1.) Juan Crisostomo Ibarra - Siya ang binatang anak
ng pinakamayaman na tao sa San Diego na si Don Rafael Ibarra. Siya ay nag-aral sa Europa nang pitong taon at nagtangkang ipagpatuloy ang pangarap ng kanyang ama na makapagtayo ng isang bahay-paaralan para sa kinabukasan ng mga kabataan sa kanilang bayan. Siya ang naging kasintahan ng magandang dalaga na si Maria Clara at ang pinakamatalik niyang kaibigan ay si Elias.
2.) Maria Clara – Tinaguriang pinakamagandang
bituin at nag-iisang mutya ng San Diego. Ang kanyang mga magulang ay si Kapitan Tiyago at Donya Pia Alba, na kung saan ang kasintahan naman niya ay si Crisostomo Ibarra. Siya ay may mabuting ugali at halos lahat ng mga tao roon sa kanyang bayan ay iniibig siya. 3.) Kapitan Tiyago – Isang mangangalakal na taga- Binondo. Asawa siya ni Donya Pia Alba at anak niya si Maria Clara. 4.) Donya Pia Alba Delos Santos – Siya ay isang magandang babae na napangasawa ni Kapitan Tiyago. Siya ay namatay pagkatapos niyang isilang ang isang batang babae na nangangalang Maria Clara.
5.) Tiya Isabel – Siya ang hipag ni Kapitan Tiyago.
Siya ang nag-alaga kay Maria Clara simula noong sanggol pa lamang ito dahil ang kanyang ina ay namatay.
6.) Don Rafael Ibarra – Siya ang anak ni Don
Saturnino Ibarra, siya rin ang ama ni Crisostomo Ibarra. Tinawag siyang Erehe sa kadahilanang taliwas ang kanyang ginagawa kahit siya ay nangungumpisal. Tinawag din siya bilang Pilibustero dahil minsan niyang pinatay ang taga-singil ng buwis, kung saan itinago niya rin ang mga larawan ng mga binitay na pari noon. Siya ay nakulong at namatay dahil sa pulmonya. 7.) Don Saturnino Ibarra – Siya ang ninuno o lolo ni Crisostomo Ibarra, siya rin ang ama ni Don Rafael Ibarra. Tinagurian siyang bilang maalam o matalino na tao kung saan sinasabi na naging dahilan siya sa pagkasawi ng nuno o lolo ni Elias.
8.) Don Pedro Eibarramedia – Siya ang ninuno sa
tuhod ni Crisostomo Ibarra, kung saan siya rin ang ama ni Don Saturnino Ibarra. Ayon kay Elias, siya ang naging sanhi sa pagkasira ng angkan ng kanyang lolo na dahilan upang maghirap sila.
9.) Padre Salvi – Siya ay isang kura na pumalit kay
Padre Damaso ng lumipat siya ng ibang Parokya. Siya ay may lihim na pagtingin sa magandang babae na si Maria Clara.
10.) Padre Sibyla – Isang kurang Dominikano na
lihim na sumusubaybay sa bawat kilos na ginagawa ni Crisostomo Ibarra. Siya ay naging dating guro ni Crisostomo kung saan may lihim na pagnanasa rin siya para kay Maria Clara. 11.) Padre Damaso – Isang paring Pransikano na dating kura sa San Diego. Siya ay may tinding galit at inggit sa mga Ibarra kung kaya nagpautos siya noon na hukayin ang bangkay ni Don Rafael upang ilipat ito sa libingan ng mga Intsik.
12.) Alpares – Siya ang pinuno ng Gwardyang Sibil
at siya rin ang mahigpit na kaagaw ng kura sa kapangyarihan sa San Diego. Asawa niya si Donya Consolasion, isang babae na may hindi kaakit-akit na ugali.
13.) Donya Consolasion – Asawa ni Alpares na dating
isang labandera. Mahilig siyang mag-alipusta na kung saan masama rin siya kung magsalita sa mga tao. Mataas ang tingin niya sa kanyang sarili, pilit niyang maging mukhang Kastila kung kaya nagsasalita siya gamit ang wikang Espanyol ngunit hindi naman magandang pakinggan ang mga sinasalita nito. 14.) Don Tiburcio de Espadana – Siya ay isang pilay at bungal na Kastila na nakarating sa Pilipinas dahil umaasa siyang magkaroon ng magandang kapalaran dito. Napangasawa niya si Donya Victorina ngunit hindi naging maayos at mapayapa ang kanilang pagsasama.
15.) Donya Victorina de Espadana – Siya ang asawa
ni Don Tiburcio. Dati siyang tagasilbi ngunit dahil sa lubos na pag-idolo niya sa mga kastila ay unti-unting naapektuhan ang kanyang pamumuhay. Mahilig siyang magsuot ng mga kolorete dahil sa tingin niya ay magmumukha siyang isang mestisang Espanyol rito at iba pa.
16.) Kapitan Heneral – Siya ang
pinakamakapangyarihang opisyal at kinatawan ng hari ng Espanya sa Pilipinas. Tinulungan niya si Crisostomo upang maalis ang kanyang parusa na ekskomunyon. 17.) Kapitan Basilio – Isang mayaman na kapitan sa bayan ng San Diego. Asawa siya ni Kapitana Tika kung saan ama naman siya ni Sinang. Siya ang karibal ng namayapang si Don Rafael Ibarra.
