. Ang "K'na, The Dreamweaver" ay hindi lamang isang pelikula kundi
isang paglalakbay sa kasaysayan at lipunan ng mga T'boli. Sa pamamagitan ng
pagpapakita ng kanilang kultura at mga isyung kinakaharap nila, naglalayon itong
magdulot ng kamalayan at pag-unawa sa mga manonood tungkol sa mga katutubong
pangkat-etniko sa Pilipinas.
 Ito ay isinilang sa South Cotabato, Mindanao, Philippines siya ay isang batang prinsesa
tungkol sa kultura nila sa paggawa ng mga paghahabi ng mga linya para maipakita ang
pagkwento nito ng sining sa T'nalak na tela para sa kagandahan ng katahimikan ng Lake
Sebu. Nakasalalay sa kanya desisyon kung ano ang kanyang pipiliin para sa kanyang
minamahal niya o sa grupong katutubo para kasunduan pati kapayapaan sa ibang grupo
dahil isa siyang dreamweaver siya ay nakakakita ng kulay ng mga abaca fibers dahil siya
ay ang pinili ng mga diyos sa kanilang katutubo. Dahil na si K'na ay nakikita niya ang
kanyang sarili na nakakulong siya sa isang hindi niyang kanais-nais na problema, dahil
kailangan niyang balansehin ang pagsasakatuparan ng kanyang pangarap sa kanyang mga
tungkulin bilang isang nayon na dreamweaver. Siya ay pinili ng mga kanyang tauhan
upang punanang posisyon sa kanilang katutubo at si K'na ay kargamento ng paghahatid
ng mga pangitain sa pamamagitan ng makukulay na hibla ng abaca.

Pangkalahatan, Ito ay nagbibigay-daan upang mas maunawaan ang kahalagahan ng

konteksto ng pagkakalikha at mga impluwensya ng lipunan na nag reresulta sa nilalaman
at mensahe ng pelikula. Ito ay nagbibigay ng kaalaman sa ugnayan ng akda sa
kasaysayan at lipunan, at kung paano ito pakikibahagi at nakakaapekto sa mga isyu at
katotohanan na bumabalot sa lipunan.

Kultural:

● Sa pelikulang K’na, The dreamweaver ay nagpapakita ng kayamanang kultura ng

pilipinas at ng natatanging perspektibo sa kultura ng mga T’boli. Ang pelikula ay
gumamit ng dayalekto ng T’boli, at ipinakita ang mga tradisyonal na kasanayan at
kaugalian ng T’boli. Isa sa mga mahalagang aspeto ng nasabing kultura ay ang
tradisyonal na telang hinahabi ng mga kababaihang T’boli na tinatawag na T’nalak. Ayon
sa pelikula, ang mga disenyo ng t’nalak ay galing sa panaginip na pinaniniwalaan nilang
galing kay Fu Dalu, ang espiritu ng abaca. Sa pelikula, si K’na ay hinahanda sa kanyang
tungkulin bilang susunod na dreamweaver ng kanilang tribo. Sa kanilang kultura
tungkulin din ng dreamweaver na magbigay kapayapaan, kaya naman pumayag siyang
pakasalan niya ang anak ng pinuno ng kalaban na tribo upang mapanatili ang kapayapaan
at union ng dalawang tribo.

Mapapanood sa pelikula ang kultural na perspektibo sa pamamagitan ng mga gawi na

ipinapakita ng mga aktor. Makikita rito ang paggamit ng mga kultural na gawi katulad ng
pagsasagawa ng pagtitipon kung saan ang bawat isa ay nakaupo sa ilalim ng buwan
habang nanonood ng dula ng kapwa nila katutubo. Makikita rin dito ang kultural na gawi
kung saan ang mga nasasawi ay dinadaan sa ilog upang pag respeto sa kaluluwa nito.
Ang pinaka prominenteng kultural na gawi na ating mapapanood ay ang importansya ng
kinagisnang paniniwala at kung paano ito ipinapasa sa mga susunod na henerasyon.
 Sa kabuuan, ang pelikulang K’ana the dreamweaver ay nagpapakita ng yaman ng kultura
dahil sa paggamit ng dayalekto at pagpapakita ng kulturang nakasanayan at ang natural
na kapaligiran at tirahan ng mga T’boli. Dagdag pa dito ay ang pelikulang ito ay
nakatulong upang mapanatili at makibahagi ang kultura sa mas nakararami. Mas naging
mahalaga pa ang pelikulang ito dahil ang mga eksena sa pelikulang ay ginawa sa Lake
Sebu, Mindanao kasama ang tunay na tribo ng T’boli.

Estestika at Pagkatao:

Yugto ng Kapitalismo Estetika

Kolonyalismo
● Naimpluwensyahan ng pelikulang ito
ang mga mamamayan ng mga
kaalaman tungkol sa kasaysayan at
kultura ng pilipinas.
Realismo
●Isinisiwalat ang isa sa pinaka
kayamanang kultura ng pilipinas,
gayundin ang ginawang paraan upang
mag wakas ang gulo sa pagitan ng
dalawang panig(South at North).

Imperyalismo
● Sa kagustuhan ng katahimikan ni
lobong ditan sa pagitan ng south at
north ipinakasal niya ang anak niyang
si K’na sa anak ng north chieftain na
si kagis.
Modernismo
● Dahil sa isang pangyayareng
panggugulo ng isang membro ng
north at sa kagustuhan maghiganti ng
ibang taga south, napagkasunduan ng
north chieftain at ni lobong ditan na
ipakasal si k’na kay kagis upang
magwakas ang gulo sa pagitan ng
dalawa.

Multinasyonalismo
● Sinasaliksik ng pelikulang "K'na the
dreaweaver" ang pagkukuwento at
mga pagkakakilanlang pangkultura,
paghamon sa mga nakapirming
pagkakakilanlan at pagtulay sa
tradisyonal at modernong mga halaga.
Postmodernismo
● Sinasaliksik ng pelikula ang mga
hamon at tunggalian na nagmumula
sa pagsasama-sama ng mga
tradisyon, paniniwala, at
pagkakakilanlan, at ang epekto sa
mga indibidwal na buhay at
komunidad.