18.) Kapitana Tika – Asawa ni Kapitan Basilio na
kung saan ina naman siya ni Sinang.
19.) Mang/Kapitan Pablo - Siya ang pinuno ng mga
rebelde na hiningian ng tulong ni Elias. Katulad din ni Elias, nawala lahat kay Kapitan Pablo ang mga bagay-bagay, kabilang ang kaniyang kabuhayan at pamilya. Tumayo siya bilang ama ni Elias. 20.) Kapitana Maria – Siya ang tanging babaeng pinanigan ang ginawang pagtatanggol ni Crisostomo sa alaala ng kanyang ama matapos magsalita ng masasamang bagay si Padre Damaso kay Don Rafael Ibarra.
21.) Kapitan Valentin – Isa siya sa mga kapitan sa
San Diego. 22.) Kapitan Tinong – Siya ay malapit na kaibigan ni Kapitan Tiyago. Kaibigan rin siya ni Crisostomo Ibarra na naging dahilan upang maparusahan siya.
23.) Tinchang – Siya ang matatakutin na asawa ni
Kapitan Tinong.
24.) Sisa – Siya ang mapagmahala na ina nina
Basilio at Crispin kung saan mayroon rin siyang napakalupit at pabayang asawa na nangangalang Pedro. 25.) Pedro – Ang masama at irresponsableng asawa ni Sisa na walang ginawa kung hindi sumugal lamang.
26.) Basilio – Ang nakakatandang anak nina Sisa at
Pedro. Kuya siya ni Crispin na kung saan isa rin siyang sakristan na taga-tugtog ng kampana ng simbahan. 27.) Crispin – Ang nakakabatang anak nina Sisa at Pedro. Kapatid ni Basilio na kung saan isa rin siyang sakristan at taga-tugtog ng kampana sa simbahan sa San Diego.
28.) Alfonso Linares – Ang binata na napili ni Padre
Damaso upang mapangasawa ni Maria Clara. Siya ay malayong kamag-anak nina Don Tiburcio at inaanak ng kamag-anak ni Padre Damaso.
29,) Lucas – Siya ay kapatid ng taong madilaw na
gumawa ng kalong na magsisilbing gamit sa di- natuloy na pagpatay kay Crisostomo Ibarra. Isa siyang Indiyo na kung saan namatay rin ang kapatid niya na iyon na nagresulta ng lungkot at galit sa puso niya.
30.) Salome – Isang simpleng dalaga na naninirahan
sa isang kubong matatagpuan sa kagubatan. Siya ang babae na iniibig ni Elias. 31.) Andeng – Siya ang kinakapatid ni Maria Clara na marunong magluto.
32.) Neneng- Siya ang mahinhin at palaisip na
kaibigan ni Maria clara.
33.) Sinang – Anak ni Kapitan Basilio. Siya ang
masayahing kaibigan ni Maria Clara.
34.) Victoria – Tahimik na kaibigan ni Maria Clara,
na kung saan kasintahan niya si Albino.
35.) Iday - Magandang kaibigan ni Maria Clara na
marunong tumugtog ng alpa.
36.) Albino – Siya ay isang dating seminarista,
kasintahan niya ni Victoria. 37.) Leon – Siya ang kasintahan ni Iday na nakapansing may buwaya sa baklad na pinuntahan nila.
38.) Elias – Siya ay isang bangkero at magsasaka.
Siya ang matalik na kaibigan at tagapagligtas ni Crisostomo dahil lagi siyang tinulungan nito kapag nagkakaroon siya ng mabigat na mga problema.
39.) Nol Juan – Siya ang namamahala sa
pagpapatupad ng mga gawaing nauukol sa pagpapatayo ng paaralan ni Crisostomo.
40.) Don Filipo Lino – Isang tinyenteng mayor na
kaibigan ni Pilosopo Tasyo. Mahilig siyang magbasa ng Latin na kung saan asawa niya si Donya Teodora Vina.
41.) Donya Teodora Vina – Asawa ni Don Filipo Dino
na may malalim na pananalig sa Simbahang Katolika. 42.) Tenyente Guevarra – Ang matapat na pinuno ng Gwardyang Sibil. Siya ang sundalong nagtapat kay Crisostomo Ibarra tungkol sa nangyari sa kaniyang ama na si Don Rafael Ibarra. Siya rin ang nagsabi ng mga kinahinatnan at pinagdaanan nito pati na ng pinaglibingan ng kaniyang ama.
43.) Pilosopo Tasyo – Siya ay tinatawag na “BALIW”
o “PILOSOPO” ng mga tao dahil sa kakaibang takbo ng kaniyang pag-iisip na hindi maunawaan ng karaniwang tao. Siya ang tagapayo ng ilang marurunong at mayayamang tao sa San Diego, kabilang na si Don Rafael Ibarra.
44-45.) Bruno at Tarsilo Alasigan – Sila ang
magkapatid na nahikayat sumama sa paghihimagsikan upang maipaghiganti ang pagkamatay ng kanilang ama sa kamay ng mga Kastila. 46.) Balat – Siya ang tiyuhin ni Elias na naging tulisan.
47.) Carlicos – Ang bayaw ni Padre Damaso na
tumira sa Espanya.
48.) Don Primitivo – Siya ang pinsan ni Tinchang at
tagapayo ni Kapitan Tinong. Siya ang uri ng lalaki na mahilig mangatuwiran at palaging nagsasalita ng Latin.